牛奶冰室 (海怡西商場)

营业中

休息中

點了個下午茶餐，芝士火腿三明治，餐牌張相兩塊大火腿，啲芝士流晒出嚟，諗住好好食。點知嚟到，兩份三層嘅三文治，用咗一塊火腿同大半塊芝士。真係驚天動地，泣鬼神。用最犀利嘅粗口都表達唔到嗰種震撼。

叫左3個小菜，俾漏咗2個白飯，落大雨落到返屋企先發現。打返去同佢講俾漏野，佢個員工叫我自己去攞，我話落咁大雨你俾漏我叫我自己攞？佢跟手就話‘‘咁你落樓下買2個白飯我下次減返你錢。’’我話‘‘我落樓下咪即係返黎攞？’’跟住佢先肯送返俾我，仲要一個鐘後黑口黑面咁攞上黎。

此行特意重拾孩時冰室回憶，當年當然不是牛奶冰室，只是屋邨的普通冰室一間。红豆冰味道跟記憶一樣，太太就加了雪糕，沒失望。西多嫌花生醬少了點，不夠滿足。鷄翼一流，即炸且肉嫩滑，沒過火，"赞"。其它，一般冰室水準沒特別。

經過商場，發現有新餐廳，所以就試下，門口仲要有個大位置係賣麵包，咁岩坐到中間既位置，有sofa 坐，試左下午茶既紅豆西多士，係幾大份，我仲配左杯涼粉鮮奶，清爽一下，都係正常既味道～

今日放lunch去咗海怡半島商場入面嘅牛奶冰室嗰度食，喺門口等咗5分鐘之後一坐低諗都唔諗就即刻叫咗佢嗰個叉蛋飯，隨即叫埋跟餐嘅凍檸茶，我覺得個蛋好正叉燒都唔錯下次放lunch可以再翻兜。

諗住去行海怡Outlet ,先醫飽肚先，地鐵站附近有個海怡西商場去睇下，發現有間多人排隊牛奶冰室就去試下，等左5至10分鐘就入座，位與之間都好逼下，叫左叉燒蛋飯同雞肉河粉，味道不過不失，反而埋單時，有埋麵包買，選擇了竹炭面包有意外驚喜🌟

見是樓下新開的茶餐廳，就去試試，誰知中伏。首先，這茶餐廳把自己當快餐那樣做，食物不是即叫即做而是一早做好的。早餐的多士因為不是即焗，已經不脆了完全“淋”了；炒蛋好像有些出水了，水汪汪的；番茄肉碎湯粉的湯都沒有煲滾，都不夠熱。鮮茄焗豬扒飯也不像是即叫即焗，而像是一早焗好的，放了太久，所以已經不夠熱了。如果即叫即焗怎麼可能不熱呢？食物做好不是立即送來的，而是放在一架手推車上，要等齊一車不同客人的食物才會一起推出來，然後逐枱分派，派到一半又會突然走開去做其他事，做完後才又回來繼續派，這樣食物就更不夠熱了。而且他們沒有罩着食物，沒有任何保護，客人都在進食所以都是沒戴口罩的，假如推車途中有客人咳嗽實在不堪設想！