牛摩+ (新都城中心二期) (已結業)

雖然天氣好熱, 但都無阻我同朋友打邊爐嘅興致, 就去咗牛摩試最近推出嘅美國安格斯牛頸脊海鮮90分鐘放題! 用餐當日時間尚早, 所以唔洗等候。餐廳多卡位又闊落, 出入都方便!主菜方面, 牛頸脊嘅油脂分布平均, 肉質鮮嫩, 入口仲有濃厚嘅牛香味, 啱晒鍾意食牛嘅朋友! 而我就鍾意帆立貝, 大隻鮮甜。套餐另有牛肩胛、牛板腱、黑豚、雞、羊、青口、魷魚仔嘅選擇。淨係食肉類海鮮都回本! 自助放題區方面, 前菜、沙律、丸、菜至甜品, 款式多, refill快。尤其鍾意花枝丸彈牙高質! 呢個套餐仲有另一賣點, 就係有多款炸物小食可以揀。即使個鍋未滾, 都可以食住等啦!

記得幾年前同太太去呢度食，服務同食物質素都幾好，不過依家退步了。入座前先點餐及鍋底，選好後店員帶我入座，一路行，我就問店員是否有啤酒，店員話有，39蚊位，我話一位加啤酒，佢就話要兩位一齊加先得，咁我就話諗一諗轉頭決定，坐座就同另一店員講兩位都加啤酒，呢個店員就同我講佢哋無啤酒，我即是覺得被騙，有啲失望，算吧，起身出去攞配菜，點知發現拎配菜嗰邊有小強，我同店員講，本身都係諗住講聲，等佢快啲處理一下，點知佢應我一聲”好”，然之後走咗去，佢再行返過來嘅時候理都唔理，淨係望住我一眼，即係佢哋已經見慣不怪嗎？我就唯有影張相，有證有據吧。食物方面，昆布鰹魚清湯，關東風壽喜燒，兩個鍋底都好淡，食物方面，牛和豬都無乜肉味，羊肉反而有少少驚喜。鍋底冇晒湯嘅時候叫店員加湯，原來佢哋係加水而唔係加湯，加完水之後個湯底更加淡而無味。服務方面，除左之前嗰位店員唔處理小強外，其他都係麻麻哋，有個仲張個點餐牌飛去我隔離張檯，又行過親都撞一下我張椅，都唔緊要，sorry都無句。

自從疫情後，好久都沒有光顧堂食放題，是日放假相約友人去吃火鍋放題，友人喜歡吃牛，我們來到新都城二期的牛摩。餐廳門外有一隻牛牛的卡通，一看就知道主打牛，我們當然少不得點牛套餐，一嚐和牛滋味。我們選擇了《極品和牛雜錦套餐》，友人選擇了沙嗲湯，我就選擇了較養生的蟲草花雞白湯，可以分別嘗試濃湯和清淡湯的兩款滋味。這個套餐非常豐富，除了有日本和牛、美國和牛、美國牛小排和黑毛豬外，還有海鮮拼盤。不得不提和牛，雪花脂肪分佈分明，一看便知道和牛質素零舍不同；和牛及牛小排都非常滋味，放入火鍋後數秒便熟透，入口即溶，完全不會韌，令我地吃完一塊又一塊。黑毛豬相對較有咬口和乾，要靠醬汁搭救。海鮮方面，帆立貝和海蝦都非常大隻，因剛巧沒有魷魚，餐廳改用海蝦代替，熟透後非常彈牙鮮甜，光是吃完和牛和海鮮，而有點飽感；但我們也到自助區點蔬菜、各式各樣的丸類和甜品。自助區還有不少老少咸宜的飲品和乳酪供應，90分鐘內實在可以盡情吃喝。

呢日經過新都城，見到呢間日式火鍋放題店，餐牌又幾吸引。餐廳主打日式火鍋放題，一人一爐價錢由$159起至$349，90分鐘任點任食。晚上九點後仲再平啲，$119至$269就有得食，限時60分鐘。我哋點咗極品美國牛小排套餐 ( $349一位），餐單入面有不同肉類選擇，包括: 極品美國牛小排、SRF美國和牛、美國極上黑豚肉、特選美國牛肩胛等。牛質素相當高，牛味濃郁，入口嫩滑。除咗牛之外，美國豚肉質素都好好，入口充滿濃烈嘅豬肉味。牛肉質素極高，朋友講笑話叫五碟已經回本。仲點咗佢嘅「招牌牛摩飯」，入面有秘製莎莎醬，加埋美國牛肉免治，好開胃又惹味。呢個餐亦提供播種海鮮選擇，包括廣島蠔、扇貝、大蝦、青口等等。餐廳亦有自助區，提供有前菜、多種蔬菜、丸類、小食等。特別一提，佢嘅丸類入面有「啊中丸子」，值得一試。自助區亦有飲品及甜品提供，包括多沙冰、汽水、柚子蜜、朱古力等。甜品有雪糕、乳酪雪糕及蛋糕，相當多選擇。餐廳地方寬敞，環境舒適，晚餐放題呢個價錢已經有高質和牛，其他食物質素亦相當不錯，真心抵食。

未試過咁趕咁食任食火鍋見你餐牌有9:00pm後1小時特價時段，咁預你正常都係收10:00啦，咁我哋8:30前正常價入座，無個半鐘都諗住有1小時15分鐘掛，點知....星期三，8:24pm入座，同你講9:15pm last order，單寫9:55pm交檯，8:55pm就埋嚟吹要截單，趕頭趕命9:10pm埋去唧雪糕，已經話俾你聽“無哂”....其實佢營業時間係到幾點呢？吾係好明？睇嚟吾歡迎夜市客，大家食晚餐最好7:00pm前入座飲品-8:45已經無可樂菜類-無哂粟米魯肉飯-魯肉汁油水撈白飯牛肉-普通無下次

上星期放工去咗寶琳搵朋友食飯，見落雨涼涼地就打邊爐。٩(˃̶͈̀௰˂̶͈́)و極品美國牛小排放題 $349晚市放題90分鐘，有六款湯底加三款精選湯底，我就揀咗蟲草花濃雞湯同昆布清湯。 肉類方面有好多選擇，呢個餐有極品美國牛小排、SRF美國和牛、極上黑豚肉、羊卷肉等等。推介SRF美國和牛同牛小排，油花好靚，肉質嫩滑，淥一淥好快就食得。海鮮方面就試咗海蝦、扇貝、青口、翡翠螺同生蠔，翡翠螺幾爽口，扇貝大隻新鮮，都唔錯。出面嘅自助區有好多丸類同蔬菜，仲有玉子豆腐、蕎麥麵等等。冷盤就有泡菜同壽司。飲品有好多款，有汽水、咖啡、果汁、沙冰等等，我就整咗藍莓沙冰。甜品仲有乳酪雪糕同幾款蛋糕，食到好飽。

難得朋友返嚟香港，當然要帶佢去打邊爐啦～今次同朋友咁耐冇見當然要食好d啦～順便滿足一下自己嘅欲望同埋發洩返工嘅壓力🤪🤪係湯底方面牛摩+真係有好多特別又好食嘅湯底。作為一個麻辣愛好者，當然唔可以錯過呢個麻辣鴨血湯，而我朋友就揀咗蟲草花雞白湯，一邊享受包羅萬有嘅美食，一邊補下身😂今次我哋就叫咗個極盛和牛雜錦套餐，入面包括咗日本和牛，SRF美國和牛，美國牛小排，黑毛豬，仲有海鮮拼盤!!!! D和牛肉質香嫩，而黑毛豬就有濃濃嘅豬肉味，配合自己嘅愛湯，真係冇得彈！🥰🥰🥰海鮮拼盤就有海蝦，半殼帆立貝，半殼青口，魷魚仔。雖然本人唔係海鮮愛好者，但係佢嘅青口同帆立貝真係好大隻同埋好好食，帆立貝嘅裙邊仲會有脆脆嘅口感，真係超好食。好推薦各位試試😊雖然淨係肉嘅份量已經令我同朋友好飽，但係佢嘅任食材料有好多特別又好食。我朋友打邊爐都一定要食丸，墨魚丸、魚蛋、牛丸、芝士丸、龍蝦丸全部都要試一次😂 而我都幾大食嘅，烏冬、生麵、芋絲、(同埋我最鍾意嘅)蕎麥麵我都食咗一次，總括嚟講個任食吧都相當豐富同埋食材新鮮。如果食下食下覺得太油膩，仲有好多款菜同菇比各位任君選擇。🤩飯後就當然要食甜品啦～有芒果迷鍾意嘅芒果布丁同

呢間餐廳門口有大玻璃幕牆令人一睇就知係高檔餐廳。裏面亦都好大，有好多二至四人枱同埋座艙，坐得好舒服。我哋揀咗壽喜燒同蕃茄湯嘅鴛鴦鍋，都唔錯。肉方面，六款牛肉之中，最正係牛小排，肥瘦啱啱好，食落好軟，牛味都幾香。第二正係牛板腱，有啲筋，多啲口感。海鮮方面都好出色，海蝦好新鮮又大隻，叫幾多就有幾多🤣自助區嘅菜都好新鮮，補充得好快，特別係有羽衣甘藍，出面賣好貴架！自助區仲有唔同嘅火鍋料，蔬菜、肉丸、麵條樣樣齊備。仲有咩？竟然仲有壽司🍣佢哋嘅炸物都好正，叫完就即刻炸，七味炸雞翼一定要試下，外脆內嫩，好好味！我哋仲叫左溫泉蛋牛肉飯，個牛肉似台式魯肉，別有一番風味！總括黎講，呢間餐廳真係好正啊，食物嘅選擇好多，一定要嚟試下啵！

在新都城的牛摩吃晚餐。我們選了 美國IBP牛板腱 套餐。外面還有，自助吧 (一陣再分享）。火鍋湯底: 我選了鴛鴦 — 壽喜燒 加 沙嗲其中沙嗲湯底特別出色，濃郁的獨特口味一定要選。此外，他們還提供蛋，讓顧客可以根據自己的喜好加入料理中，Good。牛肉鮮嫩無比，入口充滿濃烈的牛味道。好食到停不到口。此外，我還要讚揚這裡的食物點餐速度快，而且非常準確。肉類的種類也很齊全，包括雞肉、牛肉、豬肉和羊肉，而牛肉更有三種選擇。此外，蔬菜的種類，不僅有平時見到的打邊爐蔬菜，還有沙律菜和各種醬汁供選擇。這裡的飲品種類非常多，包括沙冰、珍珠奶茶、汽水等等，數量之多令人咋舌。如果您喜歡自助餐，那麼這裡的自助吧絕對不會讓您失望。除了各種丸子、腸仔、芋絲、壽司等等，還有自助飲品和軟雪糕可供享用。我們最後吃到飽飽才願意離開。

星期六下午，响新都城無無聊聊咁閒逛，大概4點30分左右感覺有啲肚餓，就開始响商場搵食。去到牛摩，時間剛剛係4點50分。職員介紹餐廳午餐時段到5點正，此刻入座依然午市價錢，10分鐘後就已經係晚餐價位。即係話，我地心中選擇嘅特選美國牛肩胛套餐為例，就會於10分鐘內由有HKD135+ 一位變左HKD199+。既然如此，我地就馬上決定食個early dinner HKD135啦我地選擇左昆布清湯底同埋用草花雞湯底，兩個湯底味道都恰到好處，唔太濃唔太淡👍🏻👍🏻雖然呢個餐屬基本級，但美國牛肩胛肉質實在唔錯。而最重要嘅係啲火鍋配菜種類多，包括幾款蔬菜、菇類，仲有苦瓜同冬瓜，當然有不少丸類例如貢丸、包心丸同芝士丸，亦都有烏冬同蕎麥麵等等。另外，仲有甜品櫃內嘅小蛋糕同泡芙，仲有兩款雪糕🥰🥰。 整體上餐廳好乾淨俐落，坐位舒適，服務員都很勤快，係一間值得再嚟嘅餐廳👍🏻👍🏻。

牛魔分店眾多，遍布各區，而且定價唔算高，加上自助吧區域選擇都比較多🤪係一個放題嘅好選擇✨✨極品美國牛小排 $349又想食和牛又想試牛小扒🤪就揀咗極品美國牛小排套餐，價位係最高但都唔過400！一次過可以試到超過五種牛肉、各種海鮮同埋台式小食🤙🏻✨極品牛小排質地比較柔軟同鮮嫩，油花分布好平均，豪華打邊爐之選💯✨美國和牛🇺🇸覺得呢個套餐有晒兩款靚牛係超值🥹👍🏻和牛同牛小排一樣，油花分布平均，都算入口即溶，個人覺得肉味比牛小扒更香濃😋✨溫泉蛋牛摩飯將溫泉蛋同飯攪勻，感覺有啲似肉醬飯，牛肉碎幾重味，珍珠米粒粒分明，加埋溫泉蛋成個飯好濕潤，好食😋✨另外餐廳自助吧有蔬菜同麵食可以選擇✨除此之外仲有沙冰、雪糕、甜品等等總括嚟講覺得肉類質素幾好👍🏻而且有唔少蔬菜同麵類選擇，放題嚟講好豐富🍽湯底選擇方面，可以揀鴛鴦湯底，照顧到唔同人嘅需要，適合一家大細一齊食😋另外店員好好，會主動加湯👍🏻整體用餐體驗幾好🍽

今晚上司約食飯……兼順便談談公事，他揀了打邊爐，因為可以談耐一點……門面闊落，半大型玻璃窗可清楚見到內裏的環境。內裏都算幾寬敞，設有多張二至四人枱，亦有卡座，坐得幾舒適。最吸晴是色彩繽紛的牆身，公仔和遊樂場的圖案，讓人回復童真，心情都快鬆愉快一點。晚巿90分鐘放題，共有六款選擇，不同食材當然不同收費，我們今晚就揀了美國榖飼精修胸腹肉加海鮮放題 （$199/位），包有美國穀飼精修胸腹肉心、特選美國牛肩胛、豚肉、雞肉、羊卷肉、 黃金花枝棗、海蝦、蟹籽墨魚滑、半殼青口、魷魚仔、帆立貝、 溫泉蛋、牛摩飯、溫泉蛋牛摩飯、枝豆、味噌青瓜、 迷你甜薯、炸日式餃子、炸雞塊和炸薯角，還有自助區有多款丸類、蔬菜、麵類、豆品類食品、甜品、沙律和飲品，對我們來說已非常豐富。******************************先揀湯底，要個鴛鴦鍋，在十款湯底揀了養生的蟲草花雞白湯和港式蕃茄薯仔湯，前者鮮香，後者清新開胃。未用QRcode下單前，先會送上美國穀飼精修胸腹肉心、特選美國牛肩胛和豚肉各一客，三款都好紅潤，肉質透薄兼夾雜油脂，涮一涮，嫩滑油潤，肉味香濃，三款都好吃！點了黃金花枝棗、海蝦和帆立貝，

呢幾日唔知點解天氣凍左好多所以就叫朋友去打邊爐咁岩經過新都城呢間牛摩以前從來未食過 見佢好似好多種類野食提供價錢都幾抵食咁 就入左去食一入到去店員問我地要湯底原來可以簡兩款 所以就叫左一個番茄湯 一個壽起燒然後行左去自助區睇有咩野食見到勁多選擇野飲有沙冰 同soft drinks仲有coffee同茶仲可以自己整珍珠奶茶而丸類 只要講得出 都會有菜種類都多 亦有烏冬同即食麵店員refill既速度都好快 唔會無野食仲見到雪櫃有埋壽司真係好surprised!如果想食其他野 仲可以scan qrcode再order 有牛摩飯 仲有其他炸物可以order !有海鮮食添食到最後仲可以食唔同既甜品仲可以自己整yougurt 雪糕食大滿足!

🉐台灣祭新食品🉐消費券推廣優惠🈹喺牛摩購買星聚電子禮券$1000，即刻送多$1000，合並$2000，包括$1000電子現金禮券同埋$1000免費產品券，好抵呀!🈹今次揀既係〈牛小排套餐〉🐮🥓，喪食咗超多塊牛小排，基本上淥幾秒就已經食得，入口順滑又唔鞋，真係好推介大家揀呢款肉既餐。湯底方面，揀咗〈壽喜燒湯底〉🍲同埋〈蟲草花雞白湯〉🐣，個人覺得前者比較特別，令到食材味道甜甜地。除左牛小排，另外必食既就係各款QR code落單既丸類🍢，醬爆瀨尿牛丸、濃味牛丸、芝士牛肉貢丸等等，多汁濃味，真係正!小食種類都好多元化，適逢餐廳舉行台灣祭，所有比平時再多左其他台灣小食，其他火鍋配料仲有多款海鮮🦑🐠🦐同肉類🐔🐷🐮，再加埋出面既自助火鍋區🥬同甜品區🍦🥧🍮，真係飽到捧住個肚走!#牛摩 #將軍澳 #放題 #任食 #打邊爐 #優惠 #火鍋 #wagyumore #wagyumoreplus #TseungKwanO

約朋友到將軍澳牛摩食火鍋放題，適值該店舉行台灣祭，選了牛摩牛小排套餐，可選台式食材，好似水蓮、蛋餃、墨汁香腸等等，更可選台灣麻辣養生鍋，又可選珍珠奶茶飲，幾有特式。海鮮種類幾多，有生蠔、青口、海蝦、扇貝、鮮等等，都係逐隻逐隻點，食完再點避免浪費。掃QR code已是很普遍嘅落order方式。牛有牛味， 放在滾湯勺兩勺就可以拿來吃，不需要放太久，免得過嚡。其他 選擇方面， 有我喜愛嘅小丸子、 同糖心蕃薯， 尤其是糖心蕃薯， 那種甜不是一般砂糖可比擬， 肉質軟綿綿， 不錯。鴨血、墨汁香腸、貢丸， 當中鴨血幾有口感， 墨汁香腸同一般香腸差唔多， 不過就冇咁鹹， 一嘗無妨。出面亦放了甜點，種類不多， 不過都算幾好食， 尤其 惡夢我做乜嘢呀你今日飲咗好多喇有我鍾意嘅芒果布丁， 其他就不過不失。整體嚟講，一個價錢無限量食嘢係幾划算。