爵林米線廚房

营业中

休息中

見老友嚟呢度食煎魚飯，雖然見 OpenRice 劣評如潮，今日我頂着大太陽行嚟食，全身冒汗，見到門口有煎魚飯寫住喺度，坐低咗都見到牆壁餐牌第二項係煎魚飯包括烏頭同埋鱸魚，但係我叫嘅時候佢話唔做，叫我食蒸，我望住個餐牌話淨係想食煎魚，佢話廚師唔做，太忙唔肯做！ 當時只不過係上晝 11:29，三成入座率。 咁我唯有離開。唔係激氣，係覺得好好笑，佢要自殺我都冇辦法，我唯一嘅做法就係奉勸身邊嘅人包括同區嘅街坊老友唔好嚟幫襯，當然包括我自己啦！ 我使睇你面色？ 我使睇你心情？ 又或者等佢長期只有一成入座率我先至嚟食啦，咁應該唔會太忙可以煎比我食喇掛。（我個老友話佢一次平日一次星期六都係午餐時段嚟食煎魚）

買咗晚市薑蔥雞同蒸鱸魚飯雞得4，5件頭頭尾尾，血水都算，咬落去係柴皮咁又凍。蒸鱸魚得3分1條都算，過分係無洗乾淨，入邊綠色，條魚又梅又有怪味。食咗一舊雞，幾啖魚同飯之後真係頂唔順了。拎返落去同佢講，叫佢退錢，話食過唔可以退錢，企硬一定要等佢再蒸過，餓到死仲迫客等佢，無其他選擇，個店員態度差到飛起，不斷重複無問題㗎你咪投訴囉，亦唔認啲食物有問題。其實幫襯過幾次，都係想佢地接受意見，估唔到街坊生意都係咁，疫情前唔係呢個名，入面啲姐姐好好人，仲試過送雞翼俾我，又會叫我坐低等唔使咁辛苦。而家，唔會再幫襯。呢餐$128，最後當捐錢，當投訴過程對其他食客做成不便補償返。

見呢間餐廳送菜款式多樣化，於是開始幫襯試下，第一次食鹽煎雞扒飯，個雞扒非常有水準，又嫩滑又香，第二次食同一個餐，個雞扒煎到燶晒，好難食，第三次再食同一個餐，個雞扒直頭係臭嘅，後來先知原來廚房有一個大總廚，有一個垃圾廚師，每一次煮嘅嘢都係睇彩數，有時好好食，有時好難食，有時啲餸菜鹹到黐線，只有蒸魚係最正常，其他餸菜啲水準都好飄忽，價錢雖然唔算貴，但係要好睇彩數，食到大廚煮嘅就好好味，食到垃圾廚煮嘅就好垃圾好難食，大家睇路睇彩數！

剛剛買左一個肥牛飯,(58蚊+外買2蚊),味道簡直超级差,所謂肥牛,根本就是一片片瘦嘅牛肉乾,真糸未食過甘差嘅肥牛飯,甘嘅質素收58蚊這個價錢,真糸吾值.我連外買纸都立即撕左,保證自已無下次

食咗個外賣雞飯 食陣時覺得雞唔係好新鮮 同埋好咸 以為無乜野 只係唔好食食完痾咗我三日都應該唔只係唔新鮮咁簡單懷疑食物中毒然後上嚟望下，先睇到有其他食評話佢啲嘢好污糟！平時幾難食嘅嘢我都無寫食評但食物安全有關 我覺得有必要提大家

今日出街由尖東行到黄埔，去到黄埔見到呢店有四餸米線餐食，今次叫左牛腩，牛展，元蹄肉，通菜，另加杯凍檸茶，共$63,整體食物質素普通，但味道唔錯，呢度仲有其他下午茶餐選擇，平平地食都ok!

【九龍城區】【爵林米線廚房】耐唔時都會同前電台同事周馬膠食飯，今晚佢嚟到紅磡附近搵我，我就梗係想同佢去食好嘢。不過我哋夜得滯去，「生 XX 味」已經閂門，咁就食「景 XX 房」，點知佢已經執咗，就食呢間喺佢個位再開嘅另一間餐廳啦。入到去發現冷氣唔多夠，同埋啲侍應溝通好似麻麻哋，不過個男侍應幾好笑容就由佢。我食個 $74 嘅「海鮮過橋套餐」，有日本帶子、鮑魚片、蝦仁、魚腐、魚皮餃、魚片頭、蟹柳、炸醬生菜、芽菜、木耳、腐皮等配料。我仲加 $5 轉咗魚麵做麵底，結果又幾清新幾唔錯，尚算係非油炸嘅好味之選。而呢碗嘢本身唔算突出，但勝在味道夠多，好多款嘢食，有啲任食火鍋 feel，正。加 $3 飲「凍奶茶」，明明整好都要問先肯攞過嚟，少少失望。周馬膠就食 $58 嘅「胡椒豬肚雞米線」，佢講嘅版本就話都幾好食，咁我見佢個樣都好似唔錯咁。佢就加 $10 飲「凍檸樂」，呢個就大家都知會係咩味，唔再講喇。張單夾埋 $150，我覺得我嗰份都唔算好貴，係環境可以改善。。。（地址：紅磡寶其利街73號東禧閣地下A號舖）#1amfoodie #foodie #hkfoodie #thatfoodiething #

試下紅磡新開嘅米線鋪！🐟酸菜魚$70 （+$10米線）推⭕️花椒味好濃 有啲似麻辣湯 反而冇咩酸 魚塊好多 但薄薄地 好滑 但$70對得住個價錢嘅 米線偏淋 少少彈性果種 🍜刀削麵套餐（包一個餸）$48 唔推❌湯底酸辣 5少（+2）我哋揀咗菊花雞 味道普普通通嘅雞 但滑既 煮得唔夠熟 有啲血水湧出黎 🥹🥹個刀削麵係厚得黎好有咬口 唔係平時我哋食嗰種薄薄地 口感幾有趣個酸辣湯剩係得酸 仲要係醋嗰種酸🫕（唔啱我哋口味）🥘手打魚麵 $40（加$8 黑柏葉 $6 腩肉）轉胡椒豬肚湯底（+$2）推⭕️胡椒豬肚湯推！胡椒味好濃 又唔係好辣呢個麵食落去好有魚肉嘅味 好彈牙黑柏葉煮得太老 有啲難咬🥹腩肉係好薄 有肥膏嗰種 冇咩特別

諗住近近地入去買個外賣食，點知都要受氣。。。一入去見到個收銀嬸嬸方向口方向面其實都預左冇咩所謂，叫完食咩同佢講用八達通俾，佢一句得埋嚟話「我㩒左喇咼！」咁我唯有去㩒完錢再返嚟俾啦。。俾完錢喺門口企左超過20分鐘都冇見過佢叫number，心諗冇可能呢d set lunch都要等咁耐，就入去睇，見到有份外賣求其擺左喺其中一張枱度，對返number真係我果份🤡 原來呢間野買外賣係冇人叫number，要定時定候自己入去揾😅 之後同d同事講返佢地呢個咁有趣既外賣方式，佢哋話呢間野d態度一向惡劣，d野食又污糟成日發現頭髮🤮所以冇幫襯好耐🤬

我今天嚐試了一碗清湯牛腩刀削麵，但是我必須承認，味道並沒有讓我印象深刻。這碗麵條的湯頭看起來相當清淡，並且沒有太多的調味料，牛腩的肉質也稍微有些柴硬，讓我感到有些失望。然而，這碗麵條的刀削方式倒是相當獨特。麵條看起來像是手工製作的，厚度均勻，且寬度適中。這種刀削麵條的口感比較嚼勁，且有種傳統的手工風味，讓人不禁想起了自己童年時期在家裡吃的刀削麵。總體而言，這碗清湯牛腩刀削麵的味道是一般般，但是麵條的刀削方式卻相當值得一試。如果你喜歡口感有嚼勁的麵條，這碗刀削麵條值得一嚐。不過，如果你比較在意湯頭的味道，這碗麵條可能會讓你有些失望。

本身想食一間四川菜🌶️🌶️🌶️ 點知撞正無開🥺於是係附近周圍兜 搵好西最後比呢間門口碗 酸菜紅薯粉 吸引左下午點零鐘 餐廳得返最後一張二人枱 🍴酸辣紅薯粉 + 腐皮薯粉都幾多 軟硬適中 唔會太淋 又唔會硬到咬唔斷湯底夠酸 但唔夠辣🫣問職員拎左兜辣椒🌶️醬 加左辣就prefect 啦🤭炸醬好好味 又有勁多花生🥜腐皮吸哂啲湯既味道 好正😋😋🍴酸菜魚 （中辣）因為即叫即煮 薯粉食左一半先上枱賣相已經好吸引🤤可能呢碗叫左中辣🤔 比起紅薯粉 呢碗真係辣啲超多酸菜😍 酸菜又唔會好味精 魚片都幾多 食到尾都仲有魚片兩碗比較 我覺得紅薯粉正啲但朋友鍾意酸菜魚多啲1️⃣:1️⃣打和🙌🏿

每次晚上買外賣小食, 總是被人覺得怪怪的...試了家鄉白肉和新鮮炸魚皮...白肉不是辣, 但配菜芽菜仔有點辣. 其實, 辣的話, 應該提一提. 因為有些人不能吃辣的.新鮮炸魚皮很多很香脆.外賣盒2元入家鄉白肉, 用膠袋連同新鮮炸魚皮一起放在裡面.新裝期有優惠, 不要錯過.外賣傳單也被掃過一空.有很多想試的但面對選擇困難症... 例如: 竹蔗豬手, 藥膳清湯牛腩, 牛𦟌, 三杯酒元蹄...還有霸王雞, 菊花雞, 各式各樣雞翼

#爵林米線廚房今日有機會返黃埔，之前行過見到依間米線鋪想試吓，後來係OPENRICE先發現係新開🤔指定叫咗酸辣米線最小辣，但仍然感覺到好辣，係帶少少麻。湯底夠熱，米線質素都可以接受。都係依種車仔麵式叫餸，叫咗豬腸同魚片頭，豬腸係碎上，份量真係唔算多🤔 魚片頭有三件，正常質感。反而杯凍檸茶真係唔得，冇飲錯應該係雀檸，一來味道似，二來冇檸檬，就算唔係雀檸都唔好飲，加$3完全唔得。整體覺得一般，剛好落單係下午茶時間，叫做平幾蚊，見到佢有其他炒粉麵，反為有興趣試下，似乎依間店唔係純粹賣米線。爵林米線廚房紅磡寶其利街37號東禧閣地下A號舖#港飲港食平靚正 #黃埔 #紅磡 #米線

景霖四川麻辣米線改咗名叫爵林米線廚房～米線又係食一次唔再幫襯～諗住會改良下配方添酸辣湯牛腩米線～有：牛腩、少許芽菜、腐皮一塊、米線～木耳唔知去咗邊～賣相唔掂～睇到碗米線都唔想食～湯底又冇乜味～怕辣叫5小辣～點知湯底一丁點辣都冇又唔酸點叫酸辣湯呀牛腩重腥味都算淋嘅～估計完全冇用香料或者其他方式處理過～如果湯底好味水煮牛腩都可以吸收下湯味～可惜兩樣都唔掂牛腩D肉仲要黑色～唔知發生咩事～碗米線勁揾笨唔會再幫襯