牛一哥韓式燒烤放題

营业中

休息中

韓燒係童年回憶細細個一考完試最期待就係屋企人帶我地去明x食壽司又或者係去漢x同漢xx食韓燒係平靚正之選 又可以一坐坐好耐🤪取以代之係大大少少既日式燒肉放題耐唔時都會掛住呢個味道近排留意到旺角有間性價比幾高既韓式燒烤一於試試佢！牛一哥韓式燒烤放題=====================位置係雅蘭中心一樓，油麻地地鐵站a1出口一出行4分鐘就到，都算大路方便易搵座位全場一半長枱大枱六到八人，一半卡座二至四人，座位闊落舒適，亦無個款地下枱面痴lup lup既感覺👍🏻菜式選擇午市韓式燒烤放題百零蚊，一去到會俾個九宮格你，精選嘅大致上都出現咗，額外追加嘅就係用QR code有大約40款左右嘅配料可以選擇，呢個價錢冇投訴！除咗韓式燒烤出邊仲有涼拌嘅小菜熟食同埋炸物，飲品櫃選擇都豐富，佢仲有自家既茶同熱飲，係童年回憶嘅升級版👍🏻 個人推介佢嘅魚柳牛仔骨同韓式醃肉，有驚喜！如果budget唔高，又想有buffet體驗，係唔錯既選擇，餐廳油煙控制比起之前食過一間大連鎖燒肉店牛x出色得多，起碼食完唔會有陣油煙味，同視線好清晰🤣

🔥牛一哥韓式燒烤放題🇰🇷聽講旺角新開咗一間由正宗韓國廚師主理既韓國燒烤放題性價比幾高 $168 食兩個鐘！韓式燒烤放題（午市）$168 (11:30-15:30) 限時120分鐘去到門口已經比佢個橙色同木色裝修吸引左睇落簡潔舒服 而且個裝修都幾闊落 好多空間一入門口右邊有飲品櫃任君選擇想飲熱嘢隔離就有養生紅棗茶同大麥茶再行入小小就有雪櫃同自助配菜區有大量自家泡菜選擇旁邊亦有前菜同熟食如沙律、雜菜、炸物同韓式煎餅等樣樣賣相都唔錯 望到已經好想食🥩 肉類九宮格入面有安格斯肥牛、美國LA牛仔骨、奧米加青衣柳、五花腩同蒜香雞翼等肉類總括嚟講都好新鮮而且無雪藏味 大推韓式醃製豬牛雞羊都好入味吸曬醬汁夠曬juicy如果整韓式生菜包肉就記得加埋個包飯醬無得頂呀🤭🦑海鮮方面都好新鮮Encore左個辣魷魚同青衣柳好多次落單點肉仲見到可散叫正宗韓國菜品韓式蛋拌生牛肉絲、醬酒蟹、韓國鰻魚同韓牛肉眼扒等如果人多加餸真係一流🍦甜品最後最後當然唔少得甜品啦最吸引係有個任拎嘅雪糕入面全部都係香港製造雪糕牌子叫CoCoBerry啲口味好特別 好想試曬佢啲味呀例如富貴黃金果,玄米茶,菠蘿椰子等等係呢到可以實現雪糕自由啦

突然好想食過韓燒，經過旺角創興廣場見到有$168韓式燒肉放題，咁抵當然要去試吓啦！呢個價錢其實同以前嘅漢陽苑差唔多，不過佢哋嘅質素比起漢陽苑高啲🥰一坐低店員就放低咗九宮格俾我哋，九宮格包含咗牛豬雞等嘅肉，啱晒打卡🩷佢哋係用QR code落單，一收到order就會即刻拎出嚟，完全無拖單嘅情況而佢哋嘅食物選擇有四五十款，以依個價位嚟講算係選擇多，當中比較推薦雞同埋牛舌，我哋都不停encore～除咗燒肉之外，佢哋都有唔同嘅韓式泡菜同熱盤選擇，食肉食到厭可以去拎下菜食，幫助消化之餘又唔會咁漏。最正嘅係佢哋嘢飲有足足三個櫃，好多選擇，食完正餐都唔夠喉，仲可以任拎雪糕杯添！雖然肉質唔係最上盛，但係以呢個價錢嚟講算係冇投訴，想平平哋過吓口人食韓燒都係一個好選擇。服務方面店員好醒目，見到個燒烤盤開始燒燶就會主動過嚟換過個新，完全唔使我哋叫，值得一讚👍🏼最後埋單每人$168加一，食到好飽

放縱嘅週末又想刷餐勁～又想食韓食～去任食嘅韓燒就最適合不過啦🫰🏻嚟到旺角呢間放題店食晩餐～晩市成人$258@位(另加一)🤗🤗確係好抵食呀～可能係韓國人主理嘅關係～泡菜味道正宗👍🏻仲有大量韓式前菜&小食😃咁就唔使淨食燒烤咁dry啦～.首輪先夾咗🍉水果,🥗沙律,🍙紫菜飯圈,最重要大大碟最愛嘅泡菜番埋位先😚😚店員亦會送上按人數份量嘅🥩肉肉九宮格上枱先～當中Be最鍾意✨美國LA牛仔骨,✨肥美五花腩,✨厚切牛舌,✨原粒頂級肉眼～食完鍾意邊款就再用二維碼掃單追加柯打🙌🏻除咗多款肉類～仲有海鮮(如 扇貝,鮮蝦🦐,辣醃魷魚🦑,多春魚🐟 等等)～亦有蔬菜(如 包肉生菜🥬,洋葱🧅,粟米🌽 等等)當然唔少得自助區嘅多種類飲品甜品～有齊啤酒🍺,汽水🥤,韓國果汁🧃,雪糕🍨Be飲飽食醉後就揀咗杯特別嘅✨焦糖爆谷味 雪糕✨作結啦☺️☺️

今次想分享一下🤗最近去食嘅一間新開業韓燒放題店🇰🇷性價比高～值得一試哦～～🥢 前菜：呢度嘅泡菜非常地道～酸甜爽口～無令人失望～另外亦有各種小菜可以搭配～過足口癮👏🏻👏🏻🍱 烤肉：有齊牛雞豬～肉質鮮嫩～調味恰到好處～燒烤出來嘅食感超讚～仲可以選擇唔同部位的肉品～滿足各種口味需求🤤🤤🦐 海鮮：呢度嘅海鮮都算新鮮～有鮮蝦、多春魚……燒烤後更是鮮美可口☺️☺️尤其係扇貝～肥美肉厚呢～🍺 任飲：喝到飽嘅啤酒🍻汽水🧃果汁～令整個用餐體驗更加完美～🍧甜品：有鮮果🍉🍊🍍雪糕🍨🍦等嘅甜品區域～記得要食埋至完滿嘛😃總括嚟講～呢間韓燒放題店真係物超所值～食物豐富多樣～服務又周到～絕對係同朋友家人一齊聚餐嘅好地方👍🏻

旺角食飯真係勁多選擇牛一哥韓式燒烤放題 ~ 任飲任食，晩市成人每位$258(另加一)就可以食到飽，餐廳裝修夠寛敞，空間感好大，仲有超讚的抽風系統，食完唔怕一身油煙味，自助bar有多款自家醃製泡菜同前菜無限量供應，仲有多款熟食選擇，好似炸物，餃子，辣炒年糕，泡菜湯，海帶湯，海鮮煎餅，炸雞，樣樣出色，飲品多款選擇自己揀，汽水，果汁，啤酒等等肉類九宮格盛盒，當中超推肥美五花腩同原粒頂級肉眼，肉質鮮嫩，外層焦香內裡juicy，啖啖美味手機落單仲有多款肉類，蔬菜同海鮮選擇，大大隻扇貝，新鮮鮮蝦，杏鮑菇新鮮爽口，南瓜鮮甜軟淋五花腩燒到焦香脆口，加上生菜包住加持，一食就翻唔到轉頭飯後甜品就要食雪糕，香港製造有幾款選擇，選擇困難症上身，唔知點揀唔食放題，可以散叫韓式料理，部隊鍋，醬油蟹，韓式生牛肉，韓國鰻魚，選擇多多！服務員真係好好服務，經常主動換燒烤網，食物唔會燒到燶晒，大讚!

今假期我食肉獸又再出動，同女女學完野，阿女話好想食韓燒，行完信和過對面就岩晒一入去見到地方好大好整齊，裝修非常闊落！卡位坐6-8個都唔成問題！配菜種類好多，有不同既泡菜，菠菜，荳芽等....價錢仲非常抵食！坐低任食兩小時首先上來就有一個九宮格頭盤，每樣肉類都有，我仲拎左兩盤生菜包住啲肉食，知道呢度嘅廚師仲要係正宗韓國廚師主理，除放題之外也可以散叫菜品，好似醬油蟹、韓式生牛肉、韓國鰻魚都有但今次得兩母女吃唔落，下次必試呢度啲牛仔骨/牛舌同和牛粒非常高質，如果鍾意食牛一定唔可以錯過！牛味濃，燒到十分香脆！讚！職員亦相當有禮，短短個零鐘已經換左三次爐板，又提女兒食飽可以食雪糕另外佢地自家制既紅棗茶，大家都唔好錯過，誠意推介👍👍

#$300內仼食 包埋加一嘅韓燒店真係越黎越少🤧不過最近旺角新開咗一間~聽講CP值都幾高架🤔所以拉埋朋友一齊去試下👀-牛一哥韓式燒烤放題🍢位於創興一樓 都幾方便就腳🚴坐位都幾闊落 可以舒舒服服慢慢食🤤配料選擇都有好多😙 都唔知揀咩好🥺食物質素都幾高🫡🫡而且refill嘅速度好似火箭咁🚀空肚嚟到 飽肚離場🤣而且職員好好服務🥹 見我地唔識燒就主動教我地🫢仲要經常換燒烤網😱 佢話個網都會好影響燒肉架💚-至於食材配料 選擇多到眼花撩亂😵‍💫💕九宮格牛盛盒.原粒頂級肉眼 安格斯肥牛 勝豚五花腩巴西多汁豬梅肉 蒜香雞翼 厚切牛舌腩奥米加青衣柳 韓式辣汁豬頸肉 美國LA牛仔骨.九款肉品🫶🏻 一入座就會送到你枱😚而且仲可以refill✌🏻想食幾多都得整體上都好新鮮 肉質鮮嫩加埋配料食 都幾惹味🫣豬頸肉醃得好入味 食落好爽口💕💕前菜配料選擇多到🫣 我都無辦法列曬出黎🥹🥹不過可以寫少少比大家睇下🫢前菜醬料💛酸蘿蔔 青瓜 韓式泡菜 雲耳 沙律炸雞醬 日本燒烤醬 海鮮鬆餅醬 蔥沙律醬熟食💚脆炸雞翼 壽司 生菜 沙律韓式煎餅 韓式粉絲 韓式年糕肉類 魚類 貝類 菜蔬類🩵牛脷 豬肩肉 辣醬豬腩片 羊肉雞肉 雞翅

好吃嘅韓式燒烤放題，真係越嚟越少喇，最近得知旺角有間由正宗韓國廚師主理嘅 "牛一哥韓式燒烤放題"，呢度啲肉類質素好，價錢又實惠，真係值得一試！餐廳裝修闊落，橙色+深木色為主調，富於韓國風格設計，在店內食住韓燒，感覺置身於韓國似的。餐牌內嘅韓式燒烤放題 - 午市 11:30-15:30 成人$168、小童$128及長者$148，晚市正價場 17:30-21:00 成人$248、小童$168及長者$188等等。除咗韓燒放題，亦可以散叫菜品，有醬油蟹、韓式生牛肉、韓國鰻魚等等，款式吸引。自助餐菜單嘅肉類有美國LA牛仔骨、牛肋粒、牛肉、辣豬肉、羊肉、雞肉等，另有魚柳、鮮蝦、鮮魷、甜南瓜等，款款都唔錯。首先奉上係華麗盛盒，內有多款肉類，色澤鮮艷，肉質嫩滑多汁，一次過吃盡不同部位嘅食物，讚！喜歡食牛肉嘅我，當然要試吓唔同部位，包括牛肋粒、調味牛肉、美國LA牛仔骨、烤牛腩片、牛脷。牛肉肉質鮮嫩，燒烤後外層焦香內裡仍保持肉汁，不乾身，肉味香濃嘅優質肉類，真係食得好滋味！豬肉同雞肉分別有豬肩肉、辣豬肉、辣醬豬腩片、五花豬腩肉、豬頸肉、羊肉、雞翅等，嫩滑有咬口，肉味鮮甜，味道濃厚。海鮮種類就有鯖魚、多春魚

阿妹話近期試左間好得既韓燒放題，位於旺角創興廣場1樓，佢特別提醒我唔好去錯，因為同一大廈有間個名近似，又係韓燒既食店。牛一哥韓式燒烤放題店內大部份都係卡位，坐得好舒服，而且環境寬敞舒適，往返取食物時，唔會人撞人。欣賞牛一哥食物擺放整齊，員工經常視察及整理食材，最重要的是，食材的新鮮度和品質令食客食得放心。入座後，先上１個九宮格，九宮格好豐富好有睇頭，有五花腩、牛舌、肥牛片、豬頸肉、牛仔骨、肉眼粒、青衣柳、豬梅肉、雞翼等。唔夠當然要ENCORE，除左呢９款，仲有好多款肉同海鮮，可以QR落單，非常方便，而且出菜好有效率。牛一哥既肉類選擇非常豐富，包括牛肉、豬肉和雞肉等。每一種肉都切得均勻細膩，且新鮮度極高。牛肉質地鮮嫩，入口即化，帶著微微的油花。豬肉，雞肉鮮嫩多汁，搭配各種調味料後，口感更加豐富。此外，餐廳還提供了各種配菜和湯品。他們的泡菜由韓國廚師主理，怪不得咁正宗，而且提供種類繁多，口味酸辣可口，完美地平衡了肉類的油膩感。還有新鮮既蔬菜，店員還指導我們可以用來包裹烤肉，配埋佢地既韓式麵豉醬，增加食物既層次感。午餐放題性價比超高，佰幾蚊１位，用餐時間120 分鐘，除了肉食款式多，仲有熟食

创造了最短自助就餐时间，十分钟，实在无法忍受变质食品味道，饮料喝了一瓶，马上买单。猪颈肉已经粘腻，是臭的。猪五花冻了起码一个月，那种五花肉放置或者冷冻很久的味道，是无法消除的。店家应对变质食品的态度是“哦”，然后没有然后。店家钱是一定要收足的，吃不吃，食物质量是否过关，完全是食客自己的事情。所以，食客食环署投诉是必须的。便宜没好货。只是别全是坏货啊……实在不会做生意，学学楼上牛站，如果一定要做烧烤放题，学学八木桥。

牛一哥韓國燒烤位於旺角創興廣場1樓中午任食2小時收費$158 由於今日係復活節第一日紅日另加$10餐廳以QR code形式落單order 肉類同蔬菜等食物坐位係卡位形式，長梳化位入座後職員會送上9宮格有牛仔骨，醃牛肉，豬五花，魚柳，原粒一口牛，豬頸肉，牛舌，雞翼食完岩口味可以再enore自助區海鮮蔥餅 海鮮加蔥煎成薄餅 非常香泡菜餅 帶點辣的煎餅 韓國風味辣炒年糕 年糕比較軟糯，微辣易入口炒粉絲 雜菜炒粉絲 味道夠海帶湯 非常好飲 加左蜆 更鮮味前菜泡菜 爽口，辣左少少蒜片 燒肉加蒜片同生菜包住 正宗韓式食法菠菜，芽菜 常見小菜飲品順滑嘉士伯，韓國啤酒各種汽水榴槤雪糕 enore原粒牛柳粒 燒完多汁，肉淋魚柳 肉嫰，調味正醃牛肉 嫰滑，快熟，燒一二分鐘就夠雞排 嫰滑，大塊呢幾隻必食韓國芝士腸 超多芝士 美味蔬菜南瓜 甜翠玉瓜，茄子 新鮮係餐廳食到飽飽，再去行街

位於旺角鬧市的「 牛一哥」，主打任食韓式燒烤放題，所有肉類都是無限量供應，絕對適合各位食肉獸！另外還有泡菜、蔬菜、熟食、炸物、海鮮、雪糕及無限任飲等，晚市$248真的抵吃。餐廳的職員先奉上特色九宮格，已包含各款如豬、牛、雞、魚等食材，非常新鮮。另外招待客人時亦非常細心，會主動為客人更換燒烤鐵盤，而且亦會詢問食物的質量，無論是情侶還是一大班朋友，或者一家人聚餐，都是非常適合的。最重要是食物種類繁多，我亦喜歡用生菜、泡菜、蒜片配上醬汁，來製作自己獨有的生菜包，不但滋味，而且可以中和韓燒的油膩，這裏的泡菜味道很不錯，不知不覺地吃了幾次。此外，餐廳抽氣系統做得好，食完都沒有太大油煙味，而且服務也很好，態度十分好，很有禮貌，上菜速度也很快，沒有漏單的情況。整體用餐感覺良好，性價比幾高。

好耐冇食韓燒，去開旺角就黎試下呢間韓式燒烤放題，入到裡面地方很闊落，大部分都係卡位，坐得好舒服！店員會先上一份九宮格，肥牛、牛肋骨、豬腩肉、豬頸肉、雞肉、牛舌、牛柳粒、雞翼及魚塊。唔夠可以用QR code 再order😃我最鍾意就係牛仔骨， 燒完之後，牛仔骨依然肉質鮮嫩多汁，調味剛剛好，另外牛舌肉質柔軟，口感嫩滑！除咗放題之外都可以散叫菜品，例如：醬油蟹、韓式生牛肉、韓國鰻魚等，下次再黎試下！熟食區有多款韓式前菜，兩款湯：海帶湯、泡菜湯；韓式泡菜煎餅、海鮮鮮煎餅、韓式炒粉絲、炒年糕、炸雞翼、炸甜蛋散等！飲品任飲，款式非常多，另外有熱麥茶同紅棗茶，雪糕有好多唔同味道，我揀左平時未食過既味道，富貴黃金果，好好味！😋

朋友推介話呢間放題抵食到不得了，三舊水唔洗任食任飲～果然無介绍錯！！～一坐低店員就幫我哋上個特色九宮格，共有九種新鮮素材，燕瘦環肥，任君選擇！🍱個特色九宮格包括咗九種食材：蝦、青衣魚柳、牛舌、豬五花、牛仔骨、雞翼…等等，好得意～全部都係三件三件咁上👌🏻🤭。如果你鍾意食海鮮，呢度都有蝦、魷魚鬚、魚柳、多春魚和大蜆等新鮮海鮮供應。最正嘅係…呢度係任食放題，你可以盡情叫～盡情享受美味～～只要你個肚塞得落嘅話。出面仲有沙律、泡菜、蔬菜、熟食…想食乜都可以自己選擇～仲有唔同嘅調味料同醬油！除咗美食，佢仲提供各種款式嘅啤酒、果汁、茶同雪糕，讓你响品嚐美食嘅同時，仲能夠解渴消暑。餐廳嘅裝潢好雅緻舒適，空間感極佳，抽氣又好，唔會食完個身一陣味。見佢枱面另外仲有個餐牌，原來呢度除咗放題燒烤之外，仲可以散叫韓式料理～見佢有部隊鍋、醬油蟹、韓牛、鰻魚…價格合理，賣相精美，都係一個唔錯嘅選擇！！除咗美食同環境，呢度嘅服務都值得一讚。店員都幾親切殷勤，樂意解答你嘅問題，佢地甚至响你無提出要求下主動幫你更換爐面，確保烤肉過程順利，食物唔會燒到燶晒。呢次都算係一個愉快的用餐體驗，新鮮嘅食材、豐富的選擇、舒適的環境、