燒扒屋

营业中

休息中

根據表面證供，笑面同喊面既比率，會有點令人卻步，不過咁，其實我唔信呢加野，想食就想食囉。環境:普通餐廳。 食物:司華力腸雞扒沙律+飲品+湯and包，4X都平，好多沙律，薯仔沙律黎，沒差，司華力腸正常野，雞扒2小件，不果不失之作。

長途跋涉專程落大埔食早餐，11點半紅橋排長龍、新昌運排長龍、美新轉左名又未開，路過燒扒屋見有位是鬼但照食！本來想鴛鴦扒雞豬，不過發現另類野喎。安格斯就食得多，紐西蘭肉眼試試先。肥姐話咁早未有湯？11點半喇喎！我要 5 成熟，肥姐話無得揀幾成熟。突然背脊一寒，心裡感到大鑊喇，應該中伏喇！一分鐘凍齋啡走甜到、三分鐘意粉到，額頭即時滴汗，心頭酸溜溜，點解要咁對我呢！早知搏一搏，試劣評如潮既加拿大和牛好過啦！凍齋啡廿四味既味道，無咖啡香，救命！紐西蘭肉眼扒配黑椒汁跟意粉，黑椒汁無味既？出自邊位師傅架？只得黑椒味，無清湯無牛油無蒜蓉，淺而無味、毫無香味！意粉質地還可以，不過咩牌子黎架？無意粉無蛋香味？白烚意粉，鹽都無落，滾水味意粉極度難食！意粉頂到約一半，太難食，已盡力。紐西蘭肉眼？係咪真架？乾硬鞋咸韌再翻熱，太過份！太肚餓，格硬吞左塊牛，比快餐店茶記更差，低處未算低。

一個人中秋假期入到大埔，見到門口餐牌寫住「炭燒加拿大和牛」，65大元。呢個價錢唔係旺區午餐係中上價，但非常失望。侍應服務唔錯，但出品不敢恭維。第一，餐茶先上。Ok，不能要求太高。跟司華力腸，怪。要求少飯，冇做。最緊要係，所謂「炭燒加拿大和牛」，不但睇唔到食唔到「炭燒」，塊牛根本就係牛𦟌！我討厭浪費食物，但抱歉，我食剩大半碟，免了，即走。我喺舖租差不多全港最貴嘅中上環返工，但呢個價錢冇一間食肆做得差過佢。總結：餐廳老闆唔老實！

放工返到大埔，突然好想食美味既牛扒， 落車喺八號花園就行去燒扒屋食返個扒先， 叫咗個炭燒加拿大和牛拼司華力腸加意粉同凍檸茶少甜司華力腸就普普通通啦冇特別 ，不過個外皮炸得都好脆幾香口，意粉煮到太淋唔太好食， 好在個黑椒汁補救返 ， 個汁唔太辣幾惹味同意粉一齊食都好開胃，啲配菜有DD怪味， 個加拿大和牛加返D分燒得幾好， 唔會好似其他餐廳 用發粉令到D牛扒變得太淋同冇肉味， 呢到食落去有口感同好明顯有肉味， 杯凍檸茶不過不失都飲到茶味同檸檬味

今日小仙女同幾位朋友食飯但係有位朋友要9:00先到大埔所以見呢間燒扒屋有位同幾平下就入左去食啦 平時行過我見到如果多人既話會係出面開枱仔食都幾好feel 咁今次我地全部人都叫左43蚊精選晚餐啦貪佢平 同有野飲附送埋仲有得揀配飯、意粉、沙律定薯菜添吉列豬扒拼火腿扒:吉列豬扒超大塊火腿塊係厚切份量十足不過美中不足就係啲豬扒比較硬所以最後我係食唔晒既 焗牛柳絲飯:雖然係焗飯但係只係等多一陣就食得非常快手！而且仲有好多牛肉呢度既侍應好好啊，我地有啲朋友可能食左野先黎所以黎到冇叫野食，佢地都會問我地需唔需要落單，如果唔叫都冇所謂亦都唔會白眼我地，好好既服務態度。而且今日比較少人，我地坐係度傾到11:00收舖都可以

從未食過咁難食嘅牛扒！嬲到要刻意喺呢度批評一下！雖然我俾得$60，無諗過真係有「炭燒加拿大和牛」俾我食。但我都吳係諗住黎食牛肉乾的。切左十下都切吳開的所謂牛扒，食左兩啖已經開了胃痛！黑椒汁鹹到「乸口」！就連啲雜菜都一樣係咁鹹！好灰心嘅情況下，諗住食下啲薯角。原來成碟野可以放入口嘅只有薯角，但有一半都係炸燶左的。我一定吳會再幫襯！

Order 牛扒司華力腸餐，同埋紐西蘭牛扒配薯菜。前者因為司華力腸既關係，成個low曬，想點都唔知。司華力腸同牛扒唔夾啦，同意粉都唔夾，好難食，明明食緊西餐都不斷令我諗起7仔。意粉好似未熟透，有d硬。整體4/10分。後者d牛肉分量好多，同埋咬口唔錯。覺得有事前醃製過，d鹹味系牛扒入面都有。黑椒夠味，有小小辣口既感覺。薯菜都幾好，薯條炸得above 其他餐廳水平，不過d蔬菜系d雜豆、粟米咁，其實用刀叉係好難會食得到lor -_,-，擺上碟好似都唔系預你會食咁樣。btw整體唔錯食。

 幾次食飯都經過呢間係八號花園下面0既燒扒屋，見到門口個menu都真係好平，咁啱今日想食嗰間韓燒至少話要等個半鐘，唔餓得0既我，就suggest老公過嚟呢度試下。呢度最平0既餐都係$53，同快餐店差唔多，我叫左雞扒配薯菜，老公就叫左和牛配飯，每碟都配埋司華力腸，仲可以選飯，意粉，沙律或者薯菜。上碟睇落去唔差，但味道真係嘛嘛。雞同汁都好普通，個著條好硬，好難食，司華力腸勁咸老公話個牛好韌，完全feel唔到係和牛其實雖然係平，但我覺得大x樂嗰d仲好食...下次應該唔會再嚟lu

西班牙焗豬扒飯💙熱辣辣送上 醬汁仲滾騰緊😂 面頭微焦外賣攞曬分!芝士落得重手 係牽絲牽到成尺果款😂 藕斷絲連既狀態好!誘!人! 有小小咸香唔會好似食緊冇味既香口膠咁豬扒醃得有小小過咸 炒飯底飯比較碎身 醬汁味濃足以撈飯 會食到舊舊蕃茄絕對唔係一般茶記貨識 仲有香菇 青椒添 食過番尋味😋😋

今日食lunch，同班同事黎呢間度試下。同同事叫左個焗飯，等左差唔多半個鐘先至到，lunchtime都過左大半，黎到見到碟野，仲以為叫錯燒碳焗飯。成碟焗飯，面頭全部黑哂，好明顯焗到過哂火，d芝士都焦黑哂，初時諗住撥開d碳試下d飯食唔食得，點知真係食唔落，太大燒焦味。叫個待應黎睇睇，佢又好似唔多理咁，有兩個人埋黎睇完，跟住走左去無影，好似唔多想換咁，真係好唔負責任。最後終於肯比返個快餐我地，但講到好似我地責任咁，怪我地搞左佢碟飯先退。一句總結，以後唔會再黎，除非想食碳。

只能用一個字形容呢間嘢，差╰_╯而家早晚温差大，夜晚特别寒，入到呢間燒扒屋, 唔期望你會馬上遞上杯熱茶，但都可以喺落單後要求整杯熱茶飲吓呱？？？一入到去，d侍應好似唔想做咁，個個乸口乸面，叫極都聽唔到咁...终於有一個肯過嚟。點知？唔知係個女侍應新嚟，定係餐廳規定.....我哋落完單後話想要3杯熱茶先，講咗3次，個侍應都好似好迷網咁！？ 之後,突然遞上3杯熱奶茶？?？咁奇怪嘅？點會未食飯就叫茶，仲係3個一樣奶茶？？咁我哋當然退貨啦，於是嚟料啦！個侍應退番3杯嘢去水吧，馬上比個呀嬸破口大駡，...乜乜要問清楚呀？ 呢度只有餐飲...乜乜咁要每杯另收費等等...大大聲愈鬧愈惡，同時雙眼啤住我哋，成個老板娘咁！！當時真係想即刻離開，但唔想食餐飯都咁唔開心啦，算！之後都搞咗10分鐘至遞上熱茶，但見個女侍應就頭都耷哂！惨！叫咗2個是日晚餐：焗海鮮飯$37連熱飲* 焗海鮮飯好夠熱，但冇乜料，只見少量鱿魚+越南鲶魚柳，味道好淡, 又唔夠汁, 愈食愈乾。另外西冷牛扒司華力腸配沙律$62連熱飲*雖然牛扒冇梳打味，但超细嚿，牛扒只係配角，2條司華力腸就似大主角，凈食2條腸都飽。冇諗過沙律入面冇薯仔，只係大

之前一路都去食過幾次一路都覺得唔錯 不過不失咁!諗住再去下啦 點知就黎料喇 好過份!!!其實之前食過沙律已經知道not good 所以特登無叫到 諗住叫返d意粉食啦!!!!!!!!我自己過一碟意粉 一黎到個樣ok 但一食完全係勁淡 我未試過食d野食到咁淡 我真係唔知有咩可以加 所以我就好自然咁問佢拎多一個汁 係咁等都等唔到 叫左幾次先黎跟住喇 到我個fd 佢食牛扒 正常牛扒都要點汁嫁啦 點知d汁佢俾得超小 根本唔夠點 咁咪問佢拎囉 好正常姐 我去好高級既餐廳食人地都會俾嫁啦!!!點知我一問佢就話無 咁我當然好正常地就問點解點知佢話加左一個就無得再加要就加$10 我當堂呆哂下 你當自己係咩呀$10一個汁 個d服務態度仲要無極差 真係一路食一路憤怒 認真我有俾錢黎食嫁咩服務態度呀食完一肚火簡直係一間呃人既餐廳特登俾小d汁你等你俾$10佢 叫多一個汁

因為和工作的地方很接近，所以經常會去光顧每逢午膳時間都必定要等位幸好，等一會兒便會有位。最愛是那裡的吉列龍利魚拼沙律，雜菜沙律爽脆清新，口感一流。但有好幾次很早就賣光了另外值得一提的是吉列龍利魚，是即點即炸的，外香內軟同事點的芝士焗肉醬意粉也不錯此外，新裝潢後感覺良好，座位也較以前寬敞

我第一次食呢間食店，我同朋友去食晚飯，我地叫左三個牛扒餐， 到上餐時我個餐塊牛扒份量，少好多，我明白牛扒一定有大有小，但同一個餐，都唔係分別大到多我個塊一倍，咪同侍應講，我都係細聲講，我又唔係想要佔便宜，三個餐塊牛扒份量兩大一細，個侍應無回答我就走左去，再問多次，十問九唔應， 一D誠意都無，要我再幫襯， 好難喇!

因兒子喜歡食牛扒, 本想去隔離另一間新店試試, 奈何要等一小時, 結果選擇了燒扒屋。老闆娘話如未人齊就只可hold 五分鐘, 其實3位已到了2位, 我感覺並不良好。我媽媽點了一個燴羊膝配意粉, 雖份量足夠, 但羊膝勁咸兼老。我同兒子點了七味粉燒牛扒, 服務員無詢問過我要幾成熟, 兒子話算啦咁平, 其實唔平的都要$60-$70, 當牛扒上枱啦, 牛扒勁燶, 多油, 切開後發覺全熟, 勁靱, 向老闆娘查詢, 她說因落了七味粉煎要全熟的, 她有問我是否要更換, 但我怕會被「加料」。我食牛扒咁耐都從未聽聞過, 我平如大家樂、金鳳貴至二仟元一塊既和牛都食過, 有生之年從未食過一間食物質素咁差劣既餐廳, 此燒扒屋我會永不錄用, 除非有所改善才作考慮, 極度失望。