牛扒先生 (東港城) (已結業)

難得今天早收工，可以去遠D地方搵好西吃。朋友話想試下依間，覺得半自助餐這個價錢好抵，食物都好吸引。我地因為沒有訂座，打算6點左右就去等位，點知時間尚早，竟然冇咩人! 環境非常不錯，仲安排我地坐喺較靜的卡位。睇到食評，大多數都係食午餐，因為價錢更平，又可以當brunch食!雖然來到steak house，應該試下D扒嘅，但我不想吃得太多肉，所以揀左「帆立貝龍蝦汁意大利飯」$178，佢地都叫了「豬手配薯蓉」$208。落單之後，就即刻走出去沙律吧夾野食啦! 隨後送上每人一杯熱的「菠蘿茶」，但我覺得餐茶送咖啡奶茶更好。(菠蘿茶D 有甜，不太合口味)今日餐湯係南瓜湯，不會太creamy，唔會撐飽你。有抺茶包可自取。沙律吧有自己拌的田園沙律，旁邊有幾款醬汁比客人拌勻。另外，有12款各色各樣的沙律。我都試左好幾款「華都夫蘋果西芹沙律」、「櫻桃蕃茄水牛芝士」、「草醬烤南瓜」、「燒野菌帶子」、「日式青瓜蟹柳」、「亞熱帶雜果蝦」、「香草燒雜菜」。另外這些我沒有太大興趣，有「香烤燒雞意大利麵沙律」、「牛油果粟米」、「木瓜沙律」、「慕尼黑著仔」、「芝麻醬豆腐」、「芝士腸仔XXX」。還有，2款火腿片、橄欖等等.

周末試吓呢個brunch，點了個主菜意粉，主力係自助形式既食品。南瓜湯，火腿，什果沙律唔错，甜品花款都算多，啫喱，桂花糕,豆腐花，芝士蛋榚都有，不停refill, 味道ok, 主菜當然，一般，不過勝在價錢大衆化，相當抵食。

之前係牛龍灣同銅鑼灣食過一次，果陣唔為意，但今次去坑口分店都有問經理係味每一間的午市半自助餐菜式都不一樣。答案原來係～我個人覺得九龍灣的前菜比較新鮮、乾淨同味道較好。我最鐘意係九龍灣有九肉burger成隻手甘大，肉質都幾juicy坑口的環境比較昏暗，食品種類都多，南瓜湯同麵包都幾好吃。但沙律好似唔夠其他分店新鮮，果日係星期日，好彩人流都唔多，尚算ok。 All day breakfast 個蛋煎得幾好，薯蓉都唔錯，個三文魚有d咸，平時會用美國腸，民個腸有d hea。 $108通粉都唔錯，雞胸同長通粉份量適中，有好多芝士片舖面。$88我覺得甘既價錢同份量都唔可以要求甘多，所以都算食得好開心。

今日又來食semi buffet沙律吧基本無乜變主餐牌就轉左要左蕃茄肉丸扁意大利粉，帆立貝龍蝦汁意大利飯，同特色二重奏，烤豬肋排加香草燒雞蕃茄意大利粉合格，蔬菜味，不會太濃龍蝦汁意大利飯就較遜色，無乜海鮮味烤豬肋排最出色，肉汁豐富，而且肉嫩燒雞是雞扒加雞脾，肉質未算嫩滑，也不算鞋，不過不失吧當晚餐湯是洋蔥湯，非常足料，但未夠鮮甜甜品方面，白森林朱古力蛋糕夠特別，而且味道也很好，糕體鬆軟，白朱古力也不會過甜👍

今日lunch見唔使等就有位坐，所以就去咗食啦呢間分店價錢比較平個蕃茄湯好濃好好飲，飲咗兩碗沙律前菜選擇好多啲菇菇好好食！有款係蟹柳加青瓜同酸蘿蔔都好吸引！仲有我喜愛嘅南瓜豬柳好好食，肉質夠淋，好juicyAll day breakfast 就無乜特別，其中啲煙三文魚超咸甜品款式幾多味道都good呢件蛋糕好軟好好食凍豆腐花就怪怪地，味道一般杯凍咖啡就好孤寒得半杯多少少最後發現有我最愛嘅南瓜湯出現但味道一般咋！無乜南瓜味百幾蚊個餐，食到超飽好滿足

This was the second time I went Mr.Steak to celebrate birthday as I think it was a good place to enjoy a birthday dinner without paying any fee to serve the birthday cake. We can ordered two “John Dee Gold 150 Dy Grain Fed Rib Eye Steak” and a Mixed Grill Platter. The taste was good and with a large size. I ordered for median rare, however I thought that 1/4 of my steak was same with my friend who ordered median. Services were fair and there was various type or salad which can satisfy the one w

星期六夜晚成個東港城都要等位食飯, 而呢間就仲有少許位置, 不過帶位入座職員確實一般, 完全無處理門外客人。半自助晚餐$148起, 當晚要左蕃茄肉丸意粉($148), 同埋豬肋骨配燒雞($195)。餐廳座位其實唔算逼, 不過當日全部都係一家大細既家庭聚餐, 有老有嫩, 所以非常嘈吵, 而且拎野食果到只係一個長bar枱, 食物選擇係幾多, 所以客人都會有排夾, 每次都要同人逼住夾野食。講左salad bar先, 有個蕃茄湯, 幾難飲, 不過其他沙律選擇都幾多, 紅菜頭/南瓜蓉/pasta salad/胡麻豆腐, 每一款都試左, 味道都唔錯, 仲有幾款cold cut, 同埋凍既scone, 基本上食呢d都食飽。甜品都有10款以上, 不過d mousse cake就無試, 睇落好一般, 仲有生果/jelly/布甸等等。蕃茄肉丸意粉都煮得幾彈牙, 麵既份量都幾好, 個汁幾fresh。豬肋骨就standard味道, 不過燒雞比較鞋。overall黎講, 如果一家大細黎食係幾抵, 不過環境就真係爭d。 

為左生蠔先Order呢個Set，點知黎得蜆2隻、海蝦3隻同青口2隻。後尾問返先話生蠔無貨，改左其他份量多d，落Order又唔同我地講，Menu又無寫，佢一句話出面個牌寫左😟（後尾食完出返去影）其實都已經嬲嬲地，如果有改動唔該Menu都改埋啦，Order過陣又唔出聲同人講。見埋個飯就更嬲，你相信佢係義大利飯嗎？佢竟然係龍蝦汁帆立貝義大利飯，但食落同炒飯無分別，仲要係無調味，只有椒味，龍蝦汁去左邊？食左幾啖真係食唔落我寧願去茶記食炒飯都好食過佢

長週星期六 難得Ben哥有車緊係出寶琳將軍澳工業村實在太多蟲蛇鼠蟻竟然有堆曱甴走左入車 仲要fly!!!!!! 嚇到我同另一位女同事尖叫😫😫😫😫清潔後為左路上安全 去最近既坑口食算啦一心諗住食元氣定驚 東港城元氣門口企左堆人叫到16號 我地48號 唔係掛望下隔離mr steak Semi buffet 最平個餐$88加一先100蚊左右 平過食元氣啦12點半到 坐左大半 入門口經過甜品部＆沙津bar好多野食呀😍😍😍😍😍😍原諒我冇影相見到堆沙津咁吸引 主食叫我平既出去食長通粉出面有得夾 揀左炸魚＋蟹肉薯餅 其實夠算死草既話 不妨打包個主食外賣d沙津真係好好食 如果主食食飽食唔到沙津實在太可惜啦沙津Bar全部夾小小試齊 全部都好好食呀😍😍種類多超過6種 有菜有菇有粉類蔬菜豆腐火腿咩都有！！！好開心呀～～～hohoho感覺好健康 均勻飲食 好fresh 🌽🍆🥦🍅🍄🍞甜品除左麵包布丁同豆腐花冇食布朗尼好好食 紅豆麻薯好好食（必食呀）cheese cake好食 綠茶cheese cake好食 大菜糕冇乜味正常 Puff正常 啫喱糖正常最後生果好食 完滿結局❤️❤️❤️中女的胃滿足 心也滿足了 （好易養。

星期六晚和家來到東港城新開me steak形式係半自助餐，先叫主菜，之後就可以出去夾沙律凍盤款色好多，最鐘意佢個南瓜沙律，好清甜，好食仲有湯飲，今日係蕃茄湯，略嫌太酸主菜揀左燒春雞配牛扒牛扒真心唔好食，冇牛味，仲有陣燶味又鞋。。好失望，春雞反易仲好食建議對食牛扒有要求的都係揀反最貴肉眼會好d

食主菜：由於我唔食得海鮮 所以叫了另外set- 150days rib eye! 老公叫了海鮮set - 豬肋骨&牛扒！比想像中ok! 7成都ok林！同一毛病 seafood set 無生蠔應在下order 說明會較好！Salad and dessert ：buffet 選擇不多！但甜品味道唔太甜. 我和老公不太喜歡甜品都喜歡吃！Drink：Non seafood set 送的菠蘿特飲 好像藥水似！沒有飲到！服務態度：Ok!

將軍澳坑口東港城商場上層新餐飲區域於半年前終於裝修完成，以前的 TASTE 超級市場變成 YATA 一田，並有多間新餐廳進駐。居住在西貢多年，出外吃飯選擇不多，時常會走到鄰近的坑口站附近覓食，多了幾間餐廳，實在令人歡喜。而 MR STEAK 就是其中一間新餐廳，以前在葵芳吃過，食物不錯，見它的半自助餐由 $148 起算便宜，這個價錢除了主菜及飲品外，還有任食沙律、餐湯、甜品，不能有太高要求吧？試過以後覺得食物不算很出色但絕對合格與值這個價錢，雖然服務有需要改進的地方，但實在不理解為什麼在食評網上大多評分麻麻…主菜選擇都不少，較便宜的是煙肉野菌忌廉寬條麵 $148，脆軟殼蟹野菌意大利飯 $158，醬烤焗豬背排（即是豬仔骨）$178 算便宜，原隻迷你燒雞 $168 也合理。至卡牛扒就 $188 / $198 / $238 與 $258 不等，而雜扒拼盤有齊安格斯牛扒、羊扒、香草燒雞和昆布蘭腸 $223 感覺比較化算。愛吃海鮮的話也有龍蝦生蠔餐單可以選擇，除了飲品與任食的沙律、湯、甜品一樣之外，附帶生蠔 2 隻、海蝦、蜆及青口的海鮮拼盤，主菜選擇有法式芝士焗龍蝦配安格斯牛扒、豬柳扒或海蝦扁意

今晚男朋友接我放工想一齊食下西餐所以又黎返食過好味嘅西餐廳最喜歡呢度嘅salad bar有好多款選擇淨食沙律都夠飽本來上次黎，有得淨食salad bar㗎但今次無了，可能係蝕大本😛😛😛意粉沙律好味！添了兩次！火腿都好味！雜菜湯勁足料，不過有啲意粉喺度，好搞笑😂食左兩輪前菜後上主菜了揀左芥末豬柳扒，同蕃茄肉丸意大利寬麵豬扒唔錯，賣相靚，而且幾香口未算好軟淋，但也不鞋口中間有肥有瘦的地方比邊皮更好吃加上芥末，好味！蕃茄肉丸意大利寬麵男朋友話幾fresh，因為食到是新鮮蕃茄不過調味不夠，很淡自家肉丸有調味，但又是不均勻一粒有味，一粒無味跟餐送兩杯熱菠蘿檸檬蜜有點過甜，要自行加熱水溝淡先好味飯後仲有胃納食甜品豆腐花不算太甜，不過都合格綠茶撻我本來幾期待嘅，不過食落一般反而細細粒的焦糖咖啡餅，幾好味！

之前食過幾次呢間晚餐都覺得啲蠔唔錯，幾超值，但今日就無得叫蠔，係因為落order嗰陣先同我地講話個蠔牌renewal(其實唔明點解入座之前唔同我地講，或者寫個牌出嚟比大家睇下)主菜都算嚟得快不過味就合乎預期啦(覺得去非扒房鋸扒就預咗味到一般)，不過個side dishes嘅味真係怪到嚇親人，個薯蓉太重牛油味。其中一個賣點Salad bar都幾好，不過今日dessert bar就失色，無咩款式同埋出得好慢當我地差唔多食完之際，杯餐飲第80分鐘先嚟，未開始飲就已經叫離開，仲話出面好多客可唔可以快啲走我想話唔係話可以食足90分鐘㗎咩？啲服務態度真係勁差，最恐怖就係我地一走嘅時候有個waiter執枱嗰陣快到淋濕埋我(都仲未開始行出張櫈)唉好失望，無下次真係極到懷疑間餐廳係咪已經轉咗手，連酒牌都無埋，甚至連啲staff都轉咗

在坑口站想找舒服的餐廳，路過此餐廳門口時被展示的自助食品吸引，見到半自助餐的價錢也不貴，視乎主菜決定價錢，便儘管試試！前菜的選擇不少，沙律夠新鮮，cold cut 及日式螺肉都ok, 南瓜蓉很甜，令我忍不住食完又食！因為不吃生蠔，便點了中價的2款牛扒。香料牛扒配焦糖洋蔥，肉質夠淋但調味過甜，即使不吃焦糖洋蔥都仍然太甜，蓋過了牛味，配的薯仔煮不夠透，仍硬硬的！另一款薄西冷，薯仔有相同問題，但牛扒味道及肉質算不錯。食完主菜已經差不多飽了，但見到那麼多甜品，便儘量選少許試試！芝士蛋糕品道ok, 泡芙一般，水果及啫喱好味！整體來說，以$2xx便能吃到半自助晚餐，算是抵食！但用餐時間只有90分鐘，大約70分鐘時，士應便會自動來結帳，感覺催促，又不能加錢加時間，感覺大家食飯便是食飯，傾多幾句都無時間，因此只合為食而來的朋友！