燒鵝大皇

营业中

休息中

$72一碟燒味雙併飯加一碗例湯，好大碟，質素就次次去都唔同！不過近年真係差咗，已經越來越少去幫襯。環境同衛生就一般舊式食店格局，服務就唔會點有㗎喇，睇班阿姐心情囉，不過至少叫佢俾碟薑蓉都算快手嘅。

買兩盒鵝髀飯要多少少甜酸醬嗰個待應就話多 我忍唔住出口唔好話我買餓飯呀 唔係燒鵝飯呀 見衣著不光先串我 仲話我餓脾飯同燒鵝飯冇分別 我即刻鬧佢 我講完之後佢知死 望都唔敢望我低曬頭冇反應 其他同事都擰頭

吾知係吾係在一個公認全港最多貧窮家庭居住的地方，吃一個接近$100的燒味飯午餐，而受到上天懲罸，双脾飯内的鹅脾竟然有3分2皮不翼而飛，食燒鹅走皮請恕小弟就未去到咁高境界，可能落單個呀姐見小弟成個三高人仕咁款，為小弟身體健康着想，就整碟走皮嘅雙脾飯我嘆，但点解隻鷄脾又冇走皮係吾係呀姐寫漏咗，成餐飯最好食就係羗䓤加色捞飯，個對雙脾就食吾食都罷。

不嬲都係燒鵝大王嘅擁躉。第一次去食嘅時候，見到個價錢牌會嚇親，因為都偏貴。但係當碟飯嚟到見到個份量嗰陣，再食埋啲燒味，就覺得一啲都唔貴，對得住個價錢。你都識有兩個貼士俾大家。第一，記得要嗌一碟，唔好話一碗。皆因價錢就爭少少，燒味嘅份量亦都會有少少唔同。第二，如果你係多個一個人嚟食，各自嗌兩個單數煩，再互相share，會平啲啲。叉燒飯照舊都係嗌肥叉飯，已上碟嘅都偏瘦，不過就有燶邊，算佢啦。今次叉燒質素好好，夠香夠甜，非常不錯，而且擺碟亦都唔差。燒鵝飯正！今次有燒鵝髀食！燒鵝嘅質素，肥瘦均勻個皮仲係脆㗎。份量一如既往嘅多，燒鵝亦一如既往嘅好味，以呢個價錢食到呢個質素絕對超值。點解標題會話係撞手神，自己意味下啦，哈哈！

以前有買過幾次外賣燒鵝都ok. 以前堂食都唔差 味道ok都叫大份足料。點知大年初一諗住去買半隻燒鵝，返到屋企一開 ， 個盒比以前細左。 肉位得個面少少，基本上厚肉位得三兩舊⋯⋯真係買半隻鴨都多過佢。其實斬時見佢拎左舊肉出黎⋯不過見佢又斬緊店內單冇追問⋯ 唉⋯失望買時呀姐又亂 同佢落單 「哦」你一聲 ， d人聽佢哦完就係門外等啦轉頭又叫d人企開晒唔知邊個先邊個後，叫人排隊 唔好企咁開 跟唔到單。完全唔知想點。 咁好心一黎就叫人排隊啦。前面得一兩張單 都斬勁耐。不可一不可再！

疫情下外賣，返到屋企打開睇下個燒鵝飯，賣相已經唔吸引，亂斬燒鵝似隔夜，仲要唔平，食落真係唔值，似街市廿幾三十蚊燒味飯冇分別，燒鵝皺皮又冇燒鵝味，成盒最好食原來係個白飯加色，完全諗唔明點解咁多人幫襯，伏左一次永不幫襯

第一次嚟食，叫半肥瘦叉燒加燒鵝肶飯外賣。強調咗幾次要肥D嘅叉燒，結果比哂D又瘦又乾又柴皮嘅我！！😠完全唔掂！好失望！枉我專登來試，blacklisted forever!

久唔久想食燒味都會去深水埗燒鵝大王因為佢雖然貴但超大份幾乎可以兩個人食一碟今次叫左叉燒燒肉飯同埋燒鵝飯睇返碟燒鵝 （$64）我隻手指係咪好細呢？因為碟燒味真係好大份真心夠兩個人食一份今次嘅燒鵝好un, 唔夠腍，雖然都有好濃嘅鵝膻味、有人好憎呢陣味，但我就ok, 等如食羊無羊羶味又點似食緊羊肉？今次真係un到痴哂牙，好乾，同往時水準差好遠，難怪其他食家都話佢越做越差。燒鵝皮就真係好脆往時食佢嘅叉燒都係無得輸，記住要叫半肥瘦，否則佢一定會比瘦叉你，又係鞋到咬唔開，半肥瘦就包你一定滿足。又軟熟又香甜，無得頂。我之前帶過台灣人朋友來食，佢地都讚不絕口。燒肉偏咸，又鞋，我唔中意，唔會再食。整體來講，都係得叉燒保持水準，燒鵝已經唔係好得了。記住入去食要小心，佢嘅地板油立立扇到可以蹓冰滑走(˶‾᷄ ⁻̫ ‾᷅˵)

一個星期內幫襯咗兩間標榜燒鵝嘅餐廳, 一間係紅磡一龍, 今次幫襯燒鵝大皇全因為可以坐係旁邊條露天巷仔煲煙!優點:1, 緊係旁邊條吸煙巷仔專區啦!2, 點咗碟肥叉鵝, 燒肉雞同油菜菜芯, 肥叉一層肉一層肥肉夠味夠甜入口juicy多肉汁而且極軟極冧!3, 驚喜地切燒鵝脾! 鵝脾肉嫩多汁.4, 雖然店名叫燒鵝大皇, 但白切雞都唔錯, 入口無渣雞肉嫩滑.5, 油菜同兩碟飯份量足夠, 無偷工減料, 讚!缺點:1, 門口貼咗通知有糯米飯，點知無賣，失望！2, 燒肉皮唔脆, 而且燒肉嘅通病 - 味道太咸同樣存在.3, 燒鵝肉就出色, 同樣地皮唔夠脆.4, 油菜唔係落蠔油，蠔油夾自己口味，而配上豉油都係無咩味道.5, 相反果碟蔥蓉極值 Big 咸！同食鹽完全無分別！食咗包你開哂聲唱流行經典足50年！

叉燒飯叉燒瘦到阿媽唔認得，啲飯好鞋好難食，應該係貪平之過，周圍汙糟邋遢，雖然係深水步嗻！而家好多餐廳都要整潔乾淨食物質素有返咁上下，先至對得住食客，你先至夠錢交租俾人工，希望用啲靚啲嘅梅頭做叉燒，千其唔好馬虎，米你真係要搵個好啲嘅供應商研究下轉米，如果唔係你啲客好快流失

原先想著這家燒鵝多人光顧而且老實 看着他斬半只燒鵝給我的時候 與砧板上的肉溝在一起 由於砧板上有其他肉所以我都無法看清楚 有沒有留起了一兩塊肉 （我希望是自己看錯 不冤枉人家）回家後我們看過之後 發現連盒933克 盒底全是一整個餓頭和餓頸 跟其它師兄師姐所見的情況一致 各位讀者自評斷另外 回家後發現欠缺肉味和腌料味 簡單來說缺少花椒八角的味道 跟我一年前在店內吃的味道有很大分別在一兩年前 我也會帶台灣同事到這店用餐 但如其它食評所說 質素下降了不少（由於OpenRice 指出這是嚴重指控，要求修改有關字眼，以上所有都含有圖片及鎊重，讀者需自己判斷，這在1月26日下午外賣自取）

呢間位於深水埗既平民港式燒味店，係好多男人既浪漫天堂經常都會坐滿客，而大部分都是男生為著佢地既燒味同小菜而來但作為女生的我，也不禁被佢地既叉燒深深吸引呢間既叉燒肥瘦適中，吃到好嫩，又帶一點肥，唔會太膩，雖然好肥，但真係好好食！而且仲可以加錢飲老火湯，之前飲過真心正！唔係味精湯另外，如果唔想食燒味，呢到仲有臘味糯米飯同埋小菜，例如咸蛋蒸肉餅、排骨或蒸魚等等。好鐘意佢地多元化，配合唔同人需要。我次次都會點蒸肉餅，真係好食，唔咸又好送飯！

環境 近地鐵站喺深水埗地鐵站d出口出然後即刻一個街口轉左,成個路程大約3分鐘到｡衛生 大排檔程度地舖黎講算係咁啦唔會話好乾淨但係又唔喺好污糟｡食物 燒鵝大王竟然燒鵝越做越差以前都會買一只燒鵝返屋企慢慢嘆宜家真係不了｡早排去食左個燒鵝瀨粉，燒鵝除咗面頭果兩舊都叫有肉食下面嗰啲全部都係肥到不得了,好似比人打左催谷肥仔針留個表皮下面咁 ,加上羶味來自油脂,我食左兩啖就忍唔住想嘔,差唔多成60蚊一個粉俾啲咁咪質素我,去大家樂食都冇咁嬲呀｡

Ordered the Cha Siu With Grilled Goose Leg with Rice (Bowl). Soup is good. It is very flavourful. Chicken foot adds flavour to the soup, but maybe not visually appealing to foreign visitors.Cha Siu is too dry for my dish. Not enough fat, and the texture is a bit rough.Goose leg, on the other hand, is too fat. There is not much meat, and like 80% of the goose legs are fat. Disappointed.Also, green onion and ginger dipping sauce is way tooooo salty. Too salty even eaten with plain rice.

話明叫得做燒鵝大皇 當然係食港式燒味嘅地方而且主打應該係燒鵝 大家慕名而來都係為左燒鵝飯店內環境真係好一般 夏天但係冷氣唔凍 又迫地下仲有水 但鬼叫佢出名咩 就係黎度既特色 (建議接受唔到既朋友仔唔好黎)燒鵝飯(碟) $61 (好味指數: 😋😋😋)其實賣相真係唔錯 但水準真係差左好多 肉質太'鞋' 調味太咸明火例湯 $9 (好味指數: 😋😋😋😋)今日應該係赤小豆雞腳湯 真材實料 值得一試叉燒瀨粉 $51 (好味指數: 😋)真心好想俾嬲嬲 但係佢個粉配個湯同芹蔥粒都唔錯 要嬲既係叉燒 乾到一個點 硬到一個點 連叉燒味都無 超級失望其實我都唔係第一次黎食 以燒味飯既價錢黎講係深水埗都算少貴 不過佢份量次次都好足 不過今次水準大跌 真係好失望 所以應該都唔會再食(👍🏻👍🏻👍🏻👍🏻👍🏻為最高)整體食物質素: 👍🏻👍🏻性價比: 👍🏻👍🏻推薦指數: 👍🏻