牛大人台灣火鍋吃到飽 (銅鑼灣廣場二期)

营业中

休息中

因為要寫呢個劣評所以專登開個open rice account, 因為真係好嬲🤬🤬🤬🤬網上book jor 星期五晚6點時段嘅2人枱，訂座條款寫明張枱會hold 10分鐘，字面理解即係會hold 到6:10pm。但當日6:10分趕到餐廳門口，見reception 前面有兩組人等緊安排入座，於是我就排隊等佢地搞好哂就到我諗住攞位。點知reception 話張枱已經俾左頭先入座果pair 人，於是我話我已經係6:10分到左，係等你哋處理好前面嘅人，點解張枱會俾左人，咁即係張枱無hold 到10分鐘喇，佢哋解釋唔到，淨係話已經無枱啦…Reception 在原本hold 枱嘅時間內將枱安排左俾其他人，已經令人好失望。我同Reception 理論嘅時候態度又差，真係令人對成間邊爐店嘅印象極差。想搵投訴電話又無，唔會再食呢間。真係超嬲！！！！！

好耐冇嚟，因為這分店裝修的關係，知道佢6月24 日重開，所以就再嚟食晚餐。差不多6點到，人客不太多，叫左牛骨湯底和$328/位的餐，湯底好濃烈而且幾重味。送嘅和牛牛丸，肉汁豐富，至於牛肉方面，各部位選擇都多，食肉獸一定喜歡。鴨血、油條，保持一貴水準。新品嘅雞腸細細條，但幾爽口。飲品方面，沒有了蘋果西打，有點失望，不知是暫時缺貨或是以後不供應呢？！甜點燒仙草，份量大而且味道不錯。待應收碟主動及快手，收銀姐姐十分有禮。

牛大人大家都有認識吧。我選了晚市時候的美國特級安格斯套餐，豬牛雞海鮮應有盡有。湯底選了牛大人秘方麻辣鍋和阿嫲養生濃湯鍋。先說牛大人秘方麻辣鍋。鍋內見到大量辣乾花椒，也有豆瓣，一上鍋就聞到濃濃的香辣味。牛肉豬肉往鍋浸一浸，鮮嫩肉味帶著香辛辣味，令人愈吃愈想吃。另一款阿嫲養生濃湯鍋，除了有大量新鮮蔬菜熬製，鍋底能撈出不同養生藥膳，讓一鍋清甜蔬菜味鍋添上回甘香濃的味度。牛大人除了餐點肉類，還有蔬菜自助餐。另外更有台式小食和台式手搖飲品。台式小食包括鹽酥雞鴨血小香腸滷肉飯等等，手搖飲品有珍珠奶茶和冬瓜茶。台式夜市獨有的小吃飲品都能在這裡嚐到。

🐂牛大人每隔一段時間就要去食一次🤭麻辣湯底好味🌶️坐底QR CODE落單，岀面自助區仲有好多素菜類🥬丸類🧆飲品🥂同醬料區🫶🏻當晚送左M5和牛牛丸4粒比我地 味道唔錯👍🏻最愛海鮮🦐🐟蝦都幾大隻，烚熟左顏色紅噹噹，肉質新鮮唔霉雕魚好味，但係叫左一次之後就售罄了😞蜆都大大隻👍🏻至於肉類牛就安格斯牛小排最好味😋朋友都叫左好幾碟豬肉就五花腩片好味海帶結大大件，愈烚愈好味午餐肉炸完再放落麻辣湯，邪惡感爆棚而飲品我獨愛白桃烏龍茶，好香白桃味🍑食完有甜品可以選擇，我哋揀咗兩杯雪糕😋滿足的火鍋🍲

成日都食日式火鍋放題, 係時候試下新野喇! 勁多人推介牛大人, 咁啱又有位, 一定要去試!😎價錢大眾化, 揀左中價位, 有牛板鍵, 有五花片, 有大腸, 有牛肚!!店內有自助區, 種類超級多, 尤其是丸類有10幾款! 另外仲有多款菜類, 豆類.. 真係每樣試一款都超級飽!🤭 仲有獨立包裝既王子麵, 新竹米粉, 雞絲麵🍜! 當然有勁多配料選擇既醬料區喇!飲品方面, 有店家自製茶飲🫖, 大大支又夠凍, 正! 當然仲有其他凍飲同台式飲品喇!地址 : 牛大人台灣火鍋吃到飽 (銅鑼灣廣場二期)銅鑼灣駱克道463-483號銅鑼灣廣場二期5樓評分 : 8/10

食過咁多間邊爐，始終覺得牛大人係CP值最高。lunch 時段係特別抵食d，同埋lunch 時段食飽d，dinner可以食少啲當減肥。不得不提係如果follow 牛大人ig，仲會送一杯珍珠奶茶🧋，而且令我最impressive既係牛大人好既飲品櫃，有多款冷泡茶，白桃烏龍、桂花烏龍等，打邊爐飲冷泡茶可消濟😋

呢個就係牛大人嘅質素入坐嗰陣時我 佢哋畀咗個半後圓枱我地坐我見到有好多空嘅卡位所以我問佢可唔可以坐卡位但係佢同我講話唔可以因為嗰啲卡位全部都畀人book曬 但係我哋已經食緊午市最後一場而且我到食完離坐嗰陣時啲卡位都仲係空嘅所以根本唔係畀人book曬係佢要轉單覺得麻煩 所以唔想畀我哋坐然後到啲牛肉呀 我係嗌最貴嗰個餐「午市極上和牛吃到飽」然後佢居然畀啲咁嘅質素我 同張相完全唔同我本來以為佢俾錯左 所以咪問下個staff 佢confirm我話冇畀錯 咁我都冇嘢好講 以後都唔會食bye bye

終於今日同朋友知道呢一間台式食到飽嘅午餐 午餐嘅時間只有90分鐘 我同朋友揀咗精選嫩牛吃到飽嘅套餐 每人大概$148 加一，出邊嘅自助吧同埋飲品都係任飲，但係就唔包酒精同埋付費食品例如安格斯牛丸 同埋首手切牛肉呢個價錢黎講 佢上腹牛五花 同埋西班牙梅肉片 質素算係非常唔錯 唔會話因為太平，所以有太肥嘅感覺 自助吧都好多唔同嘅菜式 配上唔同嘅丸類同埋菜 令人有目不暇給嘅感覺鍾意食台灣嘢嘅朋友 亦都可以叫鹽酥雞 同埋台式香腸 都非常推介上司大家試呢兩樣嘢

肉類品質比較其他火鍋店新鮮，肉類入口之後有很多肉汁在口腔徘徊，令我覺得這些是真正肉類的本質，一入口陣陣濃郁肉味留在口内，我比較喜歡吃A5澳洲牛肉，因為這個肉比嫩口。

美國特級安格斯套餐 $288+1******************************牛大人係我最愛嘅邊爐放題特色係上菜快 收碟更快😂***飲品選擇非常多有各款冷泡茶，罐裝/紙包飲品，熱飲，特飲其中熱飲嘅枸杞養生茶好好飲總共飲左三杯🤭***各款火鍋配料同肉嘅質素都好高唔會一碟俾一碟差👍🏻推薦大家試下福建燕餃🥰***唯一小詬病:::甜品紙上有Movenpick期間限定雪糕嘅選項點完之後佢係比Häagen-Dazs夏威夷果仁雪糕😂雖然唔係movenpick有啲傷心但係夏威夷果仁味雪糕都幾好食嘅

There were still a lot of people even after they have been open for quite some time. I understand why now. We chose the tomato soup as the base and they came really quickly too. I liked that the food came quite quickly. The portions were a bit smaller but I think it’s still quite considerate of them because it’s less likely you would waste food too. They had a lot of drinks to choose from. Mostly non sweetened ones too which I liked. I liked the dessert too. Would have been better if there was n

今次第二次來訪牛大人，一如既往冇令我失望！今次叫咗牛大人紅燒牛骨湯飲落去，覺得好適合呢個天氣，少少甜，幾滋潤吓🫶朋友好鍾意食佢嘅M澳洲和牛牛丸，畢竟唔係間間餐廳都有好似佢咁Q彈嘅牛丸我自己除咗好欣賞佢嘅牛肉之外，亦都好鍾意佢嘅魚滑同埋蝦滑 ！今次特登叫咗幾種比拼：🦑自己最推介嘅就係澎湖花枝漿能夠食到一粒粒嘅花枝，口感簡直係一流！牛肉漿儘管味道重少少，不過冬天食就一流，食完即刻暖笠笠！🥰至於蔬菜區，今次第一次試水蓮，口感幾特別，好似食緊大蔥咁，不過有爽脆嘅口感🤭牛肉方面，最鍾意就係佢嘅牛胸爽，爽滑得來口感好特別，每一次都一定會嗌呢一個！——————為食分界線——————📍 Masterbeef (Causeway Bay)5/F, 銅鑼灣廣場二期, 463-464號 Lockhart Rd, Causeway Bay, Hong Kong推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $300#mariofatfat #hkfoodie #Foodie #為食馬利奧 #hkrestaurant #topc

牛大人真係百吃不厭🤣，今日收工近近地去咗銅鑼灣嘅牛大人食晚飯😆唔食得辣嘅我今次有個新嘗試，就係叫咗牛大人專屬嘅紅燒牛骨濃湯😋，佢係有少少辣度，但食落份外香濃惹味，滾熟嘅食物都沾上牛骨湯味，其實唔洗再蘸醬汁都好夠味👍🏻之後二話不說衝出去雪櫃攞牛大人自家製冷泡茶🫖同台灣直送嘅牛丸🤤，而白桃烏龍冷泡茶係每一次都必飲的💯最貴嘅＄328餐已經轉走咗十勝豚🥲，喺今期嘅期間限定係牛胸爽＆SRF美國黑牛後腿肉。牛胸爽嘅質感比較爽口，又未爽到軟骨咁脆🤣，牛嘅油脂超豐富。除咗牛肉之外，台灣直送墨魚漿、脆鯇魚腩、鱔片、海蝦、蜆肉都係我必吃嘅海鮮😁，鮮甜彈牙又唔怕肥～蔬菜就一定要叫水蓮！出面買勁貴，呢度任食就啱哂🤭最後係甜品，一定係要食仙草凍，紅豆、啫喱、椰果、珍珠，口感超滿足🥰

冬天真係成日想打邊爐聖誕食左幾日西餐又想食火煱了～ 次次去牛大人都係點鳳梨雞鍋，今次試下台中蒜頭雞鍋，除左勁多蒜頭仲有蟲草花、杞子、娃娃菜，湯頭香濃，冬天飲好暖胃。點埋澳洲極上和牛吃到飽套餐最驚喜多左d 期間限定🥓SRF美國黑牛後腿肉-牛味香濃🥓牛胸爽-口感爽滑黑松露海鮮漿-鮮味彈口，加埋黑松露更滋味🥓安格斯牛小排-濃厚肉味🥓澳洲和牛M5牛肩卷-肉面紋理鮮明 🥓手切封門柳-油脂含量少肉質純鮮，相對軟嫩同時間食盡多個牛部位滿足牛魔皇之食慾💕澳洲M9和牛牛丸一人有兩粒，外層爽彈漲卜卜牛肉餡鮮爆汁脂香牛味膨湃花雕酒雞件冬令進補之選-花雕雞雞肉浸透花雕酒香台灣鱸魚片肉厚緊實仲有鮮甜大沙白、大蝦最中意重口味既豬腸、鴨血滑溜鴨血夠香辣甜中帶咸好入味牛筋帶彈性又有膠質香滷過豬腸掛汁惹味蔬菜除左自助之外，仲有台灣水蓮，一條條爽口清脆。最後食埋雪糕，飽飽完滿！

呢間餐廳位於銅鑼灣既打邊爐,黎呢度最好訂定位,如果唔係就要早一個鐘黎WALK IN等先有得食,朋友幫我訂左位,湯底可以自己選,有好多唔同選擇,我地選左牛骨湯底,牛肉味香濃,我地叫左任食極上和牛吃到飽套餐,仲有澳洲M9和牛牛丸跟餐,和牛牛丸好淋好有肉味,脆鯇魚片薄片好彈牙,花膠都好入味,鴨血好淋,羊肉片好香羊肉味,另外出面仲有多款配菜,飲品可以自取,食物選擇超多,炸魚皮脆卜卜,小食更有台灣地道小食可選,小編推介黑松露肉丸好香濃黑松露味。