牛涮鍋 (已結業)

星期五去左食牛涮鍋，叫左三品和牛餐, 每人200。套餐每人有一碟和牛，包三種款式，之後可任叫另外兩款較低等級的牛，會員關係有一碟免費海鮮食。整體黎講OK，適合聚餐，不過質素比之前幾次差，雪糕同配菜冇以前咁好食。

頌富商場內的牛涮鍋午餐日式火鍋放題60分鐘內任叫任食服務不錯之前喺度用匯豐卡優惠半價食晚餐，送咗張買一送一嘅午餐優惠券，於是同朋友來用這個優惠。喺呢度最想食嘅就係牛肉，因為味道都可以，羊肉味重，ok。兩個人可以用一人價錢食得飽飽，好抵

上星期接朋友放工，喺奧海城呢間牛涮鍋，點了美國牛肉放題。裏面環境都算很大，一人一鍋真係食得幾開心！裏面嘅擺設唔似一般嘅火鍋放題，都幾花心思而且好colorful！ 我諗帶埋小朋友去一定好高興！麻辣湯底真係好刺激，麻辣味好濃， 加入嫩滑嘅牛肉，真係食極唔停！而辛辣豬骨湯底，都係十分開胃醒神！反而六品海鮮盛盒，就差了少少， 海鮮偏細及唔係好新鮮！出面自助吧，都有很多蔬菜、菇類、芝士腸、丸類作選擇，但飲品選擇就較少一點。

嘩！一大班戰友好難得可以聚在一起午餐🥣仲要係任食火鍋🍲好開心！我們一大班人想食牛、豬、雞肉任食所以選擇了九十分鐘任食😊除了這些另外在店裡自助沙拉、蔬菜、腸仔、調味料、飲料、甜點、雪糕⋯真係多到～仲要價錢好抵$118👍🏻👍🏻👍🏻飽到一個點😜食物味道不錯呀！不會因為價錢優惠而食物質素差😊確實難得！店內環境算有空間感，店內職員服務中規中矩也挺不錯的！

凍冰冰，同事慶生飯，就揀lunch任食邊爐啦黎到門口已經好多人啦，冇一人一鍋大台位，唔緊要啦，幾個人一鍋仲開心啦！第一次食牛涮鍋，好有驚喜，唔止食物選擇多、飲品類都多選揀。我地叫左２款唔同既牛肉，美國上級進口牛肉套餐同埋澳洲和牛套餐。美國上級進口牛肉就瘦少少，好厚身，重牛味。澳洲和牛比較多雪花，嫩滑而且有濃郁的牛肉味整體黎講兩款都唔錯食到好飽，但都要試少少甜品，呢個糯米糍好正，入面有好多醬架最後梗係整埋雪糕食先走啦！因為時間較短，又掛住食，冇影好多相，唔好食漏左和牛粒飯呀！推介

某個下午來到大角咀奧運城這一間牛涮鍋，一大班人來個中午放題10下10下，都幾開心幾飽足。限時一個鐘，美味的牛肉不斷供應。當然不能浪費，要完全消化。雖然是中午放題，牛肉也絕不欺場，美味鮮甜。牛肉被切得非常的薄，所以吃完一碟又一碟也不覺太飽。除了牛肉飲食，也包括不少配菜。豆腐、芝士丸、魚片、蝦餅等等也不遜色。還有沙律加蕃茄作為前菜。飲品包括汽水和果汁。整體很好。放題…自然不能沒有甜品。特別是這個好玩的雪糕機。一不小心，就會製作了一件奇怪的雪糕筒。如果有人是會員兼生日，仲會有優惠。以中午優惠的價錢來這一個放題，非常飽足。

去食放題，除咗比平時食得豐富，當然就係 可以喪食自己喜歡嘅食物，所以我都唔介意畀價錢高一點選擇 “黑毛和牛“，確係物有所值。這個放題價$388， 除咗可以品嘗，質素超凡嘅靚黑毛和牛之外，海鮮仲係可以任點任食!我最喜歡就係食佢嘅元貝，入口爽口，鮮甜味道好!海大蝦， 超大隻! 緊記海鮮不能夠過熟，剛剛好，可以脫殼就可以了，味道最鮮最甜!一盤海蝦沒有一隻係發霉，隻隻彈牙爽口!黑毛和牛，味道十分濃厚，除左好有肉味，肉汁脂肪亦好豐富!

我朋友係呢間牛涮鍋嘅常客， 而且係金會員， 可以唔使排隊， 今日我哋食豐富一點， 晚飯時間，出面都好多客人排隊取飛， 金會員下一張就到了！我最鍾意係食呢度嘅shabu shabu日本和牛， 真係只需放落水中灼三至五秒，待牛肉顏色 轉變就可加上醬汁入口， 每一口和牛入口都充滿牛肉味，好有嚼口！海鮮拼盤，有元貝、大蝦、魷魚及桶蠔， 味道都唔錯，雖然說不上係好新鮮，但係任點任食，確係抵食！呢度出面仲有自助吧，有很多不同嘅火鍋配菜 及飲品，不過90分鐘可能有啲急趕。

平時一家人去做節，不外乎係去食中式嘅酒樓， 都有啲食到悶， 細佬提議話不如去食靚嘅牛肉放題， 我哋選擇去奧海城， 除咗方便就腳之外，亦較出面人少一點。過時過節梗係要食好啲， 我哋選擇日本極上黑毛和牛放題， 呢度放題係90分鐘，所以我哋要爭取時間食一啲會本嘅食物！黑毛和牛，牛肉顏色鮮豔，牛肉紋理好靚，平時喺超級市場買一小盆都要差不多200蚊了， 今晚食番夠本 ！肉質真係充滿油脂牛肉味！海鮮任點，我們叫了大蝦十隻，肉質好結實！桶蠔新鮮，味道十分濃厚！

兩個人揸住車揾食，有時仲難，車逛街，去左奥海城，已好一排無嚟呢度揾食，呢度多左好多食肆，老公提議去食牛角，但我怕熱氣，反建議食牛涮鍋，剛好兩間店都很近，就一齊攞飛鬥快，最終牛涮鍋勝，入座前侍應已問定我地那款級別牛肉。 點了牛肉不久，湯底和牛肉很快就到，自助火鍋蔬菜﹑各式丸類及粉麵選擇很多，我地點的有海鮮，但麻麻地，反而幾款牛肉都好食，豚肉片都唔錯，牛肉片中以極上牛肉最正。因有限時，所以食得有啲趕，甜品水果不太吸引，有待改善。

上次食完酒樓邊爐，今次到日式喇，呢類邊爐真係五花八門，越開越多，有d都新開都未有機會試，但呢間都黎過幾次，証明滿意☺️坐位寛闊，仲有向牆自閉位，想靜靜地一人晚餐五樣可以啊。開餐前我都鍾意去佢個沙律bar食個沙律🥗菜先😋呢期出左特式湯底，同樣價錢嫁。呢個係越式同泡菜鴛鴦鍋，泡菜普通，而越式就香料十足，有加分啊。果幾粒牛丸唔同平時食到比較乾身o既，見到面有dd脂肪嫁，肥美😋因為唔想食得咁肥膩，所以選擇左個貴d o既餐，d牛就可以瘦d喇👍🏻最後係甜品時間，平時有乳酪食今日得軟雪糕🍦☹️個人覺得乳酪比雪糕好食啊。糯米糍大福都好食嫁，其他蛋糕仔就一時時o岩食咋😝

由於近排天氣轉涼，好掛住Shabu-shabu 今日帶同父親及母親大人去打邊爐，我們去了座落奧海城的牛涮鍋。任食火鍋放題價位是按牛肉的級數及享用時間而定。由於母親大人不食牛，我們點了1份丹麥豚肉套餐$69及2份美國進口牛肉套餐$79/份，而享用時間我們選了限時60分鐘，湯底方面，我們點了鴛鴦湯底，昆布拼豬骨，湯底很優質。一般火鍋食材應有盡有，超過30款美食、雪糕、甜品及飲品無限量飲食。而醬料可自由調配。美國牛肉，質數嘗可。豚肉，普通。價格實屬抵食之選，而質數相當不賴。

最近匯豐卡做緊優惠，食和牛涮涮鍋有半價。平時食和牛甘貴，今次當然要去試！我同男友大概6點半到餐廳，已經好多好多人等緊 。。唉，遲左一步，要食第二批啦。甘我地就四圍行下，大概7點9先入去。因為每次90分鐘，所以我地都等左第一轉。。一入去，門口帶位姐姐就會問有無無信用卡，有無特別吾食，揀湯底等等。。之後就安排入座。入面原來好大，二人枱一啲都吾迫，面且中間加左卡板，避免望住其他客人食野，又可以有自己小空間，做得好好！讚我地揀左豬骨湯同鰹魚湯。清清地，吾算太濃味。店鋪用ipad加單，食完自己落單加肉，吾洗每次舉手又吾會漏，而且肉都好快送上。和牛和牛🐮每片肉都好平均，吾會太肥。每片都好大片，一份大概4-6片。淥一淥好快就食得啦，食入口吾un吾痴牙，有牛味，好食反而豬羊雞就係好普通，甘緊係食牛。。仲可以揀牛小排，一樣好食有牛味，但就un小小，所以和牛好食！！另外出面都有好多配料，丸。菜。豆腐。烏冬，香腸等等。。。仲有飲品果汁，汽水，咖啡茶都可以飲。甜品櫃有蛋糕，大福，仲有雪糕🍦沙律🥗添！好多選擇呢。。。用膳時間90分鐘，其實都好足夠，食到好飽。我地點左6份和牛，已經食到好飽，嘻嘻。大概剩下15分鐘

都知道如叫黑毛和牛，質素會很不穩定，所以試試美國和牛 (Lunch $208) , 心諗應該都唔會衰過美國進口牛肉。睇樣好似唔錯，雖然冇乜油脂。但食落好鞋，肉好瘦，係較難食既部位。下面個碟差唔多。可能咁岩切到d 垃圾部位，叫多半碟試。但都係又瘦又鞋，d貨就係咁樣。好彩可以叫低級d 既牛小排。牛小排既表現好好多，肉係有彈性，唔會太瘦。整多碟牛小排先，否則冇啖好食。美國和牛既質素係十分一般，感覺好似食緊白烚雞胸肉。食過咁多次牛涮鍋，係我食過最差既肉 , 表現差過美國進口牛肉 , Mou~如鍾意食瘦肉，係值得一試，佢勝在冇乜肥膏，唔洗不停吐肥膏。因為有牛小排搭救，所以給OK。

牛乜鍋，牛勿鍋依家開到成行成市，競爭都幾激烈。今日行開奧海城，就用埋之前抽中但就過期既現金券，去試下牛涮鍋！環境又幾舒服，入坐時有問想一人一鍋定兩人一鍋，原來係安排座位之用。想坐卡位舒服d既就只好兩人一鍋。空間闊落，地下又乾爽，環境光猛！兩人一鍋蕃茄湯想追加牛肉定加湯，係枱底有得自助落單，效率高，好快送到！雞牛豬各自先黎一碟，新鮮！牛肉肥瘦適中，好好食，一共食左三碟😬仲有d丸類，菜同菇自助吧到仼拎，普普通通！建議量力而為，唔好眼闊肚窄，留多d位食多兩塊牛肉仲好啦。食完仲有扭紋雪糕做甜品，六款配料仼加，抵食！