牛陣 (形點 II)

营业中

休息中

今日同屋企人出咗嚟食飯，經過牛陣見到佢個泰式火鍋，竟然用冬陰公湯感覺好特別，阿媽話特別想食所以就入咗去啦。我地點左個澳洲上等牛餐。呢個台式火鍋好特別架，完全比你自己DIY，又有得玩又有得食。首先你要將啲油膏放落個獲到炒兩炒，跟住再放埋啲配菜，將佢爆香，跟住再放埋啲海鮮落去爆香佢，咁就可以到啲冬陰公湯落去㗎啦，等個湯滾左之後我就梗係唔好浪費飲咗一碗即製嘅冬陰公湯先啦，充滿泰式風味嘅冬陰公湯，酸酸地，最貼心嘅係佢俾咗啲辣椒仔你，辣唔辣任君選擇。之後嘅牛肉豬肉都係任食架，今次難得仲多咗有牛舌，肉類切得好薄，六滾兩滾就食得，牛肉好重牛嘅香味，而且脂肪均勻，牛舌就爽口彈牙，豬肉都好嫩滑嫁。志在區嘅配菜都好多選擇，而且好新鮮，配上個冬陰公湯底去打邊爐，真係好友泰式風味㗎。仲要連雪糕都係haagen dazs嫁到咗最後仲有甜品送，竟然係芒果糯米飯嘅雪條啊，嘩呢個泰國餐真係好有泰式風味喎，連甜品都做得咁特別。

成日都同朋友和家人黎食牛陣，因為大家都喜愛牛陣的日式壽喜燒湯底，係其他火鍋店少有的湯底。我們今次選擇了$198的嚴選牛肉，這個價錢剛好可以包含飲品放題。牛是要向店員order的，而其他配料如丸類、蔬菜則是自己出去夾。打完邊爐仲有甜品環節☺️可以任食Haagen-Dazs雪糕。

看完早場，懶得回家煮午飯，索性快快找又平又抵食的午餐，吃完回家小睡。這種情況下，難得找到任食火鍋放題，不容錯過。午市放題有三個選擇:1. 60分鐘放題，只可選一盤肉類，其他配料及雪糕任食，沒有酒水提供；2. 60分鐘放題，任食肉類、配料及雪糕，包一罐飲品；3. 90分鐘放題，任食任飲。(當然價錢有貴有平，視乎肉類品質自行選擇。)今天的肉類有牛及豬； 配料有不同丸類、芝士腸、芝士豆腐丸、不同的菜類及菇類。湯底為日式清湯(其他的要加5-10元不等)午餐來說，這些價錢、限時及數量，放題來說: What do you expect. 只可說飽足滿腹。其他的都是次要了。

放假總是過得比較瘋狂，久未回港的阿爸前晚跟親戚門竹戰到天明，回家後又遇上狂風暴雨，沒啥好做就先睡了。下午才起床，天氣還是很不穩定，決定到商場解決午餐（已經是四點啦，該說是下午餐）。商場爆多人，所有食市都等位中，見牛陣不用等就來打個邊爐吧。原來午市有60分鐘的放題，選了肉只有一份的那款餐（$69），午餐不用吃太多啦。坐低後就開始計時，60分鐘是有點趕，但足夠吃個飽了。湯底只可選清湯，亦不包飲品。哈哈，還沒拍照就已經把豆卜掉進去了。牛肉是普通美國牛，是肥了點，但呢個價錢無挑剔了。豚肉片更靚，不肥且嫩滑。自助bar裡的東東全部任食，正好食多一點蔬菜，呢個芽菜苗好新鮮。蟲草花，蓮藕片點少得。雜丸腸仔等，粒芝士魚腐好味喎。趕時間就梗係一次過淥哂佢地啦，仲有秋葵，羽衣廿藍等，超抵食呀，自己買都唔平，仲要洗喎。最後食埋哈根大師，是日有咖啡，焦糖，朱古力味，完滿。加埋一都唔使一百蚊個人，食到飽到上心口，正呀。

一向食開牛涮鍋的我，今日係元朗落左車，見到有間牛陣而且魚用排隊，所以便入去試一試。飲品只有罐裝，不像牛涮鍋般有鮮橙汁，有點失望。但有一點牛陣比較好，就是可以選擇麻辣湯底，岩晒喜歡麻辣既朋友。牛肉質素普普通通的，而其他配料也不特別。

今日專程黎到Yoho Mall行街街，目標係某品牌嘅涼鞋，買左嘢出左血，喱個午餐要食得經濟啲<自我安慰中😂>路過見到牛字系列嘅火鍋店..... 望下價錢又幾合理喎，90分鐘，99/位，包一罐飲料 ，指定湯底-昆布清湯，👍🏻👍🏻，我喱啲甘鐘意任食，放題嘅人，緊係立刻入坐啦😂可能午餐關係啦，人唔多，好舒服店內職員非常熱情主動，環境都好乾淨企理👍🏻所有食材都好新鮮乾淨昆布清湯，味道帶點甜牛肉，黑毛豬肉片切得薄薄的，味道都幾好有兩款熱食，咖哩牛肉，關東煮前菜，涼拌雲耳茶，水自助重有一款甜點，豆腐花喱度有H字嘅雪糕，👍🏻👍🏻以喱個價錢，環境，食品已算一流👍🏻

第一次食日式自助火鍋, 點了個普通日本和牛, (HKD289/位, 要加一)湯底點了雞白湯, 入面真係有幾件雞的. 加了蘿蔔, 粟米 和虫草花 落去, 個湯底越滾越好味. 一來就俾個海鮮拼盤, 和牛, 豬肉, 牛舌, 海鮮拼盤的蝦, 蠔, 帶子, 都好鮮味.和牛望落有點肥, 但淥了之後又OK.豬肉, 牛舌都係薄切, 淥幾下就食得.到淥晒頭輪的肉類, 湯面已經有層油, 用來淥菜就一流, 特別係羽衣甘蓋.然後追加了和牛, 豬肉, 牛舌各一,  好快送來. 水準同頭輪的相約, 任夾的配料就係大路的丸, 豆腐, 菜, 較特別的係有羽衣甘藍 / 海帶 / 虫草花甜品係H雪糕, 但幾硬身, "畢"雪糕要花點力氣.環境 : OK啦, 冷氣OK, 但我們被編係坐在門口位, 都有點熱的.二人台OK大的, 但如果一次點了幾種肉的話,就會覺得無地方放嘢了.招呼 : 落單後都叫做快手送來的.價格 : 289加一, 出品算唔錯, 值得甘的價錢, 而且個湯底無乜味精, 食了之後唔覺口渴.

一早book左6位食牛陣（其中一位係B.B.)，琴日兩個大仔先去攞位，我同其他家人隨後到，去到點知見到兩個仔坐緊張4人枱，我book5大1B.B. ，剩番兩個位我地3個人坐？ 重有個B.B. 添，有個高級小小我唔知佢係咪經理嘅男職員對我地講「我諗住有位係B.B.黎 」就算係有個B.B. 都唔係比張4人枱我下話？！！佢竟然咁答我，之後隔離有張6人枱嘅顧客剛走，另一位普通職員立刻話轉枱比我，我心諗你唔轉比我，我即刻走啦！ 離晒大譜！！！好啦！轉左6人枱後，開始食野，食到差唔多尾聲，先發現最底部嘅一碟豚肉，d肉色變紫有一點點添，我想影低時，剛巧頭先話幫我轉位嘅同事發現我猛咁望住啲肉，佢見唔對路就話換過俾我，我即時話唔使，重諗番頭先食咗其他嘅牛，都唔知有冇問題添！成晚食左等於冇食！埋單1,600 比起上次去另一間牛x ，人地好食好多，雖然係薄d，起碼叫左好多碟肥牛，抵番條數啦！呢間牛陣，我唔會再去！！

入到去坐底覺得好焗，我地個位偏入，無冷氣，開左風扇都無用。隔離枱又有人嗌交，又比個射燈曬住，又嘈又焗真係好暈，好難專心食野。我地叫左柚子鹽湯底，以為好清新，其實都係普通咸味，豬肉同牛肉都幾好味，食食下都叫左好多碟。啲丸類同菜要自己出去拎，菜方面有少見嘅羽衣甘藍，不過好苦唔啱我食，仲有秋葵都好少見，另外啲芋絲係一條條散修修咁，無扎住好難食。食物唔算多選擇但就幾特別，食到好飽。基本上無咩服務，環境一般又唔平，下次未必會再食。

我地夜晚9點幾10點去食,去前打電話去問左收幾點,距地話收11:30,食到11:00左右嘎時候,我地坐最入面,突然有個阿姐行入黎應該係想收臺然後黑口黑面甘好大聲對翻出面話：距仲係度食緊啊,好似話緊俾我地聽距要收臺甘咯,然後我個bb扭計喊,我只不過系bb車抱起我個bb,然後就有個男經理走埋黎冇啦啦話幫我推架bb車出去門口喔,甘姐系咩意思？真系超級趕客咯,係唔會在去食咯,sorry

冬天就係打邊爐既季節，同BABA MAMA唔想煮，就成日去唔同地方打BINO~今次就揀左YOHO MALL既牛陣，我地都係第一次黎食去到見到原來佢推出左一個新湯底，叫冬戀美鍋雖然有少少貴，但見佢話湯底係自家制，D肉又高級D，就揀黎試下啦~店員介紹係濃厚雞白湯，佢又真係愈煲愈濃WOR~ 店員建議我地落肉前飲一碗先，真係好濃郁啊~同埋好大隻雞係入面可以食埋~ 佢地仲話女仔飲會美顏TIM~所以我都飲左2,3碗HAHA第一樣食既肉就係美人和牛，第一次食邊爐放題既牛肉係咁多雪花啊~一片片切得厚薄適中，雪花同肉既比例岩岩好可以話係入口即溶之後食左黑毛和牛肉同埋穀飼牛肉，牛肉都算靚既，但唔夠美人和牛咁入口即溶色水都差少少，真係有級數之分!係咁食肉都飽了~ 原來個餐包埋甜品，係一個水信玄餅一個透明既半圓型咁~ 落埋黑糖好好味~

趕客食肆。。。也許都係打份工，原諒個伙計。。佢地上牛肉速度好慢。叫2碟上1碟。仲係好薄。明明90分鐘，我地唔計落單同上菜，可能只有60分鐘，等待時間都係食菜同腸仔等呢d野。如想食得充實，可一路食雪糕甜品，一路等。差唔多夠鐘，會有個惡煞幫妳關爐收台。見妳抹嘴同塗唇膏，會派幾個人望住妳，同埋會係妳面前同客講張台有人未走。雖知時辰到，但感覺不良好。也許是香港速食文化。牛肉質素一般。薄同多根。除左第1碟靚。ps 我叫2百幾一位果d.

啱啱同男友去完鹿兒島回來，成個trip其中一餐最回味嘅就係食鹿兒島黑牛，估唔到牛陣都有得食，仲要係任食！所以2017除夕慶祝就近近地去佐YOHO MALL 形點分店嘅牛陣食。牛陣新出咗冬戀美鍋，個湯底係好濃郁雞白湯，乳白色，質地濃杰，入面仲有大概半隻雞件，誠意十足。打邊爐前先飲幾碗，雞嘅鮮味好濃郁，而且每一啖都充滿骨膠原，滋補美顏。呢個火鍋最大嘅gimmick就係可以任食美人和牛，即係鹿兒島黑毛和牛後部肉。牛肉紋理平均漂亮，擺入鍋滾10秒左右就食得。和牛肉質軟腍細嫩，我哋足足食咗3大盤！除咗鹿兒島黑毛和牛，仲有牛舌任食，牛魔王大滿足！豚肉都好有驚喜，雖然切得比較薄身，但肉味好濃，用料好靚。我最鍾意美肌蔬菜籃，有唔同類型嘅蔬菜，例如金菇、小棠菜、大白菜、油揚蔥卷，配埋乳白色嘅鮮甜雞湯，味道好夾。比較特別嘅係美肌蔬菜籃入面仲有手打雞滑，口感爽彈！以上全部都有得encore，除此之外，仲可以去出面嘅自助區索取其他火鍋料，包括：不同嘅丸類，如：龍蝦丸、海膽蟹子丸、芝士腸等，還有蔬菜，如：番茄、秋葵、娃娃菜、油麥菜等，連羽衣甘藍同蟲草花都有，選擇好多。飲品當然都可以任點！最後唔少得甜品，呢度又係

做冬同屋企唔想煮, 就近去左牛陣打邊爐見到佢出左新既湯底套餐, 同屋企人受唔住引誘就揀左呢款喇!同平時既放題套餐一樣, 餐內包既肉可以任叫, 出面既野食就可以自己出去夾, 醬汁都可以自己調配湯底揀左冬戀美鍋, 係自家制濃厚雞白湯,色澤乳白,入口好濃郁,但又唔膩,就咁飲都得, 每一啖都有骨膠原, 女仔最岩, 煲落仲會黏附哂係肉上面, 吸哂d 味另外必推美人和牛, 即係鹿兒島黑毛和牛後部肉, 入口即溶, 含有豐富蛋白質同維他命B2, 滾10秒到就可以食, 個人覺得不停encore 呢款就好滿足另外推薦豬肋肉, 切得好薄身, 所以都係滾一陣就要拎上黎食, 唔係就會un 喇, 一樣肉質好新鮮, 完美吸到湯底味道, 不得了另外仲有菜籃, 入面最特別手打雞滑, 蝦滑個d 食得多, 雞滑第1次食, 配合埋雞湯, 真係好想講句好有雞味啊~~ 又有咬口, 真係唔錯!最後有個水信玄餅, 配埋黑糖同黃豆粉食, 一次就愛上喇!

等了差不多一個小時終於入得去了一入到去個肚已經係極餓好彩上菜既速度都算快美人和牛牛很新鮮，顔色鮮艷，雪花像斑點一樣在牛肉上，便知質素一定係上等靚牛放一放在鍋內不消10秒就已經見到變了做深啡色，表示已經可以食得，一入口，嗯～的確有種和牛既香氣，而且肉質很嫩滑飲品方面選擇亦多，有汽水果汁任選擇，只需要叫店員幫手取便可，服務一流其他的食物都放在食物BAR上，都是任取的普遍來說比起其他的放題店更高質在食材吧上發現了這個有趣又罕見的食物，便是黑糖冷奴，外形有點像豆腐花，自助的設計令我地可以一嘗片豆腐花的感覺點埋個黑糖醬才有味道～很特別的甜點