牛之鍋

营业中

休息中

2024年3月18日 星期一今晚放工之後等埋老婆係銅鑼灣打邊爐，選擇咗呢間餐廳，因為見網上評價唔錯，好多人都話性價比幾高到達餐廳嘅時候，好彩暫時未算太多人，所以一去到就可以入座，餐廳分咗三款唔同價錢嘅放題套餐，最平大人$218就有得食，如果係特價時段仲可以平至$198添，最後我哋選擇咗C餐最貴嗰款，因為除咗可以任食澳洲和牛同雪花牛小排之外，餐廳仲做緊九周年期間限定，可以任食拖羅壽司、原隻鮑魚同滋補花膠添！！等待食物期間就行咗出去調味區，有好多唔同嘅配料可以作為醬汁，除咗一般火鍋店見到嘅炸蒜、芫荽同芝麻醬之外，仲有泰式生蝦醬同柚子醋可以選擇食物配料除咗可以用QR code落單之外，仲可以出去凍櫃度拎，有唔同嘅蔬菜、生根同韓式年糕等等，全部都好新鮮，而且夠晒衛生大約5分鐘後食物就開始陸續送到，首先有原隻鮑魚同原隻帆立貝，睇落去都幾大隻，而且好新鮮，鮑魚同帆立貝仲已經清洗乾淨，完全冇內臟，可以放心淥熟之後即刻食，淥熟食落去一啲都唔韌，鮑魚同帆立貝都好有咬口，同埋充滿鮮味，一啲都食唔到腥味，我哋食完之後即刻再encore跟住到期待已久嘅牛肉，分別有澳洲手切牛肉同雪花牛小排，兩款牛肉嘅脂肪分布都

Happy Friday同一班同事去到銅鑼灣嘅牛之鍋，夜晚有三個set可以揀，我哋就揀咗B餐任食，除咗包括A餐嘅海鮮同其他火鍋配料、甜品，仲會包括B餐嘅刺身、壽司、炸物、沙律、燒物，超多選擇，食到飽一飽先走。餐廳正在大枱夠多，好似我哋一大班人嚟到都唔怕冇位，火鍋醬料好多選擇，平時少見嘅泰式生蝦醬呢度都見到，夠晒特別。一坐低梗係嗌盤刺身食吓先啦，刺身好新鮮，款式都唔少，我哋嗌咗三文魚、帶子、甜蝦、生蝦、赤背、希靈魚，我哋落幾多就會嚟幾多，絕對無漏單嘅情況出現。我哋都好推介燒物嘅款式，一上枱熱辣辣，好有風味，最鍾意係鹽燒海蝦、串燒雞軟骨、燒多春魚，同埋燒菠蘿，我哋嗌完一輪又一輪，越食越滋味。沙律同前菜都好出色，份量少少可以試多幾款，推介蟹籽沙律、海蜇同埋泰式鳳爪，食得好滿足。火鍋嚟講湯底都好緊要，呢度係一人一鍋，其中推介花膠荳香魚湯同埋冬陰功湯，兩款湯都特別濃郁，而且出邊亦都少見，嚟到必定要試一試。又點可以唔講吓啲配料呢，海鮮方面有任食鮑魚同帆立貝，用料新鮮，仲有其他超過30款嘅配料，實有啱食嘅選擇！甜品方面，餐廳都有驚喜，有好多出邊任食火鍋少見嘅選擇，包括芭菲、楊枝甘露、榴槤班戟、軟雪糕

香港美食眾多，尤其喜愛食放題，銅鑼灣冠景樓的牛之鍋，任食壽司、刺身、沙律、炸物……，主打的火鍋，也非常多配料，及飲品甜品，任飲任食∼∼餐廳環境裝修，雅緻舒適，座位及枱都非常寬敞。自助區有丸類、蔬菜、粉麵、飲品……等任取。太多嘢選擇，我哋揀咗自己喜愛食的三文魚、帶子、希靈魚、 花之戀壽司、蟹子軍艦、黑鬆露帶子壽司……材料都非常新鮮，三文魚及花之戀壽司油香軟滑，蟹子軍艦及希靈魚口感都脆卜卜，好鮮味！😋炸物都喜愛食呀，芝麻雞翼 外脆內嫩。酥炸韓國蠔炸漿加了點紫菜 好特別。外脆內留心的榴槤炸彈，愛食榴槤的我當然不會錯過。鹽燒海蝦經燒過肉質緊緻香。火鍋湯底都有10款選擇，而且一人一窩，濃香蕃茄湯及椰香沙嗲湯是我們今晚的選擇。任叫任食的原隻鮑魚非常爽脆鮮甜，抵食呀！還有大扇貝，好鮮~~海鮮類的澳洲蠔肉，夠嫩滑。生猛海蝦爽口鮮甜，大白蜆、紐西蘭青口、雞公子、鵝腸……，好味∼∼火鍋不可缺少的主角牛肉，也是多款式，極上牛肉、牛肩甲肉眼、美國肥牛肉、草飼牛舌……極上牛肉及牛肩甲肉眼再香牛味，食完再order ，牛舌就稍為有少少韌。澳洲羊肩肉，灼上七八秒就可以食，味香濃，好好味，食得好開心！😍餐廳的甜品真是

位於銅鑼灣鵝頸橋對面嘅牛之鍋，出名抵食同任食甜品高質，今日打完小人，順路去對面幫襯下先～有分ABC餐，平均$300內就可以任食刺身火鍋燒物甜品，勁抵～一人鍋湯底，我揀左沙嗲鍋，朋友就揀左蟲草花松茸鍋，沙嗲湯底好香濃，唔會好辣又惹味～朋友個湯底就菌味重～所有配料同埋飲品都係任拎～First round黎個刺身先，非常新鮮，蝦係勁爽身，三文魚油脂好靚，帶子清甜～前菜小食有川味魚皮、泰式鳳爪同埋沙津，我勁欣賞佢每份都細細碟，完全滿足到少食多滋味嘅肚皮～海鮮有連殼新鮮鮑魚同埋大扇貝任食，超新鮮，好有驚喜～呢度所有嘢都非常有驚喜，新鮮不特止，仲要好好味～濟州生蠔好爽身，鵝腸又洗得好乾淨，墨魚滑裏面嘅墨魚好脆口～肉類就有牛肉豬肉雞肉羊肉，肉味非常濃，最驚喜係羊肉，完全唔蘇～壽司大大件又好味，直逼居酒屋級數～今晚另外一個主角絕對係甜品，高質到傻左，抹茶芭飛同埋榴槤班戟～真心，甜品店都冇佢哋整得咁好食，抹茶雪糕好香濃嘅茶味同埋好幼滑，加埋脆脆同埋牛乳雪糕，真係100分～

菜品多，眼花繚亂，🍲打火鍋還能同時吃到刺身，壽司，多款海鮮。海鮮品種多，而且鮮度夠。🍤基本以蝦和魚、滑類為主。我覺得鮑魚也不錯，原只新鮮彈牙。肉類，現切的肥牛，🐮牛舌，牛肩胛等等，色澤都很新鮮！而且爽口多汁，軟淋可口。🐑澳洲羊肩胛，油脂均勻，而且淺淺羊騷香，不錯的。除了熱菜、🍣壽司、炸物、🥗沙律、甜品等等，這裡的飲品也有獨立包裝，飲品不限量！#causewaybay #buffet #自助餐

今日約左小美女同先食生日飯2個人去左銅鑼灣放題今次主力食剌身前後點左4次Size 雖小，個夠鮮甜因為之前戒口吾食得今日食返夠本仲有牛肉都有幾款肥牛，牛肩甲 牛舌其中牛舌最好味，牛肉味香，口感Q彈海鮮有鮑魚，海蝦，扇貝，脆肉鯇，蜆，墨魚滑，生蠔扇貝同脆肉鯇好新鮮，食得又方便生蠔好細隻，個好重蠔味仲有壽司小食菠蘿，一口薯仔，芋圓波波芋圓波波好脆，熱辣辣，芋圓好多甜品真係好高質素抺茶巴菲榴槤巴菲楊枝甘露榴槤甘露焦糖燉蛋牛奶蛋白當然係抺茶巴菲最好食，真係好好食，要食兩杯，我吾食榴槤，俾吾到意見

天氣又凍凍地，最鐘意食火鍋，今次選了火鍋放題為主打的餐廳，放題價錢由 HKD 218 起，有三款套餐任君選擇，我就選了套餐B，當中的美食包括了刺身、壽司、海鮮、炸物、燒物和甜品等等…出面仲有自助飲品，醬料同蔬菜，最欣賞呢到有自家製茶飲類👅👅而打邊爐用的湯底係一人一鍋，多達９款湯底選擇，我同朋友選了蟲草花松茸湯和花膠荳香魚湯🍲🍲放題點可以唔叫刺身，佢地啲刺身都新鮮，質量唔錯嘅✨✨最欣賞肉類也有不少選擇，其中澳洲牛肩胛肉眼質量好好，我都追加了好幾碟🐮🐮炸物都好吸引，即叫即炸，上到枱都係熱辣辣💫💫壽司控一定會叫軍艦和花之戀壽司，size細細件，選擇多味道也不差，過下口隱啱曬🍣🍣最鐘意呢到有多款甜品選擇，全部自家製，細細份吃了法式焦糖燉蛋、楊枝甘露、牛奶燉蛋白、藍苺芝士餅、抹茶芭菲，樣樣都好出色，非常高質🍮🍦🥧🍨牛之鍋真係做到好出色，歡迎大胃王挑戰，樣樣出色，款式多不勝數，下次一定會再光顧，再話比我知邊一款值得推介👍👍👍👍👍

天氣寒冷，和朋友好想食火鍋，上網搜尋到這間任點任食火鍋，B餐（成人每位$278）湯底有10款選擇，又可以一人一鍋，非常衛生。我選擇了蟲草花松茸湯，朋友選擇皮蛋芫荽清湯點餐的方法亦很方便，掃曲點嘢食，選擇的款式非常多，有海鮮、刺身、肉類、壽司、炸物、飲品、火鍋配料、甜品等。刺身有多款選擇，有我最喜愛的珍寶帶子雜物方面，有我最喜愛的章魚燒和榴槤炸丸，榴槤炸丸炸得非常香脆，裏面的榴槤肉都頗多。牛肉方面，有我最喜愛的牛舌，亦有羊肉，非常薄切，每片六幾下就熟，牛肉味非常濃郁，超好味。甜品方面都非常有驚喜，特別是法式焦糖燉蛋，非常香滑，很香的蛋味，還有不同款式的雪糕，所以記得留肚食。職員的服務亦非常好，不是都會幫我哋收碟，加湯等等，座位亦非常寬敞舒適。#牛之鍋 #銅鑼灣美食 #火鍋 #銅鑼灣火鍋

天氣越嚟越凍🥶，成日都想打邊爐🤩，今次到牛之鍋，位於銅鑼灣堅拿道西10號冠景樓2樓A號舖。 店內環境舒適， 地點方便。火鍋放題好抵食，我點B餐 ( 有200款日本料理+火鍋配料 + 甜品) ，包括有沙律、刺身、壽司、一品料理、燒物、天婦羅、多款火鍋配料、甜品、汽水和啤酒等等。 另外有十款湯底可供選擇，我選了花膠湯底， 花膠味重。肉類有草飼牛舌、 美國肥牛肉、 美國封門柳牛肉、 澳洲牛肩胛肉眼、澳洲羊肩肉、特選豚肉和五香雞件，喜歡吃牛的朋友，千祈唔好錯過封門柳牛肉🥩， 牛肉味濃郁😋， 口感柔嫩，而其他肉類的質素也不錯👍🏻。 自助區有多款菜類🥬🥦和飲品🧃🥤提供， 最後到甜品， 一定要食宇冶抹茶芭菲🍨、 法式焦糖燉蛋🍮、 牛奶燉蛋白🍮、 軟雪糕窩夫🧇和木瓜燉雪耳🥣， 每款都好好食， 記得一定要留肚食甜品呀🥰🙌🏻！

天氣突然轉濕冷，最適合就是打邊爐。一位跟我一樣喜歡吃魚的朋友找到一間烤鰻魚鍋的餐店，正好今晚齊齊打邊爐。餐店設有多張闊落的二至四人卡座，還有多張大枱，坐得舒適，而自助飲品區和蔬菜區都集中在一處，好方便。A、B和C兩小時任飲任食放題，我們今晚就選了醬香味烤鰻+B套餐（$316），包有肉類、海鮮、火鍋配料、自選蔬菜吧、刺身、壽司、炸物、串燒、沙律、自家製甜品等，相當豐富。******************************等待烤鰻魚鍋滾起時先揀飲品，飲品自助區都分三處，除了有個巨大的凍櫃放滿汽水、自家製茶、紙包飲品、韓式果汁、咖啡等等外；另一處還有斟飲品機，包括熱茶、熱咖啡、熱朱古力等，很多選擇。我揀了白桃烏龍茶，淡淡的白桃味，茶味甘香，好喝！******************************醬香烤鰻火鍋吃很啦！鰻魚經炸，微脆嫩滑，烹調入味，非常美味，最開心是可追加，大滿足！鍋中還有不少配料，包括紫洋蔥、蓮藕、蘿蔔等，全部都好入味。******************************再點肉類和海鮮。肉類要了草飼牛舌、牛肩胛肉眼和極上牛肉。三款都透薄鮮紅，非常鮮嫩，

之前睇片有人介紹呢間餐廳，咁我上年八月嘅時候都有帶男朋友嚟試，火鍋同啲肉、炸物其實都麻麻，叫做below average 。當時驚喜嘅真係甜品，同外面甜品舖比都有過之而無不及，賣相味道都冇得輸，feel到師傅真係用心製作，種類又多又好食又出得快，窩夫勁好食，芭菲又靚又唔會死甜，焦糖燉蛋世一。就係咁，早排我又帶埋啲姊妹去食，寫哂包單力排眾議呢度啲甜品好食，點知中哂伏，火鍋依然麻麻，甜品唔知係唔係師傅唔想做定換咗人，只可以講難食到嘔，啲cream反晒出水，窩夫有燶味，雪糕上枱溶晒又甜到漏，焦糖燉蛋帶苦，唔係個面嘅焦糖，係連下面都苦，同之前比天差地遠大失水準，其他甜品都冇一樣好食，質素又差。清潔明顯不足，女廁啲尿周圍都係仲有曱甴🪳出現，食物都唔太新鮮，可以black list，本身都係為甜品先嚟食，依家呢樣野都冇埋，唔知係咪賺夠冇心做。雖然都知人哋都係打工，但服務態度好差，加啲嘢成日嚟唔齊又慢又漏單，催極都唔到，到咗嘅又難食，真係好難怪啲人寧願北上消費。

以前成日幫襯，因為易有位，同埋覺得好味+抵食，差唔多每星期都嚟1-2次；但係後期野食叫乜冇乜，一係等勁耐，連隔離枱都比我哋等得耐，都冇乜吸引力再去幫襯。事隔大半年，前1-2日再去幫襯，野食出餐時間算正常返，不過炸物同壽司耐少少，但係都唔似之前咁叫乜冇乜，出野食算係正常返。不過，今次令人失望嘅係，用餐時間2個鐘。我哋入坐時間19:44，到食咗1個鐘零15分鐘，話幫我哋收錢，講到明21:24截單同21:44就要還枱，咁諗住唔阻住個職員就照比錢先，點知比完錢，坐坐下食食下，我地仲有45分鐘，21:15都未到，冇啦啦有個職員嚟問都唔問，直接收走哂我地d餐具/碟/煲，我忍唔住問：乜我地截單時間唔係21:24咩，個職員扮傻喺度繼續執，然後兩個煲仔執到一半，插哂筷子，個職員就自己彈開左，轉頭又返返嚟拎走返。大佬呀，我食緊甜品啫，就冇啦啦搶走左我d餐具同個煲，我支茶未飲哂都攞走埋我嘅!? 發生咩事？真係好掃興，諗住冇幫襯咁耐，牛之鍋改善咗好多，點知一次比一次更失望，今次係玩未食夠2個鐘就趕人走。另外，個場坐唔爆，但係要迫埋同人搭枱，方便佢哋清潔，方便佢哋收工，真係做得好明顯，所以都係如果再嚟要三思喇。

今日去咗呢間食放題，香港人嘅至愛，位於銅鑼灣，兩小時任飲任食日本料理同打邊爐，呢度犀利啦，唔係雞煲又唔係普通嘅火鍋，而係烤鰻魚！！！超級特別，我都係第一次見！！！最貼心嘅位係呢度一班人用一大個鍋打邊爐又得，費事煩嘅鍾意自己食乜嘢就食乜嘢嘅話又可以揀一人一鍋，靈活度高，好鬼正～ 鰻魚可以揀要辣或者唔辣，新鮮，帶點煙煙韌韌嘅口感^_^QR code落單，有多款刺身、壽司、海鮮、即製甜品、CP值極高！樣樣吸引，眼闊肚窄，選擇困難症上身，好彩呢度可以逐個叫，唔怕曬，肉類同海鮮都幾鮮、刺身壽司細細一份，唔錯。甜品款真係好多，最鍾意係宇治抹茶芭菲，做得好有心思，一層層自己鋪，淡淡回甘，內有煙韌白玉、脆脆、忌廉等，仲有雪糕刨冰、班戟、楊枝甘露，超開心，超滿足！！！

平時放題食得多，主打鰻魚嘅真係比較罕見，餐廳前排推咗個風味烤鰻火鍋放題，可無限追加烤鰻魚，食完之後就加湯打邊爐！鰻魚可按個人喜好選擇軟硬程度，爐到自己覺得好食嘅口感，入口滑溜香嫩，無骨啖啖肉，醬香味突出，十分美味😋 另外仲有超過150款日本料理、火鍋配料、即製甜品，汽水啤酒，兩小時任飲任食真係預咗會肥幾磅，慘慘豬😥 日本料理有齊和牛、刺身、海鮮、壽司、炸物同燒物，款式好多，估計大胃王先可以食得曬！最推嘅有呢幾款，帶子滑溜新鮮、芝麻雞翼外脆內嫩，紫心香芋丸煙煙韌韌，餡料爆滿、芒果吉列蝦卷口感味道豐富、燒菠蘿超級juicy、肥牛嫩滑唔嚡、海蜇沙律十分開胃，值得encore～ 另外一定要記得留肚食甜品，焦糖燉蛋、楊枝/榴槤甘露、班戟、仙草麻薯、咖啡奶凍、牛奶燉蛋白、芒果布甸、冰糖木瓜雪耳、軟雪糕窩夫、巨峰提子綿綿冰，個人最鍾意芭菲同藍莓芝士杯，甜度適中，凍凍地幫助解膩，食到舔舔脷🥹

牛之鍋．風味烤鰻火鍋有特色牛之鍋的新出品，烤鰻火鍋配麵包蟹好有特色，更有150款食品選項搵朋友一起去吃，嘗嘗鮮！小菜好好食魚翅海蜇及酸辣鳳爪非常開胃好食然後主角登場！長方形的鍋上台鰻魚滿滿的鋪上面烤熟鰻魚，肉質爽滑鰻魚醬汁很濃香，配起來非常有風味而且鰻魚可以無限追加所以非常划算麵包蟹膏很多，大大隻吸收晒湯汁的香氣濃中帶鮮，有肉又有膏，非常好食食完主角，店員會加入湯底開始打邊爐當然要食牛肩胛肉眼(香口有嚼勁)美國肥牛，一滾就是肉香仲有必食的鮑魚，大大隻，爽口彈牙熟食點了串燒們專攻椒鹽大蝦與雞軟骨香脆可口，彈牙好吃配啤酒汽水都一流小小的迷你鮑魚軍艦一口一件，好食易入口脆口新鮮的北寄貝、鮑片、甜蝦、螺肉感覺都是很正很爽！沒有甜品的放題不算放題！這裡的芭菲很足料香甜軟糯、可口脆脆更要點一個焦糖布甸全都很讚！這裡的自取區都很乾淨企理茶酒汽水果汁任飲位置近銅鑼灣A出口，享有地利非常方便，可以一試牛之鍋銅鑼灣堅拿道西10號冠景樓2樓A號舖電話號碼  26281186