燒肉ONE

营业中

休息中

坊間越開越多的一人日式燒肉店，因為在附近血拼，到訪了這家店子。我們被帶到的一張枱，椅子很多紫菜，小人需自行換櫈，衛生情況已先行扣分。醬料架上擺放著不炒醬汁和味粉，但有些是吉的，需向店員索取，補貨嚴重不足！激安二人餐包括沙律、紫菜飯、安格斯牛扒、豚五花、牛肩肉及雪糕；牛舌與豬頸肉是另點的。沙律不甚了了，紫菜飯更是災難：飯面鋪上一大坨碎濕濕的紫菜，未能散發紫菜的香氣之餘，就徒然阻著舀下面的飯來吃，完全不協調！安格斯牛扒帶有油脂，尚算柔嫩，是合格的。其他的燒肉是完全的靭，欠缺充足的脂潤，燒過之後竟然沒有油香，怎能引起食慾？醬料極度的鹹，唯一可以補救的居然是沙律的胡麻汁，匪夷所思！雪糕雪到凍一凍，實到不得了！錯敗的感覺又一次重現！

牛板腱部位帶有濃郁的肉香，脂肪分布均勻，燒烤後帶有獨特的焦香和濃郁的肉味。牛小排帶有豐富的大理石紋脂肪，燒烤後肉汁豐富，味道濃郁。口感軟嫩多汁，每一口都充滿了肉香和油脂的香氣。安格斯肉眼扒是牛肉中的精品，帶有濃郁的牛肉香氣和嚼勁。西班牙豚五花豬肉， 脂肪和瘦肉比例適中，帶有濃郁的豬肉香氣，燒烤後外皮酥脆。紫菜飯米飯粒粒分明，紫菜細緻柔軟，搭配燒肉非常合適。唯一要改善就係店內油煙很大，如每張桌上安裝抽氣扇環境會更清新🫡

下午茶半價，買左單後發現個數好似錯左，返回問店員，第一次話計左折扣了，ok返屋企，但路上再看收據冇喔，第二次返回問店員，又話套餐才有半折，單點冇，但頭先食都有，且旁邊廣告寫明單點及套餐都半折，問店員，唔出聲，話pfs轉回妳。返屋企到一半，都係錯，兩個套餐都冇被我折扣！又返去，問第二個店員，話套餐都有discount，再補返我。第一個店員從頭到尾看著都冇say sorry，且都係我堅持才有折扣！大家買單小心陷阱！

最近多了不少主打一人日式燒肉的餐廳，銅鑼灣這間午市都幾多人吃。燒肉one 走速食路線並提供多款日式醬料，可按自己口味選擇。點餐是直接Screen 桌子上的 QR Code，套餐大約 HKD 68 起。✨激安の二人套餐 (HKD 298) 因為一個套餐就可以吃到四款肉就選這個囉。 而且除了牛之外還有豚肉，西班牙豚五花肥瘦相間分明，燒完後鮮嫩多汁，吃落也不會很膩。牛肉的話有牛板腱、牛小排和安格斯肉眼扒，整體質素不錯。其實肉本身都很夠味，配紫菜飯吃剛剛好。最後還有甜品，是香港製造的 Cocoberry雪糕。

環境係銅鑼灣世貿中心商場對面，餐廳內枱與枱之間較密集，人多需要搭枱！兩人共用一個爐，爐較細一次過最多燒四片肉！食物好抵食既燒肉二人餐，仲要唔收加一！但不包飲品需另叫！肉既份量都足夠，如果飯可以選擇份量更好！牛板腱＋牛小排200g看圖片肉質不錯，但將最好的放在表面，內裏全部都係肥肉，好失望。安格斯肉眼扒160g不錯牛味香濃，如果有埋剪刀更方便燒。西班牙豚五花100g不錯無皮，油脂十足好香口。特色自由斟酌多款醬汁，足足有二層滿既醬汁，可惜醬油碟得二格，未能試曬所以醬汁。

食物質素唔錯，比起其他一人一爐燒肉店既肉，呢間既牛肉我覺得好食好多，又多款選擇，佢地既雞爽肉同日本豬腩片超級好食😛重點係呢間野既店員服務態度好好，唔會催你埋單，會幫手執好張枱叫我地慢慢坐傾計，叫佢地換左3次網都唔會炸型👍👍佢地仲有10幾款醬汁任我地用,推薦食2人套餐抵食

同外子選這店吃飯，因為試過下這間日式燒烤唔錯。點了貴”基本二人套餐”一百元的二人定食餐。肉方面有牛扒、牛頸背和和牛。 還有兩碗紫菜飯，沙律和雪糕。肉質新鮮嫰滑，份量適中，桌上還有幾種調味汁給選擇，有自助水機。

妹妹今日帶我黎呢間燒肉店😋呢度有超過數十款醬料、醬汁選擇，可自由配搭自己喜歡的口味。肉類款式都選擇多,而且性價比高👩🏼‍🤝‍👩🏻激安の二人套餐牛板腱+牛小排200g安格斯肉眼扒160g西班牙豚五花100g紫菜飯，沙律，cocoberry雪糕🐮安格斯肉眼扒份量也不少，肉質軟腍，肉味香濃，質素不錯～🐷西班牙豚五花肉質鮮嫰，色澤油花細緻，肉質香滑～呢個set $298 有牛、豚肉，仲有飯🍚沙律🥗雪糕🍧二個人食都相當滿足😋

sogo後面，銅鑼灣核心區，好方便，容易搵，都坐得舒服～留港食嘢其實都好多選擇，最緊要服務態度唔差，再熱情多小小，大家都開心，真係唔錯的選擇👍肉都幾好味，宜家個優惠好抵食，會再幫襯的👍

今日行過銅鑼灣見到街頭有人派傳單，抱住一個去試吓嘅心態，揸住張傳單入去，問個侍應侍應就話「呢張用唔到呢張用唔到」欠佢債咁款，即刻感覺好唔舒服，啱啱坐低隔離座有個姐姐食緊，佢都話態度非常之差，頭先對我仲差！侍應的態度非常之惡劣，個個十問九唔應，黑口黑面，就算因為下午茶價錢較平，態度也不應該這樣差，環境亦非常之嘈雜，音樂好大聲好嘈，聽個電話都要行出門口，唔明白這間燒肉的態度會咁差麵豉湯味道很怪，牛肉質素惡劣，雪藏味很濃，仲未解凍一嚿嚿就拎出嚟，黐住晒夾唔到落去燒，啲飯係硬到食唔到，我諗啲長者會更加難食到，食過的燒肉店最差的一間，以後絕不會再幫襯，亦衷心唔推薦！

燒肉ONE係日式一人主題燒肉店，有全日燒肉套餐，有多款肉類選擇，美國牛肉、西班牙五花肉、亞洲豬頸肉、日本雞肉，可以單點或多款肉拼盤組合，總有一款啱你。每個座位都有一人烤爐，非常方便，調味架更加有多款調味料，燒肉汁、黑椒汁、蒜蓉汁、和牛汁，你講得出嘅調味料都有🤫餐廳貼心到準備咗醬料嘅簡介，客人一定可以揀到啱自己嘅味道。肉類選擇太多，每樣都想試嘅我最後揀咗肉拼盤組合🙋🏻‍♀️組合入邊有牛胸腹、美國牛板腱、南美牛舌、美國牛小排。除咗主食，套餐仲包咗前菜同飲品，性價比好高！和牛油脂分佈平均，牛肉質量好好，咬落去好嫩滑，而且燒得岩岩好，入口即溶，保留咗牛肉嘅鮮味😋🐮牛舌切得好薄，燒得好入味。🐮牛小排有驚喜，肉質鮮嫩多汁。🍙紫菜飯份量好多，配埋啲牛肉一齊食，一定夠飽肚。🥠日本泡芙一客有三粒，好creamy，過足口癮。燒肉ONE📍銅鑼灣東角道26號怡安大廈地下1-3號舖

燒肉ONE (銅鑼灣)單點日式燒肉之選唔知你哋有冇試過下午兩三點突然行吓街好想食燒肉呢😄今日介紹嘅係位於銅鑼灣世貿對面的燒肉餐廳餐牌有很多唔同套餐或者單點的選擇今天叫了兩個套餐牛魔王😜主食揀咗紫菜溫泉蛋飯（轉+$18）澳洲M8和牛牛胸腹+美國牛小排+美國牛頸脊+美國牛板腱套餐（200g)燒肉醬汁備有10多款的選擇😁🩷10分推薦和牛牛胸腹🩷油花非常充足食落口10分嫩滑另外還單點甲羅燒🦀🚗銅鑼灣東角道26號怡安大廈地下1-3號舖

美國牛胸腹+美國牛板腱+南美洲牛舌套餐 $120食過幾間一人燒肉嘅餐廳 呢間餐廳好難控制啲火候時大時細 唔知係咪我坐個位先係咁 我見我朋友又個火喉冇咩問題 所以都唔知啲牛肉太窿又或者唔熟要系咁返嚟睇好麻煩大家都見到佢都系算比較薄 不過以平價嘅一人燒肉嚟講 其實都算系幾抵🤔一個set嚟講包埋雪糕 嘢飲同麵豉湯 另外佢醬料嘅選擇都好多款 牛肉再配埋佢啲醬汁加一啖飯食落去覺得好滿足 牛肉燒完之後都有汁喺面 感覺上牛都係比較新鮮 平價之選嘅餐廳嚟！👍🏼

最近食左一間日式燒肉店，都幾高質，系單點食物，吾怕因眼闊肚窄而浪費食物！美國牛頸脊+美國牛小排 $118 呢個set 就系cp值高，咁平嘅價錢就食到吾錯嘅燒肉，仲要包埋沙律、白飯、雪糕👍🏻日本宮崎A4和牛牛肩胛套餐 $241 真系一分錢一分肉，和牛嘅香氣，入口即融嘅肉質真系無得輸🤤 靚肉就系吾需要點配調味料就已經好好食💯另外仲用左半價優惠 + $19 追加多份牛舌 , 呢個價錢咁抵食吾系吾加吖麻？😂 咁著數嘅優惠當然不能錯過！海鮮三皇 $108🔥甲羅燒，大虎蝦，扇貝各一，絕對吾系細size黎嫁，大大隻嘅🦐同扇貝，滿足哂海鮮控嘅我😋食燒肉咁開心點可以吾配酒嫁呢🤣見到menu上有枝$99 嘅越乃雪椿sake, 價錢抵飲同埋包裝都幾靚😍

今日禮拜五又約咗同事Happy Friday lunch去食燒肉, 去返公司附近嘅燒肉one, 之前都食過幾次,不過同事未食過,就介紹佢黎食吓上次就冇晒A4和牛三角肉套餐，今次終於有啦, 叫左日本A4和牛三角肉套餐同埋朋友叫宮崎A4和牛牛肩胛套餐套餐就包咗珍珠飯、麵豉湯/沙律/枝豆、甜品，套餐再加牛肉仲有半價幾抵，所以我哋都各加左一碟宮崎A4和牛牛肩胛套餐和牛入口即溶，表面充滿油花，啲油滴落去即刻搶火，但係油得黎又唔係好肥，好正，一燒佢就捲埋左一齊，揀咗個紫菜溫泉蛋飯，撈埋個蛋漿落啲飯度，充滿蛋香味餐廳有好多調味料可以揀，配搭返唔同嘅燒肉日本A4和牛三角肉套餐和牛三角肉相對就冇咁肥，大塊少少，相對冇咁多油花，牛肉非常嫩滑，好好味，味道濃郁跟餐有汽水食完主食，最後就有個甜品，我揀咗泡芙，朋友揀咗雪糕這家燒肉餐廳的環境尚算舒適，唔會太迫，座位都闊落，可以同同事吹吓水食完滿足嘅呢餐，充滿能量繼續返工