燈籠滷味 (新都會廣場)

营业中

休息中

今日下班到了新都會廣場，燈籠滷味，現在不單止吃滷味了，看到餐牌仲有美味的台式人鍋，看到十分滋味，又多選擇。一人台式鍋有多款口味，酸菜白肉鍋、麻辣鴨血鍋、花雕雞鍋、麻油雞鍋、古法羊腩鍋。今晚點了一客古法羊腩鍋，羊腩鍋相當豐盛，鍋類放滿了食材，有很多件的美味羊腩、枝竹、馬蹄、冬菇、蓮藕、唐生菜，仲有一件大豆皮，豆皮脆卜卜的，而且大大件，放入鍋裏慢慢烹調，大豆皮會吸入了羊腩的香味，變得又軟熟又美味，口感好像腐竹一樣，超正。這個鍋物暖笠笠加熱着來吃，冬天啱晒。羊腩啖啖肉滋味無比。沾埋腐乳醬來食更能提鮮。這個一人鍋份量豐富，而且仲配了一碗白飯相當飽肚。套餐還跟了飲品的，點了一杯古早冬瓜茶，甜甜的帶有青青的冬瓜香氣，相當滋潤暖入心。另外還點了一些美味小吃，滷肉青菜，這天做緊推廣，$18相當抵吃，青菜上鋪滿了滷肉，滷肉用來拌菜吃十分惹味，而且我們還把這些滷肉來拌飯吃，變成了自家製的滷肉飯，超美味。青菜嫩綠，爽口新鮮抵食。啖啖肉鹽酥雞，一整籃子脆卜卜金黃色的鹽酥雞，非常惹味，仲配有山葵醬，沾上後更惹味。仲有脆卜卜份量又多的薯條。這客小食令人愛不釋手，超有地道台灣夜市感覺。狼牙棒雞棒，這個小食又是做緊推

餐牌台灣菜式款式好多，除左招牌傳統滷味之外，焢肉便當、台式拌麵、麻油雞鍋、鴨血鍋、蛋餅、珍珠奶茶等等都有環境台灣夜市招牌，加上背景播住台灣流行曲，好有台灣夜市feel✨秘傳滷雞翅膀便當午市便當好抵食，套餐包括晒前菜、湯品、滷肉飯、麻油冬粉、台南野菜同飲品，一個lunch set就好豐富秘傳滷雞翅膀用配方滷湯煮法非常入味，自家秘製滷湯用十多種材料熬成，回甘味道剛剛好✨燈籠黑糖珍珠奶茶✨狼牙炸鷄棒店員介紹呢一個係限時菜式，炸雞大大件，皮酥脆肉嫩配搭埋雪糕咁食非常邪惡又好味

餐廳位於新都會商場地下，半開放式裝修， 以霓虹燈牌凝造了台灣的味道。剛好天氣比較冷，我就選了豐盛一人鍋。我選了麻油雞鍋 ，內有原隻雞腿、凍豆腐、玉米荀、木耳、金菇、大豆皮、時令生菜。（醬汁可以找職員取喔～）這些配料增加了口感的多樣性。雞腿肉質鮮嫩，吃起來有滿滿的雞香味。凍豆腐把雞湯都吸進去了。大豆皮脆身！冬天吃上一個一人火鍋，很是暖胃！我另外叫了一份蔥抓蛋餅卷，有火腿，玉米和起司的餡。蛋餅的外層金黃酥脆，芝士能拉起來！鹽酥雞即炸都非常香口～整體來講，在葵芳能坐下來享受一下台式的小吃還是不錯的！ 

燈籠滷味的店面充滿台式夜市的風格座位甚多，環境熱鬧餐點充滿台式風味，相當吸引❤️🐔🥘滋補麻油雞鍋 $108滋補清湯為寒冷冬日帶來暖意上菜後可以等待10至15分鐘才食用，令雞味和雞油慘入湯中味道恰好清甜，飲落帶點薑味，有別於其他濃湯一人鍋🍗原隻雞腿置於煲中，雞肉嫩滑，肉量十足配料有金菇、雲耳、時令蔬菜🍄其中凍豆腐浸入熱湯，內冷外熱、吸收湯汁十分滋味🤤🥩鐵路熱炸大排骨 配QQ刀削麵 $81形炸大排骨，表面酥脆，內裡熱辣🔥入口滿滿排骨酥香，亦不會太油膩🍜 QQ刀削麵沾滿香菇滷肉醬，味道香濃，口感Q彈食落帶有點點麻油香味🌯奶油芋泥肉鬆蛋餅 $62芋泥口感綿密、肉鬆入口鬆軟味道咸甜交融，口感豐滿🥰

📍燈籠滷味 葵芳新都會廣場📍同朋友去開葵芳行街，突然好想食台灣嘢，見到呢一間燈籠滷味，好有台式嘅感覺，於是就入去食飯。叫咗一個二人餐，有兩個主食、一個小食、兩杯飲品，非常豐富。💙滷味台灣至尊好豐富嘅滷味拼盤，分別有雞翼、黑輪條、凍豆腐、鵪鶉蛋、大豆皮、通心菜，再配自選麵。今次揀咗冬粉，吸晒啲滷水汁，非常入味。💙豬軟骨甜蔥香醬油，配彈牙刀削麵豬軟骨煮得好腍，入味，近乎入口即溶。配上蛋牙刀削麵，台灣風味十足，好味道。💙小食：涼拌滕椒魚皮醋香木耳魚皮同埋木耳都係爽口嘅食物，配上滕椒和醋，係微辣開胃的小食。💙蜂蜜荔枝紅茶💙茉香奶綠開心同朋友嚟呢度食飯，性價比都幾高，好豐富，服務態度都唔錯。

新都會加埋葵涌廣場，食肆多到令人眼花撩亂，必然誘發選擇困難症，這店因為就近戲院，又有位，就試試吧。菜牌也是令人心花怒放，最吸引還是小火煱，鴨血是無可置疑最吸引，等了不久，便送來未煲熱蓋着的小鍋，店不算大，但也不致於擠迫，所以我太明白為什麼會怕小煱會造成危險。打開蓋，是眼前一亮，金菇紹菜冬菇豆腐鴨血魚卷蘿蔔粉絲辣椒堆得滿滿，其實對細食者來說，绝對是二人份。火一點也弱，一會兒已大滾，火猛得令湯汁翻出煱外，卜卜聲，金菇在熱煱裡的煙跳動，煙又在各種食物縫隙之間竄動，好不熱鬧，本來不太餓的我也變得胃口大閞，熱辣辣，濃濃的湯汁伴比着較清淡的食物，非常滋味，我竟可以吃到半碗飯。滾滾滾，好一段時間後，湯汁更濃，今時不同往日的我，這辣度對我來說已開始有點過火，油也已是我的極限，我問店員取了一杯熱水放進煱中，又變得很滋味。當最後祇吃剩辣椒和湯汁，我放進那塊方方正正、新鮮香脆的腐皮，看着它浮在煙和湯汁上，慢慢吸滿湯汁沉進鍋底，由方正變成一束，放進口中那熱那辣那香，是充滿儀式感的韻味悠長。

今日朋友到葵芳食飯，去到餐廳不需要等位就可以入座 。我們叫了滷味「台灣至尊」-雞翅膀、黑輪條、凍豆腐、烏蛋、大豆皮、空心菜（通菜）配冬粉和玉米豬肉蒜香醬油手工餃子、蜂蜜荔枝紅茶和養生花雕雞鍋 。首先，滷味「台灣至尊」的組合令人驚喜，雞翅膀的肉質鮮嫩，滷汁的香氣渾然天成，帶有淡淡的八角香味，讓人一口接一口。黑輪條的口感彈牙，凍豆腐吸附了滷汁的精華，讓每一口都充滿風味。特別是烏蛋，外皮光滑，內裡的蛋黃綿密，搭配大豆皮和空心菜，讓整道菜品的層次感更加豐富。接著，玉米豬肉蒜香醬油手工餃子更是讓我驚艷，餃子皮薄而不破，內餡的豬肉與玉米的甜味交融，蒜香味撲鼻而來，令人垂涎。搭配的蜂蜜荔枝紅茶，清新解膩，讓人倍感舒爽。最後，養生花雕雞鍋的湯底清澈，雞肉經過低溫慢煮，肉質滑嫩，湯頭鮮美，帶有淡淡的花雕酒香。整體而言，味道不錯，價格相宜 。

好難食...啲野食有陣雪櫃味。叫咗2個細邊爐。酸菜豬肉同滷水，2個都唔好食，啲豬肉痴埋一舊嘢咁，邊爐入面啲配菜都唔好食。而且嗰白飯又硬又凍。唔建議🙏🙏🙏🙏

講到呢間燈籠滷味地道台灣菜，而家仲出咗一人火鍋套餐，以不同台式風味鍋底做主膽☺️豐盛一人鍋 $98麻辣鴨血鍋：有台灣直送，夜市風味嘅鴨血、甜不辣、麻吉燒、百頁豆腐、白蘿蔔、大豆皮、冬粉等，跟送一杯嘢飲。湯底味道正宗帶有藥材香，辣度介乎小辣至中辣🙂‍↕️一人成團餐 $118叫咗招牌滷味「台灣至尊」、雞翅膀、豆腐、鳥蛋、大豆皮、空心菜配冬粉，份量超巨！味道香濃豐富，索晒汁嘅豆皮豆腐同冬粉真係令人回味無窮🤤小食都唔錯，有我最喜愛嘅黃金甜不辣拼起司麻薯，酥脆煙韌嘅口感令我諗超喺台灣行夜市嘅感覺😳

最近天氣凍左，想走去食吓打邊爐，見到呢度一人一煲好似幾吸引，叫咗個養生花雕雞煲 開始，個煲未到其實未熱晒，仲要等多10幾分鐘先至滾 ,趕時間真係唔推薦！所謂花雕雞湯勁淡冇味，雞肉冇味唔新鮮 ,佢哋唔會同你加湯，淨係會同你加水加完水之後個湯仲淡好似烚滾水咁，都算！仲未食完侍應就趕住要熄火，好似好趕住趕你走咁樣，但係其實又冇人等 冬瓜茶一陣化學味俾得呢個價錢應該有好啲嘅選擇，好少對台灣嘢失望，呢間真係徹底失望呀！

同意之前食評提及傳菜員，唔明點解要在兩枱中間窄窄的上菜，又熱又滾的鍋，真的替佢擔心，為了慳兩步，便可以在濶點的空間上菜不是好些嗎？之前食過德福的午餐，服務及環境好很多。1. 滋補麻油雞鍋 + 凍蜂蜜綠茶 $121👎🏻麻油雞一點麻油味都冇。2. 一人成團 豬軟骨便當 + 凍冬瓜茶 $118選配媽媽的蒜香醬油手工餃子。便當及餃子都可以。3. 鎮店八寶麵 $97選了台灣王子麵，我最鍾意蜂巢牛肚。呢間分店又焗、又迫、又催埋單、又亂⋯⋯⋯～可能人手唔夠卦，眼見 假日晚市樓面兩人，帶位一個，所以咁忙咁亂～可能地面層 又半開放式設計，所以咁熱～可能舖位唔大，所以枱要擺到貼貼的在寒冷的冬天都令我們4人好熱。本身想叫埋台式甜品才埋單，但真係好熱及侷促。。。

今日放假同女朋友出街食野叫咗個花雕醉雞鍋啲啲湯底冇味啲飯又唔熟 好似食緊生米咁 打邊爐又冇豉油啲雞又唔滑收咁貴仲要咁難食 我都未食完個職員就話幫我熄火好似趕住收工咁但係其實仲未收工 跟住攞個冚嚟幫我熄火，一直聞到陣臭味 跟住我自己再睇係未熄 成陣燶味對住我嗰邊吹真心推薦大家唔好食呢間嘢 完全係勁伏 啲雞又冇味 所有嘢都係冇味 跟住揮手叫職員啲職員又唔理 其實我真係未試過喺OpenRice寫食評 但係真心今次真係嬲到我第一時間想上OpenRice寫食評 貴得黎又唔好食

葵芳新都會廣場真係美食處處, 想食台灣菜就有燈籠滷味, 近來推出了豐盛一人鍋, 天氣涼涼地, 啱曬口胃。師大燈籠滷味鍋原鍋上真加熱, 香氣四溢嘅滷水燻蹄、牛肚、豬大腸, 還有蘿蔔、豆腐、寬粉、金菇菜和旺菜, 加上脆香腐皮, 熱辣辣好惹味。夜市香酥雞扒滷肉飯雞扒好大塊, 肉質酥脆嫩滑有嚼口, 滷肉煮得好綿滑, 撈飯好合適, 加上酸蘿蔔, 口感豐富。優惠加配了3款皇牌小吃台式香蒜腸好香脆, 甜甜地帶有蒜香。奶油芋泥、肉鬆、起司蔥抓蛋餅 甜甜奶油芋泥, 加上鹹香肉鬆, 多層次口感。甘梅香脆地瓜條炸得好香脆, 香甜有嚼口。經典蜂蜜綠茶和台味奶茶熱飲, 清甜潤喉。

數數手指 #小秘書 起碼都有六七年冇去過 #台灣 😅 好掛住台北嘅風景、 好掛住當地嘅美食🤤 不過自從 #過江龍 兼有「北市第一加熱滷味」之稱嘅「燈籠滷味」嚟咗香港開分店，我就隨時隨地可以品嚐到最正宗嘅 #台式滷味，仲有各種 #台式小食 及 #飲品 喇🍻葵芳店嘅設計以 #台灣夜市 為主題，以霓虹光管砌成嘅招牌牆壁，好有懷舊台式風味🍻 為迎接冬天嘅來臨，店員同我講餐廳最近喺餐牌上加咗款「豐盛一人鍋」，除咗有 #招牌滷味 之外，仲可以揀 #麻辣鴨血，或者 #阿嬤古法羊腩 做鍋底🤤 見隔籬枱食緊嗰份火鍋造型咁特別，一於試吓佢😊呢日我哋就點咗個 #師大燈籠滷味鍋 做主食，再加咗啲 #台式小食，實行吃過飽🤤🤤🔥 豐盛一人鍋「師大燈籠滷味鍋」主打食材當然係佢哋嘅 #滷味食物，裡面包括蜂巢牛肚、大腸、蹄膀，樣樣都滷得非常入味🤤 尤其係牛肚嘅口感同味道都相當出色，入口腍滑充滿滷水汁嘅香氣🤤 配料方面仲有甜白蘿蔔、娃娃菜、大豆皮、台式粉絲，都係一啲用嚟放湯同索汁嘅食物，配埋碗 #白飯 一齊人口，簡直係絕配🤤 跟餐仲會有杯 #冬瓜茶 幫手解膩，老闆真係相當細心🙏🏼另外我哋叫咗 #狼牙炸雞棒、#香脆酥炸牡蠣

入葵芳廣場行完街當然要去搵野食啦😋見到（燈籠滷味）台式餐廳原本諗住睇吓有冇肉燥飯點知俾個羊腩煲吸引咗😍呢啲咁凍嘅天氣梗係要整返個羊腩煲🤤因為其實唔係個個人都會食羊有時要約人食真係好難見到有一人一鍋既羊腩煲啲肉唔係好蘇 肉汁鮮嫩配上支竹朋友叫左個燈籠滷味鍋 入面最驚喜係有粉絲，冬菇，豬腸，豬肚另外再叫多一份肉鹽酥雞配山葵醬炸薯條鹽酥雞真係同台灣食一樣味道👅唔會好硬肉質鮮甜羊腩煲價錢$128燈籠滷味鍋$98鹽酥雞配山葵醬炸薯條$58最後叫咗2杯飲品熱古早冬瓜茶🧋蜂蜜綠茶🥤🥤2人埋單$314