燒味工房(小廚) (已結業)

2017年3月。在（燒味工房）買過燒鸭、义燒。燒鸭肉質極 “梅”，好像猪肝的“粉淋”質感。义燒同樣也是很“梅”，雪藏味重！后來到店反應意見，但最后被女老闆（她不承認自己是老闆）反搏一番！以後絕不幫襯！！

是日中午,和爸爸到油麻地的燒味工房午餐.爸爸最愛這家店子的叉燒,筆者試過多次後,也表示甚為欣賞,所以希望推介給大家.燒味工房位於油麻地上海街一帶,鄰近油麻地地鐵站,交通方便.餐廳自設工場烹製燒味,尤其以叉燒和乳豬著名.星期一至日,燒味工房也供應7款午餐,除了燒味飯/粉是固定外,每天款式也是不同的.是日爸爸點了一碗日式滑蛋吉列豬扒帶子丼($43),份量非常充足!以日本醬油和黑椒汁調製的醬汁香濃, 豬扒和帶子也炸得鬆脆,筆者試了一點也覺得非常不錯, 不過略為飽滯.推薦指數: 4/5筆者點了叉燒瀨粉--$43 (不想吃飯,因為是日胃口不算太佳), 瀨粉烚得爽彈,帶點豬骨湯底味道的瀨粉就這樣吃,已經十分好味了!即使今天的叉燒以瘦肉部份偏多,也不會乾韌如柴,而是帶蜜甜的汁,十分味美! 從不試過在這裡吃到不好味的叉燒呢!  推薦指數: 5/5而餐茶:熱奶茶更是沖泡得熱辣香濃,自問是奶茶腔的筆者認為這是高水準的香滑奶茶, 普通茶記無叉媲美的出品.推薦指數: 5/5而且餐廳價廉物美,重點味道好,也可以外賣一點叉燒回家(筆者有時也會買點叉燒回家炒蛋), 絕對值得大家來試試!

上星四大約2140入到去，店員其實幾好禮貌嘅，點咗一個二人套餐 價值$188，套餐包括例湯兩碗 燒味雙拼例牌 一個小菜 我哋揀個雜菜粉絲煲，張單顯示係2146入單，先嚟例湯後白飯然後燒味，燒味份量略嫌份量偏少，基本上係一碟普通雙拼飯多一兩舊咁上下，然後旁邊有兩個新坐低嘅客人，我見等咗都20分鐘 雜菜煲仲未到就催一催佢，對方解釋爐頭得一個，其實都合理嘅#如果隔離果兩個新坐低嘅客人唔係已經食緊嘅話 ！建議下次店員可以用創新啲嘅藉口回應客人追單問題。總結:呢間嘢無下次

因為做嘢而路過！午飯時間、我叫左又拼飯、原本唔打算寫食評、就無開頭電話食先、因為賣相就0k、但食左一半就覺得無咩特別,燒肉皮硬過石頭、叉燒淋過豆腐、！有啲失望有持改革！

今日公司因為要外勤,所以要出街食飯酒麻地唔多熟,最後行到一家燒味鋪下午都幾多人食野叫左個燒鵝瀨粉燒鵝好香,D皮好脆食起黎D肉都幾夠味,又多汁不過瀨粉就麻麻地,唔多滑口,而且份量好小食完唔多夠飽

午飯特來試試這燒味專門店門外看到掛出來的燒鴨不算很突出，叉燒賣相也不錯小店關係，店內坐位比較迫，一坐下就叫了個肥叉鴨飯，雙併48蚊連熱飲看見別枱的凍飲杯同一般茶餐廳不同，很欣賞這點肥叉鴨飯一到，賣相還可以先試叉燒，肉質算鬆軟，有點肥膏位但完全沒有香口的感覺，雖有焦位但也沒有應有先焦香味，蜜味一般燒鴨肉質算諗，皮不脆也不香口，燒鴨當然要用酸梅醬而店方用的偏甜整體來說質素OK,但性價比來說雙併48，單併42就偏貴了

點先算係一個好既叉燒飯？叉燒絕對吾錯，一入去坐低就見到師傅拎一盤叉燒出黎(呢個就係揀叉燒飯既原因)望落好新鮮~一試之下肉質軟綿，半肥瘦既口感岩岩好白飯口感軟棉，煮得岩岩好$42蚊連凍飲，係呢條街吾算平，不過呢個質數都值(凍檸茶正正常常....無咩特別)座位就..一張4人既位置，絕對一個又一個陪你坐.... ----中午時段非常多人，最好揀3：00後才安全不用排隊@@"(2:00到達，等了一會才有位，入便爆場之外，出面一樣很多人等外賣。)

呢間食店同區黎講味道算不錯，早餐食炸雞翼豬扒等都係不錯的選擇。但佢的高消費在於時間，外賣飯盒兩個企係門口等左二十分鐘，追問收銀叫等等。再過十分鐘再追，答話無漏單，得一隻鍋，外賣唔會出先，要同堂食的一齊排住出，係要咁耐。最後總共等左五十分鐘先有。五十分鐘第二間堂食食完埋單返埋屋企都仲得啦。  希望此店能盡力改善，並唔係抱住｢等得你就等啦｣的心態去做生意！！

店名令人有無限想像, 可能老闆都唔知"工房"其實係日本語, 未入去前, 期望已經升高了不少. 本來打算搵間四正茶餐廳食碟炒牛肉飯, 但路經, 見這間話自己係燒味專家, 即刻使我肅然起敬..... 忽然…忽然…好想食义燒呀…哈哈..叉燒燒鵝飯, 上檯時的模樣, 賣相可以吧, 份量適中, 叉燒有光澤, 但燒鵝部份缺皮, 加一條青青菜心.戰戰兢兢的心情挾開那叉燒…, 咽….果然係好嘢播, 唔知係未我好彩? 又或者真係質素穩定的店? 半肥瘦(大約三肥七瘦), 加些少燶的邊位, 入口略為甜(非常合我心水, 唔知啱唔啱大家口味?), 咬落半軟半硬, 好耐無食過咁正既叉燒.然而, 燒鵝就不及叉燒那麼出眾了, 但都不算差, 屬鵝脾部位. 至於係左定右脾? 則無研究, 據聞鵝左脾活動較多, 肉質較佳, 加上鵝在如廁時, 會提高左脾, 右脾會沾到鵝尿, 味道會有押味 (咁好笑既說明, 當然唔係我發明, 係網上搵到, 如有興趣自己可以再搵搵, 相信再荒謬既說法都可能有….哈哈). 燒鵝皮沒有了一半, 食落的口味風味當然減半. 但肉質仍算軟熟, 至於有無押味??? 燒到咁…哈哈…咖啡，未加糖，先一口，十分微微

工作忙了半個多月, 終於有時間講講這感受. 在油麻地工作十多年了, 每日中午都是以外賣為主, 那天忙了一個上午, 到三点幾才有時間出外賣飯, 見這店位置以前是强記, 現在變了燒味工房, 剛開業不久, 門面幾乾淨企理, 就試試吧! 要一個叉燒燒鵝飯, 應該是老板娘的收銀說: 53 元! 嘩!完全是無跟例湯或飲品的. Ok, 可能是好過太興的質素吧, 帶住疲倦的身軀拎住盒飯, 急趕返公司, 諗住速速食完再開工. 飯盒打開, 實在是令人驚嘆, 一行全肥糕的燒鵝擺在眼前(應該是鵝的前腹下部近尾處, 平時師傅會掉的部份), 100%沒有一塊可以吃的, 真的令人火冒三丈, 食了幾十年燒臘飯, 真是從未試過這經典例子, 平時再差的也有一兩塊可以吃的, 點差都未至這般無良的地步, 礙于工作緊迫, 唯有用那幾塊叉燒草草了事. 打工仔, 工作辛勞後, 看到一盒這樣的盒飯, 能不唏噓! 

放學後，心血來潮想吃個燒味飯，朋友聽到也有興趣一起去吃，於是想起了上次吃午飯的燒味工房，二話不說就走去油麻地過一下口癮。以燒味餐廳來說，這裡的環境都比較寬敞整潔，凳子都坐得比較舒服，晚上沒有午飯時間那般嘈吵，只是冷氣有點太冷。叉燒油雞飯（$40）主要是嘗試一下這裡的叉燒還有油雞（其實是因為燒肉售罄才選擇油雞）這裡的叉燒肉質不錯，唯肉味與蜜汁的味道偏淡。今次吃到的叉燒與上次相比，咬下去肉質仍舊，但明顯地色澤淡了和比較乾身。相信中午時候來，叉燒會新鮮一點。油雞入口鮮嫩爽滑，敗筆是忘記叫”走翼”，只有一兩件啖啖肉，其他的都是皮包骨！令到叉燒和雞肉的比例不均一，雞肉變成了配菜。菜心比較乾身，但是咬下去都是爽脆，沒有過硬或過軟。我自己很喜歡蔥油撈飯，蔥油的鹹度可以稍微降低一些，不過加上軟綿綿的飯，整體上叉燒油雞飯都是好吃的。鮮茄牛肉飯（$38）鮮茄牛肉飯，新鮮的蕃茄咬下去，酸甜度剛好，但可以再多些蕃茄，配上牛肉也是不錯的配搭。不過蔥和醬汁就比較多，可以改善一下。餐飲凍檸檬茶（跟飯+$8）普通的茶餐廳通常都會給三塊檸檬，而這裡會給你四塊，可能是因為它下的糖水比較多，所以再加上一塊給你中和一下。以一