牛奶冰室 (大興花園)

营业中

休息中

Tried the one near our home, but having bad impression, this time we tried milk tea in tai hing, i got surprised haa, the food is nice with helpful serviceSliced Pork & Scallion Stirred Noodles tastes good but the pork chops are a bit dry but the stirred noodles is good haa, another evil food, honestly i don’t even eat those foods usually haaFrench Toast looking good and yummy haaa, super evil but it’s okay if not eating very often haa, so so sweet haaCondensed Milk & Peanut Butter on Toast is n

唔錯 包裝很好 份量夠大今次叫左個米線反而好有驚喜 有響鈴 可惜焗住黎到會變軟如果米線的份量同肉份量再多d就好啦希望多個option係可以加送 會更好！下次會再叫的！！！！

呢間餐廳都好唔情願咁幫襯過4次，除咗第一次新開張試下，之後都因為時間關係近近地就食佢，無一次經驗係愉快既！食過午餐肉蛋治，真係皇恩浩蕩，塊午餐肉好似上帝恩賜咁，有半包迷你Tempo咁大塊，真係食咗都唔知有午餐肉！呢間嘢平均等待時間一定過15分鐘，問啲姐姐點解咁耐，官方應該有特定語言，「整緊架，等下啦」，一等可能等十年都未出到，時間控制真係一絕，肚餓餓死不是夢。今日同阿女因為要游水，想快快手食完就算，又好衝咁入咗呢間……，坐定即叫兩個蕃茄米線同多士，05分入單，等咗超過15分鐘除咗兩杯嘢飲咩都無動靜，咁又問下姐姐啦，官方語言又嚟，「等下呀，整緊呀」，等到廿幾分到咗，不過兩碗都係公仔麵，我俾佢地睇返電子單係米線，咁點？換呀因為唔食得公仔麵，好啦…..等，等等，等到半粒鐘我問究竟我要等幾耐，然後就嚟40分鐘有個姐姐奉上兩碗米線，佢未放落嚟佢自己都懷疑有問題，但佢有佢堅持佢放落嚟，然後奇妙既事就發生，嚟咗兩碗米線不過麻辣😡，我真心即刻上火，問佢地係唔係咁做嘢，40分鐘有多，嚟咗4碗嘢4碗都錯？玩嘢乎？想餓死我個女？然後過咗4-5分鐘，即刻嚟咗一碗，然後另一碗呢？都要等成10幾分鐘。可能因為我既

牛奶冰室開左係樓下一段時間啦，星期日老公放假，間中就會叫呢間冰室的早餐。上次我地打電話落order，結果半個鐘先落樓，前後加埋等左成個鐘先有，其他等外賣的客人都鬧爆左。經過上次經驗，我地45分鐘落樓攞埋快遞再去拎外賣，老公話今次終於外賣等佢啦。火腿濃湯通粉+牛乳炒滑蛋+蒜蓉多士+熱奶茶 $38 ：呢個餐叫比呀仔食，湯底吾會太鹹，炒蛋好滑，最好食係蒜蓉多士。沙爹牛肉湯麵+牛乳炒滑蛋+蒜蓉多士跟熱華田 $39： 沙爹牛肉如果有啲花生醬味會好食啲，飲品因為無熱朱古力我先叫華田。老公個餐係跟凍奶茶，可能連續2日放假，少左人叫外賣，所以今次連凍奶茶啲冰都溶晒。我哋總共叫左3個餐，合共 $119。

你唔想做外賣生意就唔好做啦，要個客喺個門口等個半鐘做唔切，你咪關咗外賣app囉個半鐘都做唔好出嚟，你就唔好叫人等啦完全係不知所謂仲話出緊出緊出緊火呀？冇人做嘢就關門執笠啦一個飯你搞咁耐你要去湯隻豬？

朝早叫外賣早餐，無人理，到夠哂鐘先同人講早餐時間過咗兩分鐘，落唔到單，完全浪費時間同唔係做生意，晚市兩枱客，叫常餐五香肉丁麵都等咗45分鐘，淨係一句話廚房今日比較差，敷衍回答，毫無歉意，感到非常失望

今日落大雨 諗住近近地落樓下食個晚飯 咖哩牛腩 盛惠63蚊 加熱飲 點知黎到見到所謂既咖喱牛腩只係得9粒既咖喱牛粒 癲到仲要用薯條當薯仔 個白飯又係唔好食 真係接受唔到囉 63蚊 比d咁既出品 以後唔會再去尼間野

今次買早餐外賣鮮奶滑蛋🥚吉列魚柳🐠粟米🌽蒜香牛油多士🥪熱奶茶☕️我諗整體都叫不過不失，賣相都正正常常。但魚柳好薄又好硬，切都切唔開，口感麻麻地～～～早餐要求本身唔高，但要賣💲51既早餐就對得住個價，而佢的確唔值。

Other than the lunch set I order, I saw that there are also small pieces of egg tarts and it just sell $22 for 6 tiny pieces. Better to eat asap!!其他食物黎講就真係普通茶餐廳質素 不過佢既早餐係唔錯都好大份 見佢依家分店都越開越多 

紅日放假最唔想就係出去同人逼所以食返茶記仲要外賣🤣今次叫左兩樣野🐟酸菜魚湯飯💲64好夠酸辣味，好香口，送飯幾唔錯。但未去到要💲64咁誇張，真係貴左d，💲50內合理d🥴🥯爆醬拉絲菠蘿包呢個係想試左好耐，又嫌💲20一個飽好貴，所以拖到今時今日先試🤣俾大家睇下食飽兩步曲：勁拉絲，但實在影唔到落去，因為一咬爆左個芯，d芝士真係喪標出來，仲要出煙的😍😍其實係好好食👍🏻👍🏻但溫馨提示：真係食到成身都係🤣🤣大家想試都係買返屋企食安全d 🤭🤭整體都係幾好食既一餐，少少貴，個包都係試一次就夠個隻，好食但未去到想再食🤗

久唔久無得揀都會食下、 通常真係無得揀先食呢間！ 選擇少 餐牌十年不變、味道唔好！ 重點廚房做野個班 完全無heart ! 搽塊面包都馬虎 求其 是但 ！今日第二次食奶油多 ！ 千叮萬囑要多奶多油，呀姐已通傳！ （ 因上次order, 入面 奶油只有薄薄一層， 只在包中心！ 仲要3 層大部分都係乾包皮）結果 ， 兩件奶油多！ 都係極少油 極少奶 只有厚包皮！！ 連搽塊面包都是但求期成咁！ 強烈要求 請個一個工作認真既搽面包專員！ 否則 相信呢間野 好快會 係咁先！

今日2點先去食午餐點左個叉燒蛋蓋飯同果香咕嚕肉飯賣相幾靚🥰✔️叉燒幾林，都好咬口，亦夠味😊😊✔️咕嚕肉外脆內軟，讚👍🏻👍🏻唯獨飯可能煱住太耐，水份有d多，冇咁好食🥺🥺同埋咕嚕肉汁淋得太多，令個飯甜到有d難入口😦😦極保溫，食完全餐都仲係熱既😇整體來講都係好多於壞，飯係可改善的小問題😋😋

同同事食下午茶，嚟咗呢一間新開嘅牛奶冰室食，我就想食埋晚飯，所以就冇叫到下午茶餐。我叫咗個蔥油豬扒飯$54 ，加咗杯熱飲，要加$6 ，如果加煎蛋，要加多$6，我冇加。蔥油同豬扒選正正常常，如果個價錢加多隻煎蛋就會再好食啲。我同事就咁叫瑞士雞翼雙蛋飯，都係$54 ，感覺就偏貴，因為份量唔算好多，而且亦都唔包嘢飲。有位同事叫熱檸水，杯野係檸檬汁溝水，冇咗檸檬片…….整體嚟講呢間嘢冇下次。

食過幾次早餐覺得幾好食 份量足之餘質素唔差今日放假叫了一個價值$58的叉燒煎蛋飯午餐外賣(不包餐飲)打開真係燥左😤得5舊叉燒 2隻煎蛋 一碗飯厲害了 真的以為你們家的叉燒是黑毛豬製成叉燒又乾 果2隻招牌焗蛋就係蛋 冇特別打電話跟職員反映量少 佢話呢度係咁🙄🙄佢話下次叫我食其他我話我會食其他餐廳不過你自己出去食飯見到呢碟野會唔會再去食？然後都話佢唔會俾呢個錢食連員工都唔幫公司🙂🙂本身呢間價錢唔算平 勝在質素有保證但呢個價錢俾啲咁嘅嘢真係好過份

期待已久大興花園下面終於有一間連鎖嘅牛奶冰室，諗住以後落樓下就有飯食，新開張之後成日都好多人，一晚7:00入到去。發現原來餐牌選項唔係好多，而且七點入到去都已經冇乜選擇啦。連咕嚕肉都冇晒。於是點咗苦瓜牛肉同埋叉燒炒蛋。苦瓜牛肉嘅苦瓜幾多，但係牛肉嘅口感就太淋，冇咩牛肉味同埋牛肉嘅質感。叉燒炒蛋味道唔錯，不過就比較細碟。凍飲就大大杯，算係唔錯。服務人手好似唔係好夠，地下同枱面都唔算乾淨。希望之後可以請到多啲人手同埋餐牌可以多番啲選擇。