牛奶冰室 (淘大商場3期)

营业中

休息中

知道牛奶冰室特別多分店，不過九龍灣依間真係好好味！個流心波蘿包真係每次必食，好邪惡但幸福感滿滿！！然後常餐都好好食，雖然d人唔喜歡檸檬茶用檸檬汁，不過我個人就覺得佢地d檸檬茶好好飲，有dd肉，很喜歡。🐝 味道：9/10環境：9/10整體分數：8/10🍊Flavor for Today | 今天的味道 | 🐝「還在煩惱今天的味道」What’s the flavour Today ⠀⠀⠀🍽Food | 🍀 Lifestyle | ✈️ Travel✉️: Flavorfortoday@gmail.com

唔好講服務咁高層次嘅嘢，呢間餐廳啲阿姐真係連做人最基本禮貌都無，成日對啲食客呼呼喝喝，大聲到痴線，自己啲員工都成日大聲噪交，對食客就不再話下，唔係因為淘大太多餐廳都有人排隊，真係鬼會選擇食你呢間啦…

⭐️ 街邊乾炒牛河 $62上枱嘅時候，個碟牛河已經熱辣辣咁嚟，香氣真係好迷人🤤🤤。炒功都算可以，碟底嘅油唔多，唔會太膩口。河粉用料都唔錯😚，粉身都算厚實，食落可以品嚐到米嘅香氣🤩。牛肉份量適中，大概有七至八塊，食落依然有牛嘅味道，爽口又有嚼勁😎😎。就以一間冰室嚟講，呢碟牛河真係算得上唔錯👍🏻👍🏻。⭐️ 麻辣牛肉炸響鈴米線加冷壓檸檬茶 $59炸響鈴嘅牛肉，直接擺喺米線上面，一上桌已經腍晒👀👀，可惜唔太能夠品味到炸響鈴嘅脆口感，就係嗰種咬落去會發出索索聲嘅口感😗😗。至於米線整體嚟講有啲軟身，容易斷，有啲可惜😳😳。牛肉嘅份量適中，唔多唔少。總括而言，呢碗麻辣牛肉炸響鈴米線就係一般般😛😛，冇特別之處。⭐️ 冷壓檸檬茶呢度嘅冷壓檸檬茶真係新式，唔係用成塊檸檬、自己篤嘅。喝落去真係有驚喜，可以品嚐到清新嘅檸檬香氣同埋紅茶嘅自然澀味😚😚。配餐飲真係好清爽解膩，非常值得一試❣️❣️。📍 牛奶冰室 (淘大商場) Milk Cafe (Amoy Plaza)九龍灣牛頭角道77號淘大商場3期地下G301-320號舖Shop G301-320, G/F, Phase 3, Amoy Plaza, 77 Ngau Tau

常餐 $52生滾牛肉湯米粉🍜牛肉份量多🥩有成七、八塊仲要切得唔算細塊牛肉醃過口感嫩滑👌🏻湯底唔算油膩🍾味道頗為濃郁👅米粉浸耐左湯都唔會過淋👍🏻保持到條條分明蒜香多士🍞多士烘到香脆可口蒜味十足🧄牛油亦大方🧈極之邪惡❗️將滑蛋🍳放上多士面頭一齊食唔怕刮到口腔又起到濕潤作用💦牛乳炒滑蛋🍳滑蛋保留到蛋汁😻質地嫩滑品嚐到蛋香🥚、牛乳香🍼同牛油香氣🧈略嫌油落得重手左🍾食到油溢味熱杏仁霜🥛足料👏🏻質地帶少少稠狀唔會淡茂茂😇有杏仁香氣甜度啱啱好👌🏻整體而言，食物質素正常🤡無驚喜但一定唔係難食或者hea做食物選擇多📝仲要唔洗排隊唔想等位可以試試佢🍽️

🍴 鮮奶炒滑蛋 吉列魚柳 粟米 •蒜香牛油多士 $43 (7.5/10)吉列魚柳好大塊，雖然係比較薄少少，不過都有魚味，炸得得唔乾身，炒蛋好嫩滑有奶香，好少見早餐有粟米，感覺健康左唔係全肉，都好甜，蒜蓉多士雖然比較薄，不過就真係好香蒜蓉味！🍴 香煎牛扒 $44 (7.5/10)牛扒餐就有得自選兩個配菜，揀咗火腿同煙用都係正正常常！牛扒細細塊比較薄，估唔到煎得好嫩滑，一啲都唔難口，雖然唔會有牛味，不過呢個價錢嚟講真係好唔錯😆☕️熱奶茶 濃啲 (7.5/10)用咗立頓茶葉，鍾意有得自選口味講，茶味香濃口感順滑，不過冇澀味，比起其他港式奶茶，有比較單一啲！推薦指數:7.5/10九龍灣嘅早餐呢間真係算唔錯，價錢雖然唔算好平，不過真係有質素！

今日晚飯黎試下牛奶冰室， 見到唔少客， 心諗應該唔難食， 叫左個中式牛柳連白飯， 點知， 變左甜酸牛扒， 一睇就知係將一塊牛扒切條， 完全唔係一向食開既中式牛柳， 最緊要配茶除左極極極少量洋蔥，重有甜蕃薯，第一次食到咁既配菜， 轉頭一睇， 原來今日晚飯有鐵板牛扒餐， 唔怪之得。。。。。。。以後唔會再黎喇

話說我第一次食係銅鑼灣～因為依間冰室有一個流心芝士菠蘿包$20🤩啱啱出嗰時好🔥未試過可以試吓～因為我除咗鍾意食、另外我自問係一個麵包控😋我都未見過其他地方有流心芝士菠蘿包～～仲要幾澎湃吓㗎🤣依間個下午茶都幾抵食👍平均$40左右一個茶餐⚡️星洲炒貴刁$44（圖1&2）熱飲唔使加錢，當然佢仲有其他凍飲或者特飲，不得不講如果飲開咖啡嘅你，⭐️茶記/冰室其實唔使加錢又有用咖啡機新鮮出爐嘅咖啡的確冇乜幾間～讚👍勁脆嫩滑炸雞肶可配薯條/粟米$40（圖3）熱辣辣又脆又嫩，味道有好似🈶️少少奧爾良味醃過再炸，薯條幾出色（好似Five guy炸薯條咁,出邊有少少脆漿都幾western～但依個就冇調味料，並唔係普通茶記果種炸薯條🍟所以次次都冇試過粟米😆、有人試過可以話俾我知好唔好食喎～

難得早放工 可以喺九龍灣附近睇下有冇一啲茶餐廳食下除咗龍城之外 喺淘大都有一間好似幾好食於是喺嗰度試一試接近七點嘅時候入去 唔使等 唔算好多人坐低即刻就叫咗佢哋嘅常餐去試下生滾牛肉湯通粉牛肉係煮得啱啱好 唔係太熟入口鬆化唔會太過韌而且個湯都好香濃 亦都有一啲菜喺裏面通粉連埋啲湯一齊食 正瑞士雞翼蔥油即食麵個雞翼好入味有瑞士餐廳雞翼嘅質素用蔥油撈即食麵 又幾好食 好夠蔥嚟到冰室亦都必試佢嗰個炒蛋炒得好滑 好香蛋味 焗蒜蓉包亦都係唔錯最後加錢叫咗兩杯嘢飲最驚喜嘅係佢 好大杯 紅豆同埋涼粉都好足料

見佢開左都一段時間，咁就試下喇，原本想叫個焗豬扒飯，但見佢menu寫住即整即焗要等15分鐘，因為唔想等所以就轉左叫咸魚肉餅飯(Menu冇寫即整即蒸)，落單個陣著黑色衫似係經理既女人幫我落單時都冇講話蒸野要等耐啲，如是者係19:18落單後，等左20分鐘都未見有，就走去問收銀小姐，佢淨係一句答蒸野係要等，好我就再等多5分鐘，點知我張單53x等到後面54x不斷咁叫可以拎，燥燥地之下問多次我幾時有得拎，個收銀小姐即刻話包緊架喇包緊架喇，最後個蒸肉餅等左38分鐘先有得拎，拎到上一摸仲嬲，個肉餅係用個錫紙兜裝住，理應應該係好熱，點知一摸只係微暖，咁我等哩38分鐘到底等緊d咩。。。。總結 : 野食又唔熱，員工好似食左豬油咁慢手慢腳咁，只可以講唔會再有下一次既光顧，再見

淘大商場新開了多間食店，其中一間叫做牛奶冰室，外賣試吓個下午茶，叫了一個雪菜炆米+凍檸茶，共$47元，另一個炸雞脾配粟米+凍檬茶，共$44元，合共$91元。等呀等…. 等呀等，等咗20分鐘，終於忍唔住問收銀，仲要等幾耐？如果未做就取消單吧，收銀話等多5分鐘，我說唔等啦，收銀當時有些勞氣，說話較大聲，終於等了20分鐘成功取得外賣，運作是一駕兩、三層餐車放滿食物才派餐，這樣可以食物便不熱了。炸雞脾皮硬肉無味，粟米變薯條，雪菜炆米，雪菜要用顯微鏡找，米粉硬，而且一舊舊，又係無味而且凍的，幸好凍檸茶是好喝的，質素差，不會浪費金錢再幫襯。

叉燒一塊都食唔到，硬，食過好多間黎間最難食需要改進，好隨便，下次唔會食叉燒難食，難食超難食，午餐浪費我時間，考慮食叉燒，最難食既叉燒飯，紅豆冰太甜，但🉑️以接受

🍴黑松露焗雞扒飯 $59 (7.8/10)個飯係有炒過底，乾身香口，有蛋粒同蛋香，白汁蘑菇粒粒，都幾香，雖然黑松露味香但真係比較淡，但用咗蘑菇彌補救，雞扒唔乾身，略嫌醃得鹹咗啲，重點係勁多芝士，勁香口！但整體嚟講都好好食！☕️凍奶茶 走甜少冰多奶濃啲 +$3 (7.5/10)用咗立頓茶葉，鍾意佢有得俾我自選，茶味都香，唔算濃，有少少澀，可能叫咗走甜味道比較淡，但ok嘅，飲落似台式奶茶。推薦指數:7.5/10連鎖店來講都真係幾唔錯喎！下次會想食其他小炒啊，睇下好唔好食！

這間冰室好多分店，最近開到來淘大商場。今日就來試吓個早餐先，餐牌選擇都幾多。都係手機QR code落單，簡單方便。餐廳裝修簡單，但係座位與座位之間非常接近。意大利蕃茄肉碎濃湯通粉 $37配牛乳炒蛋，蒜香多士 加熱奶茶價錢都算抵食。蕃茄濃湯非常濃厚，蕃茄味濃郁。蒜香多士香脆，蒜香味濃，炒蛋很滑。吉列魚柳套餐 $43非常特別配烤粟米，粟米好甜。魚柳香脆，但份量不多。奶茶可以自己揀多奶，濃或者淡口味。奶茶普通，奶茶已經選擇濃口味，但係茶味不足。總括來說，早餐還是可以的，而且選擇很多，下次可以試吓午餐。

我哋食咗蕃茄滑蛋牛肉飯同埋巨人咖喱雞扒飯以下就係我地嘅想法： 1. 雞扒一啲都唔巨2. 白飯好似糊仔咁😩😩😩😩😩😩😩😩😩😩😩😩😩😩😩正面嘅1.個滑蛋幾好食幾滑2.咖喱汁唔錯幾香口3.檸檬水檸檬茶唔使吉檸檬好方便

牛奶冰室殺到黎淘大啦！以前工作關係成日食佢嘅早餐，係幾有心做架！依加可以試埋中午啦！價錢方面，我覺得合理架！今次叫左茶餐廳最經常有嘅嘢：咖哩 + 焗飯呢度嘅咖哩岩晒重口吻嘅人，因為夠辣😆所以好惹味👍🏻牛腩都夠淋呀！黑松露雞扒飯，有淡淡黑松露香味，更重要係😁我喜歡充滿芝士，所以一嚟到即刻食咗，差啲唔記得影相😂如果大家叫即焗系列，真係要有心理準備，係要等待的😅所以趕時間的話⏰可能安全啲就唔好叫即焗啦！