牛奶冰室 (美景商場)

营业中

休息中

呢道酸菜魚湯米線睇落真係好鮮美可口。湯頭金黃剔透，味道豐富；配料好多，除咗魚肉同酸菜，仲有芽菜，令口感更豐富。湯底酸辣味十足，應該可以刺激味蕾，令整體味道更加層次豐富。喜歡酸辣既朋友，我絕對推介呢個。我都好快咁食哂配埋無檸檬嘅檸檬茶，食辣我鍾意配凍飲解辣，仲可以揀多d檸檬汁定少d檸檬汁，令個配搭有更大彈性。🤭總體睇呢，道湯米線應該係一道非常美味嘅家常川菜。雖然冇檸檬，但睇起嚟依然可以好好滿足口腹之慾。👍🏼服務態度ok 啦。QR code 落單都幾自助。開始都慣左

$43蚊早餐幾抵食。試叫個火腿通粉，估唔到佢內有少量蔬菜（少見)，色水唔差。另配蒜蓉多士唔洗加錢，隻蛋可以選熟蛋/太陽蛋。凍飲要再加$3。人流不算是很多，可即時搵到位。沒有+1服務費。

美味的早餐，點少得我至愛既雞蛋🍳🥪自從試過一次之後就另人難以忘懷平常三文治只有2塊🥪夾住d 材料牛奶冰室既黑松露三文治竟然係用三塊包，夾2邊餡料，豐富好味又大份，唔大食既話可以2個人share 😋黑松露味好香好出，雞蛋唔算嫩滑，但勝在厚蛋，一啖咬落去，好足料，滿口都係黑松露香味，通常我都係買外賣自取返公司，相信堂食會更好味外賣只需💰$36😍😍份量比正常三文治多咗1層配飲品 熱咖啡， 係即磨咖啡但比平常多奶😐

晚市坐得半場都可以落order過30分鐘都未上齊嘢食。第一、二次好聲好氣催啲侍應就淨係話okok；第三次大聲啲催兩個阿姐就扮聽唔到，得個後生男侍應話嚟緊。然後到35分鐘啦，終於上到兩個飯，仲有屋企嘅另一個餐未嚟，見到佢終於出埋，結果先上俾隔離兩臺後啲入嚟嘅人，屋企人本身就肚餓，又等得耐，就話唔想食啦，要退餐。埋單嘅時候，個後生仔有退到屋企人個餐嘅，點知兩個阿姐就係度話佢：驚咩啊你，做咩退俾佢啊？你驚俾佢打啊？一開始好聲好氣問你幾時上個飯就唔理，明明係你哋唔大聲啲叫你哋上都唔得。一間快餐廳坐得半個場都可以上餐上成30分鐘都上唔齊，態度仲咁惡劣。垃圾餐廳。

今日下午茶時段，食過下午茶，叫左個黑椒牛肉意粉，原先43蚊，現在加到45都不打緊，但今日來了餐時，才發現全碟只係得一舊牛肉，我以為自己眼花，但原來係事實，覺得很離譜！唔知大家有無遇到此情況！

去開青衣嗰頭探朋友，見到依間牛奶餐廳，睇落去個港式早餐好似幾好食喎咁就去試吓啦我揀咗碎雞扒公仔麵，再加炒蛋同埋蒜香牛油多士個雞扒切到一件件細嘅，好方便入口，同埋會夠入味公仔麵就係熟悉嘅煙韌度，都煮得好好其實公仔麵係好需要技巧去煮，如果唔係會太林或者太硬炒蛋都好香滑呢，個蒜香牛油烘到硬度適中，唔會太硬，亦都唔會太林，配搭埋啲蒜蓉牛油，正，俾個like 整體整個常餐正常發揮，我覺得係above average

今次食咗呢間位於青衣美景嘅牛奶冰室裝修光猛簡潔，樓底高顯得寬敞早餐嘅menu, 都係標準嗰幾款今次叫咗豬扒麵早餐，$45蚊前菜蒜蓉多士加牛乳滑蛋，少咗件肉dry咗啲主菜豬扒麵，份量適中，麵唔會過淋，不過不失到牛奶冰室就緊係要飲奶，奶茶大杯，奶味香口

一個人但又想食酸菜魚呢度可能係唔錯嘅選擇😛六十幾蚊一個酸菜魚湯飯，份量都算大😝味道正正常常 不過不失，而且可以叫少辣！不過其實唔算好辣🤣配菜有雲耳，菇，芽菜同埋萵荀算唔錯👍🏼

牛奶冰室之前多數食早餐，早餐都覺得唔錯，炒蛋多士都可以好味，今日中午經過好想食魚，見午餐有鯇魚呀～就膽粗粗叫咗個梅菜蒸鯇魚，心諗有D 驚怕會腥……梅菜蒸鯇魚配白飯 $61上菜後視覺上吸引，最驚喜係鯇魚鮮嫩而唔腥，面且係魚腩位，所以魚骨細骨唔多，梅菜甜香配上咸鮮豉油，是送飯的好菜式，白飯亦軟綿可口黑糖奶茶紅豆冰（跟餐）$9黑糖帶出奶茶的另一層次，黑糖甜香可口，紅豆軟硬恰好，一啖紅豆一口奶茶～不錯牛奶冰室環境亦唔錯，此店坐位亦坐得舒服，午餐時亦見很多食客進內惠顧。

😢😢下午茶時間見到依間冰室幾企理，就去試吓1️⃣黎到見個賣相已經唔掂2️⃣一夾d 麵一舊舊 整唔開3️⃣入口係凍既4️⃣ d麵好冧，唔要求係一丁，但都唔好咁難食5️⃣ 食到最底先見到豬扒殘骸(頭尾骨,同邊邊肥肉位 好似平時廚餘位咁🤮)下午價$41 +$3蚊凍飲總結🤮🤮🤮🤮食完有陰影，真係好似廚餘炒埋一碟雖然依個價錢都唔好有大期望只可以講係屋企整個(杯麵）炒麵皇都無咁嬲！第一次係openrice寫食評就係為左佢😌👋🏻👋🏻唔好比餐廳表面呃左

今天和朋友一起到青衣西南泳池游泳，完後决定去美景花園新開張的【牛奶冰室】試試。到那見門面挺寬敞，門口一側有張磨砂玻璃枱，枱面擺放好幾張圖文並荗的餐牌，方便顧客翻閲；另一側有一個長長的玻璃層櫃，擺放多款新鮮出爐的面包，應除堂食制作之余也提供外賣，構思相當出位。店鋪餐桌以卡位擺設，桌面是白色瓷面，光而亮，配上木制椅子，整齊幹淨。牆身有牛奶瓶、牛奶灌之類裝飾，相信是融合店鋪【牛奶冰室】的緣故而設計吧，配上燈光，感覺協調柔和。餐牌圖文並茂我們選了兩款晚餐：第一款是芥菜咸蛋肉片湯飯$61飯、湯分開上，是加分的，芥菜新鮮，够爽又嫩，不錯，肉片不韌，加上咸蛋，真是好好味。碗飯就普普通通。.另一款是拍蒜豉汁蒸鯇魚，配白飯和飲料$71豉汁祘茸濃郁，紅椒絲葱花鋪面，魚切片，看上去已覺野味，好香，魚肉不錯挺嫩滑，油豆腐墊底，相當不錯的配搭，可惜油豆腐過咸，我同朋友都覺偏咸了。跟餐檸茶，檸檬攪碎酸中帶有茶香，恰恰好清减油豆腐的咸味。歇後語：環境不錯，服務員有禮，出品新鮮。油豆腐味道若能淡點，更理想。會再光顧的

之前黎過一次， 感覺一般般，收費比一般茶餐廳貴十蚊八蚊， 二人下午茶要一百蚊找數。裝修格局都靚，坐得算舒服， 唯一係食物用料好似差少少。 今次食完感覺同上次一樣。服務: 一般般食物:芝士鮮茄豬扒飯本身餐牌寫明焗， 所以都預咗佢細細碟，分量細， 豬扒切片三塊上， 唔講以為係肉片飯 芝士份量畀得多， 但完全冇芝士味 食落質感似擦子膠香煎雞扒蔥油撈麵雞扒煎得夠香，蔥油亦都唔錯， 但公仔麵質料差少少牛乳黑糖紅豆冰重黑糖味， 好味 不過紅豆細細粒，份量亦好少， 兩啖就冇， 主角係黑糖

今日見有少少時間就過咗去美景花園樓下新開嘅牛奶冰室食咗個tea！呢間牛奶冰室係正Daiso對面，舖頭出面有bakery，好易揾到！teatime 都唔少客人，原本諗住可以scan QR code 落單但原來間舖太新未用到🤣｛吉列魚柳拼薯條 $38｝限量嘅吉列香脆魚柳，好好彩食到今日最後一塊，魚柳都幾厚又大塊，薯條份量正常，好香脆！｛經典西多士 $32} 即叫即製，外面夠熱，而內餡用左粗粗花生醬，好有口感！飲品叫左熱鴛鴦同奶茶，正常發揮。今次黎到拉絲菠蘿包賣晒，希望下次有機會試！Ü

今日去左青衣一間新開的（牛逼）試吓！冰室環境寬敞簡潔就比佢吸引左入去，坐低叫左三個餐一個正常 一個嚟錯 一個離題 離題的就係叫左乾炒豬扒公仔面 嚟到就變咗乾炒小豬肉絲公仔面（五條）

今日去左青衣一間新開的（牛逼）試吓！冰室環境寬敞簡潔就比佢吸引左入去，坐低叫左三個餐一個正常 一個嚟錯 一個離題 離題的就係叫左乾炒豬扒公仔面 嚟到就變咗乾炒小豬肉絲公仔面（五條）