牛品台式火鍋

营业中

休息中

嗨嗨蟹鍋 - 濃郁海鮮味嘅鮮湯，可以品嚐到新鮮嘅蟹肉，搭配各種肉類提升鮮味。日本宮崎縣A5和牛💕和牛肉油花分佈較多且均勻，有明顯嘅和牛風味，肉質軟嫩，被視為日本和牛品種中一顶级品種。 澳洲M9和牛肩胛肉💕色澤紅潤，睇落去就令人食欲大增，口感豐富，咀嚼時可以感受到牛肉嘅彈性與韌勁。 鮮活鮑魚💕肉質柔滑細嫩有彈性，味道鮮美，咀嚼起來有韻味。 個人推薦一下幾種台式小食❣️茶葉蛋💕聞落去會有陣濃郁嘅茶香，食落口感獨特，蛋香中夾雜住茶葉嘅清香。❣️肉燥飯💕鹹中仲帶有甘甜香味，食落口齒留香，涮嘴唔容易膩。❣️米血糕💕散發一種淡淡嘅鮮味，且冇任何異味，仲會帶住淡淡米香味。❣️牛品牛三寶💕可以一次品嚐三個唔同牛部位嘅口感，有牛面肉，牛筋，牛肚，口感紮實唔乾柴。

一直以來都好鍾意同一班friend嚟呢度食buffet，一直都好推介呢度，今次帶咗同事嚟呢度用餐，連佢都對呢度讚不絶口我哋兩個人食嘅係牛極品任食套餐，餐牌裡麵嘅嘢食繫可以任點無限食到飽裡面有各種肉類都好好味，要嘅湯底係佢哋嘅招牌麻辣鍋，鮮辣味好濃烈，佢哋嘅豬五花同豬梅肉係上等嘅西班牙栗飼豬，可以明顯食出同普通豬肉唔同嘅口感。然後牛肉呢度有肩胛肉同胸腹，胸腹肉好紥實，仲帶有一啲油脂，口味好香，然後肩胛肉則好細膩，有相間嘅油脂同瘦肉，口感好豐富。食麻辣鍋點可以少咗羊肉，麻辣鍋可以充分蓋咗羊肉嘅羶味，唔止可以享受到羊肉嘅香味，仲有富有彈性嘅口感，越咬越香。花雕酒雞配麻辣湯底都係好正，淡淡嘅酒香再加埋麻辣嘅口感，香味四射，尤其最啱追求味覺嘅刺激嘅人嚟食。 除咗火鍋配料，呢度仲有衆多台灣當地小食可以任食，好似最地道嘅鹵水豬耳，口感有咬口，仲可以品嚐鹵味嘅鮮香。烤椒皮蛋荳腐都係唔錯嘅小食，荳腐嘅口感好軟嫩，入口一咬就化，好好食。然後仲有少唔到嘅台灣香腸同炸地瓜條，香腸好有咬口，富有肉香，裡面嘅鹹味爲香腸提昇咗唔少風味，然後地瓜條炸嘅酥脆，好甜。呢度嘅buffet真係好抵食，真係好推介大家嚟呢度嚐試

最鍾意嚟呢間火鍋食放題，食材新鮮唔使講，環境乾乾淨淨，好推介殿品套餐，每一位客人都會送一隻鮮活鮑魚，鮑魚超巨型🤩而且一點異味都冇😎我哋揀嘅係季節限定嘅湯底 — 嗨嗨蟹鍋，蟹肉鮮美同幾多膏，沙白脹卜卜，味道鮮甜~兩者熬出嚟嘅精華十分濃郁，鮮甜無比! 未開始渌嘢食我已經飲咗幾碗湯喇😂.👁‍🗨 日本宮崎縣A5和牛.➰ 肉質脂肪豐富，而且雪花紋路超級靚!!渌幾秒見到變色就可以食喇，唔使任何醬料已經好好味 ，帶住淡淡嘅奶香味好正🤭.👁‍🗨 澳洲M9和牛肩胛肉.➰ 肩胛肉肉質飽滿，帶住脂肪但係唔油膩，控制好時間可以食到超級鮮嫩嘅肉質!.👁‍🗨 特上牛小排.➰ 脂肪分佈均勻，食落口感層次分明，既軟嫩多汁，又有微微嚼勁🙃就算熟透咗都仲係嫩嘅，唔柴~仲有豐富多款嘅台式小吃供應，我哋攞咗唔多只係想試吓味道😆炸地瓜條同茶葉蛋都唔錯😇食完仲會送我哋一人一杯嘅春陽茶事 ，用清爽嘅飲品嚟完美結束我哋呢一餐.🔛 整體評分（7.5/10）

尋晚同屋企人一齊去呢間火鍋店食自助餐😝😝呢度嘅裝修好靚✨特別鍾意佢哋嘅燈～一粒一粒好可愛～我哋嗰陣揀咗櫻花蝦濃湯做湯底🍲香味好濃郁～仲有好重嘅蝦味🦐🦐好好飲～之後我哋攞咗好多嘢食～其中嘅肩胛肉好唔錯😋煮好之後～非常軟嫩～又有嚼勁！！另外佢哋嘅五花肉都唔錯～肉質鮮嫩多汁～一口咬落去有肥肉同瘦肉～口感好豐富👍🏻👍🏻🐂牛胸腹嘅肉質比較緊實～有嚼勁～肉香味都好濃！！仲有羊卷肉～帶住經典嘅羊肉香味～食落口感細膩又鮮美！配埋濃郁嘅湯汁～味道更加鮮香😍😍屋企人話豬梅肉都好鮮嫩🐷脂肪部分好均勻～脂肪同瘦肉啱啱好～肉質細膩又有嚼勁～口感豐富！🐔花雕油雞件嘅雞肉鮮嫩～酒香撲鼻～醬汁濃郁～非常好味！除此之外～我哋仲點咗幾個炸物～鹽酥雞同炸午餐肉！都炸得金黃酥脆～外酥內嫩～非常好食🫶🏻後尾我哋仲攞咗啲甜品🍨黑糖芋圓好唔錯～甜甜哋～芋圓外皮柔軟有嚼勁～內裡細膩！！最緊要仲有Haagen Dazs雪糕🤩🤩我嗰陣食咗柚子檸檬馬卡龍味～感覺好唔錯～酸酸甜甜～好過癮！！總括嚟講～啲食物都好唔錯😎我哋一家食到好飽～下次可以再嚟過！！

老窦长期喺台湾做嘢，所以对台湾嘅嘢食好有要求。啱啱好同事有介绍我一家味道唔错嘅台式火锅，我就打算带老窦去试吓。呢度嘅环境好好，座位阔落舒服，系个好好叹火锅嘅地方。我哋叫咗牛殿品任食嘅套餐，真系太抵啦！我哋拣咗个好特别嘅汤底，系落咗虾同猪骨嘅。味道好浓郁鲜甜，每一啖都饮到食材本身新鲜嘅味道，原汁原味，系必点嘅汤底！虾滑系手工嘅，滑溜好食，而且好新鲜，涮落汤底之後，味道更加香甜！而且虾滑嘅分量好足，食到好爽！仲有活鲍鱼，好肥美，咬落去好弹牙，仲好鲜甜，老窦食到赞不绝口！除咗虾同鲍鱼，我哋仲食咗青口。青口好有鲜味，肉质鲜美，仲可以食到甜甜嘅肉汁，真系正到爆！仲有牛肉，涮咗汤底之後，牛肉浓郁嘅味道扑鼻而来，鲜嫩嘅口感喺口中咀嚼，简直系人间美味！仲有熟食炸午餐肉，肉质厚实，仲炸得好香，最紧要系调味适中，可以提升味蕾。都唔可以唔提台湾味嘅特色，米血糕，有独特嘅风味，越食越有味。鱼蛋都值得一提，炸得好香，微微仲可以尝到鱼肉嘅鲜味，回味无穷。老窦都几中意呢度，下次都会带佢嚟呢度食嘢！

想試吓台式火鍋放題食到飽，咁就要嚟牛品試吓。有好多唔同嘅湯底任你揀，個人好推介元氣養身鍋，雞肉同藥膳熬成嘅湯底好惹味，味道都好濃郁。必食❗️❗️美國頂級肩胛肉❣️油花分佈平均，帶有紮實嘅口感、多汁唔油膩，風味佳。美國牛胸腹❣️油花紋路細緻，油脂口感軟嫩，擁有濃郁嘅牛肉風味。西班牙栗飼豬五花❣️栗飼豬肉充滿大理石紋嘅油花且分佈均勻、口感鬆化、鮮嫩多汁。西班牙栗飼豬梅肉❣️肉質好鮮嫩，油花分佈均勻，食落口感豐富，肉香四溢。新西蘭羊卷肉❣️羊肉嘅紋理清晰，色澤鮮亮，入口好爽滑、肥肉唔膩嘅口感。花雕酒雞件❣️花雕嘅醇厚同雞肉嘅鮮甜相結合，產生咗奇妙嘅香味，擁有獨特嘅口感同味道。炸午餐肉❣️每啖都令你感受到肉質緊實，口感勁道。椒鹽蝦❣️香辣外焦香咸辣，肉軟嫩鮮美，味道鮮美嘅特色菜品。

🥓美味嘅牛極品套餐🥓乍看一枱，滿漢全席，成張餐枱都係台式美食同唔同種類嘅鮮肉。🍅番茄濃湯鍋🍅味道非常濃郁，湯入面仲放滿咗番茄，誠意滿滿，酸酸甜甜嘅味道又開胃又健康。🇺🇸美國頂級肩胛肉🥓頂級嚴選肉質鮮嫩，油花分佈均勻，涮煮時牛油香味豐富，絕對係火鍋最佳超值選擇。🇪🇸西班牙栗飼豬五花🥓豐富嘅油花同分層嘅肉質，肥瘦相間，口感豐富，帶來極致嘅風味饗宴。🇺🇸美國牛胸腹🥓筋肉間脂肪同表面脂肪食落風味醇厚，肉甜，味美，肉質較堅韌且富有彈性。🇳🇿新西蘭羊卷肉🥓肌肉細緻紋理清晰，口感脆彈有嚼勁，口腔可以全方位感受到羊肉香味，🇪🇸西班牙栗飼豬梅肉🥓肉質柔嫩嘅口感，入口即溶，每一啖都可以感受到肉味嘅香氣。花雕酒雞件🍗雞肉充分吸收酒香，味道濃郁又清香，每一啖都係滿滿嘅幸福麻辣鴨血🦆鴨血呈現暗紅色澤，食落感受到麻辣嘅味道之餘仲可以感受到天然鴨香味。宜蘭蔥餡餅🇹🇼炸至金黃色嘅外皮帶住誘人嘅香氣，特別柔軟香嫩，鬆軟嘅口感。覺得食唔夠仲可以繼續從QR Code落單，都可以去自助吧枱任拎，仲可以見到好多醬料喺自助吧枱。

喺尖沙咀搵到一間放題，主打台式火鍋，食材都係無限追加，仲有各種台灣小食，非常適合聚會用餐嘅地方。同朋友嚟食叫咗佢哋最好嘅放題套餐，有好多高級食材，睇落去好抵食。要嘅火鍋湯底係佢哋嘅櫻花蝦濃湯鍋，真係濃濃嘅蝦味，好濃郁，好好飲。搭配A5同M9和牛簡直係一流，湯底嘅味道唔會掩蓋和牛本身嘅鮮香，而且提味後嘅和牛更加鮮美，而且咁高級嘅和牛肉，本身嘅油香已經非常正。海鮮方面非常推薦佢哋嘅鮮活鮑魚同海蝦，湯底已經好有鮮味，攞鮑魚嚟煮，鮮味更加濃郁，而且鮑魚越咬越香，湯底嘅精華充分煮入鮑魚肉裡，香氣十足。海蝦因為非常新鮮，肉質非常有彈性，而且湯底原本嘅蝦味，令海蝦嘅味道更加豐富，好好食！然後就係各式各樣嘅台灣小食，最經典嘅就係鹽酥雞同墨魚仔，炸得金黃酥脆，然後鹽酥雞嘅調味非常啱，口味唔會太重，然後就係墨魚仔，非常有彈性，而且油香四溢，好好味。仲有其他比較有特色嘅小食就係炸午餐肉，鹹香四溢，炸得非常好食，仲有烤椒皮蛋豆腐，富有蛋香，然後豆腐嘅口感亦都非常滑嫩，再嚟炸黃金魚蛋，就非常完美啦！各種好食嘅都係無限任食，食住真係好爽，各種高級新鮮食材，全部都係任食到飽，非常推薦大家嚟試下！！

早幾日跟朋友去食晚飯, 個個都認為打邊爐就係最好吹水嘅地方，圍爐坐埋一枱，朋友話上網見到呢一間無限食台灣火鍋，價錢都公道，所以我哋又聚首一堂試下啦。今次我哋點咗：牛極品吃到飽套餐，有美國牛胸腹,美國頂級肩胛肉無限食，除咗肩胛肉之外，仲有西班牙豬梅肉豬五花可以任食。美國牛胸腹同埋美國頂級肩胛肉,兩款牛都唔會好多肥膏，同埋我最鍾意佢係用機切到好薄，相對唔會咁膩。再加上肥瘦分布比例好均勻，肥膏脂肪相對少啲，食得比較健康。💯重點推介：湯底：櫻花蝦濃湯鍋，味道好清甜，滋潤西班牙豬肉：肉質鮮嫩，唔會太豬腥味👍🏻花雕酒雞件 ： 花雕酒醃製後好重的花雕酒香，唔會苦澀，加入蝦湯底都好合適新西蘭羊卷肉：切到塊塊都好輕薄，肥瘦均勻最爽口，一次過可以食多塊，encore多幾輪😋台灣香腸 ：好好食，一點都唔會乾，好juicy，好夾台式滷水豬耳：食落果然完全冇臭味, 只有豬耳香配滷水味

同朋友去咗【牛品台式火鍋】食晚餐，餐廳環境唔錯，唔會太擠，氣氛都幾輕鬆。呢間店最大特色係可以根據自己嘅口味調整鍋底，特別係可以加青花椒，調整辣味，鍋底唔會太油，食起來好清爽。食材方面，先講日本宮崎縣A5和牛，呢款和牛真係唔錯，肉質好嫩滑，唔會過於油膩，味道十足。另一款澳洲M9和牛肩胛肉，就較為紮實，肉感強，唔錯。海鮮方面，鮮活鮑魚保持住鮮味，入鍋後唔會失去海味，口感嫩滑；而深海魚柳食落去非常嫩，湯底吸收晒魚味。牛品牛三寶（牛面肉、牛筋、牛肚）就係一個好選擇，牛面肉食落去滑，牛筋啲韌，牛肚有啲彈性，食得幾開心。至於蜆，唔大但鲜味十足，湯頭清新好開胃。最後飲返春陽茶事，係清新又唔濃嘅茶，對解膩好有幫助。 火鍋食材新鮮，鍋底可以自己調整味道，非常適合同朋友一齊聚餐。食物味道唔錯，服務又好，推薦！🍲😋火鍋食材新鮮，鍋底可以自己調整味道，又可以可以加青花椒，適合同朋友一齊聚餐。食物味道唔錯，服務又好，推薦👍🏻👍🏻

🍲青花椒和牛鍋好特別嘅湯底，唔係嗰啲好重口味嘅，但係客人可以根據自己嘅口味嚟加青花椒～雖然睇落擺咗好多辣椒，但係一點都唔辣，啲白菜喺入面煲到好腍好好食🤤 飲啖湯落肚感覺成個人都暖晒我哋揀咗牛殿品任食套餐，好多高級食材同鮑魚都可以食到😋🧡鮮活鮑魚每位一隻鮮活鮑魚，好新鮮！肉質超彈牙，又吸晒青花椒湯底嘅味道，鮮香麻辣😘🧡日本宮崎縣A5和牛和牛肉片切得好薄，一睇就知係頂級和牛👍🏼烚熟之後唔使落醬料已經好好味😋 食落去feel到肉片嘅嫩滑，仲有牛肉味嘅香味💯🧡澳洲M9和牛肩胛肉呢款肉我真係大推！油脂分布均勻超高質，牛肉味好濃郁，放落滾湯嘅鍋底幾秒就可以食，入口即溶🤤🤤🧡牛品牛三寶湯底味道清甜，牛腩炆到夠晒腍身入味，牛筋都好彈牙👍🏼呢碗牛三寶真係有驚喜各式各樣嘅丸同菜都可以任拎任食，餐廳啲小食都好吸引😍 食到我哋扶牆出😂

上個週末去咗尖沙咀呢間最近好Hit嘅「牛品台式火鍋」，試咗佢哋主打嘅肉類套餐，款式真係多，最啱幾個朋友一齊去食！美國頂級肩胛肉 - 切得夠薄，入口即化，吸滿湯底嘅香味，好Juicy，每一啖都充滿肉香😋西班牙栗飼豬五花 - 脂肪分佈均勻，煮完後滑溜唔油膩，仲帶住淡淡栗香，幾易入口。美國牛胸腹 - 味道偏重，厚薄適中，食落特別香濃，口感彈牙，牛味十足，鍾意食牛嘅朋友一定會鍾意！🥩新西蘭羊卷肉 - 冇羊羶味，嫩滑有少少甜味，食落幾清爽，羊肉控應該會鍾意！西班牙栗飼豬梅肉 - 梅肉味濃郁，煮湯之後仲係好嫩滑，有咬勁花雕酒雞件 - 花雕酒香濃郁，雞肉滑嫩，但唔好煮太耐，酒香同雞味夾埋一齊真係正！🍗元氣養生鍋 - 鍋底夠清甜，配啲肉食特別夾，飲落有淡淡藥材味，暖住個胃好舒服。台式滷水豬耳 - 滷得入味，有嚼勁又唔會過硬，台式風味十足，幾特別嘅配料！麻辣鴨血 - 唔算太辣，但麻香味十足，鴨血滑溜溜，啱晒鍾意少辣嘅朋友～🌶「牛品」呢間台式火鍋真係唔錯，食材新鮮，款式多選擇，CP值高，適合幾個朋友一齊Share嚟食，值得一試！👌

我同老婆去咗呢間火鍋店食晚餐。呢度係自助餐模式，我哋就打算嚟呢度飽餐一頓。我哋點咗青花椒同牛鍋做湯底。呢個湯真係好香，味道仲好濃郁。嗰陣我哋續咗好多種肉，有肩胛肉、五花肉、牛胸腹、羊卷肉、豬梅肉、花雕酒雞件等等。肩胛肉嘅肉質比較結實，食落去好嫩滑，又有彈性同嚼勁。五花肉嘅口感好豐富，入面有肥肉瘦肉混合，沾上濃郁嘅湯汁，好好食。牛胸腹都好有咬勁，仲有好豐富嘅牛香味同牛肉味。我老婆就超鍾意呢個牛肉。羊卷肉放入鍋裡滾後，肥而不膩，肉質嫩滑又帶嚼勁，配埋濃郁嘅湯汁，味道鮮香。佢哋嘅豬梅肉肉質好鮮嫩，放入湯裡煮後，睇落去就好有食慾，味道都非常鮮美。最後嘅雞肉，煮後好軟嫩，帶有啲甜味，咬落去都好軟嫩，好好食！之後我哋仲點咗啲小食，佢哋嘅蔥餡餅外皮酥脆，入面係蔥香撲鼻嘅餡料。咬一口就感覺到好豐富嘅口感。椒鹽蝦炸得金黃，睇落去就垂涎三尺。蝦咬落去好Q彈，彈牙非常好食。另外我好鍾意呢個炸得好酥脆嘅老油條。我仲會配埋濃郁嘅湯汁一齊食，超正。最後佢哋仲有啲甜品，我哋自己配咗芋圓加仙草凍。甜甜地作為飯後甜點真係唔錯。我哋兩個都食到好開心，下次有機會要帶埋屋企人一齊嚟。

之前就聽朋友提過呢間位於尖沙咀嘅牛品台式火鍋好掂食，味道都唔錯。我就叫咗男友呢個周末同我一齊去試嚇。男友睇咗個餐牌之後，好鍾意佢哋個牛極品任食套餐，我哋就決定叫呢個套餐嚟試嚇。 佢哋嘅牛肉同其他餐廳唔同，顏色睇落去就知好新鮮，脂肪分佈均勻，涮落湯底之後，牛肉嘅香味更加突出，食到停唔到口！男友最鍾意就系牛肩胛肉，滑嫩多汁，味道好鮮甜。 而我就比較鍾意佢哋嘅豬肉。豬肉好香甜，咬落去好有咬口，完全冇腥味！仲有花雕酒雞肉真系無得頂！雞肉完全吸收咗花雕酒嘅香味，又食到雞肉本身嘅甜味，加上雞肉好新鮮，食落去真系回味無窮！ 佢哋嘅肉類選擇真系好多，仲有羊肉卷。我以前嘅印象就系羊肉嘅味道好重，但系食咗佢哋嘅羊肉之後，我對羊肉又有唔同嘅睇法。佢哋嘅羊肉唔會有羊膻味，口感好細膩，味道鮮美，好開胃！湯底我哋揀咗養生鍋，好濃郁香甜，仲帶肉，飲落去好鮮！涮咗肉之後，每一啖都係精華！我哋都食咗幾款小食。蔥餡餅外脆內嫩，每一啖都有蔥香，味道啱啱好！仲有炸甜不辣千萬唔可以錯過，甜中帶咸，香味撲鼻，完全唔輸我之前去台灣食嘅。仲有香腸都系經典，炸得好香，肉質肥瘦適中，口感嫩滑，都唔會太甜，食落去真系太爽啦！我同男友都非常

前日同朋友去咗牛品台式火鍋，真係唔錯。首先，日式宮崎縣A5和牛食落去好嫩，幾乎冇咩油膩感，肉質滑口，好啱鍾意食牛肉嘅人。澳洲M9和牛肩胛肉帶啲香味，夾埋蘸醬食，味道更加突出，口感幾特別。再講講鮮活鮑魚，啱啱放入鍋入面，味道好濃郁，肉質彈牙，每一啖都好新鲜。牛品麻辣鍋嘅湯底帶啲辣，唔會過火，調味啱啱好，煮落去唔會太重，但又好夠味，啱啱好啱啲鍾意辣嘢嘅朋友。特上牛小排嘅肉質好嫩，煮過之後，啲肉香好濃，唔需要太多調味，已經好味。手切頂級封門柳就係另一款令人驚喜嘅食材，肉質好滑，幾乎冇任何腥味，入口即溶，搭配唔同湯底食，味道相當豐富。海蝦保持住原味，煮到啱啱好，唔會過熟，口感爽脆，味道好清甜。最後，韓國總統蠔真係幾大只，食落去冇咩腥味，啱啱好，充滿咸香，味道十分清新。牛品台式火鍋唔單止食物質素高，價錢又唔算太貴，氣氛又幾啱同朋友一齊聚，唔錯，絕對會再去！👍🏻