牛奶冰室 (海怡西商場)

营业中

休息中

早餐等咗10分鐘都未有，已追問員工幾次，沒有人認真處理。不下兩三個人直行直過，沒有人處理，敷衍了事！直到25分鐘還沒有早餐，然後不明白為什麼蛋會私下落了美極豉油 極度惡劣！以後不會再來!!!!

下午茶時候嘅牛奶冰室會比較少人，而且佢係用QR code落單，所以都比較方便，但係唯一要詬病嘅地方就係呢間餐廳上菜嘅速度好慢，就算係下午茶時候冇乜客人叫餐之後上菜嘅時間都會比較慢，冇記錯嘅話我都用咗大概20分鐘以上嘅時間先至食到嘢。不過食物質素方便，我今次叫嘅呢一個牛肉炒烏冬非常好食，明顯感覺到佢嘅鑊氣係好足夠！而且佢落嘅醬汁亦都非常好味。牛肉嘅份量亦都適中，烏冬冇炒得太林，成碟嘅份量就係一個正正式式嘅下午茶份量，唔會令你太飽，但係食下午茶嘅話絕對足夠。👍🏻👍🏻

究竟一張單可以錯幾多嘢？魚香茄子冇跟飯，加錢餐具冇畀到，兩杯嘢飲嚟錯咗，叫咗你哋令我今晚冇飯食，你哋亂還亂，試下諗下自己諗下人，打工個個都辛苦，換轉係你會係點？你辛苦我都辛苦，選擇你哋食餐飯，搞到最後飯冇得食

外賣晚市二人套餐，薑蔥霸皇雞加蜜桃咕嚕肉，兩個白飯，兩個燉湯，外賣收費加兩蚊，共$170，等左40分鐘先出到先評味道，10分可俾7.5分，雞肉夠滑，咕嚕肉雖經過外賣盒焗過，不過不失但是，萬事就係差一個但是，薑蔥霸皇雞只係俾個雞架，無翼無脾，我食左個寂寞味道，難道外賣盒太細放唔入要放棄最多肉既部位？但係個外賣盒係有大有細，都唔使專登選個細個盒架？曾在堂食叫過二人餐，半隻雞正常上碟，轉成外賣就出事，縮數縮到太恐怖，慎之慎之

如果一家餐廳的食物很好，但服務員經常不理人，這會影響整體用餐體驗。建議店家改進服務態度。如果店家能夠改進服務態度，那麼整個用餐體驗會更加愉快。如果你喜歡大份量的雞扒，那麼這款雞扒絕對是一個不錯的選擇。大份量的雞扒可以讓你吃得飽飽的，同時也可以讓你享受到美味的口感。如果你喜歡咖哩，但這家店的咖哩不好吃，那麼建議可以選擇其他的菜品，例如這家店的麵包，聽起來非常好香，可以讓你享受到另一種美味。 總的來說，如果這家餐廳的服務員不理人，但食物質量好，那麼建議可以向店家反饋問題並希望店家改進。如果你喜歡大份量的雞扒和好香的麵包，那麼這家店的菜品也是非常值得一試的。

呢度餐牌既食物相片都好吸引，本來想叫滑蛋蝦仁炒河，但佢話冇河粉咁佢話可以轉飯，咁我話ok，黎到變左蔥花蝦仁炒蛋飯，即係滑蛋變左熟蛋，本身諗住整左就算，男朋友就好嬲，因為佢個撈麵餐都煮得好差，係冇味既，之後佢同侍應講，侍應唔明蔥花蝦仁炒蛋飯同滑蛋蝦仁炒河轉飯有咩唔同，仲叫左個比較高級既員工過黎，雖然佢都唔明，但最後侍應都話再整過俾我地，不過黎到都係熟蛋但冇咁熟，之後我懷疑佢地係整唔到相片個效果，整唔到其實可以講既，我咪叫第二個餐，點解要格梗整俾我呢🥲我好唔鐘意食蝦仁炒蛋，但滑蛋蝦仁係ok，乜真係咁難明咩？滑蛋蝦仁係有芡汁架嘛，蝦仁炒蛋係乾身，點解做飲食可以分唔到？🙂呢間野都係得個外表，食落唔掂。。。。不過檸茶幾得意，冇檸檬，但有檸味。

諗住試但叫過早餐食， 好平常嘅沙嗲牛麵早餐，點知嚟到極其難食，個面底係福麵， 成碗麵都係個幅面嘅味精味，即係煮都唔使煮搵滾水浸淋嗰隻，上到枱仲係硬掘掘，個沙爹牛肉呢一啲沙嗲都冇，食落去仲有啲黑椒㖭，應該係啲黑椒牛扒賣唔曬，用嚟當沙爹牛肉賣，垃圾成咁！ 即係平價覆面上面加少少隔夜黑椒牛肉。杯奶茶都叫正正常常嘅，仲有個炒蛋炒到水汪汪，極度懷疑個廚師係唔識煮嘢，多士硬掘掘，牛油都冇，直接放棄掉落垃圾桶， 唔怪得閒嘢成日都冇人。

發現order餐飲出錯要求職員更改，女職員叫我submit 先之後幫我改，但佢繼續忙送餐未理會我，之後搵另一個男職員求助，佢話幫我delete order叫我重新order，結果recheck 單共order8個餐+2杯extra 飲品，根本完全無delete 過，於是送餐職員不停送食物比我，不停舉手搵返男職員但佢扮忙，女職員話叫廚房停餐，之後食物到齊但餐飲就真係停止供應，另一位送餐女職員問我欠咩餐飲⋯⋯⋯其實用手落單真係咁難咩？已經指出電子order有誤都唔願意幫忙更改，結果搞到double order😤

呢間茶餐廳成日已經要等好耐，都算。上次買完之後，返咗屋企等咗半個鐘落返去攞，佢竟然話賣曬，叫我轉第二樣嘢。心諗你半個鐘前我落單你唔講。我想退錢，佢話嘢飲做咗退唔到，fine，咁我換嘢。點知返到屋企先發現根本冇做到我第三杯嘢飲（我order左三個餐，袋裏只有兩個餐）。好，今次我再比機會佢，我10:56分買早餐，佢話等10分鐘。點知我坐咗係果度等咗40分鐘，中間催咗一次，催第二次嘅時候佢再問廚房，先話原來冇通粉。我白白浪費左40分鐘，佢話退錢。退完錢一句唔好意思都冇就行開左。依家11:40分，邊度都冇早餐賣轉曬午餐，浪費曬我嘅時間！態度極差！等候時間超耐！店面非常混亂！

今日早上來到餐廳，已經見到有兩枱人投訴漏單，追極也未有受理，只推說廚師是第一日新來，不熟悉流程blah blah blah.叫了香腸午餐肉公仔麵和豬扒麵，炒蛋同埋多士，午餐肉比以前少，得兩小塊，同以前三大塊厚切好大分別，豬扒麵嘅湯完全無味，如水一般，炒旦凍冰冰。奶茶漏單，三催四請先送來。最好笑嘅連埋單都要等5至7分鐘，樓面得一個人，忙着打外賣單，其他侍應就縮咗去後邊，企響度只是入手叫人入去，自助收銀機又壞咗。全餐廳一片混亂

好明顯晤夠人手，－位呀嬸伙記服務態度非常惡劣，食物質素麻麻，似快餐店，整定D食物，上到枱係唔熱嘅，環境衛生麻麻，－入去已經見到地下，枱底都有垃圾，冇下次，唔會再去

我未試過等外賣早餐要等半個鐘先有得攞，未食就飽哂！問佢得未，話就得就得又等左十分鐘，早知我自己係屋企整俾老婆食仲快！如果堂食真係咁好生意咪停左外賣又或者同人講聲要等幾耐囉！無謂搞到人地一肚氣丫！

今早特登揸車去鴨脷洲牛奶冰室食早餐，叫左火腿 通粉，牛奶麥皮套餐各一。飲淡我最愛嘅凍檸茶少冰檸檬汁濃啲-⭐️⭐️⭐️⭐️⭐️五錯。火腿通粉湯底五夠熱，失分⭐️⭐️⭐️，多士凍嘅⭐️⭐️，炒蛋凍嘅⭐️，牛奶麥皮本身係無味但上枱起碼都熱。伙記整體員工質素，服務態度比跑馬地差，淨係掛住吹水⭐️⭐️。下次唔會再嚟呢度食早餐寧願揸車去跑馬地 ,冬天梗係想食個暖笠笠嘅早餐，特登揸車嚟食左個冬兵兵嘅早餐好失望。希望牛奶唔會變成翠華

今朝一早要去到老遠，11:00諗住搵下有冇早餐食。又有喎，平平地40幾當午餐都好。😂去到門口比佢啲面包香味吸引住，原來佢自家出面包。即管一試！叫左個五香肉丁米+牛奶炒蛋蒜蓉多士。五香肉丁米不過不失，食完再試牛奶炒多同多士！一試，嘩左一聲，好好味，蒜蓉多士香而脆，夾炒蛋一流！炒蛋係用牛油加牛奶炒，滑喐喐，唔錯唔錯！見其他人食牛角包餐，有牛排/魚柳/雞排，好似都唔錯。下次再來可以試吓佢啲午餐先😋😋😋

今晚8：08到海怡半島牛奶冰室落 order椒鹽排骨和熱0水，但味道太鹹，和店員反映後，但店員只回覆，就是咁樣的味道，又無作出更換新排骨飯，感覺上入了 hate店，只吃了少許就離開，咁樣的飯，收74元，實左太差.....以後不會再到來吃飯