牛奶冰室 (迎海薈)

营业中

休息中

由开张食到而家，试过晒牛奶冰室嘅早午晚茶餐，最好食嘅都系晚餐小菜。见证餐厅品质越嚟越差，每次都谂住可能系一时失手，再俾多次机会，但系食完今次认为除非冇选择，否则帮衬机会不大。今日嗌咗星洲炒米，$68的份量的确好大，足够两个人食。卖相系唔错，配菜又多，但系食落就真系中晒伏。首先，炒米太湿太腍，面条黐住晒一旧饼咁。虽然配菜种类和份量都算多，但系味道不够辣，亦没有黄姜味。这个星洲炒米比较似「星洲湿米」🥲至于餐厅环境还是不俗的，有大玻璃让自然光透入室内，感觉柔和。餐厅都用手机自助下单，餐具和斟水都系自助，所以侍应与客人的互动位唔多。虽然味道未去到难食，但的确叫人失望。若餐厅打算以份量取胜而舍弃味道，睇嚟会流失越来越多嘅客人。