牛之鍋

营业中

休息中

總結： 牛之鍋晚市放題B餐提供多元化選擇，由雞煲、刺身、火鍋、串燒到甜品一應俱全，整體味道尚可，部分菜式表現不俗。雖然價錢偏高，食材水準參差，但若想一次過試多款料理，且時間充裕，仍可考慮一試。叫左嘅食物有：雞煲（評分：7.5分）- 味道香濃，雞肉炆得入味，辣度適中，作為開場菜式相當不錯。刺身（評分：7.3分）- 魚生新鮮度尚可，切件大小均勻，三文魚、帆立貝等款式齊全，整體屬中上水準。火鍋（椰子雞湯底，評分：6.5分）- 湯底清甜，椰香突出，但火鍋食材如牛肉、海鮮等質素一般，未見驚喜。串燒（評分：7.6分）- 雞腎同雞心特別出色，外脆內嫩，調味得宜；其他串燒如豚肉、蔬菜亦有不俗表現。甜品（評分：7.9分）- 焦糖燉蛋滑溜香甜，焦糖層微脆，甜度適中，為整餐劃上完美句號。其他體驗：- 上菜速度： 流暢，漏單情況少，加分位。- 環境： 坐位寬敞但裝潢較舊，整體簡約，衛生尚可。- 服務： 正常水準，無特別驚喜但亦無失禮。價錢： HK$656（加一後）; 人均 HK$328進食時段： 晚餐時間評分： 7.3/10詳細評分解釋： 綜合食物（味道與賣相）、環境（氣氛、空間、衛生）、服務、性價比四方面作

#mochicouple_hk銅鑼灣搵食團₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ ♡̷̷̷ ₊ ˚‧ 1️⃣ 🥥湯底：鮮甜椰子雞湯🍲揀咗香甜又清新「椰子雞湯底」🥥🐓～入面有大塊椰子肉同紅棗，椰香溫潤，飲落唔會好甜膩，而係帶淡淡天然椰香✨！重點係有一份新鮮生雞肉比我哋落湯慢慢涮，肉質滑嫩得嚟帶微微椰香😍，入口超嫩滑，完全唔乾柴～2️⃣ Set C 陣容超強💥：美國見島和牛、雪花牛小排、本地新鮮騸牯牛！和牛油花分布勻稱，色澤鮮明，涮5秒就已經完美熟度☺️入口即溶，肉汁同椰香完美融合，齒頰留香。牛小排肉味濃郁，咬口十足，唔使調味都已經好出色。本地騸牯牛新鮮到不得了，肉質嫩滑，令人一片接一片，完全停唔到～配椰子雞湯底更加鮮甜，牛香＋椰香雙重享受，好幸福🫶！3️⃣🦐海鮮區 +刺身任食Set C 包原隻鮑魚🦪＋其間限定乳山生蠔！鮑魚彈牙度極高，煮後保持鮮甜；生蠔可以原隻打邊爐或香烤蒜蓉，蒜香味濃郁惹味🤩！海鮮區仲有連殼青口、珍寶赤蝦、北寄貝等，樣樣新鮮！刺身任食更係重點：三文魚、希靈魚、帶子、赤貝、北寄貝、飽片～全部每日新到，食落超鮮甜💛！🍢4️⃣串燒＋自家甜品任食串燒款式多到揀唔

與家人在銅鑼灣牛之鍋用晚餐，選了晚市套餐（每位$298）。餐廳採用一人一鍋設計，家人可自選湯底，試了椰子雞湯與三鮮豚肉湯，前者帶淡淡椰香，後者湯入面比較重海鮮味道，適合不同口味偏好。唔一定要一齊打邊爐。肉類選擇包括美國肥牛、澳洲羊肉等，質素中規中矩，輕涮後口感尚可。海鮮區備有青口及連殼鮑魚，新鮮度合格，鮑魚彈牙感較突出。另設串燒及刺身區，建議先取海鮮類食材。另外我哋都幾鍾意啲刺身叫咗好多三文魚食，刺身都算新鮮。呢度嘅串燒都幾得意，我哋都叫咗少少，一開始以為佢嗰個盒仔係可以燒嘢食嘅，點知佢話用嚟保溫。最特別係個玉子燒係有啲焦糖喺上面嘅，其他嘅蔬菜係有啲胡椒同埋椒鹽喺上面。甜品種類較豐富，楊枝甘露甜度適中，焦糖燉蛋滑順，芝麻糯米糍即場製作。由於佢係無限時任食火鍋放題，整體用餐時間充裕，適合與家人輕鬆聚餐，建議預留空間品嚐甜品。仲有呢度比較特色嘅係榴槤忘返燕窩甜品，仲有就係榴槤同埋綠茶嘅雪糕，仲要即叫即整賣相都唔錯！

聽朋友介紹，銅鑼灣有間超級抵食嘅打邊爐，仲要有刺身同串燒都係任食，無限時，即刻夜晚去試下。餐廳環境乾淨，座位闊落，地下乾爽。設計有少少日本風。我地揀左B餐，當中出左火鍋，仲有刺身同串燒任食。火鍋湯底有多款選擇，仲可以一人一鍋，店員推介我地可以揀重慶雞煲，食完雞煲之後仲可以轉其他湯底打邊爐，就可以試到唔同口味。最後揀左重慶雞煲同埋椰子雞煲，食完重慶雞煲之後，轉壽喜燒湯打邊爐。肉類方面有美國極尚牛肉、美國肥牛肉、澳洲羊肩肉，特選豚肉。推介大家一定要試極尚牛肉，非常有牛味，入口口感極佳。刺身方面都可以任食，打邊爐嘅餐廳連刺身都可以任食好少見，款式都幾多，仲要好新鮮，有：珍寶赤蝦、泰式生蝦、三文魚、希靈魚、帶子、赤貝、北寄貝、飽片。串燒方面選擇更多，全部都好惹味，當中：燒牛舌、燒鮑魚、燒雞心、燒四季豆好值得食。打邊爐食物方面，有多款海鮮選擇，有濟州蠔肉、生猛海蝦、鮑魚、大扇貝、大白蜆，另外牛柏葉及八爪墨魚滑亦值得食。自助吧亦有打邊爐配料選擇。前菜方面嘅海蜇沙律同泰式鳳爪沙律一定要嗌，好好味。飲品方面除左多款罐裝及盒裝飲品外，仲有樽仔飲品：多肉葡萄、手打檸檬茶、白桃烏龍茶。多款自家製甜品都可以任

難得同屋企人去銅鑼灣搵食，話最想打邊爐，見到牛之鍋有平時晚市$298任食B餐（包串燒、火鍋、甜品、雞煲），呢度主打一人一鍋，8款湯底任選，我哋唔食得辣，所以我揀咗「椰子雞湯」，媽咪就試「三鮮豚肉湯」。椰子雞湯帶淡淡椰香，清鮮夠潤喉；三鮮豚肉湯海鮮味濃郁，滾菜一流！🍲肉類方面，我哋試齊四款：美國肥牛同極尚牛肉油脂分佈均勻，一涮就食得；澳洲羊肩肉冇騷味，嫩滑多汁；特選豚肉同雞件夠新鮮，配邊爐醬一流。串燒區有肉有菜有海鮮，不過食肉獸如我哋都叫咗大量蔬菜平衡吓（翠玉瓜、秋葵、燒青椒、燒番薯仔）。刺身有三文魚、北寄貝、赤貝、鮑片同帶子，魚油香濃又夠厚切，海鮮控必食青口、濟州蠔、連殼鮑魚同鮮蝦，蜆肉都幾肥嘟嘟！隱藏推介「烤榴槤」，外焦內軟香氣爆炸，榴槤控請鎖定！🥢火鍋配料吧有齊雜菇、丸類、拉麵，自己拎好方便～最驚喜係「甜品放題」！即製甜品升級大碗，必試「雪燕榴槤忘返」，榴槤肉多到鋪滿面；「宇治抹茶芭菲」層次豐富，抹茶雪糕帶微苦回甘；即叫即整嘅「榴槤雪糕芭菲」同「焦糖燉蛋」香濃到唔捨得停口！傳統港式甜品如芒果布甸、芝麻糯米糍都水準在線，馬卡龍靚到影完相先食～冇限時安心食，成餐飯食足2.5小時，全程加

今日嚟到銅鑼灣一間火鍋放題，揀咗B餐，火鍋串燒甜品刺身任食仲有啤酒任飲。黎到首先揀咗個湯底先，可以選擇一人一鍋又或者大鍋，今次終於唔使陪個朋友食辣啦，我揀咗一個蕃茄濃湯，朋友揀咗麻辣雞煲。雞煲上到枱係七成熟，記得唔好咁心急即刻食，雞肉嫩滑又入味，食完雞煲可以選擇加湯又或者轉過第二個湯底。蕃茄濃湯味道鮮甜足料。決定轉左個麻辣湯底。等緊個煲滾嘅時候就梗係食咗刺身先啦，刺身選擇好多，三文魚肥美，蝦大大隻，好新鮮。火鍋配料都有好多選擇，B餐有美國極尚牛肉，美國肥牛肉，澳洲洋肩肉等等，牛味濃郁薄切，肥瘦適中。仲有任食嘅海鮮，有鮑魚扇貝蜆鯇魚片，樣樣都好新鮮。任食區都有好多蔬菜同埋丸類嘅選擇，整體感覺都乾淨企理。仲有串燒食，正食飽飽之後梗係要食埋甜品啦。甜品有好多選擇，甜品櫃可以任取，亦都有啲即場點，例如芭菲等等，實在太飽，所以我哋淨係叫咗木瓜燉雪耳同埋雪燕流連忘返，兩款甜品都好足料，好滋潤。今次嚟到都幾多人嚟食，但係環境都唔係好逼夾，乾淨清潔，侍應亦都好快手主動清理枱面。

👧🏻😋👅🍽✨超值邊爐串燒放題🥳-🍲 晚市無限時任飲任食放題三個餐都包火鍋+甜品+雞煲/湯底, $258 A餐同$298 B餐既肉類同配料一樣, 食到幾靚既豬牛羊雞肉, B多左串燒同刺身, 多元化得黎性價比最高🍲 但如果對牛肉好有要求, 都可考慮C餐任食新鮮潮汕手切牛同M5和牛! QR code落單好快送到, 全晚亦冇漏過單, 店員收碟收骨都好勤快🫡▪️串燒🍢 我鍾意既款式差唔多全部都有, 雖然細細串但任叫唔嬲上菜又快, 我地都食左好多🤭 大推牛舌, 雞腎, 羊肉, 雞軟骨; 全部都係串燒店質素▫炸物🍤 只有兩款就係芝麻雞翼同榴槤炸彈, 冇食榴槤但芝麻雞翼勁出色, 炸到脹卜卜又多汁, 建議加多啲款唔好浪費咁好火候 😍▪️海鮮🐚 半殼扇貝係B/C餐先有既期間限定項目, 洗得好乾淨又處理左, 淨係放粒肉落鍋就得, 大隻好鮮甜🦪 韓國蠔肉唔大隻但都好juicy, 脆鯇魚片爽脆唔腥又冇骨好唔錯▫甜品🍫 驚喜! 比我想像中火鍋放題既任食高質好多, 中西式都有, 木瓜雪耳好滋潤!🥧 心太軟即整需時, 個蛋糕殼好薄而朱古力流心好軟滑, 濃香朱古力唔會太甜, 配雲呢拿雪糕堪稱完美🍮 Crème brûlée

近期試咗一間係銅鑼灣主打任食火鍋 + 串燒 + 刺身的牛之鍋。我哋選了$298套餐，選擇種類多，性價比相當唔錯。湯底揀咗壽喜燒同椰子雞湯。刺身：魚生切片厚薄適中，口感滑嫩，蝦類與貝類都相當唔錯。泰式生蝦加埋酸辣調味，為整體帶來新鮮感。海鮮：海鮮種類非常多，包括鮑魚、扇貝、大蝦、蜆等，都處理得乾淨企理，鮮味明顯。煮完無腥味，保持原始口感，配搭椰子雞湯尤其出色。肉類：牛、羊、雞、豚肉都有提供，肉質普遍不錯，特別是牛肉油花分佈均勻，涮一涮就入口即溶。羊肉冇羶味，豚肉亦夠滑，滿足不同喜好。串燒：串燒提供多款肉類與蔬菜，雞軟骨燒得香口不乾柴。調味適中；蔬菜類如菠蘿、蕃薯仔等亦燒得香甜，令整體層次更豐富。其他火鍋配料：火鍋配料方面，從牛柏葉、鵝腸，到八爪魚滑、魚皮、烏冬都有提供，能滿足不同口味需要。質素整體不俗，尤其墨魚滑彈牙好味。甜品：最意想不琴係甜品表現突出，選擇多。尤其是朱古力心太軟與焦糖燉蛋，甜度剛好，質感細緻。而楊枝甘露與綠茶巴菲則清新解膩，為整餐劃上完美句號。

第一次來，慶祝生日，真是難忘的生日聚會！食物質素很差，落了單等到水都滾埋都未有上菜，落了單多數都沒有送來，數量也不符合，是見你幾多個人就求其俾幾樣餸你，落了幾隻蠔到了埋單都沒有出現過！有啲冇order例如小籠包和餃子又送上俾你，想執飽你個肚，甜品冇樣好食，最難得是軟雪糕都可以整得那麼差。一坐落燈，已經感覺不是太乾淨，未食完已經感覺肚痛，回到家中家裏有兩個成員到肚痾的情況，如果唔改善真係好難有下次！

註： 我並沒有參加試食推廣， 是用原價購買餐點。今晚選擇了冇限時， 無論幾點入，總之11點前離開即可。 其實都真係幾抵。 我們由7:30 食到11 點， 我們選左$388 最貴的任食。 打邊爐食品總類很多， 牛肉不錯， 其他整體ok, 飲品用有多款， 也有串燒食, 味道不錯， 唯獨是甜品比較遜色， 不要期盼。餐廳缺點係比較嘈，環境一般， 檯與檯之間很近。 廁所尚可以。 整體都算ok.

雖然呢間打邊爐店選擇的肉類唔算多，尤其我哋選擇的是最平價套餐，得幾款肉可以揀，好似雞肉、貝類等簡單選項，但佢帶俾我哋的感覺係超有誠意！一上桌嘅時候，店員補充食材嘅速度快到不得了，完全唔需要等嘞得心急。.自助區擺放有自製甜品和手打樽裝檸檬茶，feel到係有心去做。甜品唔係一般放上去擺擺樣嘅，而係有返咁上下水準，檸檬茶嘅酸甜比例啱啱好，飲落清爽唔會太甜膩。唯一唔好嘅可能係冇辣椒油亦冇沙嗲醬，所以想食辣嘅朋友可能會有啲失望。.另外，呢度每位$258加一，喺港島區來講算係親民嘅價錢，性價比算唔錯！雖然唔係五星級奢華盛宴，但喺工作忙完嚟到呢度輕鬆下，最重要係晚市無限時食到10點幾！

今日晚餐約左晚上9點-11點的時間。食最貴個個$388牛餐。一開始三文魚黎左一次，牛肉黎左二碟之後。一直都沒有上菜。中間曾多次問職員追單，職員幫我們跟進都沒有下文。有些時間桌子上空空如也，是個什麼都沒得食的放題。直到最後10點多，再三追問職員才有多2碟牛肉來到，三文魚刺身就說沒有貨了。食物質素普遍中下，海鮮不新鮮，衛生偏差，遠比不上大喜屋的質素。牛肉的樣子和之前Openrice 的評價相片差很多，不排除那些是廣告文或我今天特別不幸。沙白 三文魚 和 甜品的味道是不錯的，可以一試.PS: 餐廳10點10分左右就cut 單了(本身說最後下單時間是10點30分), 好在到最後問了職員給我們幫助下單甜品，不然就沒有機會試到這份還好的甜品了。

星期六收工過嚟銅鑼灣搵食見到呢間話午巿四個鐘任食都係$158就一個人嚟試吓揀咗蟲草花松茸菇湯底無乜特別手打檸檬茶幾好飲牛肉有三款，肥牛真係好肥其他兩款就好啲牛肉質素都幾穩定，冇話第一轉靚跟住唔靚口！百幾蚊價錢嚟講，啲牛算好好最吸引我其實係啲甜品有綠茶芭菲，一樣係任食！味道真係唔錯！放題嚟講有驚喜食埋榴連芭菲，少少嘅榴連蓉，都算係咁楊枝甘露都幾好食有芒果肉、柚子！做到足出面攞嗰啲甜品就麻麻地呢款芋圓無乜特別，但都係嗰句啦！百幾蚊嘅放題仲想點喎個窩夫拎出嚟熱熱地真係好好真係覺得好抵食最值得讚係個侍應姐姐好勤力有一個碟仔都即時收走平時食其他火鍋放題，係放幾多嘢都冇人收架呢度真係食得好開心

喺銅鑼灣時代廣場附近，冇諗過有一間咁平嘅火鍋店，性價比高去到這座大廈，發現原來都有幾個火鍋店，當中以呢間人氣最旺佢哋包括有魚生刺身，燒烤等熟食，以及半自助式火鍋，精選甜品，分三個價錢級別刺身都好新鮮，燒烤類的食物都好多選擇，而且質素都幾好，其中燒鮑魚特別好味，有好多肉類以及蔬菜火鍋質素都算幾好，可以每人一鍋，衛生好多，火鍋選擇都唔少，有幾款牛肉以及好多蔬菜，還有丸，海鮮都有鮑魚等等甜品賣相幾好，這個價錢真的很超值

平時十世都唔寫一次食評 通常寫親都係有問題先會寫 難得今次覺得係好食到要寫食評讚吓佢😂星期六晚上食咗邊爐B餐 包刺身串燒海鮮（基本上除咗最貴嘅牛之外乜都包） 7:30前離座 埋單$306一位（連加一）先講講呢度最普通嘅火鍋料 基本上你平時出去打邊爐想食嘅嘢都會有 另外再多啲帆立貝 鮑魚 蜆 等等海鮮 全部都幾新鮮好食 但係同其他嘢食比較有啲普通咁除咗邊爐之外，佢呢度都有刺身食 有帶子 希靈魚 三文魚 赤蝦 北寄貝 赤貝等等 質素都幾唔錯今次嚟食比之前多咗啲串燒揀 啲串燒嘅食材同調味都幾好 而且選擇非常多 不知不覺就會嗌咗十幾廿串 我覺得佢高質過平時出邊嗰啲所謂嘅串燒放題 重點表揚串燒牛舌同埋鮑魚 口感完全唔韌 好好食！ 不過就有啲睇師傅心情好唔好 有一轉燒得好求其 個面都唔燶嘅😂我最鍾意嘅係佢呢度嘅甜品！全部都唔係放題行貨 最鍾意嘅係個雪糕窩夫同埋綿綿冰，真心出面比$50-60都未必食到呢個質素；除咗嗌嘅甜品 佢出邊雪櫃嘅芒果布甸都幾唔錯 一坐低就即刻食咗杯