牛牛台式鴛鴦火鍋

营业中

休息中

與家人聚頭搵地方晚飯， 小朋友又愛吃又可以自由揀嘢食， 呢間火鍋店是不錯的選擇👍黃昏才致電訂位都仲訂到； 去到可直入埋枱不用等，場內亦九成滿座非常熱鬧😄場內飲品甜品自已隨意揀自已攞， 小朋友最開心承機可週圍行😍 仲要有樽裝汽水任飲，呢樣連大人嘅我都開心不已😂蔬菜與其他食物可在凍櫃自取， 份量揀取一件或愛取多少均可，悉隨尊便👍🏻其他肉類及海鮮就用餐紙點餐由服務員送上👌鍋底我們選了馬拉沙爹鍋+海底撈麻辣鍋， 沙爹香味不錯👍但麻辣鍋就未夠辣未夠麻，我就嫌吾夠味了， 不過食得辣嘅小朋友就啱啱好😋至於食物質素方面， 咁嘅價錢有咁多選擇，質量已算不錯， 值回票價👍我們埋單才留意到是「不收加一」更覺抵食了🤣所以下次有空都會再去食👍🏻

旺角既創興廣場一直都有好多食肆，而且都係主打放題。今日我地就黎左牛牛台式鴛鴦火鍋。雖然呢間餐廳叫台式火鍋，但係我就感覺唔到同一般港式火鍋有乜大分別！經openrice 訂左位，唔駛等直接入座。呢度既點菜紙選擇好少，因為大部份海鮮配料都係要自取既。不過點菜紙上既配料質素都唔錯，牛肉以任食黎講算高質！唔太肥，而且有肉味！唔似有啲火鍋任食，只係食到一舊肥膏。另外，海鮮類都幾好。蝦夠大隻，而且彈牙。唯一挑剔就係我地一行六人但佢每次都只比四隻！不過老闆（疑似）聽到我地意見，就即刻比左一大碟我地，算係幾好！仲有蜆，雖然細細隻，不過鮮甜無沙。外邊配料區無影到相，不過選擇都算幾多!另外，飲品選擇都算多，可口可樂仲要係玻璃樽裝！！仲推介甜品區DREYER'S任食，不過就唔係獨立杯裝，又有紅豆雪條同朱古力雪芭波波可以拎走慢慢食！

價錢便宜，食物品種多選擇.是一間比價錢還高數值的店。服務值數還有待改進,繁忙時段會有顧不上你要求的感覺。牛肉和海鮮比窩還要快到👍👍甜品有自店推薦的雪糕球，可以一試，我給的分數還蠻高86/100🍦🍦

第一位朋友7點正到左 個朋友落左單 等左成二十分鐘先有人黎問我地咩事 明明落左張單 一路等等等 等到我另一個遲到既朋友黎到， 都係未有 ，之後我地再寫另一張單 再等左十分鐘 一車車爐經過身邊 都係未有我地個爐 最後要再叫人追追先有 我都唔明 所有料都到齊 點解個爐都可以未到 雖然都叫做仲有個半鐘食 但個服務真係唔得囉 係唔係先喂 大佬 做完野先黎食飯 打下火鍋 都要我等咁耐 一肚火 雖然食物質素可以 但唔係咁樣掛 成個場既服務人員年紀都比較老 可以跟單上可能真係慢左少少 希望之後有改善

原先同老公係想幫襯樓下嗰間，點之入𨋢後人人到按十五樓，好奇嘅老公唔執輸，唔出𨋢跟大隊😂一貫放題格局，兩旁滿滿嘅大雪櫃，應有盡有，特別的是喱度有玻璃樽嘅汽水吖，充滿風味👍🏻，重重有，一個暖櫃，放滿媽媽奶，麥X同清熱嘅飲品👍🏻👍🏻重重重有，就係一個熱飲枱，咖啡，茶，朱古力，真係要乜有乜，旁邊重有沙冰機，涼茶飲料，真係淨係飲品都多到呢😂調味料有好多選擇前後嘅配料櫃都充滿各式各樣嘅配菜，都算整齊新鮮左邊係臭臭鍋，一啲都唔臭，帶少少辣右邊係麻辣鍋，個人覺得比樓下更香辣，不過就小點麻牛肉有三款，頂級牛梅肉，牛小排，同安格斯黑牛，各有口感黑毛豬梅花肉同五花腩大大個自家甜品櫃同Dreyer’s雪糕櫃喱餐又抱住個大肚腩離開嚕😌提外話店子嘅接待員(女仕)服務態度非常👍🏻由接待到落單，甚至甜品區佢都好落力為店舖服務，喱種態度好耐都無見👍🏻👍🏻

今日預祝母親節 ， 母親大人話想食火鍋 就嚟左 創興廣場 牛牛台式火鍋， 貪佢雪糕甜品嘢飲多 就啲小朋友 好彩預先訂咗位， 7点去到已經超多人。 入紙款式唔多， 主要係牛，豬肉和海鮮料。 貪佢抵食冇加一。 D肉類海鮮都算唔錯，D蜆細隻D 海虾大大隻， 好壞參半， 還可以。 湯底有五款選擇我潠焉鴦鍋。 自助區選擇都算多， 好過落柯打， 唔使嘥嘢鍾意食一兩粒都可以 幾鍾意佢這個芒果啤， 清清地幾好味吾太甜。 最後梗係小朋友最喜愛嘅雪糕區啦， 有甜品雪條糯米糍， 仲有自助式嘅筆雪糕。 飽曬

今次係第三次食牛牛，但係好味既野好似真係唔會永遠都咁好味今次叫既湯底係皮蛋芫茜湯底同埋麻辣湯底。單講湯底同以前唔同既就係個麻辣味消失哂，淨係得層紅油浮面。第一次只係係湯底入面煮已經夠哂味，而家就要點豉油仲唔麻，唉食肉獸同平時一樣都係食牛做主打不停叫叫左三四輪。但係！d牛就一輪靚一輪差。靚既非常高質，差既可以雪左係隻碟上面拎對筷子去刮都刮唔起，夾起已經爛哂。可能真係要控制成本，不過質素好唔好真係肉眼都見到。出櫃拎既野食都唔太新鮮，我愛的金菇樣子都乾蔫蔫噠本身以為呢間可以長食，不過睇黎之後又要搜尋一間新既邊爐好去處啦。

竟然比我發現有唔收加一，而且有海底撈湯底既任食火鍋，價錢真係平！肉類唔算多，但胜在質素好，夠薄，唔會太肥，連唔係好食牛既我都好鐘意，其他食物例如丸類同菜類唔係太特別但唔伏，d蜆好甜好新鮮，無沙好難得！仲有雪糕食，200左右好抵啊！

已經唔係第一次黎食 值得encore 再encore .成日都覺得任食火鍋質素好唔穩定，呢間係我會keep住幫襯既一間。😋😋😋款類都算多既 以呢個價錢黎計份量每份肉都係幾塊唔夠可以到嗌 唔洗浪費食物湯底選擇 有辣有唔辣焉鴦鍋就岩曬我唔食得辣又想心思思想試🙈🙈🙈海底撈湯底正！ 甜品雪糕野飲種類都唔少但甜品就麻麻地野飲有啤酒 一流👏🏻👏🏻👏🏻好多鋪頭都唔包啤酒一係就要加錢每位二百蚊有找真係抵到爛🤪

約左朋友食飯, 揀左呢間價錢算係平既邊爐. 去到果時已經好多人,不過坐位多數係卡位,坐得好舒服!湯底可揀兩款, 不過不失啦, 愈食愈辣多款醬料任揀任你混牛肉有三款, 牛梅花, 牛小排同安格斯黑牛, 其實點分我都唔知...牛味濃, 薄身快熟,所以唔好游水游太耐海鮮類都唔差, 蝦 蜆 八爪魚仲有呢個唔記得係咩魚, 肉類好正甜品有自助雪糕, 雪條, 雪米糍佢自家甜品就真係食唔落啦....

本身食過幾次，覺得幾好食，但如果5個人嚟食，下一次我晤會再選擇去這間，基本上枱同枱之間又晤多空間，條通道又人來人往，你求其係4座位加一張 凳，我地又見有其他座位晤比我哋，我地下一次寧願晤嚟。實在太逼，太辛苦，成晚背脊係咁比人撞，反應完又晤理，食物似乎幾好食都冇用。

去旺角試過咁多間火鍋店，都係創興廣場15樓全層呢間牛牛台式鴛鴦火鍋最抵食地方夠寬闊，坐位夠多，晚飯輪候時間快。由17:00-03:00時段，21:30後入座仲平二十蚊位，簡直是貓頭鷹宵夜之首選。落單後上菜快，材料又新鮮，有好多款式自助選擇。雪糕牌子種類多，飲品及啤酒仲超過23款，最重要係價錢平，平均由88-168。仲唔須要加一收費。兩位都可以訂枱，方便以後撑枱腳之選。聯歡晚飯也可以有二十幾人枱，真係周到

第一次寫食評，因為呢間值得推介！👍🏻一早起openrice訂左位，同事介紹呢間抵食所以一行5人黎試下，食完覺得無介紹錯，呢度有好多野食，有牛有豬有羊（無影相），仲有好新鮮既蝦、蜆，D蝦好大隻，飲品甜品有好多選擇，可以自己任拎（好驚喜有花茶，仲要連咖啡奶茶都有），甜品竟然有Dreyer’s雪糕，因為當中有人食素的，呢度仲要有素丸提供，食素既都岩食，好體貼👍🏻，服務亦好好，員工經過會主動收野，又極速跟進落單情況👍🏻，包咁多野仲要無收加一都只係收$168 咋，好抵食，下次一定再幫襯！👍🏻

價位嚟講，食物款式又多，飲品多，雪糕雪條仲多，仲有甜品酸菜白肉鍋同海底撈麻辣湯，麻辣湯不錯，辣度剛好，係食到咁後落麵就太吸辣同咸咗啲。酸菜白肉，一開頭嚴不夠酸，問夥計可唔可以俾多啲酸菜，都肯比，但酸菜味道同好多食物都唔夾，得豬羊比較上夾啲。好多唔同種類嘅丸，我無乜試。豬同羊都可以，魚類就爭啲。魚皮超咸，魯肉飯ok。蔬菜都多，南瓜，冬瓜，粟米仔都幾好。雪糕多味，雪條竟然有榴蓮味，仲有牛奶樂等。甜品小碟就試咗焦糖燉蛋，椰汁糕，我就麻麻了

有朋自遠方返黎，想食火鍋，於是揀咗呢間曾經光顧過又抵食既台式火鍋，任食2個小時，可以慢慢食住傾偈。有8款湯底可以選擇，鴛鴦鍋又唔需要另外加錢👍 我地呢啲辣辣愛好者梗係唔放過辣湯底啦，最後揀咗臭臭鍋（唔太辣）+莞茜皮蛋鍋。首輪當然必點所有肉類，包括三款牛肉，二款豬肉，重有羊肉。肉類算新鮮，肥瘦適中。海鮮類種類就唔太多，只有五樣，我地只對蝦、蜆同八爪魚有興趣 😂除咗肉類同海鮮類要寫紙落 order 外，出面有幾個柜擺咗大量丸類。餃。蔬菜。重有花膠添。。。種類真係唔少！！除咗火鍋配料多選擇外，飲品種類都多，啤酒都有3款，啱晒啲酒 👻～ 作為完美既結尾，多款甜品都唔知食邊樣好，但任食既 dryer's 雪糕當然唔可以錯過啦～💃💃 滿足到一個點，抵 👍🤣🤣🤣