牛奶冰室 (新葵興廣場)

营业中

休息中

是日路經新葵興廣場嘅牛奶冰室，適逢晚飯時間，於是和友人決定入內用膳。晚餐～～支竹蘿蔔牛腩煲沙嗲肥牛粉絲煲晚餐跟白飯+飲品牛腩燜到軟稔，支竹蘿蔔好入味，沙嗲味香濃，肥牛配料算多，當中有菠蘿，清甜味中和辣味，整體不錯

今日叫咗個外賣早餐火腿通粉奶茶都幾大杯，味道都唔差點知食食吓個火腿通粉發現入面有隻蚊滋Omg 不過我都冇打去投訴直接比食評算除咗蚊滋之外，其他其實啲嘢食好食希望有待改善

牛奶冰室 (葵涌)某日收工好想食炒飯沒什麼選擇下去了牛奶冰室用QR落單但入到去挺多款都完售了連最想食的炒飯也完售了但已經進店了只好點餐吧🥲蒜香蜜汁叉燒蔥油飯 $67（半焗流心美極煎雙蛋 +$8）-最後因為想食煎蛋就加了$8食雙蛋 貴了一點但隻蛋又確實挺大隻又流心又香 蜜汁叉燒相當厚而且算嫩 味道算不錯 只是不是我喜愛的蜜汁味黑糖牛乳涼粉冰 +$9-普普通通牛奶冰室 (新葵興廣場) (葵涌)葵涌興芳路166-174號新葵興廣場3樓4號舖

我係葵興街坊，呢間野基本上次次order完之後就要無限等，完全唔知廚房做乜。叫個沙嗲牛肉即食麵早餐都等左半個鐘有多(仲要叫呀姐睇睇先有，乜沖個麵都要咁多功夫，真係大開眼界！)，當時間野都唔full，仲有好幾張4人吉枱。奉勸冇返咁上下空閒時間都唔好入，只會激死。我都見過外賣員等到發火，D呀姐採你都傻。不過起碼呢間野堂食唔會催你走，因為你個早餐可能要預成個鐘先等到佢出餐俾你。

今日透過網上外賣平台訂咗"牛奶冰室"嘅晚餐，原本諗住幫老豆慶祝父親節，想省返煮飯嘅負擔。點咗咖喱牛坑腩飯同家鄉蓮藕馬蹄煎肉餅配白飯，希望有個開心嘅晚飯時光。首先，咖喱牛坑腩飯的咖喱真係辣到令人頂唔順，但除咗辣之外，就完全冇其他味道。牛肉本身嘅質地尚可，但都冇咖喱味，感覺好似食兩樣完全分離嘅食物。至於家鄉蓮藕馬蹄煎肉餅，鹹到冇朋友，而且仲非常油膩，食多幾塊已經覺得好飽。米飯呢，真係大失所望。飯竟然焗到溼溜溜，口感非常難受，好似食緊一盤糊狀嘅嘢咁。我哋家人都不太滿意呢次晚餐體驗。其實今次會訂呢間餐廳，係因為網上外賣平台有40%嘅折扣，覺得折扣吸引先試吓。不過今次體驗真係令我哋失望，下次都不會再訂呢度。覺得價完全唔dim，真係"貼錢買難受"。總括嚟講，如果你同我一樣被網上外賣平台嘅折扣吸引，不如三思而後行，試吓其他選擇，避免同我哋一樣失望。

剛才睇左兩篇食評，一個話等左9個字，一個話等左25分鐘，你哋太睇少呢間分店了，我叫個午餐等左一個鐘呀dllm, 催左兩次D職員愛理不理hea左你就算，等到把幾火行入去出餐位，個阿姐嫌我佐Q住佢先幫我跟，呢班大帝遲早換Q哂佢哋先得

我等咗九個字都未送到啊，我吹咗四次喇，social credit -100，完全冇理過我囉，啲侍應都唔知係咪聾咗，等咗成粒鐘終於送到既時候跟住有條蟲喺入邊囉！！叫佢幫我收返換過碟，又等咗勁耐，之後我同佢講咗n次要取消，喺度扮聽唔到，話好快就到，最尾終於取消咗，好啦諗住終於可以離開，點知買單嘅時候諗起就火滾！我個friend俾咗$200佢，佢叫我哋等一陣等一陣，等咗勁耐佢都未找返啲錢俾佢，又話冇散紙，但係又幫隔離枱埋單，擺明玩嘢啦！佢好似唔打算找返啲俾咁囉！

叫了三個早餐，等咗二十五分鐘，催咗個阿姐幾次，完全無視你，只有繼續等。另一個員工只拿外賣出counter 放在一邊，唔知自己做乜就走人，唔叫，又唔理你，根本管理不善，冇系統，服務又差，唔會再有等二次幫襯。

其他人等5分鐘就可以入去，而且仲要係兩個人。問嗰個water係咁迴避問題，等咗半個鐘都仲未入到去，不斷係咁俾兩個人嗰啲入先憑乜嘢？已經好早攞咗飛？係咁俾啲兩個人入點會有四個人位？大佬我都趕時間㗎？憑咩？人哋遲過我哋禁飛，人哋就可以入先？9588

今日來吃呢間牛奶公司，每次想食都見到佢大排長龍，所以就放棄，今日因為遲咗收工，見到冇乜人，可能過咗晚餐時間啦，即刻入嚟試佢兩個餐，第一個係咖哩魚柳飯，光到佢嘅魚都係超大塊，仲要係三大塊，超抵！呢個咖哩都好香，應該係馬拉咖哩，都比較辣，入面還有焗過嘅薯仔，然之後再一杯熱檸水，佢同平時嘅熱檸水不同，平時嘅就係一片片嘅檸檬加熱水，呢個應該係冷榨檸檬汁加熱水，冇咗嗰種檸檬皮嘅澀味，第二個係勁香薑蔥鯇魚煲，都係大件夾抵食魚到超多，鯇魚走油，再用薑蔥爆香，放落嘅煲仔度，賣相都好有食慾，唔怪得佢咁多人排隊呢。下次試迷其它先，呢2個餐都超飽！

與同事lunch一起叫了外賣，一心想試下拉絲菠蘿包。點知外賣等到無哂影，12點30分落單1點半先有得拎。實在令人無語。仲要個拉絲菠蘿包一d都唔拉絲，仲要好樣衰，入面一灘水咁，叫拉屎菠蘿包就差唔多

電話叫外賣，話要等30分鐘，無問題。我等夠40分鐘黎到都唔見，先問侍應幫手睇睇張單，侍應就話出餐唔關佢事，叫我慢慢等下，唔係就自己去廚房問！ 唔知呢間餐廳點分工，但係叫客自己去廚房追單都係第一次聽。好心唔想做就咪接單啦！

平常都幾鍾意吃食呢間野嘅早餐外賣自取試過，堂食都試過。本來覺得係附近抵食嘅茶餐廳早餐。此前唯一不解嘅係，我外賣自取叫個菠蘿包，佢都係用個紙袋裝，點解要收多$2外賣盒？唔緊要，此事無妨。雖然聽過呢間係劣食+劣態度出名但係未試過午餐晚餐下午茶，唔想人云亦云，所以想親自試下。果然，聞名不如見面😀大年初二要開工，於是叫個外賣一個炒伊麵加熱菜蜜15:21 openrice外賣下單15:38 到達，未有，ok，好正常15:51 openrice自取嘅半小時已經夠鐘。我問A啊姐，佢話幫我問下。我隨口話等了半小時啦，佢即刻態度轉變黑我面話（大概內容）：「外賣等半小時係需要嘅」喔係呀，等了半小時啦，咁幾時有？😀唔緊要，俾人黑下面啫，唔緊要，廚房慢（我以為），咪等下囉我承認自己語氣都唔係幾好掛🤷🏻‍♀️個場未爆，樓面狂入客。四家外賣機+電話外賣輪流keep住響。但幾個樓面出餐+廚房都慢悠悠。成個餐廳連員工都充斥住悠閒嘅氛圍。一時間都分不清，呢間係cafe定係茶記？佢地到底係唔夠人手，定係太夠人手？唔夠人手就關外賣機啦。夠人手就唔使我等半個鐘頭啦。然後幾分鐘後，我終於真嬲啦。事緣15:56佢拎咗一個外賣出嚟，

今日晏晝一班同事六個人食.去到拎飛等位. 咁六人等得耐啲我地都明白.有時仲有機會會分台坐. 食飯時間多人知道.但係我地六個人明明見到門口四人台離開. 隔離單丁哥仔飲埋杯野都準備走.諗住張台係我地架啦…點知個所謂經理係咁禁晒啲二人一人入左去坐.完全無打算叫我地坐底四個先.咁我地原來以為等多陣就有台啦.見啲人走左咁多..點知所謂經理繼叫啲一人/二人入座.呢下真係忍唔住問下經理幾時有..呀姐話六個人要等下架啦.. 唔岩因係你地分開坐囉.態度仲要串到呢..唔緊要.. 第一次黎食都咁受氣.侍應咁惡. 真係祝貴公司生意興隆..好啦.. 講完店員..到講下食物先…Um… 我諗我係咪味覺有事？ 啲野食無味既.. 叫黑松露意粉..最後要食客自己落鹽..蔥油既啲蔥大粒到連蔥頭都比埋☺️仲有其他唔想再講落去..食完一次唔會再有下次..貼錢買難受

頭先叫兩個飯外賣，連兩杯飲品。10分鐘後返到屋企發現得一杯飲品，打電話問佢點解決。亞姐淨係叫我返去拎。有冇搞錯，你做錯野仲罰我行多轉？一來一回咪即係罰我行20分鐘？我話我住葵涌邨附近，你哋餐廳行過來10分鐘，唔係唔送返比我下？亞姐話全公司既人都唔識路。今時今日，Google Map咁方便,比埋地址你，搵都唔搵就話唔識？講講下發現杯飲品都仲係錯既，即係欠我兩杯飲品。嘈完一輪，先話送過來，真係自己申請，係要逼人嘈先得。結果等左半個鐘，我行埋落樓，行左一半路程先見到個職員。無啦啦又食遲半個鐘，沖兩杯凍奶茶要搞咁耐？現場又唔係多人，已經3點半都搞咁耐。咁既服務態度,又收得貴，真係死得。