牛一哥韓式燒烤放題

营业中

休息中

做冬兼呀娘牛一。Open Rice碌碌下見到牛一哥,個名都幾岩生日就試試啦.地點又就腳.Book左4位,餐廳都安排到大卡位,坐得舒適.衛生既,雖然燒烤餐廳,但無特別油油的同一陣味,就算被安排角位,都可以用舒服形容既,地下亦無痴笠笠感覺,相比起其他既燒烤餐廳,可取😙Order左扇貝,蝦,蛤,海鮮唔錯,都洗得乾淨無沙又唔係梅,完全接受.出面仲有熟食,魷魚蘇,粉絲,菠菜…你up到既韓國前菜佢都一定有仲有炸熳頭等由於一開始無抱特別期望,所以無影相.不過覺得呢間餐廳值得為佢寫篇好評.職員都有禮貌,亦都無因為你坐角位而忘記幫你收野整體：絕對好評,可返Cheuk 味道：都夠味既,睇你自己既燒烤技巧啦因為book左位而open rice做緊四位九折,相對即係免加一,完全係抵過你食其他放題

啱啱食完中午放題，去到時見冇乜人，擔心伏，都心大心細不如去牛站，終於冇失望！食物ok，上菜快，員工服務態度良好，自動自覺去換燒網，過左落單時間，又樂意幫手落手寫單，呢個價錢十分抵玩！

星期四去旺角辦事，經過創興廣場見到呢間韓國餐廳入去試下，見Menu價錢合理，Lunch Set 唔貴又冇加一，叫了鐵板牛仔骨，先上四小碟，爽口好味。牛仔骨好多塊，D肉嫩又多汁，唔會太老，都有5,6塊甘多,白飯都好煙韌餐廳很大，卡位好寬，坐得寬敞又舒服😊午餐的甜品有雪糕和紅棗茶選，因為唔食凍護胃就飮紅棗茶，紅棗味好濃郁！Set Lunch$88 四小碟又有肉又有菜，加上紅棗茶☕大滿足！抵食

呢間▪︎牛一哥韓燒▪︎起左甘奈，我都未去試過……8月25號（星期日），食7pm,今日紅日係貴D,但幾好食嘅！！！算食得滿意，座得幾舒服！！！飲品就唔太多……但有Jolly Shandy（檸檬味）飲，算唔錯甘啦，會有下次！！！有我中意嘅哈密瓜＆西瓜食！！！雪糕有；榴槤味、香芋味、朱古力味、芒果味、雲呢拿味、海鹽味＆曲奇味！！！下次再同朋友嚟食

環境乾淨衛生，生同熟食物選擇都幾多，個人覺得炸雞翼都幾好食，仲有嗰個熱既紅棗茶好好飲，其他感覺都正正常常甘，上次夜晚9點入場人均收費都系二百幾左右，唔貴都可以試下

有朋帶咗幾個兒女自遠方來, 想揾間韓式餐廳聚一聚. 禮貌上由我請客, 咁點都要睇住個銀包食鈑啦, 比較過旺角多間韓式餐廳, 呢間燒烤放題嘅性價比好似唔错, 於是訂咗晚市放題.網上成日有人話香港D食肆, 今時今日嘅服務態度甚麼甚麼. 今次招呼都算幾好, 除咗有問必答外, 中途還主動將燒到好多炭個烤盤換咗.前菜同肉類有多款選擇, 一開始掛住食前菜同冷盤, 到食烤肉已覺得半飽, 食咗一粒鐘, 幾個小朋友已開始食甜品, 面對剩下成檯肉都幾頭痕, 唯有我同朋友努力D清檯, 用咗半粒鐘只剩下少少肉就當睇唔到算數, 最後以僅餘嘅空間食西瓜, 涼㸮, 啫喱, 雪糕, 以飽肚角度算係極大滿足.

生日飯體驗非常差，9:21pm入座，食2小時，門口寫12點諗住都Ok收慢慢食，食物質素一般（雪櫃雪糕溶左再冰番唔知幾多次，拎左3個有2個係結晒霜）但價錢唔貴算係咁，但最差係11:10左右已經係咁催你走，到11:15仲話我地過晒鐘問我地仲想留幾耐（其實已經準備飲埋最後一啖起身走），但我唔憤氣已經即時表示左張單係9:21入座，2小時即係11:21 你地同事已經催左我地2次其實應該係我問番你地想點，果位執台嘅人仲要依依餓餓，明明未夠鐘係咁死催爛催，無下次

突然想食燒肉喺旺角見到牛一韓國燒肉放題，最緊要交通方便，立即約家人開大餐～全家大胃王最愛任食睇落內部裝修同座位都非常闊落好坐…佢哋清潔做得好好，唔會油淋淋👍🏻原來呢間由正宗韓國廚師主理👨🏻‍🍳主菜九宮格盒燒肉份量非常豐富～仲可以無限任食放題韓式小食種類繁多🙌🏻自家醃製多款泡菜無限量供應…味道都唔錯$248一位任點任食120分鐘，夠哂大胃王不吃放題的朋友仲有很多選擇，韓國出名醬油蟹，韓國鰻魚，韓式生牛肉等等

旺角牛一哥CP值高，晚市$248 用餐時間120分鐘，雖然講明有時限，但夠鐘都冇趕人走，而且仲可以搵店員加單。餐廳環境乾淨，座位也很寬敞舒適。上菜速度也很快,每次燒完一輪，服務員都主動為我們更換烤爐。入座後即刻先上一份九宮格牛盛盒，有原粒頂級肉眼、安格斯肥牛、厚切牛舌腩、五花腩、雞翼等，除左肉類仲有提供三文魚刺身、海鮮、蔬菜等等嘅選擇。除了主菜，還提供小食、沙律、熟食可以自取。值得一提的是炸饅頭，先將饅頭煎熱，再用煉奶醮食，真係好好食。

旺角創興成棟都係食肆，有好多火鍋,燒肉餐廳。呢間韓式燒肉餐廳就係一樓，搭層扶手電梯就到，唔洗入去搭lift.佢有一個自助吧，有成多達十幾款嘅韓式小食同埋前菜供應🤩🤩🤩開心食咗勁多芽菜🤗🤗有韓式煎餅，泡菜煎餅，年糕同埋炸雞翼等等 全部都高質啊！飲品都有超多款比你揀，仲會提供五六款啤酒，酒類唔需要額外價錢👍🏼👍🏼👍🏼不過真露就要加錢😬而重頭戲韓式燒烤佢先嚟一個九宮格頭盤，有牛舌,五花腩,牛仔骨,雞翼等等。 然後menu入面就有其他唔同肉類揀，例如羊肉,多春魚,牛肉粒。放題最驚就係佢Hea我，呢間絕對唔hea! 肉質都幾新鮮，牛一啲都唔韌，最值得讚就係三文魚！我喺熟食區拎，再燒一燒佢，外脆內軟超正！三文魚膠🤤🤤🤤蔬菜種類都好多選擇，例如杏鮑菇,冬菇,瓜類，食材都大大嚿又新鮮！而佢醬汁吧都有唔同嘢揀有韓式辣醬,麵豉醬,wasabi 粉，仲有啲辣粉。食完嘢，記得佢仲有個甜品吧。有香港製造雪糕，有涼粉有花奶🤗自製一款飯後甜品。性價比嚟講呢間絕對超值而且交通又方便最啱就係 約埋一班friend gathering。牛一哥韓式燒烤放題旺角彌敦道601號創興廣場1樓$200 pp#旺角 #創興 #放題

放假一訓醒就想食韓燒🤭上網揾到旺角有間午市放題$168任飲任食兩小時就即刻gogogo…呢間餐廳位置就喺創興一樓，非常易搵裝修好闊落，除左卡座，仲有VIP房可約埋屋企人或同朋友一齊嚟食👍🏻我哋坐低店員九宮格盛盒，有齊牛、豬、雞、魚可以即刻燒，另外可手機落單仲有好多選擇，除放題之外也可以散叫菜品，例如：醬油蟹、韓式生牛肉、韓國鰻魚等等自助區有多款韓式泡菜、炒飯、炒粉絲、泡菜年糕，仲有海鮮煎餅，原來餐廳係正宗韓國廚師主理，所以製作非常認真整體水準都不錯，肉類質素好，上菜速度快，午市任飲任食價錢每位$168算超值👍🏻

Korean barbecue 🍖 韓式燒肉餐廳嘅韓式燒肉出名性價比好高，一上到嚟嘅九宮格盛盒已經包含咗餐廳最出名嘅牛🥩、肉燒肉，望落去相當吸引😍，好似有牛肋粒、爽口牛脷👅、LA ribs、豬肩肉、嫩滑嘅雞翼🍗、自家製辣醬豬腩片🌶️等，每一款嘅味道各有特色，幾正呀Korean appetiser & cooked food 韓式前菜、熟食類 🍢🍲除咗經典嘅韓式燒肉之外，呢度仲有大量嘅前菜同埋熟食區可以自己攞嘢食✨，homemade 前菜有10幾款選擇，包括有兩至三款泡菜🥬、酸蘿蔔絲🥕、韓國傳統飯卷、養生嘅紫菜湯、晶瑩剔透粉絲、煎魚扒🐟，仲有幾款炸物🔥、泡菜煎餅🫓、海鮮煎餅，真係幾豐富👍🏻Beverages & desserts 🍨 飲品、甜品甜品以幾款香港製造雪糕為主，有第一次食嘅特色焦糖爆谷味🍿，另外有朱古力🍫、榴槤味等，而飲品都有唔少選擇，由茶類、果汁🍹、韓國特色飲品去到酒類🍺都有，啱晒唔同人喜好！

心心念念想食韓國燒肉放題，今次嚟到旺角，五一黃金週旺角人頭湧湧，好耐都冇見到條街咁多遊客。💕餐廳裝修闊落，高樓底，坐得好舒適。傳統韓風格調，氣氛甚好。💕肉類質素好，一上枱就見到幾新鮮。我哋揀咗午市韓燒放題。有多款肉類選擇包括牛、豬、雞、魚、蔬菜等等。除咗燒肉，仲有其他熱食菜品，湯品和前菜。例如，泡菜煎餅（我食得幾多😋）、海帶湯、冷盤芽菜、麻油菠菜、各類泡菜，應有盡有👍🏻💕侍應介紹食物由正宗韓國廚師🧑‍🍳主理。💕見到餐牌，除咗燒肉放題，仲可以單叫其他韓國菜品，例如韓國鰻魚、醬油蟹、韓式拌飯等等。我下次試下醬油蟹先！

經開旺角牛一哥🇰🇷見到坐位裝修都非常闊落🤩就衝入店員非常友善💜坐低都未點野😅就已經出現左個九宮格燒肉盒系面前🙌🏻九宮格盒燒肉份量非常多🈵🈵🈵九款既肉都系精挑細選既部位當中我最中意🐮肥牛、牛柳粒、五花腩肉、雞翼、牛舌👅牛柳粒肉質爽嫩👍🏻牛味十足✨放題的不同韓式小食種類繁多🙌🏻店家自家醃製多款泡菜無限量供應🥬仲有無限任飲🍹飲品選擇亦算多🌟真系食到飽飽🈵🈵原來除左放題之外亦🉑以散叫菜品🍽️仲有韓國🇰🇷醬油蟹、韓式生牛肉、韓國鰻魚等等～下次一定要試下先得

好耐冇食過韓燒，朋友介紹牛一哥韓式放題好抵食😍原來lunch 好抵😱種類仲好多下，完全唔hea 呢間餐廳係韓國人主理坐低只要掃QR code 就可以落單📲店員會提供一個九宮格，包括牛仔骨，肥牛，豬腩肉，豬頸肉，牛舌，龍脷柳等💓肉類選擇豬，牛，羊，魚，醬汁都可以選擇，仲有熟食，蔬菜，飲品任食🥰自助區有泡菜，沙律，雜菜，炒粉絲，炒年糕，煎三文魚，煎韓式燒餅等，好多選擇👌🏻唔飲熱飲嘅你都可以揀熱紅棗茶同大麥茶👍🏻韓式醃製肉好juicy 入味，我哋用埋生菜加韓式麵豉醬加燒肉，超正🤭蔬菜種類都唔錯，款款新鮮😋甜品有雪糕，雪條選擇❗️真係大滿足🤗lunch 嚟講真係抵食，冇得彈😆