牛車水餐廳 (已結業)

前兩日同媽咪去左長沙灣間牛車水食晚飯,d野食都ok,不過d人就麻麻地,食食下野無啦啦聽到個收銀大大聲同d樓面講野,講埋d唔知咩話,人地都唔show佢,淨係笑笑口/應一兩句就走開做野,佢仲繼續大大聲係咁講,已經開左電視,搞到成間餐廳勁嘈!!!所以真係要去o個度食野既話,食完就好走,要傾計聚舊就唔適合喇!!

基本上套餐份量大到可以分兩餐特別是扒類和豬手魚類就咸到死,高血壓者勿試餐湯又稀又咸...但個包就唔錯,夠軟夠熱雖然食物質素麻麻,但勝在卡位多又闊落坐得幾舒服,可以慢慢食員工基本中年以上,有種做又三十六唔做又三十六既款只係企埋一邊唔係好SHOW你,服務態度差勁~~

點野食前明明見到人地塊扒好,薯條又粗...點知叫左鐵板餐,扒又細左,最出奇嘰係薯條幼左??? 個海鮮拉麵都唔似拉麵(唔知咩麵黎ga)海鮮係得1舊炸帶子+超細粒嘰海鮮粒粒'''仲有就係點野嘰時候,舉哂手都唔show你...(收加一)

前幾日早上第一次去呢間食早餐，入到去地方都好大d位都幾舒服，叫左個牛油多士/腸仔/炒旦/煙肉+凍啡餐:先黎凍啡-好夠味而且不太甜牛油多士/腸仔/炒旦/煙肉-成個set份量一般，外觀不錯，多士and煙肉都幾脆口。整體感覺不錯，可能早上人不多，d侍應都幾有禮貌。

我同老公唻帶埋個大女兒, 入門口喺冇人招呼之餘唔知仲乜地下有D水定油, 好'洗', 我當時有BB個肚鑼咁大, 好彩冇跣到.發現全店都係可吸煙的,我見煙霧迷漫已經想走, 但記得啱啱行過附近的食店已關門, 又見呢度有卡位有電視睇就是但啦.我哋叫咗白汁海鮮焗飯餐同什扒鐵板餐: 個餐包'叮'過龍,好韌; 焗飯得幾粒迷你的魷魚同幾塊迷你的魚肉, 咁就叫海鮮?! 什扒鐵板餐個鐵板唔熱,食物味道一般.到埋單, 我習慣自己用手機的計算功能計一次幾錢, 我明明計咗連加一合共$89.1 ($39 + $42 + 10% service), 但個伙記大叔話$97, 但都俾了一百蚊佢埋住單先. 到找錢, 佢冇俾receipt我, 我就叫佢俾張單我睇, 點知佢好惡咁話: "你叫兩個餐呀嘛, $42蚊一個, 再加一咪啱囉!" 咁我計吓, 如果$42蚊一個餐, 咁加埋一都係$92.4, 何來$97?? 我同返個大叔講, 佢竟然走開唔理我...我叫set之前係睇得好清楚焗飯餐連飲品$39, 而鐵板餐連飲品$42, 我老公都記得.呢間餐廳真係好唔掂, D嘢貴又唔係好好食, D員工全程'哎'係D卡位隔離睇電視, 有客叫都

有一次陪家人去食,叫左2個海南雞荷葉飯,食到我同家人口都歪埋,入面個炒飯好干身、好大冰雪味....我同家人都食左一半就放棄了!有一次就陪女朋友去食,大家都叫左個牛扒,食落比起個荷葉雞飯好好多,都算ok架!服務員好唔得,叫足幾次先有人理你,落單舉到手軟都無人主動理你,要大叫唔該先會話來來來,埋單又係禁!30幾蚊,有餐湯有野飲都算係禁,不過以後去我都唔會再叫佢個荷包雞系列,太難食啦!

叫了個$22的早餐:炒蛋多士拼吉列魚柳+熱好立克~炒蛋完全好唔掂,炒到成塊蛋皮咁薄,都唔知個師傅識唔識炒蛋架,失敗! ~多士又唔脆,又唔熱,食落口仲un添,好唔得! ~唯有塊吉列魚柳,新鮮熱辣,d魚肉都好滑,炸得好脆口,一d都唔油膩,都幾好味架!

今日同朋友看完醫生,近近地就選牛車水(荔枝角道分店)啦,一來見坐滿晒人,二來價錢平.叫了2個餐:咖哩牛腩,珍寶腸拼豬扖,凍0茶及熱啡.咖哩牛腩好香咖哩及椰汁味,不過完全唔辣,而牛腩就有D好硬,好D又好淋,淋到梅咁,但都總算份量夠大.珍寶腸拼豬扖,條珍寶腸好卜卜脆,不過係細條個隻,豬扖2大塊,不過又唔夠淋,切得好辛苦,最好係個黑椒汁,濃度剛剛好,又夠辣.成個餐我最滿意係碗羅宋湯,辣辣地,甜甜地,又有好多菜,呢個最好味道.

Before going in, Kreta Ayer seemed like a better than average restaurant compared with others around Lai Chi Kok.When we sat down, we decided to order some set meals from their menu, firstly it was hard trying to get a waiter to come over, when he finally came over, he told us not to order the set meals from the menu as it would take a long time. So we ended up ordering the Daily Set Menu. I ordered Black Peppered Beef with Rice, which came with soup and drinks. Actually personally I felt their

個日午餐要左個炒貴刁，係餐來，有湯同野飲，三十幾蚊唔算太貴，不過炒貴刁味道同賣相真係麻麻，比起好多茶餐廳要差。

某個晚上, 約了一個朋友spent time, 於是帶了我的friend去o左這處食飯。一開始的感覺挺舒服, 於是我們也叫了一個快餐, 一個咖哩牛腩和芝士焗蟹柳意粉。味道一般, 不過勝在有湯, 有餐飲都是位位$32(但要加一), 但個D待應服務就不太掂, 全被電視節目吸引, 叫極都沒有反應。-_- 所以如果你路過, 又想平兼可以填飽肚子, 可以考慮, 但一如果一班人或趕就走多兩步吧!

食lunch都要四十蚊仲要係碟頭飯，好嗱利哎．賣相唔吸引又唔好食兼且價錢貴，我唔會再幫親．

05 年4月前未加價下午餐有好多款,各炒粉麵飯咩都有,串燒沙爺,焗蝸牛共100款佢地都唔會整定晒完全係即叫即整份量仲好大碟大部份都係$20不過而家加到$25之後就有去喇

到此區開會至八點，被同事拉了入此店吃晚飯。兩個男人，點了咖哩雞飯（$48；連羅宋湯、餐包）、唐生菜燴草菇（$32）、半打串燒（$30；雞拼豬）。合共$121，夠飽，但食物質素麻麻。 1. 羅宋湯和餐包乃一般舊式茶餐廳風味，味道一般。 2. 咖哩雞飯：咖哩和飯是分開上。咖哩汁香但不算濃。料甚少，只有三隻雞下腿、兩小片洋蔥和兩小件薯仔，相當求其。飯量甚多，近兩飯碗！（汁料還可以，但餸和配料少，則是致命傷！連加一要五十三，如斯質素，好貴！） 3. 唐生菜燴草菇：約三棵唐生菜和卅粒草菇，量其實唔少，味道一般，略油！ 4. 串燒（$30）：雞肉肉質粗糙；豬肉夾雜肥膏，好油膩！幸好配菜有青瓜塊。沙爹醬味道一般。（直覺告訴我，此店的串燒不是燒烤，而是以鐵板煎或者油炸出來！）服務態度麻麻，食物質素有待改善，環境陰暗，令人坐得好唔自在。雖然份量唔少，總覺得那碗咖哩雞有些唔老實，無下次！（俗D 講句，叫做「掠水」。）

一入到去,冇咩人,很容易就坐到單邊卡位,叫了三客鐵板餐,雜扒同兩份牛扒(冇問要幾多成熟),好快就上晒枱,但是全部都是凍冰冰,本人到熱食要求甚高,但如果不是太過份,我們也不是太過份,佢連小小煙都没有,但又不知用咩理由同佢講再整過,一陣面黑加料仲死啦,於是各人只吃了一半便離開,踏出依個門口,就咪指意我地再來幫襯,價錢也不是平呀,大家樂仲好過你啦