牧羊少年咖啡館 (香港文化博物館)

营业中

休息中

因為星期六日新城市實在太多人所以想搵個寧靜啲既地方睇下openrice見到有牧羊少年位置係文化中心深信比較少人加上之前太子食過 唔太差就決定走去食lu!一入到去 果然人唔多仲有幾張空檯坐低左就叫野食啦!首先黑松露薯條黑松露好出 加上個cream source好正所以推介之後係腸仔拼盤各樣既腸都有 本身覺得有啲怕太單一但係都唔係 因為幾好食XD跟住上左一個明太子天使面同千島海鮮Pizza明太子比想像中多好多3個女仔 最後要打包 (不可以浪費!)海鮮Pizza亦唔差 不過唔係話好特別但係環境上就真心無得彈裝修靚 唔多人 唔駛等位大家可以慢慢傾計所以真心推薦的!

除左樓上cafe，想搵個地方同朋友輕鬆聚會幾個小時都唔容易，推薦沙田文化博物館呢間牧羊少年，可以座幾耐都得，而且食物同飲品甜品質素都好高，每人都係一百蚊左右（大食者例外）特別介紹甜品，waffle大大碟都係幾十蚊，pizza就好脆口，但係意粉飯類分量較少

最近文化博物館有個百物看世界嘅展覽，作為一個文青，當然唔可以錯過，睇咗兩個鐘攰攰哋又餓餓哋，於是到地下餐廳搵食。三文魚籽和風蜆肉意粉蕃茄蓉煙三文魚長通粉明太子鮮蝦意粉我食蕃茄煙火雞胸中東包配薯條，個包好軟熟，火雞胸就薄咗少少，醬汁好味薯條好幼，有點失望四個人都好肚餓，於是試吓香腸拼盤，一共有四款，不過似乎只係粗幼唔同，味道就差不多，配合芥末醬，好開胃 鮮打果茶好吸引，配搭好特別，我就飲士多啤梨芒果綠茶，口味清新，非常解渴

星期日同朋友一行三人，去沙田嘅文化博物館，睇大英博物館藏品展。我地約左下晝三點半等，諗住黎呢間 cafe 飲杯咖啡食個 tea 先慢慢睇。點知一去到博物館，離遠就見到 cafe 門口排長龍，唯有放棄。點知當我地睇完展覽諗住走個時，竟然冇人排隊，我地一行三人即刻衝入去。明明同文化博物館只係隔左一塊玻璃，但一入黎個環境同氣氛即刻唔同哂。由於已經係下晝五點，我地幾個都好肚餓，以 tea 黎講都點左幾多嘢。Manu 上嘅食物同飲品選擇唔算非常多，但勝左咩都有 d。甜嘅、咸嘅、飽肚嘅都有。日式帆立貝鰹魚湯烏冬。除左帆立貝同鰹魚片，個烏冬仲有蟹柳、炸蝦球，好豐富，味道不錯。辣牛油水牛城雞翼。其實只係個醬辣，雞翼本身係唔辣。味道不過不失。芝士薯條。個薯條好大份，大份到可以當正餐咁食。Cappuccino，cafe 黎講算幾好。但朋友係咖啡精，飲開靚咖啡，佢就話普通。雙重朱古力沙冰，濃郁得黎唔太甜，上面嘅朱古力碎好脆，非常好飲。臨走經過隔黎枱，聞到好香嘅 waffle 味，下次一定要試下。總括黎講，氣氛同飲品係非常好，食品都係水準之上，價錢合理，難怪咁多人排隊。

同老公行緊展覽廳就開始肚餓 , 我地有博物館證可以隨意出入 , 預個時間去就腳地面既餐室下午茶 , 不過要喺博物館內既門口行另一邊外圍既門口先係正門 , 要行出正門外攃票等位 , 店員要不時向內門進入既客人講等位要出正門攃票喎 ; 原本安排左我地2人枱 , 但係....櫈都算係正常高度 , 不過張枱既高度就只到膝頭 ,  食野有D寒背....好在問店員下咁啱有得轉正常高度既枱 , 店員都有禮貌既 , 食完個餐繼續上反去睇展覽 !

今日想食素，去咗牧羊少年，選擇冇咩，但有個田園炒蔬菜配烤胡麻醬，似西式又似中式，幾特別，所以叫咗來試。入面配料超多，有甜豆、胡蘿蔔、菇、粟米仔、椰菜花、蕃茄等。有各種口感，一啖爽一啖脆一啖軟滑，好特別，呢幾個配搭亦都帶出蔬菜本身有好多營養，咩色都齊晒👍🏻🥕🌽🥦🍅🍄第一次試用胡麻醬炒菜，原來都幾夾，個人覺得好味過當沙律食。加咗紅蔥頭同蒜蓉炒，令平身味道唔重嘅菜非常香口，本身胡麻醬已經好夠味，呢個配搭非常之好呀！另外想講個份量都幾大份，食完其實唔使主食都飽👍🏻 素食之人下次可以試下！

最近文化博物館會大英博物館展，就緊係要欣賞下。行到攰攰地，博物館入面有間cafe就正好入去hea下。京都春日：有四塊waffle ，外脆內軟。份量多，我同友人兩個人食都夠飽抹茶雪糕原本無大期望，但點知抹茶味出其地濃士多啤梨幾甜，已切粒，配搭waffle更易入口。奈何士多啤梨醬太酸，味道太artificial

5/6第一次同同事食lunch, 食物質數可以，但有幾位店員長期黑口黑面，態度奇差。因沒有任何拍示，我地直接入左去餐廳，初時問左一位店員係唔係要等位，佢答係，之後另一位店員叫我地出去等，仲問邊個叫你等位，對答時黑口黑面態度非常差，唔想再幫趁了。

復活節的下午，返完教會就帶小朋友黎文化博物館玩，免費親子娛樂！當然就係呢間牧羊少年食埋飯，好耐之前食過一次，由於價錢不平而且等位等好耐，所以即使咁近我地都唔會成日來。好彩佢係有禁票排隊機，我地入去玩之前先按票，不過玩得太耐中間miss左個號碼，又再禁過，差不多時間出黎看看再等左一陣就有得入去。餐廳位置唔多，但不知是否因為在文化博物館旁邊，就是感覺很有文化味道，也可能因為餐廳裡有個「百子櫃」、書架、寄postcard服務等，種種加埋就有種書香文化。食物方面其實選擇不多，主要是all day breakfast和一些意粉類，以及小食，最後我們選了一個「英式早午餐」($98), 一個「意式番茄蓉煙三文魚長通粉」($72)及一個「日式帆立貝鰹魚湯烏冬」($70)。這裡叫自己做「慢遞館」，記得第一次來食時的確感覺很慢，但今次快了，幾分鐘仲送上長通粉，有香濃芝士碎在面頭，煙三文魚份量一般，長通粉我覺得可以淋少少好D，但整體味道不錯，蕃茄味濃郁。日式帆立貝鰹魚湯烏冬亦轉眼送上，木魚還在「動」，不過好快被湯弄濕了，我個人認為濕左的木魚係唔好食的，驟眼望都幾多餸，但個湯比較淡，無咩味，而帆立貝比較韌，蟹

在細雨中，我又再次來到這個少年牧場，小羊無論多累多乏，肚子餓了就要吃草。閨蜜選了中東包和咖啡；我則一如既往，吃我的英式早午餐配藍莓奶酪。咖啡拉花很美，也香。閨蜜的中東包超大份量，材料豐富，一點兒也不吝嗇的放了好些洋蔥、番茄。也有足量的薯條和沙律菜伴碟，由於吃久了，咖啡好像有點兒油水分離…她卻欣然將它喝光，中東包質地較硬，有點年紀的她吃來費勁。我的英式早午餐，林林總總的材料，就是煙肉、腸仔、炒蛋、蘑菇…那些，沒有甚麼驚喜；也沒出甚麼意外。我就是那麼愛吃早餐，除了營養甚麼都有…多想無益。煙肉有點硬，無味道的蛋則放久了太涼，番茄是甜美的，蘑菇是淡淡的…不挑食的我仍然心滿意足，縱使今天陽光不濟。藍莓奶酪很好喝，不甜不膩。價錢不便宜，幸好個大。啜得出藍莓的沙沙顆粒，沒有裝飾但美麗，紫紫藍藍的一杯，這是夏天迷人的色彩，躲懶的緩慢節奏…暑假那天來？急不可待。年青的服務員明顯經驗不足，但沒人介意，你知道咖啡館的名字嗎？慢遞！沒有驚人的室內設計；也沒有摧心裂肺的高級價錢，在博物館的一個平凡角落，我找到了夏日回家小住，吃杯冰的感覺。

難得放假就去參觀一下沙田文化博物館，行了一半就到午膳時間！沒什麼選擇下，我們就去了牧羊少年咖啡店。店內環境寬敞，高高的樓底配上長長的吊燈，還有牆上掛了很多藝術作品🖼，令我感受到濃濃的文化氣息。🍔迷你漢堡包三個，令我滿足到三款不同口味😋小朋友至愛！千島海鮮Pizza🍕厚厚的芝士再配上大大的鮮蝦，再加上千島醬，味道不錯👍🏻至於英式全日早餐就沒什麼特別！整體上都滿意，假期來消磨時間都相當不錯！😊

我真係好中意呢家鋪。不過星期六黎又真係幾多人，要時間等位。我同朋友黎呢到食brunch，難得假期。呢到環境好好，係我大圍行過去的。我叫左一個素食的all day breakfast, 同蘋果茶飲。All day breakfast 都幾好食，不過我始終覺得要over 100元係有點貴，但係食得幾開心。餐廳樓底好高，又有名信片等，好岩放假黎呢到hea下。不過我覺得，食物水準一般，以價錢黎講，我希望再大份多少少同好食點。但係餐廳就腳又係大圍，所以都值。已經黎過呢到4次到，會繼續支持。

意粉不過不失，芝士薯條好味，窩夫甜品有驚喜，食嘢環境安靜，可惜太早收、唔係可以飯後專登去食個窩夫甜品。。最失望係炸雞亦，多粉不但知，食落味道好奇怪，有種酸味，最唔推介！

呢日同屋企人去咗文化博物館行下，行到攰攰地決定坐底食個下午茶～就入咗博物館入面既餐廳食等咗大概廿分鍾到入到去好多人呢～啲位有少少迫同大機會要搭枱睇到menu 原來係牧羊少年黎😂 同呢度係self serve 要自己去買飛落order。要咗兩杯latte，黎到個樣都幾靚仔喎，不過好可惜個溫度唔夠熱有啲失望。呢個clam 意粉，雖然食落唔錯份量都正常，不過隻碟有崩位感覺唔係幾好。👌🏼日落巴黎呢個甜品值得一讚，個雪糕質素好好好濃唔易溶，而個窩夫就夠厚身，外脆內軟，不過好可惜既係，佢隻碟又係多處崩咗，真係大殺風景！呢個軟包有跟薯條同少少沙律個包啲料呀味道都係中規中距啦，如果熱返少少會好啲。薯條睇個色水都知又係差少少～呢個下午茶每人百幾蚊左右，對比咁既質素真係差少少

之前都有食過牧羊少年，不過文化博物館呢一間就係第一次食。星期六既下午時段，都幾多人食，要在外等位，之後安排坐係信箱隔離既矮枱。水牛城雞翼配藍芝士醬 $68雞翼比期望中差一點，因為個皮太厚同太硬，入面亦都有D生，好大雪味。芝士肉醬薯條(牛肉) $62薯條不錯，芝士既味真係好勁，非常膩，反而點雞翼個藍芝士醬就幾夾幾好味。拿破崙煙豬腿意大利粉 $68煙豬腿意大利粉，其實即係類似火腿扒意大利粉，唔錯，有D菇，意粉D汁幾濃味，豬腿亦不錯。食物味道不錯，亦唔算好細碟，價錢中等吧，原本看來以為是又貴又細碟的cafe類型，最後都很飽的，可能因為芝士真的很飽。坐在信箱旁邊，看著貼著每一日的日期的抽屜，入面真的裝著了客人寫的信呢，感覺不錯，挺有風格，有機會會試一下慢遞。現場有賣名信片，亦有印仔可以吸在名信片上。PS 不過有幾位侍應常常係收銀處旁大聲傾計，說話又比較粗俗。