燉 (協成行灣仔中心) (已結業)

試咗天麻川芎白芷燉魚頭湯，燉湯夠熱，湯料好足，未打開蓋就聞到好重嘅藥材味，味道好好。燉湯裡面啲紅棗都去咗核，避免燥熱，很細心。至於蒸飯就試咗蟲草花蒸雞飯，一般蒸飯水準。一份燉湯加一份蒸飯作為午餐嘅分量剛剛好。

行行重行行，由銅鑼灣沿軒尼詩道漫步，散一散午餐飯氣！！呵呵😊新店😋给睛入內看看🙄🙄店名 燉 。细看餐牌介绍 : 供應不含味精、雞粉的滋補燉湯🥣燉湯種類繁多🥣🥣主要都是寧神潤肺、滋陰養肝、健脾養胃。除了燉湯，還有蒸飯、客飯、蒸魚供應。嘩！！给睛的來了，燉甜品🤩😍有滋補的桂圓紅棗杞子燉花膠、清潤的紅棗百合桂圓燉雪耳、養顏的鮮奶燉花膠。來來！來一個燉品下午茶☺揭盅喇！！登登🤗我選了鮮奶燉花膠。熱度十足🙀燉品應是原盅製作。一隻有半隻筷子長度的花膠件， 淋滑、膠質豐富而沒有魚的腥味。牛奶香濃不太甜膩。口裡、心裡都是享受😋good 🤭 good 😽好一個勝心滿意的下午茶。擇日來試飯類及燉湯。

繁忙鬧市裡一間好健康既燉飯專門店.叫左個松茸滑雞蒸飯配蘋果雪梨燉瘦肉,再加個燉蛋.好足料.好健康.完全岩曬壓力大既人士或想身體好既朋友去食.間中去補下身都係一個唔錯既選擇.由其是女人.一定要補...le個配搭食法就剛剛好了

無味精健康新鮮燉湯今日係灣仔行街, 見到一間叫”燉”的食肆。見到個舖名就知道呢度係主打燉湯的健康食肆。店舖入面好寬敞，可以坐得舒舒服服甘食飯本來打算食蒸飯，加個燉湯，可以平$8，但已經賣曬。店員姐姐話蒸飯同燉湯係每日賣完即止。燉湯新鮮燉制，一日燉兩次～係真材實料製作！於是我叫左猴頭菇響螺片瘦肉燉湯同店員姐姐推介的梅菜扣肉飯。猴頭菇響螺片瘦肉燉湯，湯盅超夠熱，一打開蓋就聞到香味，入面好足料，湯好清淡，滿滿都係燉料的味道，而湯色好清，證明真係靚燉湯！而扣肉燜到超淋！梅菜同個汁甜甜地，一Ｄ都唔鹹，好岩撈飯！飯量都唔少，食完再飲埋個湯同食完Ｄ料，飽到爆肚！好滿足呀～

足料燉湯北角英皇道177-191A號利都樓地下D號舖 湯飲得多, 人都健康都靚D, 燉湯因隔水燉. 唔怕因水份蒸發令營養都流失架!天氣乾乾地, 去買了 澳洲野生黑邊鮑魚燉雞 $78, 一人一壺岩曬, 內面真係大大隻黑邊鮑魚呀, 好咬口! 仲有雞個湯唔會油膩, 飲完個身都發熱了, 唔怕冷又好飲! 仲有勁多款湯, 飲完食埋湯料, 有肉有黑邊鮑魚,都飽到唔洗食其他野了, 怕肥一壺做晚餐又低卡易消化有湯仲有飯架,蒸飯30蚊左右好抵食添,唔飲湯都可以食

食lunch每日搵啲新意思，先可以叉足電番公司做野。今日見到呢間新開既燉湯餐廳，貌似健康，而且幾好生意，就黎食番個lunch。呢度選擇幾多，本來打算食蒸飯，去到櫃枱比錢時竟然無曬，得番煲仔飯，阿姐話煲仔飯大個啲，飽肚啲。本來打算食蟲草花蒸滑雞，但已經賣曬，唯有食蟲草花肉餅煲仔飯（$39）。個煲仔飯份量大概一碗飯左右，上面個肉餅已經有少少鹹味，所以我都無落豉油都幾夠味。本身肉餅蒸出黎既油都啱撈飯。呢度主打湯，當然叫埋個湯，叫左猴頭菇螺片燉瘦肉（$48，叫左客飯所以減$8）。呢度啲湯完全唔落味精唔落鹽，枱 面有細細包鹽可以自己按口味落。值得一讚呢度啲湯真係熱辣辣咁上。入面幾多湯渣，食埋就夠曬飽肚。

灣仔開左間新店經過就去左試下，原來係明星楊明開既，就以為明星開既店cp值都唔高點知好驚喜😍😍叫咗兩個湯，分別係無花果蟲草花燉雞同埋猴頭菇螺片燉瘦肉，兩個湯都好清甜，啱晒健康人士飲。佢仲要冇乜油，所以連飛油都唔使。飲得出係真材實料，絕對冇味精。但係如果重口味嘅人士佢哋好貼心，有提供鹽包，比大家額外落落啲湯度。👍🏻👍🏻而係買嘢食嗰陣，啲店員會推介你飲啲咩湯咁大家可以參考下。而場內嘅環境好寬躺好舒服，有啲位仲可以叉電添。洛神花茶飲得出係好健康自己煲，買返嚟嗰啲唔同。個飯都幾好味，原本嘅味道都夠但係落咗甜豉油會更加好味。

今日放lunch約咗朋友 一齊食，佢話公司附近開咗間燉湯店，系食lunch新選擇。呢度位置幾方便，喺電車路好容易搵到。聽講餐廳係新開張，所以環境唔錯，坐位多，空間感足夠，坐得舒服。價錢亦算大眾化，魚肚滑雞蒸飯先29蚊，配埋個湯可以平八元。我揀咗蘋果雪梨雪耳燉豬肉，因為天氣乾燥，皮膚都好好乾，有時仲流鼻血，所以就嗌個湯潤一潤。朋友就叫咗猴頭菇螺片燉瘦肉，大家一齊分享試下味。我個湯幾清甜，濃郁蘋果味同雪梨味，仲有好多雪耳我都食埋，配飯食好夠飽，喺附近上班一族嘅健康選擇.

之前試過餐廳在北角的分店，感覺不俗，可以話係平靚正。今次嚟到灣仔做嘢，順便約朋友食個健康午餐，朋友第一次食都覺得唔錯。我哋十二點到，剛剛開門不久，已經好多客，多是附近的上班一族，晏少少仲大排長龍添。我哋每人揀咗一款湯配一個蒸飯，69蚊就有一套。我選擇的係猴頭菇無花果螺片燉瘦肉，以燉盅上，原汁原味。湯裡有好多材料，味道濃香。至於個魚肚滑雞飯，滑雞唔會過老，真係做到幾滑。有飯有湯，食完都非常飽。呢度環境仲比起之前去過嘅北角分店寬敞，裝修明亮。

秋意漸濃，養生要及時。養生之道在乎湯水。尤其燉湯好補身。與同事們午餐時段去了一間燉湯專門店，湯，蒸飯，客飯的種類選擇多，有點眼花撩亂。最終點了蘿蔔炆牛筋牛腩飯，份量頗多。蘿蔔夠入味，牛筋有嚼口，牛腩就炆得非常軟腍，肉味香濃。配飯一流。原個椰皇燉雞湯是店員大力推薦，熱呼呼的，打開椰皇蓋，飄來的是香氣。湯底清徹可見，沒有多餘油份，材料充足，入口清甜，椰香滿腔，真係無得輸。飲完整個身體感覺到暖和，滋潤。

養身@燉網址: 地址: 灣仔軒尼詩道303號協成行灣仔中心地下B號舖電話: 28864882呢間好近公司架, 平日都唔會有機會飲湯水, 中女的補下平時都係MTR 買即食湯, 不過無湯料都要成$56包!好多款湯外, 可以試下, 仲有中式蒸飯, LUNCH 如果湯加飯一起點仲平$8我只了個$48 侯頭菇螺片燉瘦肉, 個湯有螺片一定鮮甜架, 而且仲有豬肉食到, 其實營養都在湯渣中, 我好鐘食埋湯渣的。$33 姬松茸滑雞飯, 雞塊好滑, 蒸唔額外加油又健康D, 淋上豉油, 湯同飯都熱辣辣, 食完有力氣再工作!!!湯真係女生恩物呀, 秋冬飲暖身補水, 皮膚都好D靚D

集成對面新開的燉湯店，滿懷期待，中式湯品款式眾多，價錢有貴有平， lunch買一個蔬飯再加一款湯品有$8折扣優惠，不過就算有優惠加埋食一個lunch都要成舊水...😨😨😨😨😨隨意點了一個最平嘅猴頭菇螺片燉瘦肉，打開的確都非常足料，但味道十分淡，好似飲水一樣冇乜味，雖然標榜絕無味精，但飲完都係好口喝🤦🏽‍♀️🤦🏽‍♀️🤦🏽‍♀️🤦🏽‍♀️仲有三款中式甜品，價錢對比普通甜品店來講偏貴，份量唔多，同樣冇乜味，好似齋飲糖水咁 😒😒😒😒 灣仔仲有好多燉湯店，難怪平日經過都冇乜人嚟食就知點解啦🙅🏽‍♀️🙅🏽‍♀️❌

前去開長沙灣個間，見灣仔新開張，咁岩冇帶飯去試試。點了瑞士雞脾和猴頭菰螺片燉瘦肉，雞脾還好，不夠入味和香甜，燉湯算足料和夠味，始終燉湯是偏淡，不能期望如老火湯般濃味。螺味不太出，猴頭菰量適中，可當餸吃。灣仔店比長沙灣店大很多，坐得比較舒適，lunch時間也算易揾位。愛喝湯的不容錯過。

雖然冇MSF, 但湯冇乜味，都幾淡最慘係啲豬手好多毛--------------本人好喜歡飲湯，尤其是有藥材嘅湯最近新聞話楊明間野又開分店所以諗住去試下叫咗3個湯：1. 魚頭湯2. 猴頭菇雞湯3. 花膠雞湯再叫咗個南乳豬手飯好失望呀！！！湯個價錢都唔平架，食咗$300應該唔會有下次

主打燉湯。雖然飯類份量比較適合女仕，但加埋燉湯就啱啱好。燉湯原味，但記得要自己加鹽。個人推介：紅酒燴雞球客飯、冬瓜花菇瘦肉湯、蒸沙巴躉。當然還有甜品類，也很出色。