影片
开饭介绍
主打任饮任食涮涮锅及寿喜烧，汤底有数十款选择。任食配菜款式多，更有各类熟食和自助甜品区供应乳酪雪糕。
继续阅读
营业时间
今日营业
11:30 - 23:00
星期一至日
11:30 - 23:00
*截單時間: 22:30
以上资料只供参考，请与餐厅确认详情
有关奖赏计划
相关文章
天氣轉涼又係最適合打邊爐嘅時候，經過「牛気」見到火鍋之餘仲有「和洋祭」，一於黎滾一滾。放題有6個level可以選擇，豐儉由人，最後我地揀咗level 4，有澳洲穀飼黑安格斯牛及SRF美國極黑牛，仲有好多款海鮮，加十蚊可以有鴛鴦湯底，啱晒同太太一人一口味，最後揀咗黑蒜豚骨湯及蕃茄濃湯。湯底未到之前，先出去熟食區睇下呢個「和洋祭」，有好多嘢食，當中最吸引一定係關東煮，有魚糕、蘿蔔、冬菇等等，湯汁清甜，每樣都好入味；另外日式蟹棒冷豆腐好香滑，加上蟹棒及木魚絲，食落好清新。返到位湯底同肉已經到齊喇，第一round梗係每款肉都試下。個人最喜歡美國極黑牛，牛味好濃郁；澳洲穀飼黑安格斯牛肉質較柔軟，切得唔會太厚，淥十幾秒就食得；而牛小排及肉眼食落都唔錯。海鮮有大蝦、水魷魚及帆立貝等等，當中大蝦新鮮爽口，帆立貝亦好鮮甜，另外特別推薦極上蝦滑，好多蝦肉夠晒彈牙，啱晒懶得剝殼嘅我地。另外仲有三文魚刺身，厚切鮮甜，忍唔住encore咗幾次。出面自助區亦有多款丸、菇及菜，仲有牛気自家製麻吉燒，淥完後味道外鹹內甜，煙煙韌韌口感好過癮。飲品都有好多種類，有糖無糖嘅都有，亦有咖啡及茶。最後梗係要食埋甜品，除咗自助雪糕外，亦有中式糖水及豆腐花，仲可以自製棉花糖，亦叫咗楊枝金露，細細樽包裝得好可愛。埋單仲送一把遮，又食又拎真開心。
继续阅读
在屯門市廣場的牛気放題，服務十分好，這次晚餐體驗值得分享。來到門口，職員會先介紹不同放題套餐有什麼分別，惠顧level 4以上的放題套餐，就可以包括和洋祭餐牌的食物，有燒生蠔，我們就選level 4 $338一位的放題吧！選好放題然後選湯底，加$10可轉鴛鴦鍋，這樣最好，可配合各人口味。職員還介紹，如果拍攝火鍋照片或祈願板，在社交平台打卡，送御守一個，很漂亮！我們都很喜歡呢！一入坐便有禮物了！上菜速度很快，level 4 套餐包括澳洲穀飼黑安格斯牛和美國極黑牛放題，加海鮮放題，食物選擇充足。如果想點和洋祭的燒生蠔，職員提我們要早些下單，因為生蠔是即開即燒的，要大約20分鐘。套餐隨即上桌，湯底也熱得快。一款是黑蒜豚骨湯，一款是日式牛骨濃湯。食物煮在牛骨湯裏味道夠濃，有微辣，可以不點醬料，而黑蒜豚骨湯味道很香甜，大家一致喜歡。SRF美國極黑牛非常好吃，肉質爽，牛肉味濃；澳洲穀飼安格斯牛，肉質較結實，牛肉味也香；我們比較喜歡美國極黑牛的口感，一再翻點；穀飼牛肩肉質比較普通，一般放題都食到，所以主打要吃SRF美國極黑牛和澳洲穀飼安格斯牛。海鮮放題，我們最喜歡大蝦，非常新鮮大隻，咬下爽口鮮甜；水魷魚都非常好吃，煙韌軟滑，與其他放題餐廳有分別，新鮮是吃得出的。還有大片花膠，女士至愛。另外還有青口、帆立貝、脆鯛魚片等等，質素都上乘，很新鮮。三文魚刺身，也是包括在海鮮放題裏呢！而和洋祭的食物值得一試，因為日式蟹棒冷豆腐，在日式餐廳吃也不便宜，這個冷豆腐口感香滑，灑上蟹棒肉碎和木魚絲，味道鮮香很好吃。大讚美式煙肉白汁焗生蠔，真的非常鮮嫩，有白汁焗完，仍然吃到海水味，鹹度適中，可以無限追加，要提早下單啊！要提特色甜品日式朱古力大福，非常好味！絕對有和果子店舖水準。朱古力味最受歡迎，咬下外層軟糯，朱古力cream香滑不會太甜，入口即溶的感覺超治愈！自助區有關東煮，是我最喜歡的。湯底味道香甜，煮在裏面的食物已經非常入味，最喜歡蘿蔔和芋絲，吸收湯味超好吃。丸類和蔬菜類，款式齊全，都很新鮮。還有炸物放在熱櫃內，保持溫度和香脆口感。最後來杯低糖牛奶軟雪糕，隨意加小熊軟糖和棉花糖，漂亮又好吃，有得食有得玩。由於吃得很滿意，朋友決定做會員，即時送了會員禮物，是牛気的雨傘和鎖匙扣，真的吃得滿載而歸了。
继续阅读
超耐冇食過牛氣, 今晚同好朋友一齊試Lv 4 set, 自助區除咗一般火鍋配料外, 竟然仲有關東煮, 少見少見,,, 我哋咩都未QR code, 就上了一整桌的食物, 超級豐盛!!!,,, 我覺得肉質最o林, 而且有少量牛味, 不錯的牛肉是: 澳洲穀飼黑安格斯牛, 和洋祭有日式山椒大蔥焗生蠔, 好辣好辣, 不過賣相真的很mama地, 咩都有dd海鮮拼盤, 急凍海鮮的味道, 蝦滑不錯, 花膠好大舊, 彈牙, 牛骨髓滑滑的, 好似豆腐, 味道都很清淡, 涼拌魚皮很麻辣, 口質爽爽脆脆, 三文魚刺身很新鮮, 不錯不錯, 自助區的蔬菜都很新鮮, 小食種類都不少, 食飽飽仲有乳酪雪糕食, 乳酪味濃郁, 不錯不錯!!!,,,
继续阅读
牛氣火鍋放題咁快就已經十周年啦，而這次的新菜式更融合了香港懷舊風味新加推香港懷舊風，如有香濃牛尾湯、風味咖喱牛筋腩及桃膠雪蓮子燉銀耳等款式，適逢新一年立春，來點醒獅祝福🧧，屋企人食得特別開心😆🐮Lv4 澳洲穀飼黑安格斯牛 + SRF 美國極黑牛放題 + 海鮮放題 $298我們選擇了黑蒜豚骨湯底，有濃郁的肉香味牛氣充天🐂我最愛澳洲穀飼黑安格斯牛及SRF美國極黑牛，黑安格斯牛油脂較少肉味最濃，SRF美國極黑牛，肉質柔嫩，搭配隨湯底的香氣，完美絕配。且PRIME美國肩胛肉，肉質也不錯，還有牛舌薄切則更添爽口感。🐟海鮮身為海鮮愛好者，三文魚刺身必選，每片刺身厚切且新鮮，肉質滑嫩。其他任食火鍋海鮮配料有大海蝦、爽脆水魷及青口等，每款海鮮均無雪味，保留了原始的新鮮度。🍹自助區自助區的整潔程度高，有多款丸類、水種蔬菜、熟食、飲品、還有雞蛋仔味軟雪糕同棉花糖等等🎈牛気 (屯門市廣場1期)🎈屯順街1號屯門市廣場1期3樓3235, 3236, 3237 & 3239號舖
继续阅读
牛気打邊爐餐廳環境真係好舒服，裝潢簡單但有品味，餐廳放置咗好多一些日式嘅擺設，而且餐廳內部空間寬敞乾淨，經常行出去拎嘢食拎嘢飲都覺得好多位置可以行，自助區有好多醬料可以選擇，仲有關東煮、雪糕等小食👍🏻✨三文魚刺身咬落去嘅時候，三文魚油脂會係口中慢慢融化，帶來一種滑順嘅口感。配上芥末同日式豉油，味道更加豐富，芥末嘅辛辣同醬油的鹹香完美地襯托出三文魚嘅鮮甜🤩✨SRF美國極黑牛呢款真係好正！牛味濃郁，油脂分佈均勻，入口有少少溶化嘅感覺。油脂令牛片滑溜溜，口感一流👍🏻牛片切得好薄，涮十秒左右就剛剛好，嫩滑又充滿牛味。配上日式牛骨濃湯湯底，濃味嘅湯底更加突顯牛肉嘅香口嘅味道😌✨澳洲穀飼黑安格斯牛肉味道非常濃郁，油脂分布均勻，單憑肉眼已經好易見到好靚嘅大理石紋，真係好睇又好食😍😍✨特選海鮮海鮮方面亦有大量選擇，例如大蝦，青口，魚滑等等，全部都非常新鮮，所以呢度啲海鮮都好出色㗎👍🏻👍🏻✨牛氣和洋祭呢個係今期嘅主題，提供好多不同種類嘅小食，例如日式蟹棒冷豆腐，蘑菇忌廉湯，脆炸薯條。而我最鍾意嘅就係焦糖芝士巴斯克。佢嘅外層焦糖色澤超級誘人，咬落就係濃郁嘅芝士口感，每一啖都能感受到焦糖嘅微苦同芝士濃郁香甜完美結合，超鍾意呢款甜品😍😍😍
继续阅读