牛牛冰室 (已結業)

之前聽人講話油麻地有間牛牛冰室，佢地嘅下午茶又抵食又好味，特別係乾炒牛河、炸雞髀都好出色! 今日遠度而來，特別來試試佢哋嘅下午茶餐! 下午茶餐由下午2時至晚上7時45分供應 (H1-10號餐 由下午2時至下午6時停；H11-24號餐由下午2時至晚上7時45分停)，下午茶餐牌共有24款選擇，小食炒嘢樣樣都有，平均價錢都是$3x至4x以內，在油尖旺區價錢嚟計，實屬好經濟!我們點了兩個下午茶餐，一個是港式傳統熱狗加熱奶茶，另外一個是乾炒牛河加凍奶茶! 由於牛牛餐牌太吸引，小妹就叫多隻炸雞髀想自肥!首先講講牛牛嘅港式傳統熱狗， 熱狗份量係潛水艇包size，包包烘得鬆脆， 加埋條珍寶腸、蕃茄、生菜同沙律醬，滋味十足，好有回憶!至於牛牛嘅乾炒牛河，河粉炒得一啲都唔油膩，味道恰好，而且仲好大碟頭。牛肉都算多， 但今次啲牛肉食落有渣，麻麻地!炸雞髀， 單看外型顏色就不錯，而且幾大隻，咬落仲好鬆脆， 食得出係生炸的! 不過，小妹就覺得味道略為醃得有點鹹，多左五香粉!熱奶茶茶底偏濃澀，所以小妹叫多奶會合口味點! 而凍奶茶就較為偏甜，但茶味濃度也可以!總括而言，牛牛冰室位置處於小街巷尾內，不太顯眼，但在

行過這家食記，個肚仔就自動喊"嚟嚟嚟"。就算唔係大牌門面，但內裡嘅味道，嘩，真係正！首先，啲瑞士汁雞翼，做到外脆內嫩，汁都唔會過甜或者太鹹，咬落去啲皮似乎話俾你聽：“再嚟塊呀！”🍗再講下生炒牛飯，呢個我記住咗。飯粒分明，每粒牛肉都好似有喺我舌頭上跳探戈咁，夠晒嫩滑又香口，真係賣相同味道都一流🍛。而個蕃茄湯底，靚到不得了，湯稠匀滑，伴隨啲番茄嘅自然酸甜，係咁熱辣辣地暖哂我心。出面天寒地冻，入到呢間食記，頓時暖笠笠。要提一提，佢地食物賣相都幾搶眼，色香味俱全，感覺得到廚師嘅細心。不過提醒你，呢家食記7:30pm就last order，你如果想入嚟享受下，記得早啲行過嚟喇！總括黎講，啲飯菜實在太滿足，啲員工又nice，衛生又好，係個食貨必去嘅好地方。下次我還會再黎，到時要試埋其他菜式！💯

今次係下午茶時段去買外賣，叫左干炒牛河＋熱檸茶（跟中式例湯），$53（外賣自取9折）。份量好足，由其是碗例湯大大碗又熱辣辣，飲得出係落足料煲嘅，唔係交功課牛河就色水係深左dd，不過唔咸架，味道啱啱好。仲有成6、7件牛肉，件件都好大塊好有肉感河粉炒得條條分明、唔會太油，食到盒底都好乾爽。個人覺得如果河粉炒燶dd，芽菜嘅分量多番多少少，整體口感＆味道會更加正 食完呢盒牛河都飽晒，碗湯同杯茶都只係飲左幾啖

是日除夕(農曆臘月三十)，繼續 shopping、買、買、買！沿彌敦道由旺角掃落油麻地，嗨啊！Shopping消耗大，到下午３時，要個地方歇歇，補充吓！彌敦道上好幾家店都已經收爐，就轉入內街，無心插柳的發現，東方街上，有好味的沙嗲牛肉。東方街８A號：牛牛冰室不起眼的小店，店員姐姐很熱情，我在門口，已經招呼我說裏面有位。店面比較小，座位比較擠，招牌是沙嗲牛肉，當然要試試。點了下午茶餐，包括以下的：#招牌沙嗲牛肉潛艇：潛艇包沽清，變成漢堡包，重點是内涵：沙嗲牛肉餡，牛腱肉肉質嫩，沙嗲醬汁香濃又不會過鹹，好味！#熱鴛鴦：咖啡、紅茶、淡奶的比例合適，可惜咖啡帶酸味(我不愛喝偏酸的咖啡)，要扣分！越來越難吃到的香港原味道！推薦的店！

和阿媽約了人在YMCA拎嘢，但對方遲到，大熱天時，看到這冰室便進去吃下午茶先。進店後因不肚餓，點了干炒牛河下午茶加2杯飲品，食物夠鑊氣又大份，凍檸茶也大杯，值得一試！ Of course if you are looking for luxury food, it’s not but you will like it if you Iike HK traditional style food! The location is not very visible so you will need to check.

今日晨早去Kadora買麻糬，買完仲有時間剩，本來想行去澳牛食個早餐，見附近"牛牛"，網上有很多好評又近Kadora, 就行咗去後街牛牛了。坐抵就叫咗個A1 沙嗲牛肉麵跟煎蛋、腸仔、多士和奶茶。✨沙嗲牛肉麵麵湯夠熱，麵底偏淋有些滾過龍，牛肉份量算多，有醬味冇牛味，又鞋又有渣，都唔知食緊乜。✨煎蛋、腸仔，多士煎蛋凍冰冰，顯然唔係即煎，腸仔炸得起皺紋，但都是凍的，半件牛油多士，手纹多多，味道似隔夜方包，真的咽不下去，剩咗半份係到。✨奶茶茶味偏苦奶薄，很普通，但比較以上已是唔錯了。$35個breakfast set 係算便宜，但問题係唔好食🤔🙄🙄

早左少少起身，又去食個早餐先！呢排沙嗲牛肉麵癮起，搵左幾間想試嘅鋪頭！今日呢度就係其中一間！位於油麻地一條小街！早餐$35沙嗲牛肉麵呢度嘅沙嗲牛汁係偏向加左啲蒜嘅味！我都幾OK呢種味嘅沙嗲牛！牛肉份量正常，口感都OK！麵都係正正常常！厚多士、腸仔、炒滑蛋識食厚多士一定係加啲砂糖😌腸仔好食，蛋就一般啦😛熱檸茶普通正常😛整體味道不錯，性價比高。

之前放假和老婆行街，去油麻地睇睇搖控車，順道入牛牛冰室食下午茶😋冰室地方不大但乾淨及上餐很快，店員亦很友善。餐牌真係包羅萬有，下午茶餐都有20幾款選擇，我和老婆分別點了雞扒配沙律及乾炒牛河，餐飲熱檸檬水及熱奶茶，雞扒厚薄適中，唔會太油，表面亦很 脆身😋沙律份量不小但略為唔夠凍；乾炒牛河份量十足，牛肉十分嫩滑，河粉唔會碎濕濕，加埋辣椒醬 食到唔停口😋熱檸檬水檸檬不夠，熱奶茶茶味香濃。我們趕快享受完一餐豐富的下午茶，體力充沛 再去行街。

係廣華醫院同仔仔覆完診，諗住係附近搵間茶餐廳食個早餐，仔仔話想食沙爹牛肉麵，就上網下邊間好食，咁岩就係上網搵到間叫牛牛冰室，啲人話沙爹牛肉麵好食，之後就去試下。 沙爹牛肉麵真係好食，牛肉食得出有炒過好香！麵質夠彈，湯底好有味，但唔鹹，牛肉好新鮮，冇根。之後我自己叫左個雞扒餐，雞扒好滑，蒜蓉汁好香，炒蛋好滑食得出有加牛奶炒，餐肉就正常水平，麵包都烘得好脆。我老公又叫左個魚柳餐，魚柳就冇咩特別正常味道，下次會再幫襯。

係廣華醫院同仔仔覆完診，諗住係附近搵間茶餐廳食個早餐，仔仔話想食沙爹牛肉麵，就上網下邊間好食，咁岩就係上網搵到間叫牛牛冰室，啲人話沙爹牛肉麵好食，之後就去試下。 沙爹牛肉麵真係好食，牛肉食得出有炒過好香！麵質夠彈，湯底好有味，但唔鹹，牛肉好新鮮，冇根。之後我自己叫左個雞扒餐，雞扒好滑，蒜蓉汁好香，炒蛋好滑食得出有加牛奶炒，餐肉就正常水平，麵包都烘得好脆。我老公又叫左個魚柳餐，魚柳就冇咩特別正常味道，下次會再幫襯。

一直都係沙嗲牛忠粉既我地 有人介紹我地黎試下牛牛冰室下午茶時間入座 店內已經好多人 我地一坐低就嗌左是日目標沙嗲牛麵 以及蔥花蛋咸牛潛艇 餐飲飲左熱奶茶同凍檸茶沙嗲牛麵- 一上枱時見到牛肉大大片 沙嗲汁又多 發自內心既笑容即刻浮現 食落係重咸 沙嗲既存在感頗強 煮麵既時間剛好 唔會太冧 朋友介紹得唔錯 應該無一個沙嗲牛忠粉願意食淡口味既沙嗲牛麵蔥花蛋咸牛潛艇- 熱狗包烘得好脆 而且散發住淡淡既牛油香氣 恰到好處 蔥花蛋咸牛比得超足份量 蛋仲要係滑蛋 所有味道配合得好好 推介!熱奶茶同凍檸茶既茶底超濃 如果比較小朋友口味既 建議多奶或唔好去冰

呢間牛牛冰室初初見佢舖仔細細，都只有行過就算。後來暑假拖男帶女，見佢下午茶都好多選擇，試過之後返尋味。所以久唔久都會去食佢下午茶賣到7:30pm, 好多時都會早少少去食，大大份一個人都食唔晒常餐亦都係我地一家至愛蕃茄湯底又濃又香，比起坊間好多用蕃茄湯做招徠嘅食店，佢絕對更加高質雞翼無論係炸雞翼家瑞士汁雞翼都滑溜，唔會又淋又梅或者炸到乾爭爭仲有生炒牛飯，炒得乾身又香口基本上大部份食過嘅菜式都絕對不錯，可算係附近最高質嘅茶記。最少地方衛生，食物夠熱，足分量！唔肥膩又唔會偏咸但留意返，佢地last order係7:30pm

今日經過一間叫牛牛冰室，雖然地方細細，但食物質素卻唔錯，入去試咗佢地個新菜式，日式鰻魚滑蛋飯😋，性價比一流，份量夠大碟，滑蛋超級滑，鰻魚夠大件。值得再去😋👍🏻👍🏻

牛牛一直係我屋企食早午餐既首選，對於食物質素方面一直係我回頭既原因，推介沙嗲牛麵同蛋牛治烘底，但係奈何有位聲量又大又嘈既姐姐，有時聽到會令人頭痛耳痛，真係對呢間餐廳又愛又恨。

禁堂食之前食咗次飯，真係唔錯，開番堂食再黎試吓下午茶，雞髀大大隻，價錢唔貴其實度度差唔多價錢，最緊要好味🤤位置旺中帶靜，門口可以泊到車，不過座位唔多，可能要等位。