牛奶冰室 (淘大商場3期)

营业中

休息中

近排淘大換左好多新餐廳，全新面貌。今晚朋友想試牛奶冰室，入面都算多人，不過唔使等位。望到門口出面好多蛋糕同蛋撻，唔講以為係蛋糕店似D。坐低叫野食，都係茶餐廳食物。點左咖哩牛筋腩飯，同埋蔥油雞脾飯，仲有兩杯紅豆冰。咖哩牛筋腩飯：一上枱就見到係薯條墊底，攪錯呀！而家玩地獄廚房？用薯條代替薯仔！簡直垃圾。啲牛筋腩切細到好細，唔講以為係牛肉碎，真係完全唔掂！蔥油雞脾飯：塊雞排正正常常，但啲蔥油完全唔香，無咩味道。紅豆冰：D 紅豆係罐頭紅豆，完全無豆味，花奶味就好重，唔知飲左啲咩。中晒伏，呢間好似係連鎖店，我諗以後都blacklist 佢。

牛奶冰室 ［淘大商場］行行吓淘大，見到依間牛奶冰室，就入去試吓。依個並唔係一般既菠蘿包，入面內藏熱辣辣溶化咗既芝士，依個芝味菠蘿包，真係夠晒滋味，玩埋杯熱奶茶，下午茶黎講，真係大滿足😋😋😋另外叫咗個勁多蔥油雞扒飯，啲蔥多到呢，加埋少少醬汁，撈飯真係好開胃，塊雞扒都處理得唔錯，外面煎得好香，但內裡都好軟滑，真係拍得住x式雞扒飯😋😋😋整體黎講真係有驚喜，味道在水準以上，但俾錢既時候，覺得有改善既空間，就係佢收銀得1個人，撞正前面有人排隊，又攞位，又叫外賣，真心等得耐，希望可以改善吓😊

值得一試！ 今日本來諗住去食阿萊泰, 點知望到牛奶冰室開咗, 就入嚟試新嘢！叫咗三份早餐, 香脆雞球湯伊麵, 香煎豬扒湯伊麵, 雪菜肉絲米線, 加配半焗流心蛋, 蒜香牛油多士, 加一個爆漿拉絲菠蘿, 整體都好ok！