影片
更多
2024-02-15
259 浏览
平常都几钟意吃食呢间野嘅早餐外卖自取试过，堂食都试过。本来觉得系附近抵食嘅茶餐厅早餐。此前唯一不解嘅系，我外卖自取叫个菠萝包，佢都系用个纸袋装，点解要收多$2外卖盒？唔紧要，此事无妨。虽然听过呢间系劣食+劣态度出名但系未试过午餐晚餐下午茶，唔想人云亦云，所以想亲自试下。果然，闻名不如见面😀大年初二要开工，于是叫个外卖一个炒伊面加热菜蜜15:21 openrice外卖下单15:38 到达，未有，ok，好正常15:51 openrice自取嘅半小时已经够钟。我问A啊姐，佢话帮我问下。我随口话等了半小时啦，佢即刻态度转变黑我面话（大概内容）：「外卖等半小时系需要嘅」喔系呀，等了半小时啦，咁几时有？😀唔紧要，俾人黑下面啫，唔紧要，厨房慢（我以为），咪等下啰我承认自己语气都唔系几好挂🤷🏻♀️个场未爆，楼面狂入客。四家外卖机+电话外卖轮流keep住响。但几个楼面出餐+厨房都慢悠悠。成个餐厅连员工都充斥住悠闲嘅氛围。一时间都分不清，呢间系cafe定系茶记？佢地到底系唔够人手，定系太够人手？唔够人手就关外卖机啦。够人手就唔使我等半个钟头啦。然后几分钟后，我终于真嬲啦。事缘15:56佢拎咗一个外卖出嚟，
外卖自取试过，堂食都试过。
本来觉得系附近抵食嘅茶餐厅早餐。
此前唯一不解嘅系，
我外卖自取叫个菠萝包，
佢都系用个纸袋装，点解要收多$2外卖盒？
唔紧要，此事无妨。
虽然听过呢间系劣食+劣态度出名
但系未试过午餐晚餐下午茶，
唔想人云亦云，所以想亲自试下。
果然，闻名不如见面😀
大年初二要开工，于是叫个外卖
一个炒伊面加热菜蜜
15:21 openrice外卖下单
15:38 到达，未有，ok，好正常
15:51 openrice自取嘅半小时已经够钟。
我问A啊姐，佢话帮我问下。
我随口话等了半小时啦，
佢即刻态度转变黑我面话（大概内容）：
「外卖等半小时系需要嘅」
喔系呀，等了半小时啦，咁几时有？😀
唔紧要，俾人黑下面啫，
唔紧要，厨房慢（我以为），咪等下啰
我承认自己语气都唔系几好挂🤷🏻♀️
个场未爆，楼面狂入客。
四家外卖机+电话外卖轮流keep住响。
但几个楼面出餐+厨房都慢悠悠。
成个餐厅连员工都充斥住悠闲嘅氛围。
一时间都分不清，呢间系cafe定系茶记？
佢地到底系唔够人手，定系太够人手？
唔够人手就关外卖机啦。
够人手就唔使我等半个钟头啦。
然后几分钟后，我终于真嬲啦。
事缘15:56佢拎咗一个外卖出嚟，
系一个15:47落嘅电话外卖😀
哇呢个咪10分钟前，我睇住A啊姐接电话，写个一单外卖？😀
原来厨房都几有效率㖞！欣赏！
然后又偷望下10分钟前入去嘅堂食阿叔。
哇佢已经食到jap jap声啦😀😀😀
哇！呢啲咪速度！欣赏！
然后我问B啊姐，人地已经有餐，我个外卖呢？
佢走去问后面hea下hea下嘅几位后生仔楼面
：「个T04厨房整左未呀？」
后生仔正系话：「未」
然后个对话就完咗了，完咗了！
两位都没有其他动作。任由厨房继续漏我单。
我再走去问个B啊姐，
系咪应该俾返个交代我？我仲要等几耐？？？
佢正系识话：「我咪帮你问咗后面同事啰」
？？？？多谢晒呀😀
然后时间来到16:05，又一个外卖出嚟。
今次系15:35落单嘅袋鼠外卖😀😀😀😀
OK fine人哋两个菠萝包，点都快过我个炒面嘅，自我催眠接受事实。
呢间餐厅唔跟单做，
已经系我等候咗45分钟观察到嘅不明文规定。
或者规定系要做堂食先，外卖客慢慢等啦。
咁今次真系误会大啦，一早就唔帮衬你啦。
然后佢几分钟内，即刻出咗几个外卖。
摆到明就系佢完全冇做过外卖机嘅外卖，
净系做堂食同电话外卖
（我估电话外卖同堂食单都系入同一部机）
俾人催咗之后先发现漏晒单PK啦😀
就即刻狂出返。
咁我15:51个阵催嘅一次，有咩功用呢😀
然后有个肥仔楼面拎住一个外卖出黎叫号。
企我隔离等熊猫外卖嘅阿叔走上去，
谂住开个电话Number俾佢睇。
唔知点解个肥仔同佢讲：「网上外卖平台㖞」
呀叔一边开手机话系呀！
个肥仔又问佢Number呢？
呀叔不耐烦了：「我依家咪开紧俾你睇」
真的十分不解个楼面个态度🙄
我唔知阿叔系外卖员定系外卖自取，
反正不解做咩呀叔要俾人咁怀疑对待。
16:07 我终于拎到个外卖！
漫长嘅等待终于有回报。
另外，我替堂食客人新年流流，仲要俾佢收+1服务费感到悲哀。
本来落单佢都系用app，出餐都系hea，
热水都系要自己走过去倒，纸巾都唔提供多张，
有咩服务可言？
仲要佢张服务费海报痴喺counter侧边，
啲字鬼死咁细写系最下面。
啲人埋单嘅时候先知要收服务费，O晒嘴。
味道不过不失，系份量有点少。
不过下午茶呢个份量，呢个地区，呢个价钱都算系咁。
不过味道未惊为天人到，值得我用45分钟时间去等待。
都唔觉得我俾钱之后，应该受啲咁嘅服务态度。
冇下次。
张贴
