影片
电话号码
95765108
营业时间
今日营业
07:00 - 21:00
星期一至五
07:00 - 21:00
以上资料只供参考，请与餐厅确认详情
係九龍灣好難搵到傳統dd既麵包舖，今日終於搵到，舖頭細細，都好多人幫襯。款式唔算多，但價錢都頗親民，我買左雞肉三文治14蚊都幾抵，係舖滿晒大大舊雞肉塊，雞肉應該係搽左d照燒汁食落甜甜地，最可惜係有雞皮，如果去埋雞皮冇甘油同轉用麥包健康d既話應該會好受歡迎。有雞皮扣分，用白麵包扣分，但味道滿分。
继续阅读
身為麵包腦袋，看到好吃的，想吃的麵包，我必須去，今天專門過去試試，從公司走到這裡好想洗澡了一樣，都是汗，可惜今天種類不是很多，看到網友推薦的一個都沒，於是買了一個雞肉的，價格實惠，味道，如果再甜點就好了，說起這種面白，我很喜歡凱施的
继续阅读
本來買個包真係好少寫食評，除非成日幫襯佢又抵讚嘅。今次寫一寫呢間燕鈞，一來覺得佢呢啲細舖都有openrice仲要有comment覺得好神奇，二來呢間野居然可以䇄立於九龍灣咁耐就更加神奇！是日呢，要過一過黎呢邊條街拎野，順便就買個早餐，差不多十點半，附近食店已經收起早餐預備午市，見到有麵包舖即刻九衝入去啦，外面陽光普照，間舖就燈都唔開黑麻麻，形成強烈嘅對比。店內只淨返三盒三文治，同少量麵包。睇佢唔係集團我估係家庭式，賣晒就算？淨低嘅麵包一啲都唔吸引，咁試下三文治啦，斷估有肉有菜都唔會難食得去邊……但我錯了。買份三文治，老闆娘態度幾好，主動入埋膠袋，膠袋印左公司名同地址，唔知點解見到呢個膠袋，就有一種老舊嘅感覺。By the way，想環保少少，食完後個袋我褶起收埋左，留返其他用途。買左一份雞三文治，老闆娘係咁叫，問係咪要雞三文治，怪怪地咁，哈哈，講雞肉三文治會唔會好啲？！入返正題講返個包，明明係方麵，雞肉同生菜，點解可以咁解食……塊包又硬又乾，雞肉硬邦邦，生菜正常嘅，內裏完全無醬料，可能怕塊包吸左會變得溶溶爛爛？而且第一啖咬落去已經覺得奇奇怪怪，點解係甜嘅？食多一啖都係甜㗎喎，啲雞肉又粉紅色，望一望唔會係叉燒掛？睇真啲有雞皮，真係雞肉黎。試下分開食，雞肉係無味嘅，甜味黎自白方包。嘩，咁正常嘅食材都可以咁難食，點算？爭扎左好耐究竟比ok定喊面好，佢12蚊份三文治係平嘅，有個硬盒又咁足料……但真係無下次，或者其他包會好食啲？我就無勇氣試了。
继续阅读
不嬲做開CD ROM，就算幾難食我都好少俾間舖bad comments，覺得好又一餐唔好又一餐！今次真係嬲嬲地要寫個食評！九龍灣工廠區冇乜麵包舖，呢間係比較方便我，快快地買個包番工慢慢食。幫襯左幾次，分別食左：-1. 吞拿魚三文治2. 燒雞三文治3. 燒雞包4. PIZZA5. 麥包6. 菠蘿包個名大概係咁，比大家參考下首先D三交治#1 & 2係凍，d麵包雪到又硬又乾，d吞拿魚都叫做好d，燒雞簡單係慘不忍睹，完全冇味好似食緊白烚雞咁！#3燒雞包一樣，d雞冇味好多肥膏，係靠d沙律醬充撐場面！#4我食左一半都冇就扔左，我見佢d料好多好足，但係d腸仔類o既物體，係真係難食！完全唔係腸仔，d質感似食緊紙！我有d驚係d大陸黑心肉腸所以冇食！#5病左冇任何期望#6除左得少少甜，唔似菠蘿包！總括黎講，我只係貪方便先買....充飢本身食左幾次都冇諗住打個bad comments，點知老闆娘臭串到呢呢d咁o既細舖同你講服務其實都係waste gas，我都唔預有咩好面色，平時買完講聲唔該就閃，今次真係嬲！佢地d包有毫子位，咁正常人見你d包有毫子位，咪比毫子囉，點知老闆娘大支野到，唔收毫子！咁我只好收番自己d毫子，乖乖地交出一蚊，點知老闆娘自己爆seed，大大聲話我睇清楚啦唔收毫子呀，想洗毫子你去超級市場啦！我淨係講左左一句，唔洗咁既態度既！個老闆娘係咪以為自己好巴閉？找人毫子，自己又唔收？我都冇出聲放低番一蚊，佢都要咁既態度？你想咁巴閉鬧人既，咪去澳牛做囉 (如果你有本事！)。晨早流流買個包，都要受氣，真係俾錢買難受！另外不得不提，該店環境唔太乾淨，殘殘舊舊，牆上有灰塵為自己健康著想，為自己有一個美好早上，我唔會再幫襯呢間麵包店！
继续阅读
班蘭蛋糕每朝搭車返工，落車都會經過呢間餅店。見到佢嘅班蘭蛋糕，大大件都只係$7.5。經過左好多次，今日終於買左黎試！！ 真係好大件，我食左一半就飽左，味道非常驚喜！！講真對於只賣＄7.5嘅蛋糕真係零期望，只要夠飽肚就得啦。但估唔到，蛋糕係超級鬆軟！但又唔係果種充滿空氣，食完好似無食嘅感覺。味道有d似細個成日食嘅紙包蛋糕，都幾似，反而班蘭蛋糕獨有嘅味道就欠缺。都係果句$7.5 好味得黎，又可以食到飽，細食嘅朋友當早餐＋Tea食兩餐都仲得，好鬼抵！
继续阅读