燒閒站II - 私房‧火鍋‧蒸氣燒鍋 (已結業)

超差的待遇，食到再肚氣。。。朋友之前食過2次話好好食，所以帶左我黎，我地一行4人，7點開始，叫左奄仔蟹餐任食，刺身赤海蝦好食既，另有個海鮮盆，有鮑魚，扇貝，蜆，海蝦係唔差既，主角「蟹」一蒸完16分鐘後失望，蟹蓋出水，d肉霉的。之後向店員反映。佢話：俾過d 你喇！但都係之前個d 咁架咋！一百隻總有1，2 隻係咁，我地都唔知架喎！好快...有第2 碟蟹到，的確比第一份好少少，但同樣d肉都係霉。都剩餘半小時，我地要求多一份蟹，有位後生店員回應好，5分鐘後有位亞姐要求我地要埋單，我地話仲有一轉蟹未到，佢話你地夠鐘，即使蒸完你地都唔夠時間食，你地又無講幾點要last order，咁樣即係唔係叫任食喇！唔俾我加落粥底到滾，咁樣唔使16 分鐘呀！的確小家，3百幾就係食得2 隻咁既質素既蟹。仲有任食安格斯牛肉，橫睇掂睇都唔係喇！唔會再幫襯。完

youtube介紹嘅希臘小龍蝦， 送上枱時非常生猛， 蒸了十分鐘之後可以食得。一隻剝開只有一啖肉， 第一次食感覺不俗。 五個人去， 坐六人卡位有少少逼。 朋友未來， 可以先叫雞燉翅一盅(送), 食住等都幾好。套餐還有鲍魚，蟶子王，帶子，廣島蠔，蝦及蜆， 食完之後已差不多夠喉。 蠔大隻，蜆多肉但有沙。任食餸菜， 叫10樣已經夠。 最後嘅蠔仔粥底， 吃不到米，好像食緊糊仔。話就話六點半後入座兩小時， 當天下大雨我們坐了近三小時才走。 食蒸氣火鍋時間是控制不了，因為又要蒸又要等。

在日本工作的朋友難得回港渡假當然要約食飯人未到聲先到話係Facebook 見到我屋企附近開左一間蒸氣火鍋係奄仔蟹任食叫我即刻打電話訂位佢成間鋪有一張枱設計成成張卡位係鋪頭外面，方便要吸煙既客人，咁岩朋友係煙民，所以打電話留左出面果張枱但估唔到佢果張枱上面放左一部對街既電視機，無限loop咁播住一個女仔試食呢間餐廳有幾抵幾好吃既video，開到好大聲下，終於我地呢兩個鐘內就不停比果條女疲勞轟炸同強行洗腦咁煩住我地另外枱面上面會有張紙清楚咁講解每樣食材要蒸幾耐一坐低就叫奄仔蟹，等左5分鐘，終於等到奄仔蟹黎啦，都算好新鮮，即刻擺去落爐蒸，要等10-15分鐘諗任蒸左就叫第二轉蟹時，侍應話唔得，要等我地蒸完仲要食哂d蟹先可以再叫第二轉，而且叫蟹只可以叫人頭蟹，唔可以叫多幾隻其實蒸蟹已經要等15分鐘，蒸完仲要放涼先可以拆殼，要蒸好連食哂成隻蟹前後點都要半個鐘咁餐廳主打係任食奄仔蟹，但又多多限制咁，真心有點兒小氣蟹味道還算唔錯，唔多膏但肉鮮甜另外赤蝦也是任食，反而大大隻好鮮甜，好吃另外仲有一個海鮮盤跟埋，但d海鮮全部好細隻另外任叫既肉同丸類好普通，而且任食餐單款式極少，不提也罷，完全可以唔食最後既粥

話說係咁既 睇完記者既短片介紹 即刻打去book位 2點左右打去 book 2位7點 有個女人聽 向後面問人2位有無 有個男人應佢 跟住就同我講 經理4點覆返你 好啦 乖乖地等啦 3點4點5點... 以心急人上既精神 再打去問 佢就同我講無位 我問佢無位做乜唔覆我呢 等我等足3個鐘 佢ee爺爺 果一刻要爆啦 你大爺呀 揀客呀 多人就比位 2丁友就過住啦 你一早同我講full booking都無咁嬲 我咪食第二間囉 一定要食你架咩 重乜要我等3粒鐘呢 係咪要等你皇帝恩准 批准我倆在貴餐廳享受晚餐呢？如果你4點有覆我 我都算啦 下次早d再book 但覆都唔覆就無下次囉

睇完Blogger條介紹片，就諗住去試下。未去之前，劣評多過Like~心諗去到會唔會中伏呢？網上評語：海鮮唔新鮮/服務態度差/有部分海鮮無任食/任食海鮮有限。最後結論：唔太算中伏，但一定唔會有下次😂除左小龍蝦同赤蝦系新鮮既。是日精選海鮮同佢送既海鮮拼盤一d都唔新鮮。服務態度無網上d人講到甘衰，只系全程黑黑地無咩表情，講野都好聲好氣既。餐牌話可以任食既海鮮都有得無限添加，無賣曬既情況出現。最後，好準時要你走，1分鐘都唔會蝕俾你。

今天晚上同妹妹去了YOUTUBE上推薦的蒸氣火鍋！我本來好期待的！但失望而歸！去到了！不用等位，因為book咗枱， 他們給了三張不同的套餐俾我們選擇！我們選了一陣！好期待！ 我們先叫了赤蝦刺身！(說真的這是我在這間食得最滿意！)接著是海鮮！我想說十分失望！只有一小盆的海鮮！(同大家說聲不是什麼都是任食)只有五款菜類同牛肉及豬肉，丸得3款！任食外！其它都不是！飲品又不包！要俾錢的！(人手十分短缺，成日找不到人！)我這一餐食了$598 我覺得不值這價錢！下次應該唔會再去食！

本想慕名而來一嚐希臘小龍蝦，但一看餐牌是沒有可以選擇的，問了職員，只説沒有返貨，有點像被欺騙的感覺，其他食物都有得供應，尚算不錯，人均消費300多元，尚算合理，但可惜食後回家整晚口渴非常，太多味精了，但蒸氣鍋食品，不知味精何來，應該冇下次了，ByeBye！

食打邊爐同韓燒食到厭梗係搵啲新嘢試吓啦 見佢網上push到禁勁好似好好味禁 就book 佢同男友慶生啦我地order生蠔餐 依個餐海鮮吾係任食 但勝在試倒既款夠多以下係個餐包既海鮮 2人份生蠔每人半打蟹兩隻蝦刺身每人兩隻全隻另外仲有個海鮮拼盤好味到難以形容 可以講好新鮮 好甜！不在話下 仲有其他配料任食！推薦任食要試個 雞！好滑好juice 吾知係個雞本身正丫 定因爲係蒸仲有個墨魚豬肉丸外面好小有 好彈牙牛肉片都吾錯 但就一盤靚啲一盤普通啲 睇彩數啦佢張form 任食既野水準都吾差 款係小啲🤔我地要南瓜排骨粥 粥底好鮮 所有海鮮丫肉既精華落哂個粥度 但太飽 食吾哂個粥😔野食好味不在話下 一讚服務態度好！果下小有 依個難得唯一美中不足 係無小龍蝦食 果個牛油醬 好想試牙

分生蠔和蟹的海鮮蒸煮，海鮮都算新鮮， 刺身蝦有手掌咁大隻， 都好新鮮和鮮甜， 四人以上送新鮮鮑魚 ，手掌咁大隻，都好有口感， 墨丸和，黑椒牛丸，雞都好有咬口， 蒸完還有南瓜粥吃， 美中不足是蔬菜種類太少，菇有點苦，不包飲品就扣分了總括來看都可以一試無妨

今日同朋友慶祝生日, 最好緊係食D任食個D 啦, 唔使諗MA, 呢到仲要任食蟹同刺身蝦, 哈哈去邊到搵, 仲要每人會有一盅魚翅燉湯, 超正, 之後每人都會有一份海鮮, 每日都唔同既, 老闆會睇下當日邊D海鮮靚就會推出, 今日我地有鮑魚, 龍蝦, 海蝦, 蜆同蠔, 淨係呢幾樣野都值門票價啦, 仲要蟹同刺身蝦任食喎, 去邊到搵, 其實鍾意食蟹黎呢到實無執輸, 哈哈.  刺身蝦勁大隻勁爽口, 真係食唔停呀, 其實所有海鮮都好鮮甜同好大隻架都. 之後仲有其他肉類同菜類任食既, 不過我地食海鮮都食飽啦, 所以我地無食肉呀, 只係點左D菜LOW, 秋葵呀, 粟米呀, 娃娃菜等等.....因為最後仲有成鍋粥食, D粥已經吸收哂海鮮既精華, 勁香蟹味, 因為我地都食左好多隻蟹, 哈哈.

光顧晚市自助餐，d蟹新鮮好味！！服務員好貼心，早到左都俾我地入。知我地差唔多時間到又提我地記得食個粥！食到過左時都無趕我地走。個粥超好味好有海鮮味。我地食得好飽！一定介紹朋友！不過記得book枱！好full!

今日係舊同事聚會, 之前經朋友介紹過呢間蒸氣火鍋係任食架, 最緊要係蟹都係任食, 仲要標明 「活」黃奄蟹 + 北海道甜蝦 + 赤蝦任食哈哈.....心想一定好正, 價錢亦唔算太貴, 限時2小時, 優惠時段分A,B,C段→A段: 17:30-18:30前入座($238), B段: 18:30-22:30前入座($288), C段: 22:00後入座($238), 另加一服務費10% (星期五,六,日加附加費$28每位), 因為出面既蒸氣火鍋閒閒地都要五六百蚊位. 上網睇到話呢間餐廳最好係三日前訂座, 咁我地都一早已經訂左位啦, 哈哈....所以去到就即刻有位啦一坐下來店員立刻送上每位一份「空運海鮮盆」北海道大元貝、琵琶蝦、泰國海蝦、緬甸海蜆另外因為我地四人以上即每位可享有一盅雞燉翅(足二両)及台灣子孔鮑魚一隻先飲呢個足二両既雞燉翅先, 料亦好足, 好有鮮甜味, 真係有翅架, 無騙我們的,哈哈. 係蒸海鮮其間, 我們也不得及待點了呢到既重頭戲→黃奄蟹同蝦刺身YEAH 食得啦食得啦, 首先食下個大元貝先, 放了蒜容粉絲上面, 令到元貝更鮮更好味, 肉質亦好彈牙, 很鮮甜. 而琵琶蝦亦比我想像

第一次試一下蒸氣火鍋，感覺好新鮮餐廳環境尚算寬躺但座位很少如果要訂枱的話一定要早三天。食品方面選擇不算多主打膏蟹同蝦刺身你可以不停點不停加但蟹要食完先可以再點其他食品可以任點。飲品方面就要自付，汽水五元一罐，啤酒看你看什麼牌子最便宜是五元。但這店舖的蟹不能給我驚喜但蝦刺身總算彌補一些不足。因只能吃1.5小時關係不夠時間全部食品都試，鍋底下的粥品我們沒有吃便夠鐘了基本上食物在蒸汽火盧上蒸需要若干時間如果你們是吃得慢的朋友就不化算了。在這個價錢下本人覺得是可以一試。

難得收早卜左五半食蒸鍋海鮮六點遲到 食個半鐘 蟹仼食 不過食完才可叫。重點係鍋底要放飯 將蒸的海鮮精華凝結將飯變成黃金粥！呢度有蝦刺身 同行朋友嫌腥 我個人可以接受。要讚呢個琵琶蝦 好新鮮 加埋辣豉油 有提鮮的作用 又實又有肉感😋限量既野令人回味基本的粟米 牛肉 豚肉 娃娃菜 小籠包 蒸出黎又吾熱氣 又不失鮮味 牛肉一分鐘keep得juicy 個人覺得好味過打邊爐Ps open rice得一篇食評 估吾到人氣旺盛 電話響不停 聽到一個想卜一位 點知比人拒絕左。。。好慘 呢度好user friendly 咩食物蒸幾耐全部有寫 吾會錯失良機

今次第一次寫食評原因係呢間蒸氣火鍋嘅經歷太令人失望一開始個爐已經壞咗男職員用咗15分鐘維修但最尾走咗先話補返時間比我地到最尾諗住食多一轉蟹點知蒸左20分鐘 都係都好似生咁明顯係個爐有問題之後同返個男職員講 佢好惡咁兼黑面話"夠鐘 重蒸呀？"完全冇諗過解決問題 ！食物已經唔算好好 服務態度又差呢間鋪頭真係可一不可再！