牧羊少年咖啡館 (K11購物藝術館)

营业中

休息中

假期同朋友係尖沙咀食完lunch唔係好夠喉，甜品癮又起，朋友又指定想食窩夫，就黎左k11呢間cafe食，好彩岩岩過左lunch time, 就算等位都好快有位坐京都春日🍓草莓窩夫配雪糕（二人用）$108雪糕原本係雲尼拿味，點餐果陣見到有得轉朱古力味🍫我地更加鍾意🤣份量真心大份，有4大塊窩夫🧇，配上2球雪糕🍨，鮮忌廉同新鮮士多啤梨🍓顏值100分🥰窩夫食落仲熱騰騰，口感鬆軟，微微蛋香，好怕食到啲烘得勁燶/乾到脆既窩夫，配上凍冰冰既雪糕，形成冰火二重享受😎新鮮士多啤梨都幾新甜唔酸，將生果配上雪糕同窩夫同時入口，多重口感，甜度適中，值得一試再試😋

☕️玫瑰鮮奶咖啡好少飲Cappuccino 原味以外既口味，於是叫左杯有玫瑰🌹味既Cappuccino 試一試。 咖啡唔算太濃，岩曬想提神又容易入口既人選擇，同時又可以品嚐到淡淡既玫瑰香味，都幾特別飲得過既，入口好順滑而且拉花又靚，好滿意😎🧇士多啤梨🍓雲呢拿雪糕忌廉waffles份量好夠，好大份，兩個女仔根本食唔曬，食完飽到上心口。一次過滿足曬我食甜品既願望，有齊水果士多啤梨🍓兩球雪糕、一大pat既忌廉、果醬、四大片既waffles，雖然好邪惡，但食完好滿足🫠 🍝蘆荀蘑菇青醬雞肉意粉第一次試呢款意粉，青醬都幾好味🤤味道好開胃，兩條蘆筍好嫩口，煮得都幾淋易入口，唔會食到渣，雞肉好嫩有汁唔會乾，意粉煮得岩岩好，唔會太硬或太淋。 整體好滿意，價錢合理份量大份足料，環境坐位又舒服😌，服務員有禮貌服務好，呢個加一服務費抵比！下次會再幫襯～～

Alchemist’s cafe using wood themed style has a nice and comfortable environment, you have to wait a while if coming at lunchtimeOrdered Spaghetti with mushroom in black truffle cream sauce which surprised me quite a bit, the taste is so rich of truffle cream, lovely and complex flavor, indeed in good quality, even no meats insides though you can finish the whole plate without any doubt haa, lovely and relatively healthy one haaTom Yam Seafood Spaghetti tastes good too and it’s good not having hi

由少年食到變中年，當年係太子總店開嘅時候，唔等返個零鐘都無得食。尖沙咀排隊嘅時間短左好多👍🏻兩個fd 都話要減肥，所以只係叫左一份all day breakfast、一份沙律 同一份甜品。但份量唔少，都食到好飽～1.英式早午餐：一個人食嘅話，一定會飽到上心口。三文魚幾新鮮，仲有香草腸，好香口，仲有堅果乳酪，開胃得嚟都好夠飽。2.牛油果香芒烤雞沙律：牛油果未夠熟，硬左少少，但芒果夠甜，烤雞都唔錯。3. 士多啤梨窩夫，有四大塊，三個人食真係超飽～～～而且好滿足野食整體ok ,但野飲就無咩特別。4.京都春日（後）：即係甘筍🥕汁，甜甜地，好杰身，非常足料。5.荔枝椰子沙冰（前）：椰子沙冰唔夠椰香，差少少。但賣相好靚，適合打卡～6. Flat White：普通

牧羊少年咖啡館 (K11購物藝術館) (尖沙咀)尖沙咀河內道18號K11購物藝術館B2樓27號舖🥳人均：140-160 圖中兩款都係all day breakfast ， 有別於一般市面好肥膩嘅all day, 佢有乳酪配搭，感覺fresh d , 飲品好貼心，可以比人堂食， 都可以食完order 拎走，好彈性😌😌至於小編食嘅係辣肉腸意粉， 有好多塊生蒜片， 反而辣肉腸切片好薄， 覺得人嘅份量可以再比多少少😂😂😂 或者切厚d, 至於甜品就叫左蘋果蕃茄果凍，底下太油， 上面嘅汁就酸酸甜甜。 呢間cafe 好岩三五知己入黎chill 下😆😆😆價錢食小貴， 但志在環境可以比到你傾計又坐耐少少😉

自從同朋友食過一次覺得D野食、飲品和服務都唔錯，而且好近尖東站出口，十分方便，結果一個月黎左三次！我最鍾意❤️冬陰功海鮮意大利粉🍝$118D 意粉索哂冬陰功D 味，好開胃但又唔會太濃，配埋蟹柳、蝦同墨魚仔，全部都係我鍾意食嘅野😋蒜蓉牛油炒砲子甘藍佐泰國露荀 $68每次黎我都會叫呢個菜，砲子甘藍好似個半圓形既波波，咬落去好有口感，蒜蓉味濃，好正！😝灸燒荷蘭汁豬肉排 $78 成舊都係肉冇骨配埋個荷蘭汁好邪惡😈肥死🤭不過好好味，成碟食清哂😂😂飲番杯藍莓奶酪（走冰）紫色睇落又靚，飲落又健康😊 Perfect❣️#尖沙咀 #K11 #牧羊少年 #文青 #Cafe

今日要去 IKEA 買嘢，K11 新開咗一間，近咗好多，就好呢間，順道响 K11 搵嘢食，最後揀咗呢間行到篤篤先見到嘅牧羊少年，印象中有唔少分店，不過我自己就係第一次食。今次我哋叫咗蒜香墨魚汁小八爪魚三文魚籽意大利飯套餐配藍莓奶酪（$132）及英式早午餐配美式黑咖啡（$118），意大利飯味道一般，海鮮有點淡，如果可以重口味一點就好，全日早餐反而有點驚喜，平時食開的全日早餐都冇乜好嘢食，都係剪隻蛋俾片多士，再加啲烟肉焗豆等就算，但係今次呢個唔同，有脆脆乳酪、有煙三文魚，法式多士等等。餐廳冇乜打卡位，裝修有少少特別，係一個半開放式廚房，可以睇住廚師整嘢食，都幾得意。

小妹fd今次帶我去呢間餐廳🍴😋餐廳職員非常友善、有禮貌☺️特別當小她吹完蠟燭後，叫職員幫我地影張相，職員Anna仲幫我地重新點1支新蠟燭🕯️等我地影相📸️更靚😍超級貼心🤘🏻食物質素很好～

今日去咗牧羊少年咖啡館喺尖沙咀K11 Art Mall嘅分店，店鋪就喺地鐵尖沙咀站出口隔離，非常方便。之前食過牧羊少年，所以我知道佢地嘅餐飲有一定水準。今次點咗一個Lunch Set，主菜係龍蝦汁鳳尾蝦意大利粉。佢嘅龍蝦汁非常惹味，意粉口感好正，而且鳳尾蝦新鮮多汁。佢嘅前菜南瓜湯反而可以濃少少，呢個係個人喜好黎嘅。跟餐嘅飲品係藍莓奶酪，飲落真係食到碎咗嘅藍莓果肉。龍蝦汁鳳尾蝦意大利粉 $118藍莓奶酪#尖沙咀 #TsimShaTsui

星期六嘅6點幾左右去到只係等兩枱客都等左大概半個鐘左右🤔下次如果要再排隊我應該唔會食 入到去安排嘅位置係廚房出餐口人來人往 重點行見到有兩枱客都係一個人坐四人大枱😅 另外一邊嘅細枱都有搭枱但唔明點解高枱大啲都唔加隔板 搭枱仲要兩張都係一個人坐😅 食物味道正常不過不失正常嘅cafe水準 成間鋪得一個職員係聽到我地叫佢嘅😂 送錯餐都無人理 得佢理（佢非常有禮貌👍🏻👍🏻 張枱係細到淨係可以擺一樣嘢食😂見佢啲甜品好似幾好味咁但太飽食唔落了 蕃薯條唔錯

一直都聽唔少人推介牧羊少年咖啡館，今次就試咗佢兩款嘢～因為紅日去食，所以都比較多人，等咗20分鐘😮‍💨但食完之後覺得完全值回票價🤣 難怪咁多人推介呢間餐廳！我哋叫咗一個意粉同埋豬肉排拿破崙蕃茄煙豬腿肉意大利粉 $108個意粉一嚟到上碟真係好打卡able，食落覺得雖然個蕃茄醬係偏酸，但係佢啲芝士碎中和左個味，相對來講都幾好食～灸燒荷蘭汁豬肉排 $78上邊會澆左啲芝士，再配合埋佢個豬肉排，好match!! 首先個豬扒咬落去好Juicy, 仲要塊塊都冇筋，加埋啲芝士令到佢嘅味道更加突出！好推介呢款！雖然紅日去到好多人，但尖沙咀呢間餐廳環境都幾闊落。如果平時收工去呢一間食飯都係一個唔錯嘅選擇🥳

同朋友食飯想揀間地點方便嘅餐廳，就揀咗K11嘅牧羊少年咖啡館。冬蔭公海鮮意大利粉嘅配料有八爪魚仔、鳳尾蝦同埋蟹棒，仲有洋蔥同埋蘑菇，配料係足夠嘅，味道有少少酸辣同冬蔭功公香料味，頗為惹味，不過整體份量就覺得偏少，男仔可能未必夠飽...晚市只有單點食物冇套餐，意粉大概$100，另外都有羊架、魚柳等主食，價錢唔算平，但勝在地點方便，用餐時間亦長些少，有1小時45分鐘，同朋友聚餐唔需要急急腳食完就走，時間算係可以接受。

相信唔少人都識呢間有眾多分店既咖啡館，尖沙咀鋪位比較細，每次經過都總係有人係度等位🤨呢日我地等咗十分鐘左右，同隔離檯係近到手踭貼手踭🤣▪️ 英式早午餐（7/10）💲118成個早午餐最滿意既，莫過於係加上咗好多Granola有豐富口感嘅希臘乳酪，酸酸甜甜幾開胃😌核桃杏脯包咬落脆身，食到有核桃但係唔覺有杏脯🥖個炒蛋都頗嫩滑，雞肉腸有肉汁夠Juicy，兩者都係加上咗黑松露，不過松露味欠奉🤪煙三文魚、法邊豆、蕃茄同雜菌都係零調味，整體係行清淡健康路線😅▪️ 蒜香牛油清酒珍珠帶子藍青口意大利粉（7.5/10）💲118藍青口唔係話好大隻嗰啲，但係新鮮嫩口無腥味，仲有啲彈牙嘅珍珠帶子粒，扁意粉煮得岩岩好，洋蔥同蒜味十足幾香口🧄▪️ 鳳梨Lemonade（7.5/10）💲42其實嚟呢度應該要點佢嘅咖啡，可惜我唔太鍾意咖啡🤫自家製菠蘿檸檬汁清爽解渴🍋🔎 整體評分（7.5/10）

咖啡控又出動啦尖沙咀有咩好食嘅下午茶？牧羊少年咖啡館都幾多選擇㗎！質素仲好穩定，食咗幾次都覺得OK，係可以回頭之選今次 order 咗白酒香蒜蜆肉意大利粉配一杯 Latte白酒蜆肉蒜香意粉其實唔難煮，只要蜆肉新鮮，意粉煮得有咬口，啱啱好就可以，我個人嚟講要求就係咁多😌呢碟意粉完全做到呢個效果，蜆肉驟眼睇落都有10隻，完全冇沙 意粉唔會太淋，個芯少硬有咬口得嚟又掛到汁 個白酒汁都煮得好好食，仲有少少 basil 吊返個香草味 杯 Latte 都係有正常咖啡店嘅水準

呢間分店舖面唔大，座位都幾逼，如果想要同朋友慢慢食同傾下計就唔太適合。鮮忌廉野菌三文魚意大利粉，好creamy，都幾好味但份量唔算多，男士可能未必夠食。跟餐有餐湯同飲品，冰果茶都唔需要加錢，套餐$108加1，個人覺得合理。冰果茶，唔太甜，岩岩好煙三文魚炒滑蛋法國核桃杏脯包不過不失，不過係炒蛋內面加入杏脯肉又的確係幾特別，有新鮮感，至於核桃就完全食唔到，只係睇餐牌先知有核桃肉😅個法包唔硬，都容易咬🐒整體來說，OK㕸！