影片
港铁旺角站 B2 出口, 步行约4分钟
继续阅读
电话号码
97005308
营业时间
今日营业
11:30 - 00:00
星期一至日
11:30 - 00:00
以上资料只供参考，请与餐厅确认详情
相关文章
咁多間一人燒肉價錢差唔多 但以壽喜燒作調味嘅燒肉真係少見🥩周圍畫滿晒塗鴉好有特色好可愛 食燒肉仲可以順便打卡❣️ 燒肉壽喜燒配日本A4和牛 $168🥢泡菜偏酸少辣嘅泡菜真係好易入口 酸酸辣辣十分開胃🥢味噌湯🥢日本A4和牛150g嚟自日本嘅A4和牛肉質有彈力 口感有咬勁 每啖充滿牛肉香氣 肉質嫩而多汁🥩🥢日本蛋1隻食日本肉點少得點埋日本蛋 蛋香味十足嘅雞蛋作最後埋尾step 蛋漿令肉味更香濃更突出 係不可缺少嘅配角🥢日本蛋紫菜飯 +$18份量十足嘅紫菜飯🍚淋上燒肉汁 成碗勁香勁好味 加上和牛油脂超好餸飯 鋪滿面頭嘅紫菜碎香口酥脆 超級滿足🐂燒肉壽喜燒食法 : ▪️燒爐開至4度火預熱3分鐘▫️攪勻蛋液備用▪️ 將A4和牛浸落壽喜燒汁中▫️ 兩面各燒30秒 燒到有少少焦啡色就OK▪️ 沾上蛋液 #焦糖燒肉 完成‼️❣️ 壺漬原條蒜香豬腩定食 $108🥢日本沙律🥢黃金粟米濃湯冬天飲返碗熱辣辣嘅粟米湯🌽真係好舒服 濃厚濃湯飲落夠creamy 🥢壺漬原條蒜香豬腩超大條絕對有驚喜 用蒜香醃製勁入味燒個陣都香噴噴 腩肉半肥瘦油脂令立立十分吸睛口感層次分明入口即溶🥢明太子日本蛋烏冬足料份量明太子大大pat撈哂成碗都夠 連埋生蛋一齊拌入烏冬更滑身更容掛上明太子醬 鹹香味更為畫龍點睛❣️ 冷泡洛神花茶 $15酸酸甜甜最啱解油脂 成餐咁Heavy飲返杯就啱晒☕️
继续阅读
終於都搵到間平靚正又無乜人知嘅性價比高質燒肉啦☺️咁我就可以唔使排隊直入，仲可以享受自己嘅Me time 🤣不過今日就有個多野講嘅朋友仔同我一齊食😂Me time就等我下次encore✌️✌️燒肉壽喜燒配日本A4和牛呢個性價比不得了，大大塊嘅日本A4和牛，仲配有日本沙律、黃金粟米濃湯同米飯，先$148，我轉左日本蛋紫菜飯就加$18☺️講返兩大塊A4和牛，油脂雪花紋理都好細緻均勻 😍輕輕一燒已經聞到豐富油脂同和牛肉香🤤🤤配埋日本壽喜燒食法，沾上蛋液，配埋紫菜飯，真系不得了😋😋壺漬原條蒜香豬腩定食套餐配泡菜同味噌湯，其實仲可以揀沙律同栗米湯☺️不過最驚喜系可以免費🆓配明太子日本蛋烏冬😳烏冬除咗跟明太子，仲有蛋、紫菜、蔥粒同木魚，撈勻食非常惹味😋講返主食壼漬原條蒜香豬腩，超級超級驚喜😍😍燒到焦香脆邊，食落爽口彈牙，肉味好香🤤🤤可口可樂(罐)冷泡玫瑰普洱茶食燒肉點可以唔點野飲，我哋一個要汽水一個冷泡茶，醒神又消滯，好滿足🥳🥳📍燒肉 JuJu (旺角)旺角洗衣街113號地鋪
继续阅读
🎀旺角。卡通化店面高質一人燒肉店🍖🎀🪄店名* #燒肉Juju🔮地址* 旺角洗衣街113號地舖🔮🗾分店地區🗾 沒有分店💰價錢$314 (2人)➖➖➖➖➖➖➖➖➖➖➖➖➖想睇更多同區推介👉地區搜尋🔍🗾#pickyme_旺角剩系食呢一類👉食物類型搜尋🔍🍜#pickyme_日本菜➖➖➖➖➖➖➖➖➖➖➖➖➖🎵餐廳環境🎵之前都去過幾間一人燒肉 但系今次呢間由店面外觀已經相當吸引我😍由餐廳門面以及入到去餐廳裡面既裝修都相當卡通化 阻隔板都會有手繪卡通 十分可愛～而且呢間比我感覺相比其他一人燒肉服務都唔錯😆座位夠寬敞 檯面底下仲有置物籃夠曬貼心！最正系雖然佢系格網燒 但完全唔會痴住塊肉👍🍽️食物質素🍽️佢地呢間舖頭主打系一人燒肉都可以食到高質A4和牛😍仲做左好多唔同set比客人選擇 而且個賣相睇落都好唔錯！肉質又夠厚身 質素睇落都好靚～雖然相對其他一人燒肉價錢會稍高 但質素系可以呈現出黎 值得一試😉👀評分💖💖💖💖💖🪄燒肉壽喜燒配日本A4和牛$168日本和牛150g+日本蛋, 日本沙律, 黃金粟米湯, 日本蛋紫菜飯+$18,可樂+$10第一次試壽喜燒燒肉set 配咗四塊a4和牛 雪花都相當靚 夠曬肥美😍 而且呢個套餐勁豐富 夠曬飽腹👍 牛肉質感軟熟 咬落去油脂感爆發 可以沾上日本蛋液超好食😆另外仲有滿滿既紫菜飯！ 而日本沙律就係青瓜絲蟹柳沙律 食落都幾清爽 粟米湯偏甜～👀評分💖💖💖💖💖🪄壺漬原條蒜香豬腩定食$108泡菜,味噌湯, 明太子日本蛋烏冬,可樂+$10如果想打卡就一定唔可以錯過呢一款定食 呢款個價錢又抵～ 再加上佢哋個豬腩係真係勁長 好有打卡感 可以體驗下燒完再剪成一塊塊食用😚食落會偏肥膩 不過好彩有配埋泡菜 中和膩感👍 另外佢哋嘅明太子日本蛋烏冬份量都頗多 烏冬嘅質感好煙韌 整體都唔錯哦 (5個💖為最高)✴️✴️✴️✴️✴️✴️✴️✴️✴️✴️✴️✴️✴️⚜️整體評級⚜️🎈味道評分*😋😋😋😋😋🎈環境質素*🎇🎇🎇🎇🎇🎈抵食程度*💰💰💰💰💰🎈服務態度*💌💌💌💌💌
继续阅读
話說吃寶真係好中意燒 / 烤🥓燒肉啦 BBQ啦 佢話嗰陣烤焦味好香🤓平時我哋多數會去任食 唔洗就住食不過今日阿公Quota有限🤪所以揀咗呢到試試佢我哋叫咗個一人前嘅 A4和牛赤身配粟米濃湯🌽 再加錢轉咗紫菜蛋飯🍳另外 叫咗個壼漬蒜香豬腩條🥓再加錢轉明太子日本蛋烏冬🍜先講A4和牛赤身 入口就比嗰種牛油味包住😇配返蛋汁同埋醬汁 又會洗走咗嗰種油膩Oishi呢😚😚餐廳有建議燒30秒先翻 唔好以為好耐因為餐廳有配合到個爐溫所以阿公試過係啱啱好嘅😉豬腩條一睇就知幾長～啦！燒出嚟啖啖肉 而且本來已經有少少蒜香輕輕加返DD鹽同黑椒就超惹味啦!!係咪睇見都想食呢
继续阅读
📍 燒肉 JuJu間唔中都會食一人燒肉店，價錢較實惠，又可以快速醫飽個肚；座位夠多，坐落闊落😌🐮A4和牛赤身套餐 $118 (120g) 成個套餐包左一碟A4和牛赤身+ 黃金粟米湯 + 沙律 + 日本蛋 + 紫菜飯揀左個A4和牛赤身，賣相都幾靚靚仔仔～一碟總共有4塊，每塊都有成隻手掌咁大✋油脂分布得好平均～每面各燒30秒就食得，入口即溶，每片食落都好柔軟🥳另外，沾上蛋漿一齊食效果一流，再食埋碗紫菜飯就夠曬飽！🐷 壺漬蒜豬腩條配蕎麥麵 $158原條醃製嘅豬腩條好吸引🤩好打卡able~拉出黎係超級無敵長，長過條手臂💪個壺入面有大量既蒜香汁，啱曬中意食香口味既我🤤豬腩條燒完之後啲油脂已經迫曬出嚟，食落唔會覺得好肥膩，反而係好爽口！配埋泡菜同埋蕎麥麵一齊食味道更清新～ 🥤可口可樂 $10/罐⭐️好味指數：7.6/10📍 燒肉 JuJu (旺角)旺角洗衣街113號地舖#旺角 #燒肉JuJu #Juju #一人前燒肉 #日本燒肉 #洗衣街 #旺角美食 #旺角燒肉 #mongkokfood #mongkokrestaurant #二人前 #日本蛋 #旺角夜繽紛 #A4和牛赤身 #和牛すき焼き #マリネしたガーリックポークバリー #和牛リブアイ #啤酒 #燒肉啤酒 #五花腩 #泡菜海鮮年糕湯 #日本A4和牛 #澳洲和牛 #澳洲和牛舌
继续阅读