牛一 (屯門市廣場1期) (已結業)

今日和友人到Tm逛逛 因為american eagle outfitters係tm開左新開頭一百個有200現金券 所以到來逛逛街 想不到可以在這新開的店逛了兩個小時 真的意想不到 在牛一吃午餐午市打邊爐真的一個字>爽<!! 點了粟米忌廉湯 在眾多的湯底算是最濃郁的渴底 很不錯 點了58$元的豚肉套餐 因為逛到腳也累了一進內就就立馬到熟食 拿了兩碗咖哩 炒飯填飽 味道依舊美味可口 拿了辣椒醬油 點豚肉真的不錯 蜂蜜雪梨任飲 最好的飲料 飲料櫃有檸檬茶及啤酒 (十八歲以下唔好亂拎啊) 一碟豚肉 如果想食多啲可以選擇任食既套餐我認為豚肉比牛肉更好 推介：貢肉,蟹籽丸,魚腐,冬菇 不少選項可以選擇 拿個大碗就可以拿喜歡的食物 友人把乳酪雪糕整得跟專業的乳酪店似的整體:食物依舊好食 兩個人埋單$128 抵曬 好飽當早餐加午餐

呢間黎過好多次啦，次次我係選lunch時間黎,因為真係好抵食,$68加一有咁既質素仲想點~最平呢隻牛都唔會太差,幾好味。一碟牛對於我地細食既人黎講已經好夠,但大食既人可能會覺得唔夠喉~配料吧有各類醬料,丸類,蔬菜,麵~最好食我覺得係拉麵,好爽口彈牙,外面都搵唔到咁好食~呢到既啤酒，雪糕同乳酪雪糕仲要係無限量供應,真係抵到不得了!

午餐打邊爐 係牛一未出現之前真係未有機會試 依家午餐打邊爐真係好方便 去牛一又得牛陣又得牛涮鍋又得 今日同友人心思思又去左牛一打邊爐 依家食個下就都幾廿蚊 咁點解唔豪啲去食任食打邊爐啊 五十幾六十幾加一  咁就食到個肚飽一飽 點了牛肉豚肉雙拼 可以任食配菜都夠啦 首先梗係去食雪糕同乳酪等個爐啦 任食既乳酪真係好正嫁 可以係咁食爆爆珠 係咁加水果同配料 咁個爐得就去拎配料就得了 我好推介和牛炒飯加咖哩汁 又飽肚又好食 打邊爐點少得啲醬啊 牛一既自助醬料區都好多醬嫁 我最鐘意食佢個辣椒加蒜既醬油 咁佢打邊爐既配料就係好普通既配料 不過推介個個好似係紅薯粉既粉 幼幼一條 煮淋左好吸味好好食嫁 丸個啲就一般般 蔬菜種類都幾多 整體食物都幾多既 乳酪必食啊 爆爆珠都係

去過好多次，因為真係好抵!自問唔食得好多肉嘅人士至適合不過啦！今次都係揀左最平嘅牛肉食一小時一碟肉，因為係午市，所以都係68蚊加一，抵過連鎖快餐店一人一爐多多聲。牛肉好，少脂肪。湯底多選擇，今次都係食至愛干貝清湯，最鍾意佢夠清，仲見到有一粒粒干貝，焯菜一流。丸，腸，菜大至同酒樓差唔多，唔講喇。仲有啤酒，雪糕同乳酪雪糕無限量供應，68蚊仲想要求啲咩，如果可以改善一下refill·速度(特別係雪糕配料)，就最好鳥！

今日訓遲左又好肚餓就換件衫去牛一打午時邊爐。其實牛一就唔算太多配料打邊爐，只係得少類菜、丸同腸等等加。但係佢最好食既地方係牛同豬。佢地既牛肉同豚肉都好好食，唔會好軔同肥，食落都好有味。而且你可以揀任食牛、豬、混合，岩曬d大食既朋友。仲有野飲同乳酪任食添啊！

每個月都會來至少兩次的我今天才知道現在六日及假期開店時間為11am住屯門的大家要注意囉！因為我前兩天致電店家訂位都沒有跟我說店員說因為很多人十一點已經來排隊所以才提前開店一如以往都是點豚肉配昆布湯底再出去配料吧拿些醬料、丸類、蔬菜、汽水飲料回位置那就開始「一鑊熟」囉過了四十幾分鐘後店員就遞單給我們埋單最後吃過原味乳酪後就完滿離開！今天美中不足是丸類比之前少了兩三款及在弄乳酪時，巧克力醬的容器裡面的巧克力醬用完都沒有店員加回，有點可惜！

星期六的下午,同家人去食自助午餐 好幸運的去到等了十分鐘便可以入坐,仲可以坐入面的梳化 我們要的是$108普通牛肉豬肉, 90分鐘任食要了三文魚豆乳湯底,奶白色的魚湯傳來香濃的魚味,湯底值得推介!!!!食物的種類很多,有不同的丸類,棻和麵食等等推介的食物有: - 豬肉丸!!! 比街買到的好食,彈牙又不會太咸- 拉麵!!!  不知道是餐廳自己做還是外購的,但好好食就是了, 不但爽口彈牙,吸了魚湯後就更好食了,我吃了兩大碗呢!!- 年糕!!! 煙煙韌韌的,不會滾好久都是硬身的,放落水一會兒就林身食得了~- 牛肉炒飯!!! 餐廳提供的熟食, 可以配以薯仔蘿蔔咖哩, 炒飯好足料,炒得又靚,粒粒飯都乾身,本來打算食小半碗,但因為太好食的關係......食了一大豌我們的牛肉都很新鮮肥美,所以追加了三碟, 覺得牛肉比豬肉好食,比較鮮味,亦很新鮮, 顏色都是開胃的鮮紅色豬肉都不錯呢,很香濃的豬肉味,會有少少韌......飲品方面亦很足夠,有冷的汽水,都有熱的茶。特別推介熱茶,有日式煎茶和日式烏龍茶兩種,都是很香郁的,還可以解膩,真是不錯的選擇~最最最最最喜愛的就是有自助乳酪雪糕,更有不同

今次係第一次食牛一，聽講有比較特別嘅乳酪雪糕，加上有肥牛，一於試試。黎到6：55，攞左113號籌，等到8點都係叫到91號，超級無癮。9點終於入得喇，食左好多野，牛肉算唔錯，唔太肥唔太瘦，d紋都算平均，豬肉就比較一般啦，不過有牛肉又何必叫豬呢。個湯係冇預先放湯料嘅，自己可以選擇加菜，番茄，肉丸，芝士腸，等等啦，自助式放題。基本上個湯都好夠味，唔需要外加醬汁。成晚都食得好滿足，尤其是最尾可以食翻個雪糕。環境方面，好乾靜，連自助區都乾淨，冷氣都頗足夠，唔會搞到個頭成陣火鍋味。好野都係要等，下次預留多d時間等先。

有時日日帶飯 , 都覺得悶悶地 ,都想出去食下 , 今次就豪一豪喇 !牛一 Nabe One今次 2 人行 , 要齊人至可以入 , 入去前要 order定餐同湯底先 .Order 了 2 個混合涮涮鍋套餐 $68 (美國牛肉和豚肉)加 $18 要個混合湯底 , 韓國泡菜湯和壽喜燒湯底餐廳會提供每人 1 隻碟用於出去拎食物時用由於係 60 分鐘任食 , 所以時間都好趕下 ,肉就 1 份 , 但飲品 , 醬油 , 菜 , 飯 , 雪糕等食物係任食 .(p.s. 因為食既時間太多人 , 唔方便影相)自助式放題 , 真係除左食同拎野外 , 都冇咩多餘時間 ,泡菜鍋湯底 , 香而濃郁 , 不會太辣 , 味道剛好,而壽喜燒湯底 , 味道濃郁又唔咸 ,涮完食物可以唔駛點醬 , 剩咁食都好入味 .Overall , $68 加一 , 共 $75 一位 ,60 分鐘時間係緊迫 d , 但真係好抵食 ,雖然肉唔多 , 但任食配料真係好多 ,款式都有 20 種以上 , 實有幾款會岩食 ,所以一定可以食到飽飽至走 .

約六時許到達，眼看店內似乎有些空桌，向店員說兩位，她卻示意我們到旁邊排隊。排隊兩分鐘後，她卻再查問我們，兩位到齊入得架喇！ （剛才明明是她叫我們排隊 ）坐下等湯及首輪肉，那端湯的店員，都是以極其煩躁的態度問︰「是否壽喜燒呀!?」 還好，這兒的座位較為寬敞，我們亦幸運獲編配「卡位」 ，不用坐外邊，因坐中間其實還挺麻煩尷尬的，左右兩邊都有食客，個半小時不停走來走去像是鄉巴出城。首輪的牛肉較吸引，肥瘦適中，脂肪分佈平均，放牛肉至湯底不一會兒，撈上來便是半肥瘦的嫩滑牛肉。因參考其他食家所指，其實$148跟$168的牛肉分別不大，又只得1.5小時，當然選最廉價牛肉。 豚肉，大多時候，到這類牛陣、牛一火鍋店的豚肉都沒有特別，這兒亦一樣，豚肉只覺是不算太鞋口的豬肉，吃了一碟都沒有encore了。調味料設有麻醬、辣椒油、豉油，而我大多用了那黑蒜豉油、配點生蒜及日本荵，香氣更盛。丸類挺特別，普通的有墨丸、牛丸、龍蝦丸；特別的則有︰(1)像一粒keyboard鍵的魚蛋，但味道不好，因中間爽不爽，香不香，沒意思；(2) 爆漿普通丸，內裏漿多惜多油，一顆起兩顆止；(3) 爆漿麻辣丸，內裏有點像川椒辣汁，較具特

星期六約左朋友k黎屯門食牛一。因為我地2個勁鐘意食乳酪同打邊爐。直情情合心意。約左2點半食牛一等左20分鐘入去。因為想舒服d食野。最後選擇108一位。入到去即食一杯乳酪。正！仲以為108最平牛一般。點知黎到見到都幾靚喎。仲有好多菜選擇。添野食都好快手。野飲都多選擇。再第二輪牛肉一樣靚。食左90分鐘就黎收錢再比多10分鐘我地。當然再食多次乳酪啦。每次去牛一食都覺得佢keep到水準。好過牛涮鍋....所以而家都寧願幫襯牛一。不過人手可能因為下午就比較少人

待友人從荃灣到屯門，已是三時三，正值下午茶時段，其實連午飯還沒吃，友人曾向我介紹過牛一，並沒有分下午茶時段的。這天算是預祝她的生日吧雖然裡面座位不多，不過坐下來也挺舒適的。友人先到達，便點了最便宜的涮涮鍋套餐（$68，需加一），套餐有美國牛肉，湯底卻選擇了泡菜鍋，而時間只有一小時而已。泡菜鍋香而濃郁，不會太辣，味道剛好。一入座，我們先向乳酪雪糕出發！當天有原味以及青蘋果味，前者酸度適中，後者果味很重，而且兩者都很滑，再加上大量的配料，若外面的乳酪店是以重量來計算，價錢也不便宜啊～另外亦有軟雪糕供應，可是乳酪雪糕較為吸引吧～兩邊均設有長長的自助桌，自助餐最怕桌上會太髒，可是這裡並沒有，即是衛生也做足，不時看見職員會清潔一下～此外餐廳仍有溫馨小提示提醒顧客啊～配料很多，有蔬菜類、丸類、粉麵類⋯亦設有不少醬汁供應，可自行配搭，以數十元的涮涮鍋來說，十分抵食！加上美國牛肉肉質不會太肥，也不會切得過厚，可以免費追加的啊。可是熟食卻沒有吃！下次試下那裡的咖喱吧～要是一小時內試勻，卻有點難度飲料有汽水、茶、紙包飲品、啤酒供應。臨走前想多吃一杯乳酪雪糕，聽說好像衛生署來檢查，已經暫停供應咯友人說午市和

每次去牛一，都有一種超值嘅感覺。其實我對D肉無乜興趣，但係佢嘅䐁肉 ，真係可以用啉滑來形容。我嘅目標，係佢嘅咖哩，淋在和牛炒飯上面，咖哩超級香濃。另外個白汁雜菌加白飯，又係一絕，香濃嘅牛油味，正。我可以話入嚟每次食哩兩様係主打。火鍋湯底我款款都試過，返正所有味道都不濃，去食物枱取大量蕃茄和雜菌自造湯底，再加入豚肉....yummy

9點10分開始等位，以為weekday 仲要咁夜應該唔會等好耐﹐但最後都要等成個鐘先入到場，但其實我覺得有少少因為佢地安排上面問題以致要等咁耐，事緣我同朋友2個去食，2人枱飛仔係A，3-4人枱飛仔係B，拎飛仔時以我所見2人等位唔多，tht's why 我同朋友會決定等，如果知道要過10點先入到去我地唔會食，一路等，發現問題係佢極少放2人枱，不斷叫no. 都係3-4人枱，觀察所得場內應該沒有2人枱，2人入場都係坐4人枱，為咗賺到盡，所以盡放3-4人枱0既B no.，差唔多隔15-20分鐘至放一張2人枱，等到差唔多9點45分，所有3-4人已經入晒坐，只有數group 2人組合仲等佢放位，都冇得唔等，唯有寄望等得物有所值，10點10分左右終於入場，佢收11點半，所以我地係食唔足個半鐘，我地叫咗壽喜燒湯底，最平係$138牛加豚，我地叫咗 $168極上牛同豚，配料選擇都算多，菜類都ok 新鮮，醬料非常差，麻醬同豉油又稀又唔好味，係唔好味而唔係冇味，未試過打邊爐唔想用個醬油個湯底都係好差，超咸，得個咸字，冇壽喜燒應該有0既味，好後悔叫咗呢個湯底，而主角牛同豚，一上牛見到樣好似都唔錯，不過食落就..

2人同行大約3點半到..見裡面都幾多人...我地想4點先食..問左出面個侍應想book 4點,侍應話4點黎都ok..一入到去,比左個卡位我地,好近夾野食既位,唔錯丫..我地第一時間係試乳酪雪糕,勁多細佬仔係度整緊黎食,整完番位,,d雪糕比其他店快溶,要即刻食先得,味道唔錯,不過如果冇咁溶會好d~之後食其他丸,味道都ｏｋ，不過夾得太多丸好飽，我地係食一粒鍾，所以要食得好快先得。。粉絲同金姑都幾好味，可以一試～食到好飽先發覺原來係有綠茶味乳酪雪糕，下次可以一試丫～