牛摩+ (新都城中心二期) (已結業)

久違既打邊爐😍😍最近無啦啦想Shabu shabu，又懶得買同整，就即時揾左間係屋企附近既任食火鍋店，牛摩。牛摩有好多分店，但最近我既就係將軍澳新都城店地點方便，新都城二期3樓，係千色店附近！好耐之前都食過，疫情停左一排，但印象都幾好食，環境又坐得舒服！係店鋪門口仲見到有之前未見過既雙牛放題套餐岩哂我呢個牛魔王為左安全d，避開多人時段，我地一到晚巿時段，6點就入左去食。無咩人！而今次我就同老婆揀左上面介紹過既精品鍋雙牛套餐，每位$288加一，食落d牛堅靚，物有所值呀兩個人可以選擇兩種湯底，我就揀左椰子雞湯，同埋越式牛肉湯，上枱見到都吸引，香味十足。椰子雞湯入面仲有半隻雞，食落仲好滑好幼。建議大家係shabu shabu前就先飲下湯，特別係椰子雞湯，味道清甜，入口滋潤侍應好快手就上左牛小排、封門牛、牛頸脊等主打牛肉，雙牛放題係可以任食，真心抵。先介紹我最鍾意既牛頸脊，油花均勻，肉質爽滑，牛肉味香濃之後就係封門柳，聽講話每隻牛只係得一條，十分珍貴我都係第一次食，封門牛細細片，顏色比較深，食落肉質比較軟，但都肉味重，感覺上脂肪較牛頸脊少但肉味同樣夠濃郁每個人既口味各有不同，不過總有一款牛岩你

價錢合理相比其他火鍋店平少少食咗牛豬雞組合肉類可以接受眼見坐2人細枱就一人一鍋四人座位就鴛鴦湯底湯底味道都OK夠味飲品甜品雪糕都係基本自助區都多選擇以下就係重點大約食咗45分鐘見到員工執枱佢居然將客人未食完嘅嘢放返去自助區即刻眼都突唔敢再食本身諗住同啲員工講但係啲員工只會拎返入廚房等你走咗再拎返出嚟同埋只會心諗你怕唔好出嚟食啦所以同佢講係冇用唯有大家注意啊以下附送一張員工將個蕎麥麵放返去自助區其實一睇就知係邊份只要當客人拎返返自己枱度仲要用手掂過同埋談話期間其實已經啲口水飛落蕎麥麵度真係諗起都唔想再食

平時因為好大食 所以通常都會選擇食午市放題🤤等自己有多d時間消化 身體都健康d🤣今次想推薦呢間我成日食嘅shabu shabu set lunch!-🌟午市單碟 & 60分鐘自助區放題🍲60分鐘放題會包一碟肉類其他肉丸、蔬菜、飲品同甜品都係任食！只係比連鎖快餐店貴少少就可以食多好多野真係超級抵食🤓-肉類方面有豚肉、雞肉、牛肉可以選擇亦有提供唔同質素嘅肉類雖然平日（星期一至星期五）同週末（星期六、日）係唔同價錢但係差距只係幾蚊 唔會好似其他餐廳咁加好多錢-至於自助放題區有好多唔同種類嘅肉丸例如豬肉丸、牛肉丸、香菇貢丸同白魚蛋仲有獅子狗、腸仔同豆腐呢d打邊爐必備嘅食材-而蔬菜方面亦都有生菜🥬、韮菜、菇、粟米🌽、南瓜、金菇等等可以鼓勵食客均衡飲食-湯底亦都有好多選擇除左平日日式火鍋常見嘅湯底之外呢度仲有特別嘅越式牛肉湯同意式芝士蕃茄湯🧀🍅 -甜品方面餐廳會有部雪糕機提供北海道乳酪雪糕同朱古力雪糕🍦而且亦都有泡芙、小蛋糕🍰、大福呢日我地好好彩 仲有雪米糍食！-飲品亦都有汽水機🥤同咖啡機☕️
最特別嘅係呢度仲有沙冰飲！加多少少錢（$39）就有啤酒🍺/清酒放題🍶-食物嘅質素都唔錯唔知係咪得一碟嘅原固

唔少身邊嘅朋友成日問我哋有冇啲火鍋外賣套餐推介😳。平日好多時我哋都自己買料（有爸的小孩是個寶😌)，今次終於試咗間火鍋外賣，仲要係黃店💛‼️值得講吓牛摩所有牛肉都唔會刨定雪過夜。全部當日即刨,，感覺肉質更點都好啲。.📍港式封門柳大滿足套餐 ($358)封門柳牛肉 (200g)、特級牛肉 (300g) 、雞肉豚肉 、滋味火鍋配料拼盤 、磯煮鮑魚 、加州反卷.➕追加港式酸甜番茄味湯 ($30)、火鍋配料盛合 ($98)➖➖➖➖➖➖➖➖➖➖➖➖➖➖➖套餐有2款牛肉🐂，封門柳牛肉同特級牛肉前者部位每隻牛只得一斤，油花少啲但肉味較濃。後者口感軟滑，打邊爐必備。🐓雞肉麻麻哋，口感較實唔夠嫰。🐖豚肉雖然薄身，但肥瘦均勻，唔會嚡口。🍲火鍋配料拼盤內有牛摩魚糕，印有可愛嘅牛摩圖案🐮。當中草根最重中意芝士竹輪同芝士海鮮豆腐，好香芝士味，芝士控應該會大愛😍🧀。另外仲有芝士腸、貢丸、蘿蔔、南瓜🎃、芋頭、同大量蔬菜🥬。🐚日式磯煮鮑魚，鮮甜惹味，口感彈牙🍣日式加州反卷，等啲食物淥熟前做前菜啱啱好🤟🏻.原本驚唔夠食另外加多咗個火鍋配料拼盤同蕃茄湯🍅，貪佢方便唔使自己煲，點知個餐大到4個人完全夠晒食，外加嘅火鍋配料可以留

牛摩+嘅午市自選放題火鍋好抵食，未夠十二點已經有唔少人排隊我同朋友兩個叫咗一個鴛鴦鍋底，嘢食嚟得好快好齊全特級牛肉雪花均勻，方便夾起，一開始仲有豚肉，然後就係自己去自助吧攞嘅配料自助吧好多嘢揀，望落啲配料有超過30款 火鍋電子爐好給力，全程keep住滾燙，暖笠笠番茄芝士鍋嘅湯底食落比較清甜，咖哩鍋雖然比較濃，但係比起想像中都尚算淡，好彩唔使太過重口味 食完一碟牛之後我哋都encore咗兩碟，追加嘅牛肉都係刨得好靚 幾推薦食佢呢度嘅自家餃子：黃色皮嘅係粟米豬肉餃，入面嘅粟米好飽滿，肉汁都好鮮甜白色皮嘅係普通嘅菜肉餃 有一嚿印住牛摩公仔嘅魚蛋，食落嘅感覺有少少似韓國嘅魚糕 沙律吧嘅選擇除咗有一般嘅菜，粟米，蕃茄等等，仲有日式嘅小菜：包括螺肉，八爪魚，中華沙律等等 食日式火鍋又點少得乳酪雪糕北海道低脂乳酪味嘅雪糕，配埋早餐嘅麥片脆脆，口感好豐富 菜嘅選擇都幾多，驟眼睇落去都有5，6種唐生菜，油墨菜，旺菜，椰菜，韭菜，紫菜，芽菜...... 雪櫃係經典放題嘅甜品，有泡芙，和菓子同埋芝士蛋糕，布甸等等 唔同嘅脆脆有唔同嘅口感，包括有蜜糖星星，可可脆片同脆豆，最後加上細細粒嘅棉花糖，係好甜美嘅一個

呢幾日真係好凍，最啱打邊爐！今日同朋友去咗牛摩打邊爐做lunch！😬原來依家有午市放題自選優惠，可以單碟放題（最低有8折）或者90分鐘放題（12:00-17:00都有！$99起）。我地當然揀90分鐘午市放題先夠滿足嫁麻！🤣湯底方面有好多選擇，我地揀左蟲草花雞白湯同壽喜燒湯底！前者有益，後者夠濃味😋美國精選牛肉、美國特級牛肉同豚肉會隨湯底送上，特級牛肉比較有牛味，但精選牛肉肉質比較好，豚肉幾爽口，不錯！肉類方面仲可以refill！😬自助區有麵類、蔬菜、丸類（超過30種），仲有前菜、甜品、乳酪雪糕、飲品！D蔬菜類都好新鮮！丸類我最鍾意油揚、貢丸同芝士竹輪！甜品隻隻都幾好味！最後食埋乳酪雪糕，幾滑！然後望一望個錶，原來已經夠90分鐘！呢90分鐘真係好充實！大滿足！😋😋😋埋單先知可以2選1: 90分鐘放題免加一或者午市90分鐘放題4人同行3人收費，超抵啊！😆但限聚令緊，2位以上就需要分枱啦～～

天寒地凍又咁啱放假，真係床都唔想落訓到11點幾先施施然街打邊爐適逢牛摩做緊午市放題自選優惠，當然去打邊爐牛摩做緊單碟放題低至8折同埋惠顧指定午市90分鐘放題最平$99 (仲可以12點至5點任簡),好彩我們去得早，唔夠1點鍾就開始要等位難得放假當然食好D,最後簡左任食特級牛肉放題🤤有得比你簡岩曬 而家疫情需要 的一人一鍋 同鴛鴦鍋底，反正同家人食所以簡左意式芝士蕃茄湯 同 蟲草花雞白湯 鴛鴦鍋底特級牛肉一D都唔肥，牛味濃，果然冇簡錯放題超過30種配料任選，仲有前菜、麵食，飲品完美的一餐當然要有甜品、乳酪雪糕，呢度仲係任食，真係飽都要食埋我們2個食90分鐘放題可以免加一服務費。如果4人同行仲只收3人收費，超抵

今次見紅日放假早少少試夜晚港式火鍋 🇭🇰 ⬇️依家有個港式風味牛任食、餐牌寫住七折價有208同328選擇，本身想試328餐有手切牛同安格斯牛柳粒任食。黃昏五點半去到門口姐姐已經話唔建議我哋食328餐因為手切D牛解凍唔切而紅日關係日頭太旺場、佢怕我哋唔夠喉所以我哋就揀左208任食而嗰個乜嘢封門柳就係機切，假日另外加$10再加一。⬇️湯底揀咗港式芫荽湯配越式牛肉湯底。一開始碟牛肉都好吸引好靚、越式牛肉湯底好似平時Pho嗰啲味道而芫荽湯就冇平時火鍋店咁夠味，任食海鮮有蜆同蝦每次叫一份大約有六隻。⬇️D蝦都大大隻、蜆一般般有時都有沙。不過你叫任何野佢地都好快上、而港式餐有四款凍茶可以叫，綠茶或者烏龍茶但啲味都係一樣冇乜特別。最後都係飲返出面啲汽水算哈哈！⬇️佢哋嘅服務都幾好、而且越近食飯時間越旺場。六點幾開始仲有壽司食但D飯好鬼大嚿，亦有沙律螺肉海草任拎、出邊攞其他火鍋配料都好多選擇又乾淨，講真食得幾開心。⬇️除咗出邊甜品櫃有泡芙芝士餅同埋雪糕沙冰、港式套餐仲有港式甜品不過好鬼難食，好似係芝麻卷同埋馬豆糕 ⋯ 連侍應都問我哋係咪唔好食！⬇️埋單三個人$744以假期來講都唔算貴、我自己就覺得$208餐其實都

每日溫差都好大，又開始涼返，仲唔係打邊爐嘅好日子！今次我地揀左尼個手切牛套餐，講真張poster已經好吸引，叫左雙拼湯底！分別係港式沙嗲芫荽皮蛋湯底，沙嗲味香，好惹味不過都估唔到閒日夜晚都幾滿～介紹下啲側邊嘅野，其實除左牛之外，啲甜品都超級吸引，同埋泡芙真係食極唔厭，又會froyo,又有小食同埋沙冰，真係唔會悶！而家佢本身都包左枝茶，可以揀玫瑰/烏龍/茉莉，balance返食得太多肉，岩岩好跟住當然要講主菜！雖然重點係牛，但都想講講啲海鮮，個蝦女新鮮同彈口，而蜆，係無沙架！！好重要，證明係乾淨嘅！手切封門柳！！！特別推介即叫即切同埋切到好厚身好正！勁有口感尼個一口牛超正！！但小心千其唔好碌過龍呀，岩岩好嘅話，個texture係軟+滑，唔係咬唔斷個種！

新都城其實有牛摩同埋日牛、自從食過裝修完之後既牛摩就完全唔想返去食日牛！⬇️之前八月因為有員工確診開返之後有折、之後九月下午又免加一，而家十月變返正常價而且超級多人、下午兩點幾去仲全場一半學生哥。午市任食豬牛雞最平$105再加一，即係$115.5一個人埋單算好抵！如果唔揀任食就咁一盤肉應該平廿幾蚊。⬇️入場之前揀湯底同價錢、一坐低自動波會上一盤豬一盤牛同揀好咗嘅湯底，如果想食雞就要出聲叫但好鞋所以冇再叫過。佢嘅牛肉都幾靚感覺好過日牛、好多枱包括我地都有 Refill 牛，豬肉就冇牛肉咁好食！⬇️出面攞嘢食一定要戴口罩、選擇好多成日都唔一樣，有貢丸牛丸粒豬肉丸粒仲有冰豆腐甚至腐皮結、總之選擇係比起日牛多好多。而且佢有沙律菜、蕃茄菠蘿粟米海草同螺肉冷烏冬任拎，嘢飲有冰沙有咖啡茶亦有汽水！⬇️甜品一樣精彩、雪糕有朱古力味同牛奶味另外又有泡芙同小蛋糕！性價比真係好過日牛，始終多選擇太多。湯底亦都有好多款、港式蕃茄酸酸地，每次都叫壽喜燒甜甜地豉油味。仲有乜嘢越式牛肉湯下次可以試、之前試過咖喱湯亦好香！⬇️⬇️而家嘅一兩個人座位就比較貼、不過如果三四個人都好坐既。有啲位係獨立鍋而有D就一個鴛鴦鍋任君選擇，服務

牛摩同男朋友行寶林新都城，新都城實在太多餐廳完全唔使擔心會同餓親，純粹係要諗好耐🤣🤣🤣有選擇困難症嘅我！想打邊爐過下癮食呢間就啱晒！.❤美國精選牛肉$159佢會包埋豚肉同雞肉‼️以上三款肉類任食其他就可以出去攞😝精選牛肉質素其實都幾好👍🏻👍🏻，對肉類冇乜太大要求，但一定要有肉味🤣🤣🤣例如蔬菜，粟米，丸，烏冬拉麵等等😝😝出面攞嘅選擇都好多👍🏻👍🏻👍🏻✨✨✨仲有壽司，甜品同少少沙律，小食❤而且我係超級鍾意食韭菜同金菇！😭❤超級滿足到我😭❤❤❤❤❤❤我哋叫咗壽喜燒湯底，加隻生蛋，攞嚟浸牛肉就係最好食㗎！😭😭😭❤飲品方面有茶同汽水😝個半鐘已經夠晒飽！超級滿足！.平日夜晚食都幾爆！！大家要留意！！.🚨牛摩將軍澳貿業路8號新都城中心2期2樓2060-2062號舖

今晚又去新都城食牛摩，不過基於疫情，餐廳有做分隔 我哋3個人 都其實都令到位好逼，因為隔離個枱 佢地又推個隔板過嚟我都唔好意思同佢地講，免得嘈但都唔影響大家食嘢調味料都會時刻補充，唔洗驚話冇乜蒜茸個d，野飲都係大眾化可樂 雪碧 檸檬茶都有而打邊爐嘅肉丸 蔬菜都多選擇仲有雪糕不過我埋單之後發現好似收多左我錢，我有帶小朋友，佢4歲，得個90cm高我見佢有寫兒童價錢，但去到埋單 我冇留意 照碌完走人最後番到屋企掉單先睇到佢地計埋我仔做成人價不過基於番左屋企 自己又冇留意所以都由佢，不過就真係收多70幾蚊....

話說以前中學成日係寶琳新都城二期食都唔覺有呢間野，唔係實會同朋友成日尼！ 未到八點就已經超多人（平日星期三） ，等左陣先入到座。 隻牛魔王好可愛，好似長野鬼怒川果隻咁。不得不提， 雖然好忙，但侍應態度好好，亦都非常周度，提供信封比我地裝口罩， 又為我地簡單介紹點燒肉既味噌醬同落鍋燒既牛膏油， 非常有趣。 諗都冇諗，我地叫左個牛小排同海鮮放題。 有靚牛肉同海鮮， 有涮涮鍋又燒肉， 仲要價錢都唔係好貴我地先燒牛肉， 唔肥， 但口感非常嫩滑 ， 正！ 肥牛， 海鮮同雞肉都係任叫， 係任叫啊😂 點知我朋友係咁拎出面既壽司， 小食.... 我就覺得靚牛靚海鮮抵食d。壽司都有咁多款簡我覺得燒玉子唔錯海鮮都好新鮮， 我地細細份細細份叫， 廢時唒野食 佢地介紹既呢款味噌醬甜甜地， 點燒肉食一流，另外出面都有搶唔同醬汁，燒肉既火鍋既都有！ 我都幾鐘意蒜蓉燒肉汁呢d丸放落去打邊爐又得，燒肉都得！ 隻牛摩丸好食，又得意丸類同唔同種類既蔬菜都有， 真係花多眼亂食到七成飽我地終於開始食涮涮鍋是日想試既越南湯河冇了， 叫左個昆布湯同意大利蕃茄湯， 個蕃茄湯超級入味，湯底好濃，個人十分喜歡。 最後又再叫多碟肉， 其

由於疫情關係，我已經好耐冇打個邊爐，上星期同咗屋企喇去打邊爐。 揀咗呢間近近哋，價錢比較平嘅牛摩。我地豪食抵食邊爐，叫左牛小排海鮮燒烤加邊爐。套餐有得食牛小排，牛舌，豬，雞，蝦，元貝，同墨魚仔。 餐廳首先會比你燒烤，跟住先再比你打邊爐。甘多野食甘多野玩，都係300蚊一位，真係好抵！首先講下肉類嘅質素先，牛小排好高質，每次order佢都幫你refill大大碟，每塊肉嘅脂肪都分佈得好靚。牛舌好少可以係放題式打邊爐提供，佢啲牛舌都好好食，好爽嫩！要讚一讚佢啲海鮮， 啲蝦好大隻好新鮮一啲都唔霉。仲要講下佢係出面任拎嘅蔬菜，有好多種類，而且都好新鮮洗得好乾淨。最後想講下佢燒烤同邊爐嘅分別， 燒烤嘅食物香口好多！但速度慢啲，同埋冇得食菜。晚市可食90分鐘，食前就諗定幾時轉煲，定係淨揀一種食法啦😂😂店員態度親切，我會再幫襯。

市面上日式打邊爐好多，但係要搵一間係黃店嘅其實都唔容易，最近發現呢間嘅老闆喺同牛涮鍋嘅老闆唔同，又係黃店，所以嚟試下。同其他日式邊爐一樣，佢係任食放題， 有唔同級數嘅牛肉套餐，價錢唔同，我哋今次揀嘅係牛小排，$269 再加一。牛肉嘅質素其實屬於唔錯嘅，雖然去嚟到第4盤比咗碟明顯好肥既，侍應就解釋話因為嗰嚿肉咁啱可能砌到啲頭頭尾尾。我哋一晚叫咗大概六碟肉左右，都係得一碟有咁嘅狀況。至於另外雞肉豬肉嗰啲就不過不失。 另外佢都係可以自己斟汽水，佢仲有兩個沙冰，咖啡奶茶嗰啲都有。至於菜/菇/丸etc都係自己夾, 但個啲嘅選擇其實就好少，特別係啲丸好少，冇蟹柳冇芋絲個d，但有響鈴。 佢仲有壽司同埋沙律係自助攞嘅。最後係甜品，佢有個凍櫃嘅入面有啲迷你嘅泡芙﹑芝士餅﹑奶凍同水晶餅，坦白講就真係麻麻地嘅。 另外就係有雪糕，都真係屬於唔好食嘅，但係佢嘅toppings有六款，都算唔少嘅。整體嚟講，佢主要問題係食物款式唔夠多甜品唔好食，但overall係合格既。