影片
更多
2013-12-26
356 浏览
只能用一个字形容呢间嘢，差╰_╯而家早晚温差大，夜晚特别寒，入到呢间烧扒屋, 唔期望你会马上递上杯热茶，但都可以喺落单后要求整杯热茶饮吓呱？？？一入到去，d侍应好似唔想做咁，个个乸口乸面，叫极都听唔到咁...终于有一个肯过嚟。点知？唔知系个女侍应新嚟，定系餐厅规定.....我哋落完单后话想要3杯热茶先，讲咗3次，个侍应都好似好迷网咁！？ 之后,突然递上3杯热奶茶？?？咁奇怪嘅？点会未食饭就叫茶，仲系3个一样奶茶？？咁我哋当然退货啦，于是嚟料啦！个侍应退番3杯嘢去水吧，马上比个呀婶破口大骂，...乜乜要问清楚呀？ 呢度只有餐饮...乜乜咁要每杯另收费等等...大大声愈闹愈恶，同时双眼啤住我哋，成个老板娘咁！！当时真系想即刻离开，但唔想食餐饭都咁唔开心啦，算！之后都搞咗10分钟至递上热茶，但见个女侍应就头都耷哂！惨！叫咗2个是日晚餐：焗海鲜饭$37连热饮* 焗海鲜饭好够热，但冇乜料，只见少量鱿鱼+越南鲶鱼柳，味道好淡, 又唔够汁, 愈食愈干。另外西冷牛扒司华力肠配沙律$62连热饮*虽然牛扒冇梳打味，但超细嚿，牛扒只系配角，2条司华力肠就似大主角，净食2条肠都饱。冇谂过沙律入面冇薯仔，只系大
而家早晚温差大，夜晚特别寒，入到呢间烧扒屋, 唔期望你会马上递上杯热茶，但都可以喺落单后要求整杯热茶饮吓呱？？？
一入到去，d侍应好似唔想做咁，个个乸口乸面，叫极都听唔到咁...终于有一个肯过嚟。
点知？唔知系个女侍应新嚟，定系餐厅规定.....我哋落完单后话想要3杯热茶先，讲咗3次，个侍应都好似好迷网咁！？
之后,突然递上3杯热奶茶？?？咁奇怪嘅？点会未食饭就叫茶，仲系3个一样奶茶？？咁我哋当然退货啦，于是嚟料啦！个侍应退番3杯嘢去水吧，马上比个呀婶破口大骂，...乜乜要问清楚呀？ 呢度只有餐饮...乜乜咁要每杯另收费等等...大大声愈闹愈恶，同时双眼啤住我哋，成个老板娘咁！！当时真系想即刻离开，但唔想食餐饭都咁唔开心啦，算！
之后都搞咗10分钟至递上热茶，但见个女侍应就头都耷哂！惨！
叫咗2个是日晚餐：焗海鲜饭$37连热饮
* 焗海鲜饭好够热，但冇乜料，只见少量鱿鱼+越南鲶鱼柳，味道好淡, 又唔够汁, 愈食愈干。
另外西冷牛扒司华力肠配沙律$62连热饮
*虽然牛扒冇梳打味，但超细嚿，牛扒只系配角，2条司华力肠就似大主角，净食2条肠都饱。
冇谂过沙律入面冇薯仔，只系大量雪梨+少少罐头杂果，无他....d薯仔仲贵过雪梨。
***仲有，呢度d餐系冇跟餐汤同面包。
~因为一路食一路嬲，冇谂住写OpenRice ，所以冇影相，但到最后叫饮品，忍唔住啦！
笃完杯热柠檬茶，拎走d柠檬后, 哗！睇到个杯完全系上手饮完冇洗过，好污漕好多渍, 就咁拎嚟冲柠檬茶比我饮？？？我仲饮咗1啖，真系火都嚟呀！！另外2杯系冻咖啡，所以就睇唔到有冇事啦!
最后可以证实个水吧恶呀婶=老板娘，因为我哋仲有几啖就食完时，佢已经行出嚟收嘢，仲叫我哋拎开d电话，因四人台仲有一个空位比人客坐㖞！真犀利！* 呢间餐厅地方已经唔大，台同台之间又窄，个个都要搭台坐，价钱完全唔系平，冇服务加上个恶老板娘，真系贴钱买难受，咁仲点会再嚟呀？
Sent from Yahoo Mail on Android
题外话/补充资料：
一入去餐厅时，想问吓个男侍应，系咪好似隔离八号花园餐厅一样，食满$100有泊车优惠？点知，叫咗3、4次，佢至肯行过嚟兼黑口黑面，话要食够$200㖞！
其实，做服务业做得唔开心，大可以转工啦！何必要客人受气呢？
(以上食记乃用户个人意见 , 并不代表OpenRice之观点。)
张贴
