燧記廚房 (荔安大廈) (已結業)

小炒@燧記廚房 地址: 西環西營盤水街2號荔安大廈地下C號舖電話: 23535155一個月外賣生活，你習慣了嗎？苦中作樂是發掘小店，在港島區工作的我，因地鐵開通了，去了香港大學站覓食。呢間係電視介紹過，有機械人炒菜架，睇機械臂做菜幾有趣$50 一個餸 ，跟飯成餐$55 幾抵食,四季豆炒肉碎好下飯，豆爽口夠鹹香,真係白飯殺手蒸水蛋看似簡單，其實要滑唔老唔皺面都要控制好火候同蛋漿比例份量。三色蒸蛋有齊鮮雞蛋，鹹蛋同皮蛋，彈彈滑入口同時食到鹹蛋皮蛋香仲有例湯/飲品，冬天要例湯,舒心又健康保暖。

朋友係獨居一族 最近搬去西環 早前我去參觀新居兼聚舊 兩個人天南地北💦咗一輪 係時候食晚飯 見佢好快速咁透過手機落單 然後準備就緒 落街攞咗兩袋外賣🥡上嚟 來來回回 唔駛半個鐘-🥦🥓#西蘭花炒牛肉 $54餐單有十幾廿款小炒 牛🐂豬🐖雞🐓菜🥬蛋🍳 足夠選擇有餘 朋友揀鑊氣小炒西蘭花牛肉 單身一族一樣食到住家風味小菜 套餐跟白飯🍚一個例湯🥣一碗 飽肚有餘 抵食十足-🌶🧆#川味回鍋肉 $50我點嘅回鍋肉 屬於川式版本 比上海店賣嘅少放咗油 再用豆腐干取代椰菜 成個小炒辣味🌶依然 豆腐干同豬腩肉片🥓少咗油膩感 更為乾身好食 好餸飯得多😋-📍#燧記廚房西環水街2號荔安大廈地下C號舖

宮保雞丁中規中矩，比燧記做得出色的宮保雞丁比比皆是，但令我覺得驚喜的不是廚師放了大量辣椒，而是敢落大把大蔥增加香味，辣椒多而不辣，但總覺得少了宮保雞丁應該有的一口酸味，然而，整體內容已經非常下飯，吃了半碟餸不知不覺間已經把白飯扒清。我覺得廚師對回鍋肉的理解有偏差， 小放了回鍋肉中的一項重要材料 — 椰菜或高麗菜 —吸收五花肉的油脂，五花肉的鹹和油在沒有得到蔬菜的平衡之下只會增加食客的負擔，結局不難想像，吃了三四口後，剩下少量肉和大量炒料，已沒食慾。整體質素確實不差，性價比可以，如店家開在我家附近，應該會經常幫襯。

呢間餐廳離地鐵站都有段距離，要行好耐。不過間餐廳的野食真係好食，好夠鑊氣。呢間最特別的地方係機械人煮飯，隻機械人就唔算好精美，唔係人型個種，不過好實用，好有效率。你可以透過塊玻璃見到點運作。我地叫左宮保雞丁同醬椒蒸黃骨魚。好熱辣辣，條魚d肉真係好嫩，極度推薦！細細條，唔會食唔晒。個宮保雞丁就比較辣。呢度環境比較細，做外賣為主，得兩臺堂食。

还好 味道觉得有点淡 就是为什么地上一条灰色地毯是粘粘的？粘鞋！很尴尬。IG看到，来港专门过来吃的。原来就在酒店后面。就是地毯很粘，脚踩上去都能把地毯带起来！真的很尴尬！

去完HKU又唔想食canteen到底係西營盤有咩可以食？全港第一間機器人🤖️餐廳🍴，AI Chef負責配菜、傳送食材、自動烹製食物、出菜同清潔～聽落都覺得好神奇，所以就帶埋同樣都想探究呢間舖既Annie一齊試下呢度既廚師手藝～全部都係小菜為主，店鋪設計乾淨明亮，感覺係簡潔風！無你想像禁辣既黑椒牛柳呢個其實有半顆辣椒但我覺得主要都係黑椒味唔會有太辣的感覺牛柳入味配搭爽口三色椒增添色彩洋蔥又夠稔入味～酸酸甜甜宮爆雞丁最鍾意食酸酸甜甜的味道～食完真係好開胃！同埋味道炒得夠香好鍾意陣蔥椒花生香味～雞肉嫰滑又夠鍋氣！蒸得有骨氣醬椒黃骨魚(🌶️ )呢款🐟魚肉鮮滑口感特別而且搭配醬椒格外惹味不過呢個醬椒會偏辣(睇menu 都見到成個🌶️)如果承受唔到辣呢，就記得食個陣撥開面頭醬椒！食魚肉就唔會覺得太辣了～整體評價服務：7.5環境:7味道7

行到邊食到邊～西營盤-上次在西營盤發現有間好特別嘅A I智能廚房可惜當日已經吃飽了晚飯😔今次我們舊地重遊一定要吃香港一間智能廚房～燧記廚房。-HK$56好鬼Q彈肉臊蒸蛋～名副其實真係好鬼Q彈嘅蒸水蛋好似布丁咁震震下好滑溜拌飯一流。-HK$55有內涵紅燒馬鈴薯排骨～上檯時聞到一絲絲糖醋的味道排骨炆煮後好軟熟連白色的軟骨也可以吃下肚。馬鈴薯吸收了醬汁及排骨的精華。咬下去不會太膩及有爽口的感覺👍🏻。-HK$55酸酸甜甜的宮保雞丁～炒的沸沸揚揚很有鑊氣。因為朋友不可吃太辣，所以這是微辣版及有點酸酸甜甜的感覺。這點與其他餐廳宮保雞丁不一樣的地方。-套餐是包紫菜蛋花湯，好多好多紫菜所以湯有咸鲜味道。-餐廳裝修簡潔俐落，以科技進步來減省人手及保持品質嘅水準。這個會是未來餐飲業的大方向，香港越來越多高科技餐廳。每個套餐不過60元，便可以吃到智能烹調的食物，正。

今日同朋友去以前學校附近行返個圈，發現附近都變左幾多，啲餐廳都唔同左。我發現左一間用機器人做廚師既餐廳。喺店入面可以見到呢個機械人既運作！老闆話機械人係佢地自行研發架，好厲害。呢度係賣中式既小炒，價錢唔貴，幾十蚊就有一個套餐，有飯有野飲。我地叫左三個小菜，分別係有內涵紅燒馬鈴薯排骨、三弟有機花菜炒肉同埋好鬼Q彈臊子蒸蛋。估唔到機械人整出黎既菜有板有眼，如出面大廚煮出黎既菜無咩分別！中式小菜炒得好入味，我最蒸意呢個蒸蛋，蒸蛋好嫩滑，送飯一流！

一次私人聚會以後，沒有人陪我吃飯，肚子很餓！我走了很久，找到一家機械人炒菜的廚房，Okey，就打算試一下。晚上 8:15紅燒馬鈴薯排骨套餐 —紅燒馬鈴薯排骨可樂汽水 1 瓶米飯無限添加承惠 港幣 61 圓淮山雜菌牛肉套餐 —淮山雜菌牛肉可樂汽水 1 瓶米飯無限添加承惠 港幣 66 圓在用飯的時候，跟店長李先生談過一下，他們也是湖南來的，以前是修機械工程，用自己的學識，跟朋友來港，製作炒菜機械人，他的合夥人，已經在香港，有好幾家湖南菜館喔！米飯、汽水，我不擔心，但是機械人的炒菜，是怎麼樣的………紅燒馬鈴薯排骨 —馬鈴薯切得細細的，醬油是預先調好的，機械烹調不用擔心，不過排骨是冰鮮貨，冰得太久，烹調就縮了，基本味道：可以接受。淮山雜菌牛肉 —淮山、雜菌，以經切好，醬油已經調好，不過牛肉冰得太久，烹調就縮了。基本味道：可以接受。總評：廚師炒菜，火氣最緊要，但是機械人炒菜，那就是一個新嘗試。火氣可以慢慢去調，不過最重要，是肉類的新鮮度，多肉多菜火氣好，才是他們的賣點喔！

去開香港大學附近，友人提議去這間全港首家機械人餐廳，以機械人取食材、炒菜和出菜。我見咁特別，一於去食晚餐。真的很近香港大學，價錢實惠，學生又有折，難怪有很多大學生來食。款款都很吸引，想了很久，終於決定點「黑椒牛柳」、「外婆菜四季豆炒肉碎」及「老乾媽蒸排骨」。黑椒牛柳，點睇都唔似機械人炒菜，賣相已吸引，牛柳肉嫩，有少少辣。原來堂食有湯送，好味。外婆菜四季豆炒肉碎，惹味，送飯一流 老乾媽蒸排骨，這碟菜較辣。

呢間係西營盤飯店最出名係機械人煮飯，佢唔係成間舖都係機械人打理，而係係煮飯既過程入面用既係自動既機械，例如炒餸等等都係用自動既機械來做，雖然係咁，但質素都相當唔錯。呢間餐廳主要係食地道小菜為主，我地就嗌左：1.紅燒馬鈴薯排骨馬鈴薯炒得好香，紅燒排骨都好腍好入味，估唔到機炒都咁咁入味同咁有鑊氣，配料都好香，辣椒同蔥夾落去排骨度係非常之香口同令到排骨既味道更香同有層次。2.宮保雞丁佢既辣唔算大辣，就算食唔到辣既人都可以食。反而佢突出既係酸酸甜甜既味，開胃得來又勁夾雞丁既嫩滑，而且雞丁都好多好足料，唔錯。3.大兄攸縣香乾炒肉呢個炒肉用既係豬肉，加上花生，蒜，辣椒等等炒成。非常之香，肉質都好嫩，鑊氣又好夠，真係唔錯既選擇

朋友介紹有間機械人餐廳 聽落好似幾得意咁 去睇下丁底係啲乜同試下喇鋪頭入面都幾乾淨簡潔 隔離有個窗可以望到機械人全自動式咁樣炒餸 感覺好得意同新奇 就咁睇都過癮 但唔知出黎夠唔夠鍋氣同正呢🤤佢嘅菜式唔算好多 只有十款菜式但各款菜式各有不同種類 有小菜 辣嘅 同埋蒸嘅 我同朋友分別叫左三款宮保雞丁酸酸甜甜 而且冇想像中咁辣 佢啲配料都幾多下 有雞之外仲有花生 乾辣椒 同蔥 食落唔錯 紅燒馬鈴薯排骨我覺得個樣同雞丁有啲似 全部都佢都切到細細粒 每樣配料大細均一 炒得都幾乾身 食落岩岩好 薯仔唔會好粉 仲有咬口攸縣香乾炒肉依個我叫左佢變外賣 佢真係pack得好好 值得一讚 原來依個菜係豆腐乾炒豬肉 佢比起雞丁再辣啲 但辣得黎好惹味 令你食完會想繼續食 而且佢啲豆乾干都好吸味

今次搵食搵到西營盤，有咩驅使我入去食？係愛定責任？係好奇心.... 聽講呢間餐廳🍴係全港首間用機械人炒菜。等我入去睇睇先...餐廳色調「黑/白/灰」以簡約為主，整潔乾淨，設坐枱數量不多，大概只有20個坐位，餐廳主打外賣🥡服務。由於餐廳9成菜式都係機械人煮；所以只有10款四川菜式選擇。我可以從櫥窗到睇到機械人製作菜式：黑椒牛柳（$60）；宮保雞丁（$55）。製作過程機械人於指定時間下放配料，再配合指定動作來炒熱及加以調味。說時遲 那時快，大概8分鐘已有得食。Presentation 同味道方面都真係無得輸；完全睇唔出人手及機械人既方別；如果菜式可以再「熱騰騰」出場就perfect 池了。呢個價錢，又表演睇，環境，上菜速度，菜式又唔太差，無疑性價比係高既，係同區搵食搵到甘既餐廳，夫復何求呢？！

西營盤附近開咗一間幾有噱頭的餐廳，主打全機械人製作，亦係香港唯一一間機械人餐廳。有煮食、清潔等等，都係以機械人一手包辦。今日就入去試一試。店嘅選擇雖然唔多，但係每一款都好吸引。因為我係食辣之人，所以每一款都好想試吓。店員落單之後你仲可以坐喺用餐區，一邊欣賞機械人的烹煮。不過今次時間唔多，所以只係叫咗外賣返去慢慢品嚐。唔好睇小佢係外賣，份量都幾大份。黑椒牛柳套餐牛肉入咗洋蔥同埋青椒爆炒，牛肉幾大件，而且炒埋一齊好惹味！送飯一流。老干媽蒸排骨呢個蒸排骨有驚喜，可能新鮮熱辣蒸，就算拎到返去食都係熱辣辣。排骨都幾有肉地，加上老干媽辣醬的麻辣，不會搶哂鏡！攸県香乾炒肉最鍾意嘅豆乾吸收晒辣椒的香味，而且豆干和肉切得薄薄地，好易入口！午餐仲送埋嘢飲！都係50幾蚊到60蚊！原來外賣仲有九折，下次都不妨試吓其他四川風嘅小菜。

天氣好，偽文青到處走走。聽啲大學生講水街有間機械人廚房嘅餐廳，專程去試吓。門面簡潔，有幾級樓梯，有別於一般小炒餐廳。點好菜，有個窗口仔可以望到機械廚房嘅操作，原來由執材料開始，已經係機械人代勞，感覺好衛生整潔。無你想像咁辣黑椒牛柳 - 見到佢細細隻字寫住冇你想像中咁辣先叫黎試吓。少少辣，牛柳好腍，正。酸酸甜甜宮保雞丁 - 酸酸甜甜，花生好脆，雞丁唔似好似其他餐廳咁黐住一大塊雞皮，而係成舊雞肉，唔錯。超下飯外婆菜四季豆炒肉碎 - 呢個超贊，形容得冇錯，超下飯。肉碎同其他配料炒得好均勻，唔通呢個都係機械廚房嘅好處？真係好惹味，值得推介。晚市送湯同飯，唔係平時茶餐廳飲嘅例湯，係好有住家風味嘅蕃茄湯。驚喜之處係估唔到機械可以炒出酒樓鑊氣又不失住家風味，係一個好好嘅體驗。