牛皇星 (已搬遷) 新店位置

吃火鍋一定要找同好，兩個火鍋精又出動！是日吃了一頓美味的火鍋，手切牛很嫩口、象拔螃很新鮮爽口，從未試過火鍋吃牛舌，又是一個新體驗，原來除了燒牛舌外，用來涮火鍋也是另一番風味！手切霜降牛肉怎麼涮，入口即溶、完全沒有肉質太老的感覺，象拔螃刺身除了新鮮以外，師傅的刀切技術也很好，要爽口的爽口、要彈牙的彈牙。我從來的慨念就只有去烤肉店吃燒牛舌，經店員介紹今天來一個涮牛舌。。。驚喜十足因為只有2個人，所以能夠點配的食材不太多，單是一碟手切霜降牛已經吃得很滿足

今日同老友記黎打邊爐！安排左樓上雅座，無咁迫同多人。先黎一JAR竹庶茅根先，個底都好多材料架！睇下Menu先！一場黎到必點LEE個冬瓜盅湯底，賣相味道都一流！本身個盅都好多料喇！湯底飲落好清甜黎牛皇星必點GE肥牛，LEE碟係店員介紹GE正野，睇到牛肉片上D雪花紋就知係好正啦。真係回味無窮，好有肉味，食完又再叫多左一碟食下菜食下餃牛肉同湯底係正，其他配料就正正常常食完仲有飯後果，打完邊爐食個水果一流

呢間打邊爐好出名大概系因爲佢嘅牛肉好新鮮好好味小編認同 但系想講呢度一d都唔平嫁!鱆紅魚刺身 ~$300半條系幾有咬口嘅牛肉 系幾好食好有牛味 切得好薄雪花紋都好靚 粉腸系好新鮮 不過老細d態度就一般般啦有d串明嘅 咁好生意 唔在乎嘛

一家人係星期日出嚟食飯，嚟到呢間位於山林道既餐廳，想唔到係尖沙咀都可以食到平靚正既烤魚及邊爐，任飲任食都只係$168一位……烤魚可選擇辣既程度，而且配料新鮮，仲有多種海鮮任叫任食……

又到happy Friday 了，雖然天氣好熱，但心血來潮想涼住冷氣打邊爐，經友人介紹下認識左，牛皇星。一早已打去book 左位，喺店員既帶領下，上左樓上3樓進食，估5到佢地租左咁多層丫。因為喺樓上既關係，未有滿座，由於友人遲到，友善既員工提供1個free 的湯底俾我地煲住，食住先基本的配料本身湯底入邊已有蜆肉，菇同蝦，食住等朋友食得牛皇星，點可以5 try beef,如傳聞般好食忍5住叫左2大碟都好靚丫，以依個價錢嚟講鮮蝦雲吞，入面有2隻蝦，不錯哦魚皮餃，一般般，無咩特別炸魚皮加響鈴，炸魚皮好脆，浸去冬瓜盅度，感覺沒咁熱氣呃下自己先仲叫左2碟菜，2枝啤酒，員工服務態度好好，值得1讚哦最後個冬瓜盅都食5哂，已經好飽好飽了飯後果，店家貼心地準備生果俾我地總括嚟講，用冬瓜盅打邊爐好特別，又無time limit 可以blow water blow many hours Highly recommend for friends gathering

Today is the 1st day of Easter long holiday I am delighted But in the morning walk Suddenly need to go to toilet then just walk in the near restaurant Not too many people Called Ox king 👑 starprice is 👌🏻 I choose a 28$Oat and egg white soup no taste I want to add some sugar But I have not See some egg white Yet still taste lesschosen a fresh beef sandwich The beef so tasteless I put a lot of spice on it The beef is like having been boiled before Can't believe that "such thing"Will happen in Jord

突如其來的火鍋飯局，相約在大年初七晚。雖説這個冬天不太冷，但圍爐飯局仍是最受歡迎，好些城中火鍋名店一位難求，不要説是即日訂座，不日預約也要排在幾天之後，輪候一個月也是等閒事。雖知道佐敦近期有幾家大熱火鍋，但既然訂位不成只好作罷，這時想起在佐敦屹立多年的牛皇星，一直想試試它的實力，因此就不作它選了。生意極好的一家，除了原有的地鋪外，樓上也設有廳房雅座，同樣是座無虛席。作為地踎火鍋店家，雖没有華麗的裝潢，但環境尚算企理寛敞。既然店家以「牛皇」自稱，牛肉自是配料首選，但見門前放滿海鮮的魚缸，又見每桌一盤活魚刺身，看來海鮮亦甚有睇頭。若不是遷就同行友人們的口味，真想㸃上一份來試試。花雕醉雞湯($138)甚有雞味的新鮮雞件，可惜酒香只在皮層點到即止，蘸得不算入味，待花雕醉雞湯煮開後嚐一口湯汁，雞香、酒香、藥材香淡淡的，即使把醃汁料倒進鍋中也分別不大。招牌手切特級肥牛($298)説是手切肥牛，但見每塊大小一致，感覺是機切牛肉而已，不過屬本地肥牛倒是真的。屬牛頸部位，當中也有不同位置分佈，就是那一點的分别，令牛肉有不同層次，口感不會千篇一律。油花豐富，牛香亦足，肉質嫩滑有咬口，加上份量十足，份量及質

好耐無打邊爐嚕😁以家牛皇星有免費冬瓜湯底🍲個湯好甜好清涼😁啲瓜仲好鮮甜😍未有野食可以飲住個湯先😋😋😋黎到牛皇星緊係要叫手切肥牛同牛肩肉🐮😝牛肩肉比較新鮮 好有牛肉味😚😚切得都幾薄 又唔會韌😜不過呢到價錢比較貴🙈

一坐低，侍應就放低了一渣竹蔗茅根，又放低了一整個冬瓜盅，原來全都是送的，好驚喜啊！竹蔗茅根就太甜了，但冬瓜盅非常正！有好多冬瓜啊，又清熱又入味不得不提這碟牛肉太美味了！很新鮮，應該沒什麼雪過，所以牛肉味非常濃郁，似即日送來，而且中間好像不是脂肪，因為是半透明，這碟牛肉大推丸類不過不失餃類方面最好食是鮮蝦雲吞，蝦很大隻，而且有兩隻，很新鮮的其餘可以不叫。下次除了牛肉，蝦餃，其他可以轉別的食物

本人比較鍾意食火鍋，呢間嘢嘅冬瓜湯底真係正到冇得頂！桂花蚌，牛薑，一個字"爽"! 象拔蚌刺身都ok! 肥牛，正！墨魚滑，正！咁新鮮好味嘅材料，真係食到唔想停，回味無窮！哈哈！

好耐之前去食，覺得佢貴得太緊要冇再去幫襯！而且以前去唔叫海鮮會被黑面……朋友話前幾日幫襯已經唔一樣，仲送湯底，當然要試！冬瓜鴨湯~真係送架，仲好多鸭係入面，到最後D瓜仲索晒D鮮味,好食到不得了桂花蚌~好爽甜味，食得出好新鮮黑豚肉~好似食緊牛肉甘好靚，好小食到甘靚既豬肉其他四寶丸，菜，麵都好新鮮，可惜價錢依然好貴！

無聊咗好耐，最尾都被我自己後知後覺想起今年打邊爐嘅次數實在比較少，所以計劃了很久要去打邊爐。牛皇星是之前在推薦上見到的。牛肉一直是我打邊爐必不可少的，牛皇星的手切牛肉肥瘦比例適中，薄薄一片，牛肉發剛放進入滾一下就已經可以食得喇，由於湯底味道很濃鬱，牛肉的騷味已經被消除，入口爽滑脆口。蝦也是很大一隻，蝦肉鮮美多汁，而且好Q彈，感覺仲有小小嚡，可能有可能系因為我們煮得太耐咯。炸腐皮炸得好靚，未熟之前就已經好脆，熟咗之後就已經覺得有軟過頭的錯覺，但是這樣先口感滑口。青菜洗的好乾淨喇，入口很好。總體價錢都ok，接受到咯。

幾年前食過一次，覺得牛肉好新鮮，到了每一個月一次的中學同學聚會，所以決定再來。結果我們食到一半，氣沖沖地埋單走人！事源我地一早訂左枱，因為工作關係，我和另外2位先到，所以打算叫一碟蒜蓉炒白菜，食住等！點知等左好耐都未有，同學都到齊，當然係點湯底啦！又等左接近半個鐘，湯底到，先講個湯底，感覺好似用雞粉開水一樣！第一碟肥肉到，3分鐘唔洗，KO了！第一碟肥牛尚算可以，又等左接近半個鐘，因為每碟配料都逐碟上！OMG ! 這可以算是打邊爐嗎？差不多上第三碟配料，個炒白菜先到！之後第二啲肥牛終於到，可惜第二碟同第一碟差太遠！無論係色澤同牛嘅紋路都唔會完全唔一樣！好似放左隔夜咁，唔新鮮又冇牛肉味！個時候，發現外面有好多人等位！我地都未叫埋單，個侍應竟然上生果俾我地！好似想趕我地走咁！結果我地好嬲咁叫埋單，搭的士去尖東食日本嘢！

星期四Day off一大班人聚會不知道吃什麽好，有朋友提議吃火鍋，上Openrice看了這家感覺不錯。我們同行8個人，8點半左右到店。要等位大概等了15分鐘，服務員帶位。見食評推薦必點招牌手切肥牛冬瓜盅真的很清甜，整個冬瓜原只煲，喜歡食冬瓜的我，一直吃冬瓜盅裏的肉，因爲煮的時間夠久，冬瓜已經很軟身，一入口即溶招牌手切肥肉真的很讚單看色澤便覺得新鮮，一片片切得很均勻，肥瘦平均，一下鍋很快已經被朋友們一人一片搶光。

昨晚無野好做，決定搵間火鍋烚下烚下，打發時間先叫左個星皇湯底，用火腿紅蘿蔔雞腳竹笙熬出, 聞起來很香試飲了一口，覺得偏鹹，略嫌鮮味不足猜想它用來涮完各式肉類後，應該會更好喝但當時吃飽了，又忘了再試(蠢左了)值得一提的是，他們之後都是用原湯不斷添加沒有用水或其他上湯，很好全晚主角當然是牛肉我自己同家人全是牛魔王叫了一碟牛脊，一碟牛邊，再加一碟牛肉粒, 真的很好吃，尤其是牛肉粒，轉眼便一掃而空另外叫了一堆火鍋料, 覺得都還OK啦，份量偏少，但都算幾新鮮服務員態度親切，不過就相當迷糊,整晚不停端來我們沒有叫的東西，教人哭笑不得會再去食~~~