燒鵝大皇

营业中

休息中

**燒鵝大王食評** 今晚專程去深水埗福榮街的「燒鵝大王」試吓佢嘅招牌燒鵝飯，果然名不虛傳！燒鵝外皮金黃酥脆，咬落去「咔哧」一聲，油脂香濃但唔會膩，肉質嫩滑又多汁，配上甜豉油同熱辣辣嘅白飯，真係超滿足！ 例湯揀咗「菜乾雞腳湯」，一啖飲落去，湯頭清甜又滋潤，菜乾嘅香氣同雞腳嘅膠質完美融合，飲完喉嚨好舒服，絕對係老火湯嘅水準。 成個套餐（燒鵝飯＋例湯）盛惠$82，以而家嘅物價來講算合理，尤其係燒鵝嘅質素對得住價錢。餐廳環境乾淨，上菜速度又快，服務態度都唔錯。如果鍾意食燒鵝，呢間「燒鵝大王」絕對值得一試！ **地址：燒鵝大皇 (深水埗) 深水埗福榮街119號地舖**

结账的时候一个女服务员收账，岁数较大。态度非常差，很不耐烦。一点不讲礼貌，对客户不够友好，本来店内餐食还可以的，但是她影响了本来还不错的用餐感受。希望能有人进行管理改正。店内有一个老爷爷服务员，态度挺好的，也很有耐心，与收银大妈比好太多了。最后说回菜品店内有少许飞虫，不过影响倒是不大，今天第一次点了肉饼感觉还不错，味道挺好的。烧鹅饭味道不错的，性价比还可以。最后希望这家店铺能够将不好的地方改正，尤其是服务态度。

今日中午同幾個同事去食飯, 諗住好耐無食過燒鵝, 想去食公司附近果間棋子燒鵝, 去到見到好多人排隊, 所以就轉左去對面呢間燒鵝大皇試下,  我都係貪佢當時無乜人, 個名又改到有咁勁得咁勁啫.坐底後每人叫左一碟飯, 一d都唔平, 但 因為我地係一班燶X, 所以無加9蚊叫埋野飲, 飯光速一叫即到, 雖然唔算平但原來都幾大碟啊, 我地幾個男人食飯算好快啦, 只用左15分鐘就差唔多食完, 當時仲有一個同事仲食剩少少, 果時開始到左食晏時間有d人等緊,  個樓面阿姐突然主動同我地講, 有小小惡咁叫我地可唔可以走, 佢話想做多一輪生意. 大姐, 我地只係坐左15分鐘, 剛食完水都未飲咁就咁急趕我地走?當時未食完o既同事即刻放底碟飯企起身行人, 我地都跟住走啦, 我地一班人o係深水埗做野咁多年, 主要去開都係茶餐廳, 但真係未試過有咁o既遭遇, 其實如果你唔係難食又易搵位, 我地都好可能一個月去佢度食番幾次, 但當然之後絕對唔會有下次啦, 我公司有幾百人, 有機會都會盡量提醒一下佢地千萬唔好幫診佢地.如果有人認同佢地因為搵食艱難所以情有可原就可以慳番唔洗同我講啦!  

今日同同事做完上午工作，經過深水埗就喺深水埗食飯，我都唔多熟路，同事就話食燒味飯，行經福榮街見到燒鵝大皇四隻大字，一於入去開餐，見到佢個招牌就當然要試吓燒鵝啦～我就叫一碟叉鵝飯，叉燒都軟軟地唔會太咸，個飯煮得幾靚，可能係因為啲米本身係靚米，煮出嚟嘅飯就好食啲，側面仲搭生菜我就唔多欣賞，重點來了，燒鵝真係好一般，以燒鵝做招牌，但又唔係出色係咩玩法，只算係啱啱合格，深水埗嚟講真心算比較貴。叉鵝飯跟凍奶茶，奶茶都普普通通。

千祈唔好走入佢過所謂後廚及洗手間。保證你以後絕對唔會亦唔敢再幫襯呢間恐佈經典。咁嘅食物及環境衛生居然都能過關。呢個特區真係唔死都冇用。污穢如此仍能開大門做生意。真係又一間家山發。

早两天老婆收工，经过烧鹅大皇(看到开飯评价4.8分)，开开心心買了半隻燒鹅回家加餸，打开发现有肶有背有翼，但没了最多肉的鵝胸(半隻要240元)，但加了几件鹅颈。搵笨！無下次！😭😭😭

今晚心血來潮行入咗間地道燒味店，嚟個叉燒鵝拼盤。叉燒外表閃閃發亮，一啖落去，嗰肥美嘅脂肪層同瘦肉嘅分界模糊咗，就似係入口即溶咁，甜味適中，嗰種鹹香夾帶蜜糖嘅味道真係正！燒鵝更加驚喜，皮脆肉嫩，啖啖肉都飽滿鵝汁，微鹹帶點甜香，真係滋味百分百👍。飯底下鋪咗啲酸菜，同燒味呢啲高油高脂嘢搭檔簡直一流，中和咗啲油膩，又增加哂層次感。食完之後，口腔裏還飄著一股淡淡嘅酸甜，令人回味無窮。洗碗水都幾好飲嘅感覺😋！一啲都唔風騷，嗰境地真係可以嘆盡港人嘅街頭美食情懷。如果你想探尋純正嘅港式風味，記得唔好錯過呢間燒味鋪啦！直頭係霎時滿足晒我對美食嘅渴望🤤。

每次去完黃金商場心裏就想住食鵝髀瀨粉 每次幫襯 都唔會令我失望一見到隻燒得靚靚嘅鵝髀 莫名激起 開心的感覺聞到和食到一D好掛住嘅 燒鵝髀特有嘅香氣和味道每次食完都有滿足嘅感覺但係如果枱面上有紙巾嘅話 就更好 因為每次食完 口角都沾上厚厚的鵝油雖然餐廳環境一般 但勝在有親切嘅侍應服務 美味嘅食物 每次食完都諗吓 下次幾時再嚟

以前我係呢度擁躉，但三高冇食四、五年啦⋯⋯最近終於想獎勵自己所以再去幫襯，但連續兩次都極度失望！首先佢啲飯唔算平，但係啲飯都係連基本水準都沒有！斬晒啲下欄不等止，啲飯好似碎屍咁！仲話年卅晚收74蚊叉油鷄飯！一開始問個姐姐有冇肥叉油鷄，佢好快話有，收完錢個師傅先話冇油鷄，仲好悔氣問我要唔要切雞翼！無奈要左切鷄胸佢又話冇叉燒問要唔要薰蹄，我ok之後佢係個雪櫃攞袋碎屍出嚟！成盒飯好似垃圾咁，睇到都眼火爆！我已經比咗兩次機會佢，以後都唔會再幫襯免得貼錢買難受！

每次去深水埗都係食文記車仔麵，今次就試下佢隔離嘅燒味-燒鵝大皇！🍜燒鵝河粉：望落賣相唔錯，以為份量都多，但食落肉很少，好多都是骨，河粉口感都順滑，入味，唔會好碎個d～🍛雙髀飯：價錢偏貴，份量都ok，鵝脾嘅皮好脆，肉質鮮嫩，很肥美，但不加酸梅汁會很膩，雞肉都嫩～相比之下，雙脾比較吸引。套餐仲包左例湯：比較推薦，係老火湯，很鮮濃，唔係好水個d～兩個餐188元，4/5推薦，環境會差少少🤏😅不過下次黎都會再食👍

突然想吃燒味！諗注方便又返屋企近入去再試試！以前經常去！坐低叫個叉鵝飯一碗加例湯，諗注夜晚唔食咁飽啦！所以先叫一碗唔叫一碟！點知來到的叉燒又硬又白！燒鹅又蘇又冧！完全入唔到口！連白飯都冧到似食粥咁！之前幾次去叫叉鵝飯一碗！幾次都是預到這種情況！跟著見到其他客人叫叉鹅飯一碟！睇落去叉燒及燒鹅皮顏色完全唔同！一碟價錢比一碗價錢貴幾蚊！咁樣做生意都行！還要埋單要$70蚊！價錢又貴食物質數又差！味道完全惡劣！以後都唔會再去！就算經常方便都唔會入去！

本來疫情之下，應同小店同舟共濟，珍惜堂食。如不太過份，都不會劣評，但今天這間店太過份了。今日路經深水埗，又想食下燒鵝飯，於是便幫襯了這家"燒鵝大王"我點了燒鵝飯要胸，侍應說會貴一點，（而我在這店之前都這樣吃過，味道還可以，當時是要加10元，但都可接受範圍。)燒鵝胸飯來了，而侍應奉上價單，92元，即是跟燒鵝脾飯同價！！！！我便問侍應，為什麼燒鵝胸飯要92元？她便很態度很差地回答，一向指定部位都是跟燒鵝脾同價。（但店內沒有任何說明和標示）之後廚房斬燒味師傅出來惡乎乎的問，你是不是要改鵝脾。為免給加料，我於是這碟 "鵝胸飯"都沒有享用 （當然不會比錢）便離開了。

以前每個月左右都去食燒鵝飯，品質也可以，半年冇去，今天再去食，質素極差，燒鵝冇味道，又乾，又唔香，調味同以前唔同，燒得又差，總之唔掂，地方已經唔係好衛生，如食物OK都會去，而家以後又唔駛幫襯了。

老細買飯,有大食大,雖然自己就唔會主動食架啦燒鵝大王,幾年前堂食過一次,態度差,地方污糟,野食一般,不過外賣應該好d 掛,起碼冇態度同地方問題先啦(唔係我去買)返到黎,睇落正正常常.燒鵝瀨.打開,第一眼肥到舊全肥肥膏,勁,白雪雪架,夾起d 燒鵝分開,份量幾多,有兩舊肉好實好硬,有一個淨骨,一舊肥膏膏,其他正常既,味道上普普通通,我唔係討厭肥膏,但都食唔落咁大舊,但比起上次堂食已經好左,瀨粉比較焾身同粗,整體唔叫好好食,亦唔算好難食.好彩唔洗我比錢XD

事原同我年邁母親黎深水埗整完野，諗住食個午飯，媽媽話想食燒鵝瀨，就行過呢間燒鵝大皇，我地就入左去。一坐底，我媽見到張台有一塊油漬，就叫個阿姐幫我地擦下張台，就有個後生啲阿姐個樣唔情願地擦下，然後大聲問我地食咩，我就叫左兩碗燒鵝瀨，之後又問我地飲咩，我地話熱檸水加熱檸茶，佢嘅態度囂張就係話無熱喎，飲凍水少冰lor.我地其實就係飲唔到凍先叫熱嘅啫。無熱咪唔飲都無所謂。但佢態度唔洗咁衰嘅。一句，我帶住個老人家諗住安安樂樂食餐中午飯，無諗過俾錢都要受氣，真係一次就夠，無下次。瀨粉一般