影片
以上资料只供参考，请与餐厅确认详情
老闆娘態度差到不得了，從未遇過咁差嘅餐廳。出面排哂隊，老闆娘在餐廳內大叫食客慢慢食，由得客人在外排隊。我們四人原本唸住快啲有位，就同老闆娘講可分枱坐，之後見有四人枱準備走，我們就說先讓後面排隊食客入座，我們等四人枱。點知老闆娘就呼喝我們說，你哋又話分枱坐，而家有枱又唔坐！塊面黑過鑊燶！感覺餐廳只想客人排隊製造長龍，有枱又唔放食客入。食物方面，沙嗲牛肉麵，沙嗲汁好重味，食完好口渴，牛肉有點硬。茶餐廳比他好，真心不建議浪費時間排隊，比錢食嘢睇老闆娘發晦氣，同受氣！
继续阅读
難得嚟到西貢，就search下有乜好食，好多網站都介紹要食呢間沙嗲牛肉麵，又話咩沙嗲牛肉關注組推介，咁就嚟試吓啦。夜晚7點幾嚟到，都冇乜人，得一枱客。自己畫紙仔點餐，點完比佢落單，食完先比錢。我哋一個叫沙嗲牛肉炸麵，一個叫沙嗲面珠登湯麵。好快有得食，5分鐘都唔洗。沙嗲牛肉炸麵$58沙嗲面珠登湯麵$55沙嗲偏濃同稠，炸麵都係有啲似撈麵，只係麵係炸，湯麵睇落好多湯，但其實都係超稠，好似汁撈咁。係好濃沙嗲麵，不過超稠，啲麵都係一團團咁食。50幾蚊，得碗沙嗲牛肉麵，乜都冇，飲品都冇，出面茶餐廳，50幾蚊食到成個常餐，沙嗲牛肉麵加埋方包奄列飲品，呢度抵唔抵食就見仁見智，我又唔覺得佢個沙嗲牛肉麵有咁好食，講真好多茶餐廳都好好食。
继续阅读
早前見到報道呢度有匈牙利牛肉飯食，以前好多豉油西餐廳都供應匈牙利牛肉飯，慢慢就好似消失咗咁，所以今次專程嚟西貢想食返以前嘅味道，匈牙利牛面珠登飯 $65先到，味道回憶返晒嚟，牛面珠登仲好軟腍，好味喔。餐廳另一名物係牛脷，厚切牛脷扒飯 $108配沙嗲汁、黑椒汁或匈牙利汁，友人就揀咗沙嗲汁，牛脷都係煮得好軟熟，厚切又有口感，亦有牛脷獨特嘅香氣，沙嗲汁香濃，跟牛脷都夾，唔錯唔錯。店子提供配湯麵、撈麵，甚至炸脆麵，有機會都嚟試下先～
继续阅读