牛牛台式鴛鴦火鍋

营业中

休息中

呢到既海底撈湯底好正！ 夠香夠辣 🌶調味料既選擇亦都有好多 唔單止有指天椒 仲有剁椒 辣椒油 花椒油 等等 食材亦不斷補充 我地食食下個陣 有個員工仲好nice咁幫我地加麻辣湯 唔洗叫 自動就過左黎！星期四夜晚7:30去 冇book位都只係等左大約15-20分鐘 👍🏻👍🏻👍🏻👍🏻👍🏻唯獨是坐位有啲迫 🙈

好耐無食台式火鍋天氣轉涼，就同朋友去打邊爐朋友想去呢間牛牛食我們選了兩個湯底就點左幾款牛肉同埋海蝦配料就是自助的有好多款式可以選擇好啱咩都想試的我飲品都好多，有我愛的道地茶又有自製花茶牛肉都上得快一次過叫左幾款但唔太清楚是食緊邊款牛肉🙈牛肉比起其他日式火鍋店的牛肉大較有牛肉味，少些雪味只是有些牛肉比較多脂肪吧...蝦都好鮮甜菜又新鮮太多野食，好快就飽飽都要食d雪糕有雪糕球、D字頭雪糕又有幾款口味的雪條、雪米糍⋯⋯連水果都有，我們只拎了西瓜食至於西式甜品，我們飽到吃不下了..下次先再試今次掛住食，都無咩影相兩個鐘頭的火鍋時間非常充足！不用太急食，又有時間可以傾計

開門見山講， 呢間野好難食158 落樓價係幾抵， 但係食物質素差， 選擇少，我真係寧願比多幾 十蚊食返d 正常的打邊爐。首先， 佢d 牛同蝦都係要用點單紙， 就算你點填，佢都係按人頭比， 即係如果你有4個人食，你點填都好，佢都係比四隻蝦你。 佢有三款牛， 牛梅肉韌都不得了⋯其他個兩款正常，但真係分辨唔到， 因為佢個盤完全無記認（ 明明點菜紙上有分唔同顏色的圓點等於唔同的牛肉） ， 但佢完全無係盤上顯示，呢樣都小事。 最大問題係自取區，問題一： 細， 好迫；問題二： 選擇少， 例如：菜， 得油麥菜；問題三： refill 慢， 例如： 鵝腸， 我夾左一次， 第二出去已經變左豬腩肉， 然後全晚（兩小時的時間）都無出現過；問題四： 雪糕筒的雪糕硬到勺唔到；問題五： 自家甜品好難食全晚可讚的只有， 入貨的甜品好正常， 同埋飲品唔錯，有汽水同啤酒

之前睇過網人寫呢間，我地5點半上到去，已有4枱食緊，人唔多，但都有2位既卡位，坐低咗，店員都好友善講解。 上食物同收走碟都好快，佢地仲會久唔久收放骨袋，等你食得舒服，呢d先叫效率，你唔會見到好似其他店既店員走埋一堆傾計，即使員工係我附近食飯，都唔係大聲講，呢個值得讚。 出面既自助食物種類都多，可能雪櫃夠凍，一些食物例豬潤同肉類，會有巢皮既情況，可能加多少少水或用蓋一下會好d. 炸魚皮就應該唔該放係生既食物旁，仲要用生食物夾黎夾，幾脆都唔敢就咗放入口。甜品我就覺得一般，但種類多我會加返分比佢。雪糕同糯米糍存貨充裕，又夠凍，再加分。

宵夜場12點幾到...湯底冇味, 就算係辣湯都冇辣味...食物選擇好少, 質素差, 好多都唔新鮮! 要下單既食物份量就愈叫愈少! 唯一所謂好的 - 玻璃樽裝可樂! 真係唔好貪平!!

今日一行7人去群聚, 友人們揀左呢間火鍋, 去到經已迫滿人, 名付其實 (水洩不通), 就連等位既地方都無, 身邊總有人左串右插, 我心想, 我都吾會再來幫襯, 好似吾洗錢甘擠擁! 朋友同我講, 佢係這裡常客, 一星期來3次!等左半小時, 終於有位 (其實本身都 BOOK 左, 但可能真係未安排到), 我地坐六人近窗口, 好彩4個瘦, 3個肥, 叫朋友瘦既親密D!出去望下野食, 野飲, 我終於明白呢度甘多人既原因, 價錢平當然係主因, 佢地既食物同飲品選擇好多, 差不多平時用得來打邊爐既款都有, 飲品汽水, 啤酒, 鳥龍茶, 就連熱麥精都有! 再加上甜品, 雪糕, 簡直夫復何求呢? 所以甘受歡迎係絕對無可厚非!!! 迫D都無秉謂, 一定會再來哦!

$158免加一、火鍋配料任吃、枝裝汽水任飲、2小時吃到飽不是夢！今日和大家一起試試這間「牛牛台式鴛鴦火鍋」🍲場地很大但座位不夠寬敞，人數多時更覺逼夾。可任選2款湯底拼成鴛鴦鍋。麻辣鍋有驚喜，又香又麻，喜歡辣的食友一定不可以錯過！胡椒咸菜豬肚鍋一開始味道其實不錯，但愈煮愈咸，後期還有一點胡椒苦味。3款牛肉、2款豚肉、1款羊肉雖然肉類選擇不多，但各款肉質都不錯，不會過肥或過瘦。火鍋配料自助區選擇多不勝數，而且種類繁多，各式丸類、菜類、急凍海鮮等等。不想吃急凍海鮮？這裡還有5款新鮮海產，最推薦海蝦！🦐醬料多得花多眼亂，除了豉油外，還有16款特色醬料，可以配搭獨特的醬料口味！飲品亦是包羅萬有，由自家製竹庶水、沙冰、果汁、各式汽水，最特別是有枝裝汽水任喝！不想喝凍飲的話，還有熱飲：玫瑰花茶、即磨咖啡、奶茶、朱古力！☕️🍵火鍋吃到最後，當然不能少的就是甜品！中西甜品杯款式多，但試了兩款後感覺很一般，結果轉戰其他雪糕、雪條。🍦🍰🍮整個冰櫃都是懷舊的阿波羅雪糕杯、大腳板、雪米糍、紅豆樂⋯還有10款Dreyer’s 雪糕任吃！總結：$158免加一價錢可以在旺角飲飽食醉，而且整體質素不錯，抵食的火鍋不二之選

如果唔係朋友介紹我自己真係唔會黎食,因為以為得牛同埋好hea(價錢平到我唔信嘛)點知星期日最旺時間黎D人多到嘔!好彩一早book定場內選擇多到爆,除左可以劃紙要高級材料,仲可以出面自己夾雪櫃有多款蔬菜,仲有新鮮包嘅自家製餃子,好有心!喜歡混醬嘅朋友一定好開心,因為呢度超多醬!甜品都有好多選擇,有包裝好的雪糕雪條,仲有自己but嘅雪糕~~飲品有熱有凍,涼茶咖啡酒水樣樣齊,最厲害係連酒都任飲!我地叫左鴛鴦鍋,辣的好夠辣味,聞到香濃味道,但未到入唔到口的地步~而唔辣的夠清淡,可以食到食材原味必食推介有美國prime頂級牛梅花,油脂均勻,入口唔會好難o趙,牛味都幾濃郁~~encore左幾次XDD豆腐佢都有好多選擇,我自己覺得蜂巢豆腐最好,一來無咁容易散開,而蜂巢設計可以鎖住湯汁~廚師腸同午餐肉放落麻辣鍋度好入味,辣味咸香味共融~~雖然響鈴放左響出面,但質素依然好高,油份少而且相當脆口,2秒已經食得,請記住要一次攞一堆,因為好搶手好快無!!呢度有唔少特色丸類,好似我呢D芋頭控見到香芋丸立刻狂夾!淥熟後外層彈牙內裡有軟糯芋頭蓉,微甜,好正~~~呢度咸野普遍好ok,但我必須坦白,就算我幾無所謂,幾喜

又去打邊爐啦～～今次黎到旺角創興中心既「牛牛台式鴛鴦火鍋」，顧名思義可以選擇2個唔同既湯底，所以好方便，迎合到唔同人既口味～呢個係任食火鍋，所以想食咩就叫咩，牛、豬、魚、海鮮咩都有，其他配料，醬汁就自己係出面拎，想食幾多就拎幾多～肉類品質都算唔錯，幾嫩滑，特別推薦牛小排～而且每次落完單好快店員就拎到出黎，證明餐廳人手充足～不過甜品方面就麻麻，雖然有甜品櫃裡面有十幾二十種甜品，但係賣相麻麻所以無咩人拎，個個都係拎雪糕/雪米癡～overall以火鍋黎講都算幾抵食，每個人$200唔使～好味指數：🌕🌕🌕

素食朋友和肉食朋友不用再為選餐廳而尷尬了，此餐廳可為大家提供十分足夠的選擇。肉食不作多說，基本的魚、牛、豬等肉食足夠選擇，而素食的素料則不用選擇，因為這餐廳會有一整份素丸和素料等提供給客人，你只需向待應說明要一份素食火鍋了就可以了，其餘的枝竹、冬菇、雞脾菇、波波等就可自助夾。另外，飲品有多款選擇，懷舊玻璃瓶汽水、罐裝啤酒、自己冲的花茶、咖啡或茶都有，生日預早一天訂位說明慶祝生日就會送你一枝香檳，只攜蛋糕又不會收切餅費。

同朋友慶祝生日，我就第一次黎這間牛牛台式鴛鴦鍋，有 book 枱度等位嘅時間，前台的職員很有禮貌都很好幫我們安排👍🏿👍🏿👍🏿讚之後等到有位的時候，雖然座位比較窄，六個人坐四個人的卡位😝😝，很好我們都不是太肥哈哈😅😂。我們點了兩款湯底日本芫荽皮蛋湯，另外一款係鹹菜胡椒豬肚湯。但我們打了一半邊爐後發現胡椒豬肚湯那邊有藍色的顏料在湯内😱😱😓😓，馬上叫職員看看，他們立刻幫我們安排了換掉一個新湯底。最後我們選擇兩個都要芫荽皮蛋湯哈哈。但以食物質素來說是很好味的，我們不斷追加了牛肉、豬肉、雞肉、蝦、魚蛋等等，還有很多雪糕甜品🍮，大滿足😋😋😋我們還有一個生日蛋糕，出生日蛋糕時還會播生日歌添😁😁

上星期日是第三次去牛牛食晚餐，佢哋既食材係放題呢講算新鮮，食材、飲品、甜品選擇多。餐廳既中央有4個自選架上，上面至少有40種不同食材，另外以單點的肉類會按照人數分配，無試過漏單。餐廳两個地方設有飲品架，有大概15款不同無酒精飲品(有甜唔甜)，5種啤酒。另外佢地令人最開心既地方係個雪糕櫃，里面有滿滿獨立包裝既雪糕，任你揀。唔係怕用舀到mix埋哂啲味。

七個人食，由第一張單到最後嗰張單，剔三份羊肉只出一份(兩片)，剔魚片每次出三片，剔安格斯出牛梅花，七個人得嗰兩片羊，點食？直情係迫你去自助區食啲平價嘢，已後無帮親！

8月25日晚，一行6人訂了7:30pm時段，被安排一張非常狹窄的座位，此座位應是4人座位，所以6人坐4人座位是非常非常的迫，而枱面更是沒有足夠地方放食材，周圍環境非常嘈雜，完全傾唔到計。地方狹窄不特止，我們坐那排的電磁爐不停跳掣，每2分鐘就跳掣1次，足足跳咗5,6次，最後，服務員叫我哋將個爐校細d, 先冇再跳掣，但其實內心覺得好危險，根本電力負荷唔到,萬一有火警點算。至於冷氣方便，凍到好似入咗雪房咁，理應打邊爐應該係好熱，但係凍到對手好似冰咁, 大人都凍到咁，小朋友就更加唔使講。至於食物方面更是恐怖，首先就是牛肉方面，完全沒有牛味，有一款更是"柴皮", 而且一次差過一次，沒有質數可言｡但低處未算低，就係海鮮方面，蜆係臭嘅,至於蝦方面，第一次還算ok, 但第二次都係臭嘅，根本冇海鮮可以選擇｡至於其他食物，只係一些廉價食物，不值一提。雖然$168這價錢任飲任食好抵，亦有心理準備食物唔會太高級，但都唔可以係臭㗎｡最後總結係環境惡劣，食物垃圾，絕對不會再幫襯。

打邊爐最好就係乜都吾洗諗，想食乜就食乜，又可以慢慢食，吹下水。呢間牛牛我已經食過好多次，我覺得cp值真係好高我建議大家係可以訂位既！因為我次次都等差吾多一個鐘先有位。So sad~~~~好彩出面有位坐下，可以拎飲品飲住等！不過呢度吾好既係睇枱入人而吾係跟時間，所以如果有4人枱，佢係吾會俾2人入，除非無哂4人飛，我覺得呢點餐廳要改善一下所以訂位好重要！鍋底都有好多款，基本上我都試過哂啦。今次就食杏汁同麻辣鍋。食物材料好豐富，芝心丸，魚蛋，墨魚丸，海膽丸，麻吉燒，豬紅，牛柏葉，花膠仔，響鈴，魚片，冬菇，金菇，蘿蔔，菜，麵等等等等。太多啦，多到數吾哂食吾哂🤭牛牛🐮方面係劃紙仔，有3款牛牛。我覺得牛小排最好食，有牛味，好正！仲有豬，半，蜆，蝦🦐魚都可以劃咖。。出面有甜品櫃，因為吾吸引，我無食。但就有食雪糕🍦！有D字牌雪糕食，我好中意食石版街口味，但呢個口味好快無哂，而且吾會Fill！中意食既人一定要食左先啦。另外仲有好多雪糕，雪米糍，榴連雪條！出面又有好多飲品，冰沙，檸檬茶，花茶，茶包，咖啡，朱古力，汽水，係支裝！出面好少見支裝汽水！啤酒🍻都有。一定有你中意飲既野呢度食限時2小時，不過都好充足