牛奶冰室 (怡豐大廈)

营业中

休息中

夜晚同老婆去食飯入到去比較少人，完全唔使等位我叫咗薑蔥魚腩煲加咖啡老婆有啲頭痛想飲啲熱湯 叫咗雞肉蕃茄米線 熱檸水 （唔記得影相)薑蔥魚腩煲熱辣辣 食得出啲魚係新鮮，不過比較多骨 小弟lun骨都OK 但係老婆搞唔掂 😅😂仲有大蒜頭，加少少生蒜 同埋仲有啲菇 幾香口老婆嘅米線清淡得來舒服 每人大約$70 平民價錢 簡單好味

小編好罕有地去咗跑馬地，今次試吓去食呢間冰室！服務態度都尚可啦！餐廳舒適度都係普普通通，至於嘢食質素方面！真係唔係太理想！今次午餐小編叫咗個午餐，酸菜魚湯飯！好彩佢係分開上！白飯質地係相當欠佳！個飯真係幾硬，加d湯上去先好少少，問題離啦！個湯真係好鹹，無咩辣味，酸菜嘅份量都唔算多，而且魚嘅份量都比較普通！質素方面，都係好普通，有少少腥！而且起骨都係有少少骨！仲有啲菇，都係麻麻哋，冇咩味。之後叫咗杯檸檬茶，都係麻麻地！冇咩檸檬味

今天午飯時間外賣叫了時菜魚片湯河，菜單冇表明湯底係清湯定辣既，我以為係清湯（我唔食辣），但返到學校先發現係辣既。請係菜單表明。因為正常餐廳既魚片河應該都係清湯，要辣既話就額外講，唔應該係原配。D唔食得辣既人唔知道就會好似我咁叫完先知道，搞到食唔落。差評

餐牌圖片與真實不符！！芝腿治-- phone app menu圖片上明明個芝士係溶嘅, order完就滿心期待, 點知嚟到係咁嘅樣🙄🙄🙄個多士好硬好“韌”, 芝士 -- 一個percent溶都冇, 硬到呢😑😑...冇諗過食三文治食到依牙鬆槓🥴🥴🥴失望, 食完好傷心😥

早晨點雞扒，卻來了豬扒。算吧照食，但豬扒咸到不得了⋯⋯職員態度也一般埋單時跟識員說豬扒太咸，她只應一聲「哦！」也試過乜乜乜焗飯… 名字很吸引但味道令人很失望😮‍💨Bye👋🏻

今日午餐食鮮茄牛肉飯食到一半多啲發現有兩片牛肉未熟呈現鮮紅色，同侍應講可否換其他嘢，侍應算有禮幫我換咗個楊州炒飯，之後同侍應講我沒有時間繼續喺度堂食麻煩佢打包，幾分鐘後收到外賣打包的楊州炒飯，一心諗住換俾我都算幾好啦！點知一攞上手感覺有啲唔妥原來得半盒炒飯都唔夠，係你出品差我先要求更換姐，感覺好肉酸囉，當你乞兒，因為你之前食咗半碟先發現生牛肉所以賠俾返半盒你。身為跑馬地居民真係貪你半盒飯？請管理層正視下問題啦！

呢間嘢同同事叫過幾次外賣，不嬲都覺得奇奇怪怪，每日分A或者B餐單都唔緊要，最奇係打去問完今日係A餐單，轉頭再打去落單另一個姐姐竟然話實問做咩叫A餐單，今日係B餐單云云 ..喺唔可以遠行而附近又冇咩選擇情況吓，今次又同同事一齊叫外賣，我叫咗「巨人雞扒勁香蔥油飯」，一路食一路都冇乜異樣，雞扒皮乾乾地但雞肉都唔算好差，蔥油名付其實係蔥+油唔係姜蓉，唔好expect佢會有咸香味，冇「勁香」之餘仲係「勁油」都唔緊要，食得外賣，「油」係預咗，重點係食食吓發現飯之間附送「新鮮」膠帶，同香蔥一樣顏色🫥註：「勁香」欠奉，「新鮮」免費🤡

Horrible service. Stood for 30 mins, asked repeatedly if food is ready and they say no.Another 10 mins later, scolded me because I didn't ask if it's ready. What a rude staff.Also was in the midst of asking questions and she suddenly took a phone call ignoring me. I had to ask her are you talking to me before she says (in rude manner) wait I'm on the phone.Avoid at all cost.

跑馬地茶餐廳/冰室都有好幾間，但好食既只限一兩間，今日下晝就揀左去牛奶冰室。冰室位置係馬場對面，雖然睇唔到草地，但見到好多樹，感覺好舒服。Order食物係scan QR code嘅，但如果有特別要求可以同侍應講，佢會幫你同廚房講，但太部份要求例如少甜、少冰、檸檬茶多酸、少酸都可以係電話落單時可以揀，都幾方便。全日常餐： 生滾牛肉湯通粉、牛奶炒滑蛋、蒜蓉多士 、熱檸水 $56先黎牛奶炒滑蛋、蒜蓉多士，蛋炒得好香好滑，蒜蓉多士又烘得好香，夾埋滑蛋一齊食真係一流。跟住再黎生滾牛肉湯通粉，先飲啖湯先，原來係薑味湯仲有d薑絲添，薑味岩岩好，好好味😋牛肉係鮮牛，好淋好食。通粉煮既時間岩岩好，唔會過淋👍🏻。最後後埋杯熱檸水，佢地係用檸檬汁，所以唔需要自己篤檸檬，仲可以要求檸檬汁份量，非常好。對面咁舒服嘅境，食物質素又咁好，真係令人心情都舒暢d。

一入去scan哂安心出行同針卡，有個男侍應態度差咁問我地有無掃安心出行，我答佢掃左，佢晦氣再問有無掃針卡，我答佢掃左喇，之後就唔理走開，開頭以為係社企人士就算數，睇到佢午飯時間都同人正常對答同態度無岩岩對我地咁差，其實做咩要咁樣對客人？正常岩岩光臨你間茶餐廳都無野踩到你地條尾唔使咁晦氣。食物黎到後，我本身係叫熱茶走少甜，杯野飲左啖，一d煉奶味都無，同一杯奶茶走甜無分別。其實黎過兩次，諗住跑馬地會態度正常d（都唔預計佢會係服務好架喇）但兩次都差唔多，今次多埋呢個男侍應仲衰。

剛去跑馬地養和醫院探朋友, 步離醫院有點肚餓, 即看見對面有 牛奶冰室, 決定入去填飽個肚. 餐牌上有好多款食物, 也有常餐套餐, 各人自己用電話QR code 訂餐.我們點兩客常餐, 乾炒牛河及蕃茄生滾肉片米線, 配冷熱飲品,  先送來凍檸檬茶及凍檸檬水.  檸檬味很弱, 因為檸檬太少.食物好快到.   乾炒牛河, 調味適中, 吾太油膩, 牛肉片軟滑, 口感不錯.蕃茄生滾肉片米線,  熱騰騰上檯,   用料足.食物質素及格,   飲品要改善.  價錢大衆化.  簡單簡單又一餐.此店又出售蛋糕麪包多種, 臨走時我們買了一包回家.  去冰室飲食越來越流行. 

The worst experience in Happy Valley area. 18 April afternoon 2:05 set a pick up fir afternoon tea and saw a pick up time of 2:13. When arrived on time, no such pick up was ready. The final pick up time was 2:35. No one dare to say sorry. The counter woman at around mid 30 was so impolite and no answering any inquiry. Even you asked more, she walked away without any word. It is not believable for such service. You might think an afternoon tea set at $70 is not worth anything, you would lose this

疫情期間居家工作，只能叫外賣。區內選擇本身唔多，諗住試吓依間開咗幾個月嘅茶餐廳。見間餐廳裝修正正常常，一叫點知發現佢啲檸檬茶係得檸檬汁冇檸檬，類似係Lemonade汁，店員仲要覺得係理所當然，真係第一次喺茶餐廳飲冇檸檬嘅檸檬茶，非常特式。唔知係咪因為檸檬好貴呢我叫咗兩個早餐，兩個榨菜米粉，個忌廉雞湯底係味精都算啦，竟然係用水溝出嚟，完全冇味，除咗個炒蛋食得落之外，其他都below average。個餐翻到嚟仲要成個淋濕曬🤦🏻‍♀️睇嚟下次都係自己煮算啦。

疫情關係試左幾次外賣，有星州炒米，薑蔥豬扒，叉燒雙蛋飯，熱奶茶等。覺得都幾大份同足料。幾款之中，星州炒米幾好食，豬扒飯就好大件又厚。美中不足是叉燒雙蛋飯的叉燒唔似燒臘飯店個D咁肥美，佢似日本叉燒湯麵個D叉燒，比較瘦、薄同乾身。奶茶一般，不過都幾大杯。如果D飯盒加返條菜就更好了。另外，外賣等待時間要預20-30分鐘。可能用App order左先去拎會好D。比較跑馬地附近幾間茶餐廳，呢間算係唔錯。雖然冇試堂食，地方望落去都幾大同乾淨，下次可以試堂食。

Been to the Causeway Bay joint couple months ago and love their food. Excited when I found out they are opening one in Happy Valley. Due to Covid, I haven’t been dining out lately but I’ve ordered take out and delivery from this place multiple times. Their breakfast, baked rice and most of the food on menu are good and I love how they reheat the buns for you if you buy on spot. The waiting time for take out can be long during breakfast time. Best is to order online ahead of time to avoid t