影片
港铁旺角站 E2 出口, 步行约1分钟
继续阅读
电话号码
23871118
66962382 (WhatsApp)
开饭介绍
价钱亲民的一人主题日式烧肉店，供应的肉类以牛肉为主，提供不同分量照顾各类型食客需要。另外亦供应面食及拌饭，带给大家更多选择。
继续阅读
营业时间
今日营业
11:30 - 23:00
星期一至日
11:30 - 23:00
以上资料只供参考，请与餐厅确认详情
有关奖赏计划
1062 浏览
有朋友推荐我终于去左呢间牛魔，以一人烧肉为主，话说我未曾喺香港嘅一人烧肉店，佢话个情人节套餐好平之余，仲有NMN送，话呢个牛魔YAKINIKU MOREx伊胞CYTOLOGICS双情人祭二人烧肉Set，有朋友超推介呢个餐，只日本出嘅NMN好唔好我未知，但我纯粹觉得个餐都几吸引，于是第二日走咗去食。有日本和牛西冷，海鲜，黑毛猪五花位，鸡肉，仲有饭有汤有沙律，如果二人胃口不大，分分钟食唔哂，$398，其实都几超值。加钱可以要特别野，叫左个蟹黄饭，仲有海胆饭，全部唔止睇落好食，味道都好唔错。另外试多个牛魔三重盛宴，牛舌，牛五花，牛板腱嘅套餐。牛舌好食到要再加。当日见样样好食再加串烧，牛肉他他等等，全部合格有余。怪不得呢类一人烧肉餐咁流行，观乎平日的下午有劲多中学生，可见想食好烧肉而又唔太贵，牛魔YAKINIKU MORE系一个几好选择。惊过左情人节无呢个set？唔惊呀，而家promotion 做到下个月白色情人节，白色情人节就送另一款适合男士嘅NMN，平时简单食下好野又唔贵，去下啦。
继续阅读
估唔到1人烧肉都咁高质😳嚟到旺角「牛魔」谂住简单食个快饭，点知俾佢个M9和牛肉眼吸引咗！仲可以加配甲罗烧，咁啱有2人枱立即入去试吓😋M9和牛肉眼&西班牙黑毛猪颈肉套餐 ⭐️⭐️⭐️⭐️⭐️呢个餐要加肉先够喉，M9和牛烧2烧就食得刚刚好，肉味浓入口会化开，配少少盐已经好好食😋黑毛猪颈肉够晒爽口啖啖肉，唔好牛嘅可以食猪颈肉一样咁正👍🏻牛舌牛五花牛板腱套餐 ⭐️⭐️⭐️⭐️⭐️一次过满足3个愿望嘅set，如果三心两意可以叫呢个餐呀～朋友话一场嚟到所以都叫咗加大，肉片加至250g劲丰富😍牛魔兰王紫菜月见拌饭 ⭐️⭐️⭐️⭐️⭐️基本上兰王蛋拌饭就无得输啦，配埋紫菜就更出色❤️加少少钱就有更好嘅享受认真值得呀！蟹粉蟹黄兰王拌乌冬 ⭐️⭐️⭐️⭐️蟹粉蟹黄另外上，我问店员攞多只碗仔，钟意拌几多落乌冬都可以！蟹粉蟹黄鲜甜好正，不过感觉同乌冬未算最夹，下次试埋拌大光面先得！日本原只甲罗烧 ⭐️⭐️⭐️⭐️⭐️见到有得加配甲罗烧，唔谂啦即刻加！蟹膏好甜好鲜味🦀用来配少少饭食一流呀！牛魔黑松露和牛他他 ⭐️⭐️⭐️⭐️⭐️估唔到一人烧肉都有高级烧肉店先食到嘅和牛他他🐮生和牛粒拌上酸酸甜甜嘅苹果，加埋黑松露好惹味，配埋和牛嘅油脂真心推介！串烧：鸡肾及鸡软骨 ⭐️⭐️⭐️⭐️⭐️食返串串烧令今餐更加完美，脆口鸡软骨调味唔错，鸡肾亦唔会有内脏腥味值得一试呢！
继续阅读
餐厅：牛魔一人烧肉地点：旺角豉油街菜式：日式烧肉餐牌：一人烧肉套餐一共有15款，分100/150/200g，价钱唔同，包御饭或者迷你乌冬，牛骨汤同沙律。御饭或者迷你乌冬都可以升级，可以加钱追加烧肉/小食/饮品等。落单用QR code。M9和牛肉眼牛肩肉套餐(和牛自慢系列) 200g $188M9和牛肉眼两大片，切得够厚身，带少少肥膏，烧一阵就食得。食落好有牛味，而口感嫩口，正！牛肩肉有六件，好厚切，脂肪唔多，食落啖啖肉。跟有柠檬角比你自己调味。牛舌，牛五花，牛板腱套餐 250g $168牛舌牛五花各六片。牛舌好有咬口；牛五花就嫩口唔太肥。牛板腱就有四大片，好薄身。好欣赏呢度酱汁好flexible，可以从9款酱汁当中自选3款，好贴心。呢度肉类本身冇加酱汁，所以自选酱汁好重要。苹果烧汁，焙煎胡麻汁，黑松露烧汁我拣左呢三款就真系唔错。黑松露烧汁真系带微微黑松露味道。焙煎胡麻汁好厚身。而苹果烧汁比平常烧汁淡少少。同行友人就拣左苹果烧汁，柚子烧汁，柠檬盐。跟餐沙律系简单杂菜加粟米粒沙律，酱汁系黑胡麻酱。跟餐牛骨汤有昆布，豆腐粒同葱花，唔会太咸。迷你乌冬大概有一碗份量，汤底呈奶白色，加有葱花。手拆纯蟹粉蟹黄兰王拌饭 加$58手拆纯蟹粉蟹黄兰王拌饭有满满手拆纯蟹粉蟹黄，中间一只橙红色大大兰王！蟹粉蟹黄捞有蟹肉加葱花，味道好好唔过咸，料够捞嗮所有饭。凤梨特饮，柑橘特饮 各加$15食烧肉点可以唔要冻饮？柑橘特饮同凤梨特饮都有粒粒椰果可以咬，而柑橘特饮味道清淡，都够解渴。凤梨特饮就甜少少，不过都唔会过甜。总括而言，特别钟意M9和牛肉眼牛肩肉套餐，个炉够劲，烧肉时间唔洗太耐，而且食完唔会成头成身油烟味。值得一赞系每个座位都提供较剪方便自己将烧肉剪细入口。餐厅新装修，环境干净卫生。
继续阅读
今日嚟到旺角，唔知食咩好，见到呢度有铁板烧牛肉就胆粗粗入咗去试，有晚市套餐，都有惊喜嘅。晚市套餐嘅食物好多元化，有前菜主菜，配菜，饮品，非常之丰富。我哋试咗A4和牛西冷牛小排套餐。有超重牛肉味超新鲜牛肉可以铁板烧，套餐手折纯蟹粉蟹黄兰王拌乌冬！蟹粉蟹王好香好鲜甜，再搅匀只兰黄蛋真系十分回味！另外有沙律同埋拣咗椰菜拼盘，晚市套餐真系好多元化食得好满足。不得不提嘅系店内嘅服务员态度都十分有礼，服务好殷勤！
继续阅读
最近爱上左食一人烧肉😋套餐最平$48就有，真系好抵😍平时一个人又想食烧肉自己一个炉烧得好自在🤣今次同朋友各试A12同A13餐😋好好味🥰我要试晒依间店全部餐😋🤣牛肉块块都好靓🥰肥瘦均匀👍🏻Food list🍽️A12 日本A4和牛西冷&牛小排套餐 $138拣左柠檬盐、柚子烧汁、生姜烧汁😋A13 日本A4和牛西冷&牛板腱套餐 $138拣左黑松露烧汁、苹果烧汁、柚子胡椒汁😋手拆纯蟹粉蟹黄兰王拌大光面 $78只蛋好靓，将蛋同面混埋一齐好味啊😋手拆纯蟹粉蟹黄兰王拌乌冬 $78蟹粉蟹黄好大碗又浓郁好满足😋食到丝丝蟹肉！日本甲罗烧 $78/2只蟹膏好浓好香！乳酪特饮 (跟餐+$15)柑橘特饮 (跟餐+$15)
继续阅读