影片
更多
2023-07-06
600 浏览
呢间餐厅都好唔情愿咁帮衬过4次，除咗第一次新开张试下，之后都因为时间关系近近地就食佢，无一次经验系愉快既！食过午餐肉蛋治，真系皇恩浩荡，块午餐肉好似上帝恩赐咁，有半包迷你Tempo咁大块，真系食咗都唔知有午餐肉！呢间嘢平均等待时间一定过15分钟，问啲姐姐点解咁耐，官方应该有特定语言，「整紧架，等下啦」，一等可能等十年都未出到，时间控制真系一绝，肚饿饿死不是梦。今日同阿女因为要游水，想快快手食完就算，又好冲咁入咗呢间……，坐定即叫两个蕃茄米线同多士，05分入单，等咗超过15分钟除咗两杯嘢饮咩都无动静，咁又问下姐姐啦，官方语言又嚟，「等下呀，整紧呀」，等到廿几分到咗，不过两碗都系公仔面，我俾佢地睇返电子单系米线，咁点？换呀因为唔食得公仔面，好啦…..等，等等，等到半粒钟我问究竟我要等几耐，然后就嚟40分钟有个姐姐奉上两碗米线，佢未放落嚟佢自己都怀疑有问题，但佢有佢坚持佢放落嚟，然后奇妙既事就发生，嚟咗两碗米线不过麻辣😡，我真心即刻上火，问佢地系唔系咁做嘢，40分钟有多，嚟咗4碗嘢4碗都错？玩嘢乎？想饿死我个女？然后过咗4-5分钟，即刻嚟咗一碗，然后另一碗呢？都要等成10几分钟。可能因为我既
其实㕑房唔知做紧咩，定电子落单系统问题，已经唔系第一次，次次总有新鲜嘢！另外如果楼面啲姐姐唔好咁官方语言，见到个客问点解咁耐，醒目啲谂下点同入面沟通同埋点样同客人沟通，唔好一副唔上心既样子！
今次坚最后一次，系我唔好自己入去送死！以后黑名单佢啦！
张贴