牛奶冰室 (迎海薈)

营业中

休息中

Weekend 遲起身無食lunch，下午茶時間有d 肚餓，落到黎牛奶冰室，諗住會平d，點知呢一個set都已經55蚊… 我叫左個五香肉丁米粉加炒蛋多士同埋凍檸茶，五香肉丁一般般，d 米粉有d 半透明，質地唔似米粉，d 湯…唔識欣賞，唔似平時常餐d 湯底。不過個炒蛋同多士唔錯。凍檸茶係已經沖好無檸檬果隻，雖然聽落會覺得好化學，但飲落d 味差唔多，同埋唔洗自己篤檸檬。不過下午4點幾呢個價錢，我覺得太貴 但overall又唔係難食嘅…

係香港食市死得的聲音中， 竟然比我食到一餐有心有味道的連鎖店晚餐。 昨晚黎到久違了的牛奶冰室， 不帶期望因為之前食過， 已知服務及食物係“HK style”。 落單掃code發覺無法加上特別要求“少油”， 竟然比位有心的侍應行經聽到， 主動回應我可以幫手要求， 侍應黃小姐忙完轉頭立即到我位人手落單， 態度禮貌一流。 點了魚香茄子及咕嚕肉， 果真少油，食得舒服， 唯白飯稍為多水有dd爛。黃小姐主動放上碗，方便我兩人share 食。 整個晚餐， 因為服務有心增添了不少人情味道。 埋單走去多謝黃小姐服務希望送出鼓勵， 竟然聽到一句“唔好咁講， 應該嘅”。 香港如果繼續有呢種曙光， 就唔會被睇死。

星期一11點半落單，大概等咗半個鐘先有得食⋯同時間隔離幾台客都喺度催緊嗌咗楊州炒飯，Menu睇落個樣唔錯點知上到嚟係咁嘅樣啲飯唔乾身，料更加少得可憐最多嘅係紅蘿蔔，叉燒定唔知肉粒同粒米差不多size，只可以講師傅刀功真係好勁絕對無下次

我去外賣店自取了五香肉丁麵，整體質素普通。麵條有點過軟，且缺乏彈性。五香肉丁的味道尚可，但肉質有些老硬。湯頭的味道普通，缺乏濃郁的鮮味。整體而言，這碗五香肉丁麵並沒有什麼特別之處，就是一份普通的快餐。

早出門的一天，總需要一個茶餐廳早餐來令自己開心快活一下。這一次就決定留在鳥溪沙站附近找找看。發現到，對面橋迎海商場的大部份食肆都改頭換面了。而其中一間新開的，叫《牛奶冰室》。《牛奶冰室》算是一個比較有名的連鎖茶餐廳品牌，咁就一於試試啦。早餐的公仔麵套餐，包一個炒滑蛋同牛油多士。那炒滑蛋的確有水準，是半熔半熟，香味十足的一份炒蛋。入口除香口之外，也足夠地嫩滑。牛油多士上的是蒜蓉牛油，吃起來更加之香口。早餐的主食，是一碗濃濃香香的雞扒麵。湯底夠濃，仿佛有醃雞肉的豉油汁，雞粉及其他的。勝過純雞粉清湯好多聲。而雞扒就預先切好粒，方便大家食用。奶茶，是一杯夠熱的奶茶。但味道就有少少過澀，奶味明顯地俾茶味蓋過了。感覺只是一般。我不太喜歡。以環境同早餐的食物出品來說，這可以說是很好，很滿意的一餐。早上的這一餐，吃得開心滿意，是特別精神爽利的。

1910入坐用自助落單，點了二人套餐，薑蔥霸王雞，啫啫肉碎通菜煲，兩個白飯兩個燉湯，有一個員工將其中一碟啫啫通菜煲和燉湯放到枱上，跟我說得一個湯你自己去取消，我回應她時已不作理會，她接著送餐到其他枱號，我等她再經過時再查詢，她依然不理會，問什麼都說不清楚，態度惡劣，前後問她四次，愈問愈走，最後只能付錢時再問收錢員工，食飯都想開心滿足，但這個食飯體驗實在不行了，是否應該叫員工落單再問清楚，什麼餐有沒有才點或選擇離開？員工不夠是理解的，但說話態度是否客氣呢？要吃小菜真是不建議在這裡吃，只可一不可再，啫啫通菜煲不跟外面的有蝦乾，底部會有水，燉湯裏的豬肉是臭，連帶湯都難入口，可惜沒有拍照，忙記有拍照share

是日烏溪沙玩完kayak，隨即係附近搵嘢食醫肚，近近地試吓呢間愈開愈多的牛奶冰室。位於住宅商場內，環境幽美，加上樓底高，舒適度加分。芝味菠蘿包 $20比餐廳外面拉絲菠蘿包廣告吸引，決定叫嚟試下。個人嚟講，平時幾蚊一個菠蘿包，而家賣成廿蚊，價錢好進取🙈菠蘿包質素正常，內裏係流心的咸香芝士醬，拉絲效果不明顯。味道就有點單一，如果夾埋火腿應該正啲。黑松露焗雞扒飯 $65 +$12 白牛炒飯底，冇乜黑松露味，反而似芝士白汁，味道唔錯。但雞扒唔夠滑，偏肥，稍為遜色。白牛正正常常，唯獨太多冰，建議飲品必須叫少冰。吉列魚柳 配 薯條 $39 +$9 牛乳鳳梨魚柳同薯條新鮮炸起，好味👍🏻配千島醬而唔係他他醬，有啲怪😂雖然牛乳鳳梨聽落少伏，但反而有驚喜，似飲緊菠蘿奶昔。總結，以茶記嚟講，質素唔錯。係附近住戶開飯好去處，但唔需要特別一試。

晚上8時入座已經好多野賣晒，唯有點個蜜桃咕嚕肉，味道確實令人失望，色淺唔酸唔甜，豬肉無味最誇張係食到尾聲，有一舊咬唔到，吐返出黎竟然係生既，我即刻用刀义切開淨返既肉，有2舊都係未熟，之前食咗落肚既，我都唔知係生係熟反映比店員只係話煮過碟比你，我話都食完煮黎無意思，只隨便講左句唔好意思，之後都無話收返碟野同廚房講！最後我要求佢比公司電話打上去作跟進，店員應有道歉及免了我單，但真係對呢間野非常失望，最基本煮熟豬肉都做唔到！

成日都會黎迎海間牛奶冰室食早餐，次次都會叫佢個芝味流心菠蘿包。因為芝芯餡夠多，好邪惡，但好滿足必食其他粉面類早餐/扒餐都ok Ge , 份量足夠，好飽肚👍🏻最緊要係坐低幾舒服，而且出餐速度都幾快♥️

收工已經好攰，仲要留精神陪貓大人，多數都會迎海薈買外賣返屋企，今次試咗牛奶冰室晚市二人套餐：蒸䱽魚金銀蛋浸時蔬燉湯x2白飯x2䱽魚夠大條，兩個人食唔晒，可能因為外賣返屋企，肉身有啲過熟，但我本人OK，老公略嫌乾身左。燉湯超級好味！超級足料！超級夠熱！對於熱愛飲湯嘅我嚟講！好滿足！金銀蛋浸時蔬不過不失，時蔬係菜心，因為兩個人對菜冇乜要求，都OK外賣埋單$190，只有兩餸嚟講我覺得中價位以上，但燉湯加晒分❤️下次會再試佢嘅薑蔥雞！👍🏻

依家八號風球任可食市都開，而且冇加價，疫情期間食市真係比以前難做好多。有時間都要堂食支持下。我order 左最鍾意食的炸雞髀🍗🍗🍗🍗🍗🍗🍗炸雞髀常餐的時候熱辣辣非常香，但食落的味道就一般，完全冇雞味😆😆😆😆😆😆雖然賣相吸引，味道分得2分，有待改進😜

今朝叫左兩份早餐，一份系魚柳煎蛋粟米多士配熱咖啡，魚柳太淋，賣相唔錯，咖啡香滑唔錯，另一份糸雞扒太陽蛋粟米多士配熱好立克，雞扒好香，好立克太甜，環境舒適，如果冇咁迫，檯分開多少少會更好

從前在銀湖天峰，有百分百餐廳，後來結業了。現在於迎海商場開牛奶冰室，只是換煲不換藥，同樣是百分百集團，所以 餐飲食品都是這個集團的基本模式。今天跟Honey到了烏溪沙活動，就在迎海商場找吃的，來到牛奶冰室。餐廳是開揚的，因為可以在落地玻璃，看到外面的 花草樹木。不過，座位擺放就非常迫，可能正值午飯時間，座枱只有小夾板，密麻麻的坐滿一個餐廳。Honey點常餐：炒牛乳嫩蛋、蒜蓉多士配瑞士汁雞翼撈公仔麵。瑞士汁雞翼被煮得過熟，雞肉有點「鞋」。公仔麵又好似煮未透……不過炒蛋是滑的，而且份量也不少。我就點炸魚角米線：原本是麻辣湯，但店員說可以清湯。這個好大碗，不錯，而且有好多芽菜。米線煮得夠滑，芽菜爽脆。有足足5-6塊魚片頭，還有響鈴…份量十足！兩杯飲品超大杯。整體而言，食物質素是百分百正常的質素，中規中矩，還不錯。

馬鞍山是一個美食沙漠最近迎海開了牛奶冰室所以去試一試早餐香煎豬扒流心蛋火腿粟米多士豬扒味道可以流心蛋好味最重要係有杯醒神凍奶茶😋😋😋😋😋😋😋馬鞍山嚟講這杯凍奶茶好好飲可以再試

今日行了5小時山其實唔使行咁耐上山唔太難今日有點焗，最大問題是今早早餐我唔會再去牛奶冰室唔明湯底有奶無菜蜜，檸水是無鮮檸檬，我揀了好立克奶加奶上山我是勁辛苦行完我胃仍頂住頂住