燒烤堂

营业中

休息中

夏日炎炎最中意就係食串燒、小食同飲番杯🍢🍸 今晚就嚟咗燒烤堂食嘢😋👏👏 環境唔錯 串燒食材都新鮮好味～ 酒除咗生啤🍺、仲有水果酒🍸同sake🍶 特別中意佢哋燒嘅雞皮、多春魚、同檸蜜包 超～香～脆 的!!! 雞皮整塊脆過薯片😋 多春魚係脆到連尾同骨都可以食到 檸蜜包口感超讚👍必試喔👏 另外串燒🍡🍢佢哋都有唔同口味 有鹽燒、川味、麻辣味、同燒烤堂風味，最有誠意嘅係會有火爐放喺枱上面暖住燒烤串🥰✨如果你同我一樣對熱食有要求同執着的話就會明白😉💖 性價比都高 2隻燒蠔只係$44 仲要有質素嘅 配埋夠冰凍嘅桂花蜜蕃茄沙律🥗同冰凍嘅酒 傾計飲嘢晚餐宵夜一流🫶食再encore的誠意串燒店💖✨

約咗朋友食串燒，揀咗呢間燒烤堂，店舖細細，生意都好好，我哋平日嚟到，都差不多滿座。當日Sapporo 生啤有買一送一優惠，$48 有兩杯，當然唔同佢客氣盡情飲😆。燒烤/串燒食咗十幾款，特別推介以下幾款：蒜蓉粉絲燒蟶子皇，大大隻又新鮮。豚肉牛油果卷，牛油果🥑迷必食，豚肉包住牛油果，口感有啲似豚肉包住三文魚，好好味。麻辣豬大腸，完全冇臊味，調味做得好好，而且燒得好香口。我自己喜歡加上幾滴檸檬汁，好夾。燒茄子好大隻，夠晒入味除咗普通串燒，其實佢啲燒海鮮都好新鮮，除咗蟶子我哋仲試咗生蠔同埋扇貝，幾樣都唔錯。總括嚟講餐飯都好滿意，啲燒烤味道全部都唔錯，啤酒又係抵飲，店員態度又好，就係冷氣大咗啲。