燧記廚房 (巧運工業大廈)

营业中

休息中

由$50-$60的堂食，到$50-60的外賣，只能說香港人韌力真的很強，變通力很高這家迅速轉營外賣的燧記選擇未必很多，18款菜色差別都不大，但論性價比卻是難得地高！在工廈的它，主打中菜食物：我點了西蘭花炒牛肉$54這套餐有炒得爽口的西蘭花，稔軟而惹味的牛肉塊，感覺似是牛柳位，瘦肉多但稔嫩，非常均衡的一個套餐！份量很足！黑椒牛柳$54非常微辣但很惹味的牛肉，另加一些熟洋蒽有陣鮮甜味，這個牛柳又是嫩滑無筋，回到家翻熱吃也絲毫不影響口感，不錯另外這套餐還包一個大白飯跟一罐汽水/湯，那個紫菜蛋花湯還滿好喝的，基本上一個大男人吃也會飽！

究竟幾時先食完外賣？今日又試新野。呢間食川菜既， 不過屋企唔係好食得辣， 所以就揀個輕手d 既算。係屋企食野就係咁， 要夾大家口味。咁呢度都有照顧到唔食辣既朋友既。🌟西蘭花炒牛肉餐$60 (自取九折 $54)有時係街食呢味菜時，西蘭花會比較硬身！呢度唔會， 好淋好易入口，亦都夠味， 唔係就咁烚完兜兩兜個d.🌟外婆菜四季豆炒肉碎餐🌶 $55 (自取九折 $49.5)呢個菜只係一隻辣椒， 可以滿足到食少少辣， 而屋企人又接受到既辣度。撈飯一流。有菜有肉balance d...通常我發板就會係咁。如果係爸爸去買既話就會全部肉🙈另外我幾中意佢包裝， 平時呢d 兜多數裝湯麵。但原來裝飯都可以。又唔會d 汁浸哂入飯度。值得一讚！

燧記廚房 (觀塘)觀塘駿業街66號巧運工業大廈1樓A號舖今日喺觀塘做嘢順便外賣個飯返屋企食，呢間燧記廚房超抵食，小菜加飯加飲品都只係$50左右。香辣脆嫩麻辣子雞套餐飯 +加汽水 $55份量都幾足，食落啖啖肉，雞肉炒到香噴噴，加上辣椒花椒一齊炒，食落好香，非常入味。攸縣香幹炒肉 套餐 飯 +加汽水 $55肉片炒到香噴噴，仲相當有鑊氣，小朋友都愛食，雖然佢唔太食得辣，但都好堅持要食😂總結：呢個價錢有呢個質素真係好抵食呀！

今日係觀塘做完野見到呢間外賣幾平而菜式又岩食，結果真係幾有驚喜!紅燒薯仔排骨可以叫多飯已經好過好多店舖，排骨超過十舊而且都係肉大過骨，調味方面唔會太咸，食到紅燒醬汁既味道，非常惹味而且岩送飯! 另一樣野好就係飯同埋餸係分開裝，就算我外賣後半個鐘先返到屋企個飯都仲好好食，唔會被個醬整到淋哂!宮保雞丁呢個真係有驚喜，連平時唔食辣既老婆都食到而且真係炒得好香口，大量花生同埋雞粒食落好有層次感，辣椒多但又唔會過辣，仲有少少酸味，又係好岩送飯!

今晚唔煮飯食外賣，樓下經過見到呢間新店試下。入到黎環境幾乾淨企理，仲有自助機點餐夠方便。叫左兩個$50套餐，有湯有餸又有飯，上餐速度都好快，5分鐘就拎得。外賣盒料好實淨，拎到番黎好完整，完全唔怕佢會漏汁。先試個醬爆雞丁，個汁好惹味撈飯一流，雞肉加埋青紅椒絲好香口。肉臊蒸蛋：個蛋估唔到外賣到番去都keep 到嫩滑，加上入味既肉臊，呢個平平無奇既菜式，居然有驚喜。跟餐既紫菜蛋花湯都好足料，超多紫菜，飲埋夠晒飽

今晚屋企冇煮飯，到觀塘買外賣，想食川菜，見呢間有好多選擇，平時午餐都可以考慮堂食，位都多餐牌以川菜為主，也有多款唔辣選擇，叫了川味回鍋肉同黑椒牛柳，再配了紫菜湯和汽水，價錢相宜。外賣包裝穩陣，先飲紫菜蛋花湯，熱㷫㷫，清甜。小菜炒黑椒牛肉，夠鑊氣，牛肉夠嫩，口感夠淋，唔算好辣。另一味是川味回鍋肉，有大量糊椒粒，夠麻辣，豬腩肉夠薄身，冇咁肥膩，配菜也有紅青椒，味道都算辣味，送飯一流！餸埋汽水就啱啱好。

呢排興食外賣但一直對外賣小炒不敢恭維怕放耐左冇左個風味今日膽粗粗食呢一間新開既小店，又幾喜出望外喎有自助點菜機，幾先進依家仲有套餐優惠，都幾抵食餐單有菜有肉有蛋價錢都幾相宜五六十蚊可以有個小炒有個飯有野飲依家呢個物價都幾難搵到孜然牛肉作為牛魔王又點可以唔食牛呢首先不得不提既就係佢呢個餸炒得好香香料落得好足，令佢味道好有層次而孜然呢個肉類既好朋友就更加唔洗講牛肉份量都唔少而且口感都唔錯，拎到返屋企食都唔會韌仲可以食到有陣陣牛肉香麻辣子雞呢個比孜然牛肉更辣，而且更香一開盒已經聞到陣陣麻辣香氣撲鼻而來佢辣味唔係得死辣，而係辣得有層次好似我咁鍾意食辣既朋友必叫雞似亦好入面食一件已經夠送好多飯因為夠晒惹味講起飯佢飯量都幾足而且粒粒分明，食到淡淡米香，唔錯！

聽舊同事講話官塘最近開左間新既餐廳，專做小炒菜式；是日放工後想去海濱公園行下，正好可以一試餐廳位置係正OK便利店左手邊，仲有大大個燈箱廣告，好易認唔知係咪因為新開張既關係，餐廳既菜式選擇比較小，不過菜式都係大路野；希望黎緊可以再多啲唔同既款式揀但對於我呢啲有選擇困難症既人可能都係好事～唔洗煩睇完menu就決定要 1.西蘭花炒牛肉  同埋 2.醬爆雞丁所有set都包 飯+汽水/湯 (仲有王老吉可以揀～) 由於晚市禁堂食既關係，嗌完餐之後就坐低等外賣啦；見到餐廳位置都好闊落，有機會LUNCH經過會試下黎堂食另外提提各位外賣晚市都幾旺下，我地坐低等既時間都見到好多人不斷叫外賣，建議可以落樓行下先再番黎取餐1.西蘭花炒牛肉  味道似屋企煮開既味道，西蘭花炒得爽口，唔會過冧；茨汁撈飯一流2.醬爆雞丁賣相十分唔錯～雞丁熱辣辣，蔥椒爆得香口，送飯正呀～

這天因為工作的需要，到達了觀塘， 正正到達了吃飯的時間 ，同事十分推薦一家新開的餐廳，地點上餐廳正正位於工作地點的附近，也就是距離地鐵站路程需要五分鐘左右的位置地理上還算十分方便快捷。餐廳主打的也就是小菜配飯。 作為一個獨獨的午餐，我希望選擇一點健康的，保持我的腸道健康， 食物方面，我點選的正正就是 西蘭花炒牛肉， 相信這是 零意外無伏的 ，果然和我想像的一樣 ，但份量比我預期中多 ，最重要完全不油膩 ，這樣已經令我心滿意足。

今晚去觀塘接女朋友放工，佢就話收到宣傳單張，附近開咗一間新開嘅餐廳，主打家常小菜。我哋就一於去試吓，餐廳嘅位置喺OK便利店隔離條樓梯行上去。一上到去環境乾淨，亦都設有自助落單機。唯一唔滿意嘅地方就係需要等好耐，我哋等咗差唔多半個鐘先攞到個外賣，另外某啲菜式已經賣晒。例如我哋最想食嘅三色蒸水蛋，竟然賣晒感到有啲失望。西蘭花炒牛肉 呢個套餐值得推介西蘭花新鮮爽甜，牛肉一啲都唔UM，值得推介。醬爆雞丁 雞肉係雪藏嘅雞肉，但以呢個價錢來講，已經覺得係超值，唯一唔鍾意嘅係太多醬汁以及太油。總括來講，呢間餐廳主打家常小菜，全部都係一啲簡單嘅菜式，價錢亦都十分之抵食。

觀塘又有新食堂，呢間野好容易搵，就係起巧明街OK便利店隔離，堂食位置唔太多，但係買外賣就相當之抵。👍🏻👍🏻5:30後，所有菜單都係$45一份連飯/飲品新張期內仲送炒菜👏🏻👏🏻👏🏻我今日就叫咗個炒麻辣子雞，孜然牛肉，賣相都唔錯，比觀塘友有多一個選擇啦！🤗🤗🤗麻辣子雞：雞比較小塊，辣椒比較多，味道屬於只有辣味，但炒不出麻辣的精髓，但送飯食確實是一流！孜然牛肉：分量足夠，牛肉味道不過不失。老實說用$45的價錢來購買這個餐，真的非常之抵食！抗疫之選！ 位置：燧記廚房 (觀塘)觀塘駿業街66號巧運工業大廈1樓A號舖

隔離泰國野就食得多, 最近發現隔離開左間套飯當然要試下啦, 因為附近冇乜呢啲餐廳, 所以喺到開業都有利, 分開咗兩次試食, 希望可以試多幾款, 望相好似好吸引, 唔知味道又如何呢? 今日LUNCH去到都唔駛等位, 可能冇乜做宣傳既關係, 所以暫時未有太多人發現, 只係去開泰菜既人就一定會見到三色蒸蛋配紫菜湯 - 其實呢到有幾款蒸蛋, 不過好似呢款抵食啲, 好足料, 有雞蛋, 咸蛋, 皮蛋, 啲蛋真係好滑送飯一流, 紫菜湯都好飲, 如果唔飲湯可以另加錢飲其他飲品宮保雞丁配紫菜湯 - 熱騰騰既既雞肉, 又鮮又嫩, 好味孜然牛肉配紫菜湯 - 牛肉都好嫩口, 係有少少辣, 但好惹味紅燒馬鈴薯排骨配紫菜湯 - 薯仔好入味, 排骨係半肥瘦, 不錯麻辣子雞 - 真係幾麻辣, 雞肉都好嫩口外婆菜四季豆炒肉碎 - 四季豆新鮮夠爽口, 份量都好多黑椒牛柳 - 牛柳好入味, 幾好食總結 : 有住家飯既味道, 最好同多幾個人一齊去食, 啲餸可以SHARE一齊食, 同埋唔夠白飯可以添既, 又多一間LUNCH去食既常店

试了麻辣子鸡和肉燥蒸蛋。麻辣子鸡够辣，鸡肉crispy，又嫩。蒸蛋都好嫩，分量都足够。加12蚊有樱花虾炒高丽菜，幾大份，好抵。想食多啲菜既，非常推荐。下次想试下孜然牛肉，小炒黄牛肉，干锅花菜