牛牛台式鴛鴦火鍋

营业中

休息中

食過幾次 每個湯底都好好食 個人最鍾意酸菜白肉鍋拼男朋友嘅麻辣鍋 大家都可以食到自己鍾意嘅口味 餸有超多款 牛肉豬肉好新鮮好嫩 鍾意食海鮮嘅仲有大蝦同蜆 雪糕雖然有啲難bug 但係好好味 甜品都有好多款又有水果 價錢唔貴員工服務態度又好 一定會再有下次

很好吃，也很豐富的火鍋，就是麻辣火鍋不夠辣，不過，也算接受範圍之內，建議先預定，我們是預定的，看見沒預定的人，等位時間挺久的，但是，真的，真的，良心推介，平民價格，158/人，不加一是重點

今日宵夜係旺角搵個邊爐打 誤打誤撞去左創興一入到去見環境都幾舒服同好似幾多野食就決定食食物種類的多牛肉質素都唔錯所有野食都黎得快同埋麻辣湯底都夠辣！我叫左芫茜皮蛋同埋麻辣湯底兩個都好正甜品飲品亦好夠多 以咁既價錢絕對係超抵！

這陣子收工收 8點，星期五晚和同事們試了這間牛牛台式打邊爐。在沒有訂台的情況下， 9:30 試到餐廳 ，大約等了 15 分鐘便有得入座，真是喜出望外的感覺。價錢是$138 加一的收費 ， 落岩一人$148 。 火鍋湯底點了台底麻辣鍋及臭臭鍋。臭教鍋湯底有些豆腐， 魚乾，西芹。 麻辣都是花椒八角辣油， 沒有得選辣度，所有食物都是任吃，除了啤酒。臭臭鍋三小姐就覺得沒什麼特別臭特別香，但比普通芫茜皮旦湯底有味，可試一試。 麻辣就不重香料味，但很夠麻和香 ！ LIke👍🏻火鍋離不開都是牛， 牛就看來什麼貨色有時會像肥牛，有時會似雪花，好似撞彩甘。 有沙白和蝦任食 ，味道新鮮。 沒有什麼特別食料 都是任食邊爐的貨色。蔬菜類會有勝瓜， 幾得意。 特別之處在於甜品有dryers 和一燈燈的雪米糍， 都很好吃的,但雪糕要用刨下 。

上網見人推介，就坐言起行，即刻BOOK位。點左鴛鴦鍋，一邊麻辣，一邊沙嗲。任飲任食，肉同海鮮在落單紙填數量，其餘配料出去任拎。友人同我都係好酒人士，見到呢間啲啤酒任飲唔嬲對眼即刻發光。牛肉、蝦同脆肉鯇好食，點左三輪。主攻丸類同蔬菜，食材都幾新鮮。上網見到話魯肉飯好食，我地就覺得麻麻，得個咸味，可以唔使試，費事嘥位記住留返啲時間食甜品，通常食太飽會食唔落。我地死都要試，點知中哂伏，都係食返糯米糍算。兩個鐘真係唔夠皮，傾得黎又唔夠時間食，齋食唔傾又唔知見黎做咩⋯⋯如果加時食足三個鐘會好好多！

朋友介紹的火鍋店，地方寬敞、乾淨衛生，食物既款式多元化，基本上打邊爐會食既配料都有；除左火鍋配料任食外，還有雪糕、甜品等，都係自助任取，飲品款式亦都比其他火鍋店多，價錢公道，絕對抵過自己買野係屋企打

平時去創興見到哩間任食火鍋,又多肉選擇,又有海鮮,一直都想試下但每次去到都超多人,今日就預先book定7:15,但最後遲到7:30先去到結果要等位,最後等左1個鐘多少少入得(太多人)點左個沙嗲湯底配芫茜皮蛋湯底而食物係自助既,除左海鮮同某幾款肉類食物種類夠多,丸類,肉類,菜類,全部齊全,而且不斷會換款/補充另外要落單既肉同海鮮,好快上菜,而且全晚無甩過單蝦蜆都好新鮮,不斷叫!而牛肉都有多款選擇甜品都有好多選擇,自助雪糕,雪條,雪米慈,大腳板,有好多選擇最後以旺角火爐入面,無論價錢同質素,都算係數一數二不過客人就好多,無book到就可能要等耐少少

又來食牛牛啦呢排來牛牛來得好密自從同媽咪食過一次之後佢就愛上左15樓嘅牛牛雖然我都好鍾意來食但係我冇佢咁瘋狂佢話希望每個禮拜都要來一次好似掌門人咁呀！（每個禮拜一次「窩唉ni」❤️）呢度啲嘢食選擇同飲品選擇都超多野飲有花茶好健康啊呢個係冬陰公丸唔係度度有我地每次都會食啲南瓜超甜一定要試吓滑雞件本身調左味非常之好味唔需要點任何醬或者豉油都好好食最緊要最緊要係食落好滑蔬菜方面我哋係食得最多嘅啲肉類我哋食得比較少蔬菜全部都好新鮮魚片頭好正呀食左粒白肉魚蛋，好爽啊！魚嘅香味好香濃冇諗過打邊爐係有飯食仲要係台式肉燥飯好正啊有埋蛋添啊甜品選擇超多除咗甜品櫃嗰啲之外仲有雪糕、雪條、雪米糍等等記得記得要食生果呀因為d哈密瓜真係好爽好甜呀一定要攞啊！呢度個老細諗得好周到每張枱都有一樽湯擺喺度等我哋自己加唔使下下叫人來唔需要個顧客等同埋張枱上面有個細細地嘅筒仔俾我哋擺垃圾嘅食完野啲殼啊唔要就可放落去咁就keep住d碗碟都可以用來裝野食啦又唔洗叫人換碟抵讚👍雖然我哋嗰張二人枱唔算好大張但係因為佢細心嘅安排令到我哋可以食得好舒服唔需要下下搵人來收碟下下搵人來加湯自己鍾意食乜就出去攞咩好free同埋呢度真係好多選

嗰日約咗朋友去打邊爐，去咗旺角嗰頭。一入到去個環境好大好靚，啲位都好闊落。第一件事梗係攞野飲啦，嘢飲都好多選擇架，仲有啤酒添要咗個杏汁湯底，個湯底好清好特別。嘢食都有好多選擇配料直情多到離晒譜添仲有牛豬羊同海鮮，不過呢啲要入紙先至可以叫到，我好食海鮮好新鮮。仲有啲嘢食係好特別架，唔係出邊嗰啲地方隨便搵到架。啲生果都好新鮮，食到差唔多嘅時候記得攞啲黎食啦。仲有啲魚蛋係黑色架，唔好睇佢咁嘅色好好食架。最後梗係要食返個甜品啦。

今晚突然想打邊爐，於是上網尋找好食既火鍋，雖然旺角區選擇多，但好多都令人失望。唯獨今次有驚喜啵。湯底今次選擇了出名既麻辣同糊椒豬肚。麻辣湯底夠濃郁，糊椒豬肚湯配料又多，又好食，兩款湯底就算加左四次清湯都無沖淡，下次會試埋杏汁湯底。海鮮新鮮，蝦同青口都唔錯，無雪藏味。和牛牛肉有鮮味，不像雪到壞晒既牛肉，肥瘦比例均等。而且甜品款式多，基本朱古力蛋糕/布丁/啫喱/芝士蛋糕/雪糕雪條一定有。飲品多選擇，除了一般既罐裝飲品外，仲有熱啡同奶茶，最重要有乾花同茶包，可以自製菊花或玫瑰花茶！收費仲要二百蚊都唔洗（一個人）CP 值絕對高！！

朋友介紹e 間台式任食火鍋 抵食得黎選擇都幾多 推介麻辣湯底 有微微藥材味 不算太辣 另外一邊係酸菜白肉湯底 一般般啦材料都算幾新鮮 飲品選擇又多 基本上up得出ge打邊爐材料都有 真係可以一試ga服務都算幾好 唯獨門口帶位阿姐⋯ 上番黎openrice 都見有人話個40-50歲阿姐態度差 應該都係同一個人 哈哈哈

原先想去瓊華大鍋口的，但人太多要9點後先有位拎，結果去創興睇下，有個大大招牌就上去望下上到去味道濃得鼻痕，就拎位要等5個，結果都等左35分鐘，人山人海有得食了，揀左麻辣同酸菜白肉鍋，嚟到湯味好濃，仲有3款🐂肉兩款🐷肉同🐐肉揀，亦有蜆，海蝦，鯇魚片同大魚頭叫……而其他一般的火鍋料就喺外面拎，都有好多唔同選擇，但拎豉油同其他味料就要大排長龍飲品方面自由斟的有芒果沙冰，橙汁，同花茶可以自己調製……但旁邊亦有三大個雪櫃內有啤酒，韓國飲料同汽水，食完仲有甜品，但自家製的就好一般，食返兒時經典大腳板雪條同雪米糍會好d, 另外亦有雪糕可以食，綠茶味異常地濃如果唔介意湯味濃，絕對誠意推介

麻辣…令人一試難忘的味道放題…人數不多時的一個好選擇打正旗號台式麻辣的，香港只有三數間，但好像牛牛的麻辣最合我口味，吃得嘴唇有感到一點點的麻痺，舌頭有感到一點點的辣，還有麻辣的香，就是吸引我牛肉方面，因為盒上的標示都不明顯了，所以只好一款一款的試，對於我這個牛魔王，我比較喜歡牛小排還有我喜愛的蝦，蜆，魚頭，小花膠，午餐肉，芋頭，珍珠筍，要特別提一下"白魚蛋"，很好吃的，可以試一下九天吃了三趟，就是喜歡…不解釋

昨晚7月12日約左朋友，上到去擺飛等位，時間是7:52pm，足足等左一小時二十幾分，大佬呀平日都咁樣？？？最後去嘈d負責人(9:15分)才比位我們，成肚火。。。完全無晒胃口食囉！！之前門口位大嬸(40-50歲)只是要我們等，下張檯到你們，問多2次當聽唔到，態度好差，完全唔想做咁既樣

近期興食台式打邊爐，一般都係一人一鍋，呢間雖然唔係一人一鍋，但就係任食！見好似開左無幾耐，就去試下！創興其實都好多打邊爐，轉轉下都唔個邊間執左邊間仲有！去到見到每位$168任食，仲要咩都包哂，唔駛加一！真係抵到爛！首先揀湯底，由於太肚餓無睇清楚，我只揀左臭臭鍋！原來係鴛鴦鍋，大家記得揀兩款湯底呀！肉類方面，我地全部都叫左黎試，本人推介安格斯黑牛。因為最入口即溶，肥瘦分怖比較平衡！最好味！牛小扒都ok，但牛味唔重！可以一試！比較麻麻的就係牛梅花，好肥，但肉偏「鞋」！覺得可以唔駛叫！留肚食其他兩款好過！豬肉我地都每款都有叫，味道正常，無特別分邊種了！除左肉仲有海鮮：海蝦-新鮮都夠大隻蜆-味道一般，偏細隻青口-算ok, 幾大隻小八爪魚-一份份量好多，正常無咩特別另外佢出面自助的食物款色好多！墨魚丸、貢丸、墨汁丸、芝士丸、魚蛋、牛筋、牛骨髓、豬紅、百頁豆腐、魚角、春卷、豆卜、嚮鈴、菜、雞子、豬頸肉等等！多不勝數！飲品方面亦好多選擇：沙冰、花茶、台式奶茶、咖啡類、酸梅湯等！甜品都好多，有雪糕、雪條、仲有甜品櫃唔同甜品比你揀！本人就覺得甜品麻麻！埋單$168一個人真係好抵！食物中規中矩！呢個價錢性